MARK 10:22 - Bibəl ta Sar̄

²² Banī dan ń deē ngeé ń toō oō najə̄ gə̄ ní anī, rɔ̄n ur wak, adə̄ ɔtə aw̄ kɔ̄ɔ́ kə wōngōó, tɔdɔ̄ ni i de kə́ ənge yá̰á̰ ngá̰ý.

Bible sar

²² Banī dan ń deē ngeé ń toō oō najə̄ gə̄ ní anī, rɔ̄n ur wak, adə̄ ɔtə aw̄ kɔ̄ɔ́ kə wōngōó, tɔdɔ̄ ni i de kə́ ənge yá̰á̰ ngá̰ý.

MARK 10:22 Referans Kwoze

Najə̄ kə́ Majə yā Jeju ń Luk ndang ní 12:15

Gō tə́ anī əda de gə̄ malang na kə əndān̄ kum kedə̄ dɔ rɔ̄də́ tə́ majə najə̄ yā kum ndaa yá̰á̰ tə́. Tām̄ ká yá̰a̰ kənge yā deē i ngá̰ý gə̄gē, i yá̰a̰ kənge n i nge rāā kadə̄ deē ndi kə kumneé ní alé.

2 TIMOTE 4:10

Tām̄ Demas əya̰m̄ kɔ̄ɔ, tɔdɔ̄ yá̰á̰ kə́ dɔ nang tə́ kə́ ngɔlaā ń toō nelə̄n ngá̰ý, adə̄ ni-aw̄ Tesalonik. Tá Kəresa̰s aw̄ Galasi tə́ ō, Titə aw̄ Dalmati tə́ ō,

EPEJƏ 5:5

Ōōī majə. De gə̄ kə́ sāān̄ naā loo kaya tə́ ō, kə́ rāān̄ yá̰á̰ kə́ to yḛr kum gə̄ ō, ngé suu gə̄, tɔdɔ̄ suu i rāā ɓesə̄ ō ní, asən̄ kənge loo kem Ɓē ko̰o̰ yā Kərist tə́ ō yā Nə́ɓā tə́ ō alé.

EJEKIEL 33:31

Adə̄ nin̄ reēn̄ ngá̰ý ndin̄ nang tə́ noí tə́. Nin̄ oōn̄ najə̄ kɔrīí gə̄, banī rāān̄ yá̰a̰ gə̄ ń ə́dá ní alé. Nin̄ a rāān̄ i yá̰á̰ kə́ nel̄də́ gə̄ ō, a sāān̄ i yá̰á̰ kə́ majə tām̄ yādə́ tə́ gə̄ ō ngóy.

2 KORḚNTƏ 7:10

Tɔdɔ̄ rɔ̄ de kə́ nelə̄n aĺ ń Nə́ɓā un rāań kəla ní, a ojə i tūr̄ háĺ kə́ a aw̄ kə deé yā kəlan ta kajə tə́ ō, deē a ndə̄ngā rɔ̄n najə̄n tə́ aĺ ō. Banī rɔ̄nel̄ aĺ ń de kə́ dɔ nang tə́ gə̄ a adə̄n̄ ní a ojə i yo.

Najə̄ kə́ Majə yā Jeju ń Luk ndang ní 18:23

Ba dan ń ni-oō najə̄ gə̄ ń toō beé anī, rɔ̄n nelə̄n alé, tɔdɔ̄ ni i de kə́ ənge yá̰á̰ ngá̰ý.

MATIYE 19:22

Dan ń balsáá ní oō najə̄ ní anī, ɔtə aw̄ kɔ̄ɔ́ kə wōngōó, tɔdɔ̄ ni i de kə yá̰a̰ kənge yān i ngá̰ý.

MATIYE 13:22

Kōō ń tə́sō dan kōn̄ gə̄ tə́ ní, i ngé gə̄ ń oōn̄ najə̄ ba gír̄ gə̄ kə́ dɔ nang tə́ ō, ɓō yá̰a̰ kənge ō, taān̄ dɔ najə̄ ní kɔ̄ɔ́ adə̄ teē yá̰a̰ alé ní.

MARK 6:26

Najə̄ ní rāā adə̄ rɔ̄ mban̄g nelə̄n aĺ ngá̰ý tā, ba dan ń ni-ənī míndən kɔ̄ɔ́ ta kum ngé rāā nāā gə̄ tə́ ní, ni-gḛy kɔgə̄n alé.

MATIYE 27:3

Dan ń Judas nge kəlan jī de gə̄ tə́ a̰ā̰ kadə̄ gāngə̄n̄ sarya yo dɔn tə́ anī, ndə̄ngā rɔ̄n ba tél kə sə́lē arjā̰a̰ kə́ kum madə̄ kə́ bo gə̄ kutə mətá ní aw̄ń adə̄ ngol gə̄ kə́ dɔ ngé tun̄ yá̰a̰ gə̄ tə́ ō, kum kɔɔ̄ gə̄ ō,

MARK 6:20

tɔdɔ̄ Herod ɓōĺ ndíĺ Ja̰a̰, tām̄ ni-ger̄ kadə̄ Ja̰a̰ i de kə́ súmūú ō, i de kə́ táĺ yā Nə́ɓā ō, adə̄ ngɔ̄mə̄n. Loo ń ni-oō najə̄ yān ní, ni gír̄ najə̄ ngá̰ý gə̄gē, ba oō najə̄ yān kə rɔ̄nelēé.

MARK 10:21

Jeju əndā kumən dɔn tə́ anī tárən, ba ədan na: Na̰yiī yá̰á̰ kógə̄ḿ ɓáý: Āw̄ ígə́ yá̰a̰ yāí malang ba ādə̄ ngé ndoō gə̄ narən, anī ā āw̄ kə dūbə̄ yá̰a̰ kənge gə̄ dɔ rā̰ tə́, ba ré loo ń noō tə́ tā anī, ī-reē ba un gōḿ.

MARK 10:23

Anī Jeju mbel, go̰ō̰ loo, ba əda ngé ndóō yá̰a̰ yān gə̄ na: Kudə kem Ɓē ko̰o̰ yā Nə́ɓā tə́ i yá̰á̰ kə́ ngan̄g ngá̰ý tām̄ yā de kə́ ənge yá̰á̰ ngá̰ý tə́.