MARK 10:30 - Bibəl ta Sar̄

³⁰ kɔ́ɔ̄ a ənge kújə gə̄, kə ngákó̰o̰n kə́ dəngam gə̄ ō, kə́ dəyá̰ gə̄ kə kó̰o̰n gə̄, kə ngánən gə̄, kə loo ndɔr̄ gə̄, tɔȳ kə́ kété nja ɓú ngɔlaā kem ndɔ̄ gə̄ ń toō tə́ ní ō, a ndi kə kumneé ngándáńg dɔ nang kə́ kijə kə́ ndɔ̄ń tə́ ō.

Bible sar

³⁰ kɔ́ɔ̄ a ənge kújə gə̄, kə ngákó̰o̰n kə́ dəngam gə̄ ō, kə́ dəyá̰ gə̄ kə kó̰o̰n gə̄, kə ngánən gə̄, kə loo ndɔr̄ gə̄, tɔȳ kə́ kété nja ɓú ngɔlaā kem ndɔ̄ gə̄ ń toō tə́ ní ō, a ndi kə kumneé ngándáńg dɔ nang kə́ kijə kə́ ndɔ̄ń tə́ ō.

MARK 10:30 Referans Kwoze

PILIPƏ 3:8

Rɔ̄kum, m̄-rāā yá̰a̰ malang i yá̰á̰ kə́ m̄-tḭ̄ḭ̄ ta kɔ̄ɔ́ tə́ sɔɔ̄ń ger̄ kə́ m̄-ger̄ Jeju Kərist Kɔ́ɔ̄ɓē yāḿ tə́. Ger̄ Jeju Kərist i yá̰á̰ kə́ majə tɔȳ yá̰a̰ gə̄ malang. m̄-tḭ̄ḭ̄ ta yá̰a̰ malang najə̄ yān tə́ ō, yá̰a̰ gə̄ ń noō malang ní, m-á̰á̰də́ i tītə̄ yedə̄ beé ta kumḿ tə́ ō. I Kərist ngóy n i yá̰a̰ tām̄ yāḿ tə́ ní.

Najə̄ kə́ Majə yā Jeju ń Luk ndang ní 18:30

kɔ́ɔ̄ a ənge mān̄ nin̄ ń noō nja ngá̰ý kem ndɔ̄ gə̄ ń toō tə́ ō, a ndi kə kumneé ngándáńg dɔ nang kə́ kijə kə́ ndɔ̄ń tə́ ō.

2 KORḚNTƏ 6:10

Rāān̄jí i de gə̄ kə́ rɔ̄nel̄ yādə́ gətóó tə́, banī rɔ̄jí nel̄jí ngándáńg. Rāān̄jí i ngé ndoō gə̄ tə́, banī jə-rāā adə̄ de gə̄ ngá̰ý əngen̄ yá̰á̰ ngá̰ý. Rāān̄jí i de gə̄ kə́ əngen̄ yá̰a̰ aĺ tə́, banī j-ənge yá̰a̰ malang.

JAKƏ 1:12

Rɔ̄nel̄ i kə deē ń nāānən̄ á əhɔ sásáp ní. Tɔdɔ̄ dan ń nāānən̄ ba a̰a̰n̄ kadə̄ ni i de kə́ asə anī, a ənge ndi kə kumuú ń Nə́ɓā ənī míndən yā kadə̄ ngé gə̄ ń tárnən̄ á i jākā mbang ní.

MALASI 3:10

I beé ní, yá̰a̰ kənge yāsí gə̄ kə́ nge ko̰ kutə gə̄ ní, ī-reēīń kə́ rɔ̄kum tə́, kem kújə ngɔ̄m̄ yá̰a̰ kənge tə́, ādə̄ yá̰a̰ kəsa to ngándáńg kem kújə yā Kɔ́ɔ̄ɓē tə́. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Ásiī ndəle gír yā ger̄ kadə̄ m-ə́da i najə̄ kə́ rɔ̄kum. Loo ń noō tə́ ā á̰a̰ī kadə̄ m-ā m̄-teē ta kār̄ man̄ gə̄ kə́ dɔ rā̰ tə́ tām̄ yāsí tə́ ō, m-ā m̄-rāā majə sesí ngá̰ý ō.

JAKƏ 5:11

Tɔdɔ̄ ngé gə̄ ń əhɔn̄ rɔ̄də́ tɔgə ní rɔ̄də́ nel̄də́. Sḭḭ̄ ōōī kōō kəhɔń Job əhɔ rɔ̄n tɔgə ní ō, á̰a̰ī yá̰á̰ ń Kɔ́ɔ̄ɓē rāā seneé ta tɔ̄l̄ ta tə́ ní ō, tɔdɔ̄ Kɔ́ɔ̄ɓē i nge kem majə ō, nge ka̰a̰ kum tō ndoō yā deē ō.

Gōsə̄ najə̄ gə̄ 16:16

Sāā kum kedə̄ kəngen i só tə́ tɔȳ lɔ́ŕ kə́ unjə̄ njáý njáý ō, sāā ger̄ kum yá̰a̰ kəngen i só tə́ tɔȳ gində̄ arjā̰a̰ ō.

JEJU TEĒ KUM JA̰A̰ 3:18

m-ɔ̄jī kadə̄ ī-mang lɔ́ŕ kə́ nō horoó jīḿ tə́ tá kadə̄ ī-téləń de kə́ nge kənge yá̰a̰ ō, ī-mang kūbə̄ kə́ ndaa jīḿ tə́ ə́la rɔ̄í tə́, tá kadə̄ rɔ̄í sɔlīneé najə̄ yā rɔ̄í kə́ karī tə́ aĺ ō, ī-mang dáwá kum jīḿ tə́ úr kumií tə́ tá kadə̄ á̰a̰ń loo ō.

1 TIMOTE 6:6

Rāā yá̰a̰ kə gō ń Nə́ɓā ndigə ní, i yá̰a̰ kənge kə́ ngá̰ý rɔ̄kum, ba i loo ń rɔ̄ deē ní nelə̄n tām̄ yā yá̰a̰ ń ni-ənge kɔ̄ɔ́ ní tə́ tá.

KƏLA RĀĀ 5:41

Ngámbang kəla gə̄ teēn̄ loo sarya kə́ bo tə́, anī rɔ̄də́ nel̄də́ tām̄ kəndā kə́ Nə́ɓā əndā ma̰ȳdə́ a̰ā̰ kadə̄ asən̄ kadə̄ kídə̄n̄də́ ba rāān̄də́ yá̰á̰ kə́ tōr̄ tām̄ yā rī Jeju tə́.

2 YÁ̰A̰ GƏ̄ 25:9

Amasia əda deē yā Nə́ɓā ní na: Ba nar ń m-ādə̄ ɓūtə̄ ngé rɔ̄ɔ̄ gə̄ kə́ Israel tə́ ní m-ā m̄-rāań i ba̰ý? Anī deē yā Nə́ɓā ní tél ədan na: Yá̰á̰ ń Kɔ́ɔ̄ɓē a adī ní tɔȳ nge ń noō sa̰y ngá̰ý.

1 JA̰A̰ 3:1

Á̰a̰ī táŕ kə́ ngá̰ý ń Bɔbə̄jí Nə́ɓā táŕjí kadə̄ ɓārə́nńjí ngánən gə̄ ní. Tɔdɔ̄ jḭḭ̄ i ngánən gə̄ rɔ̄kum. Ré de kə́ dɔ nang tə́ gə̄ gerə̄n̄jí aĺ anī, i tām̄ ger̄ ń nin̄-gerə̄n̄ Nə́ɓā aĺ tə́ ní ō.

2 TESALONIK 2:16

Ādə̄ nəkɔ́ Kɔ́ɔ̄ɓē yājí Jeju Kərist ō, Bɔbə̄jí Nə́ɓā ń táŕjí ba rāā kem majə sejí á sɔl̄ kemjí ngándáńg ō, rāā adə̄ j-əndāī kemjí dɔ yá̰á̰ kə́ majə tə́ ō ní,

Makətūbə̄ ń Pol ndang adə̄ Rom gə̄ ní 6:23

Tɔdɔ̄ yá̰a̰ kəndā nja kə́ loo rāā majaĺ tə́ i yo, ba yá̰á̰ ń Nə́ɓā adə̄ karī ɔjəń dɔ tár yān ní, i ndi kə kumuú kə́ ngándáńg, kə gō ɓoo naā yājí kə Jeju Kərist Kɔ́ɔ̄ɓē yājí.

Makətūbə̄ ń Pol ndang adə̄ Rom gə̄ ní 5:3

Ba j-ɔjiī rɔ̄jí i tām̄ kɔsə gɔn ń toō tə́ ngóy alé, tɔdɔ̄ jə-gerī kadə̄ wur kɔl yājí rāā adə̄ j-əhɔī rɔ̄jí tɔ́gə ō,

KƏLA RĀĀ 16:25

Ta kaw̄ kə̄ dan loo tə́ anī, Pol nin̄ kə Silas ndɔ̄ȳn̄ ō, ənīn̄ pā tɔ̄ȳn̄neé Nə́ɓā ō. Gotə dəngáy gə̄ oōn̄ ndūdə́.

JA̰A̰ 10:23

Adə̄ Jeju a njə̄rā kem kújə yā Kɔ́ɔ̄ɓē tə́ gír dabə yā Salomo̰ kə́ rāā kə mbalá tə́.

MATIYE 12:32

A mā̰ȳn̄ rɔ̄də́ dɔ deē ń əda najə̄ kə́ majaĺ dɔ Ngōn̄ deē tə́ ní, ba deē ń ɔr̄ najə̄ kə́ majaĺ dɔ Ndíĺ kə́ Táĺ tə́ ní, a mā̰ȳn̄ rɔ̄də́ dɔn tə́ dɔ nang ń toō tə́ aĺ ō, dɔ nang kə́ kijə kə́ ndɔ̄ń tə́ tə́ aĺ ō.

MATIYE 6:33

Yá̰á̰ ń kadə̄ ə̄ndāī kumsí gō tə́ ngá̰ý ī-sāāī ta kəga dɔ bang ní, i Ɓē ko̰o̰ yā Nə́ɓā ō, i háĺ kə́ súmūú ń ni-gḛy ní ō. Gō tə́ anī Nə́ɓā a adə̄sí yá̰a̰ gə̄ ń noō malang dɔ tə́ ɓáý.

JEJU TEĒ KUM JA̰A̰ 2:9

m̄-ger̄ yá̰a̰ nāā kə́ ngan̄g ń teē dɔí tə́ ní ō, m̄-ger̄ ndoō yāí ō, banī yá̰a̰ kənge yāí i ngá̰ý. Tá najə̄ kə́ majaĺ gə̄ ń de gə̄ ń ədan̄ na nin̄ na i Jipə gə̄ banī nin̄ i Jipə gə̄ alé ədan̄ dɔí tə́ ní, m̄-ger̄ ō. Nin̄ i kújə ndi Sətan.

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

1 JA̰A̰ 2:25

Ba míndən ń ənī adə̄jí ní, i kadə̄jí ndi kə kumuú kə́ ngándáńg.

MATIYE 13:8

Kumən kə́rēý gə̄ tə́sōn̄ i nang kə́ majə tə́, adə̄ ɔrə̄n̄ dɔdə́ ō, edə̄n̄ kum ngá̰ý ō. Dɔn kə́rēý gə̄ edən̄ kum ɓú kógə̄ḿ ō, ngé kə́rēý gə̄ kutə mehḛ́ ō, kə́rēý gə̄ kutə mətá ō. Gō tə́ anī Jeju əda na:

KƏLA RĀĀ 14:22

Nin̄-mbūsə̄n̄ ngé taā kem gə̄ kə najá ō, əlan̄ go̰ kemdə́ tə́ kadə̄ ran̄ ngan̄g dɔ taā kem yādə́ tə́ ō. Nin̄-ədan̄də́ na: I gáŕ kadə̄ wur kɔl əsō dɔjí tə́ pá tá j-a j-udiī kem Ɓē ko̰o̰ yā Nə́ɓā tə́ ɓáý.

1 TIMOTE 4:8

Tɔdɔ̄ ndóō kənī gambəla i yá̰á̰ kə́ majə, ba i tām̄ yā yá̰á̰ kə́ ngá̰ý aĺ tə́. Banī ndóō rāā yá̰a̰ kə gō ń Nə́ɓā ndigə ní, i yá̰á̰ kə́ majə tām̄ yā yá̰a̰ gə̄ tə́ malang. Tɔdɔ̄ Nə́ɓā ənī míndən tāmən tə́. Ba míndən ń ənī ní, i tām̄ yā ndi kə kumuú kə́ ngɔr ń toō tə́ ō, kə́ ndɔ̄ń tə́ ō.