MARK 10:43 - Bibəl ta Sar̄

⁴³ Banī majə kadə̄ to i tītə̄ ń noō dansí tə́ alé. Ba ré de kə́rēý gḛy kadə̄ ni i de kə́ bo kə́ dansí tə́ anī, ādə̄ kɔ́ɔ̄ tél nge rāā kəla yāsí.

Bible sar

⁴³ Banī majə kadə̄ to i tītə̄ ń noō dansí tə́ alé. Ba ré de kə́rēý gḛy kadə̄ ni i de kə́ bo kə́ dansí tə́ anī, ādə̄ kɔ́ɔ̄ tél nge rāā kəla yāsí.

MARK 10:43 Referans Kwoze

Najə̄ kə́ Majə yā Jeju ń Luk ndang ní 14:11

Tɔdɔ̄ deē ń ɔsə rɔ̄n kə̄ dɔɔ́ anī, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

MARK 9:35

Anī Jeju ndi nang tə́ ō, ɓāŕ ngé kə́ kutə gidə i jōó gə̄ ō, ba ədadə́ na: Ré deē kógə̄ḿ gḛy kadə̄ ni i de kə́ kété no de gə̄ tə́ anī, ni a tél de kə́ ta ngóy de gə̄ tə́ malang ō, nge kəla yā de gə̄ malang ō.

Najə̄ kə́ Majə yā Jeju ń Luk ndang ní 9:48

ba ədadə́ na: Deē ń əhɔ ngōn̄ kə́ dūú ń toō kə̄ rɔ̄n tə́ najə̄ yāḿ mā tə́ ní, əhɔm̄ i mə̄kɔ́ kə̄ rɔ̄n tə́. Ba deē ń əhɔm̄ kə̄ rɔ̄n tə́ ní, əhɔ i deē ń əlam̄ mā ní kə̄ rɔ̄n tə́. Tɔdɔ̄ i deē ń dūú tɔȳsí malang ní n i de kə́ bo tɔȳsí malang ní.

Makətūbə̄ ń Pol ndang adə̄ Rom gə̄ ní 12:2

Ī-lōōī ndájə̄ hál de kə́ dɔ nang tə́ gə̄. Banī ādī Nə́ɓā tūr̄ kemsí ō, adə̄sí kur̄ dɔ kə́ kijə ō. Loo ń noō tə́ ā ásiī ka̰a̰ yá̰á̰ ń Nə́ɓā ndigə ní yā ger̄. Adə̄ i yá̰á̰ kə́ majə ō, nel̄ Nə́ɓā ō, kə́ majə ɔtə kə taá ō.

GALATƏ 5:13

Sḭḭ̄ ngákó̰ó̰ḿ gə̄, Nə́ɓā ɓāŕsí i kadə̄ sḭḭ̄ i kɔ́ɔ̄ rɔ̄sí gə̄. Ɓá tā ba, ī-lōōī kun kɔ́ɔ̄ rɔ̄ɔ̄ ní kutəń gidə rɔ̄sí ba rāań yá̰á̰ ń dā̰ rɔ̄sí gḛy ní. Banī ī-rāāī kəla ādī naā kə tárá.

JA̰A̰ 18:36

Jeju tél ədan na: Ko̰o̰ ɓē yāḿ i dɔ nang ń toō tə́ alé. Ré ko̰o̰ ɓē yāḿ i dɔ nang ń toō tə́ anī, deē yāḿ gə̄ a rɔ̄ɔ̄n̄ dɔḿ tə́, yā kadə̄ əlamə̄n̄ jī Jipə gə̄ tə́ alé. Ba ngɔlaā ń toō ko̰o̰ ɓē yāḿ i dɔ nang tə́ laā alé.

Najə̄ kə́ Majə yā Jeju ń Luk ndang ní 18:14

Ādə̄ m-ə́dásí, dan ń nge taā lambóó ń toō tél aw̄ ɓēé ní, ni-tél de kə́ súmūú, ba madə̄n tá tél de kə́ súmūú alé. Tɔdɔ̄ deē malang ń a ɔsə rɔ̄n kə̄ dɔɔ́ ní, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

MARK 10:42

Jeju ɓāŕdə́, ba ədadə́ na: Ī-gerī kadə̄ ngé gə̄ ń əndān̄də́ kadə̄ o̰o̰n̄ ɓē dɔ nápar de gə̄ tə́ ní a rāān̄ ngār dɔdə́ tə́ ō, kadə̄ de kə́ bo yādə́ gə̄ a əlan̄ dɔ de gə̄ gíŕ tɔ́gə yādə́ tə́ ō.

MARK 10:44

Náā nəkɔ́ ń gḛy kadə̄ ni i de kə́ kété dansí tə́ ní anī, kadə̄ kɔ́ɔ̄ tél ɓəlo yā madə̄n gə̄ malang.

Najə̄ kə́ Majə yā Jeju ń Luk ndang ní 22:26

Yāsí sḭḭ̄ i tītə̄ ń noō alé, ba kadə̄ deē ń i kə́ bo ngá̰ý dansí tə́ ní a kɔ́ɔ̄ tél to tītə̄ de kə́ dūú ngá̰ý dansí tə́, kadə̄ nge ń ndi ngār dɔ madə̄n gə̄ tə́ ní tél to tītə̄ ngōn̄ nge kəla kə́ karī ō.