MARK 10:21 - Bibəl ta Sar̄

²¹ Jeju əndā kumən dɔn tə́ anī tárən, ba ədan na: Na̰yiī yá̰á̰ kógə̄ḿ ɓáý: Āw̄ ígə́ yá̰a̰ yāí malang ba ādə̄ ngé ndoō gə̄ narən, anī ā āw̄ kə dūbə̄ yá̰a̰ kənge gə̄ dɔ rā̰ tə́, ba ré loo ń noō tə́ tā anī, ī-reē ba un gōḿ.

Bible sar

²¹ Jeju əndā kumən dɔn tə́ anī tárən, ba ədan na: Na̰yiī yá̰á̰ kógə̄ḿ ɓáý: Āw̄ ígə́ yá̰a̰ yāí malang ba ādə̄ ngé ndoō gə̄ narən, anī ā āw̄ kə dūbə̄ yá̰a̰ kənge gə̄ dɔ rā̰ tə́, ba ré loo ń noō tə́ tā anī, ī-reē ba un gōḿ.

MARK 10:21 Referans Kwoze

JEJU TEĒ KUM JA̰A̰ 2:4

Ba yá̰á̰ ń m̄-mbātə́ gōí tə́ ní, i kəya̰ ń ə́yá̰ tár yāí kə́ ta kəla gíŕ tə́ kɔ̄ɔ́ ní.

Najə̄ kə́ Majə yā Jeju ń Luk ndang ní 10:42

Banī yá̰á̰ ń i yá̰á̰ kə́ yā rāā gáŕ ní gír i kógə̄ḿ beē ngóy. I Mari n gə̄rā dāmə̄n kə́ majə tɔȳ madə̄ gə̄ ní, adə̄ deē a taā jīn tə́ alé.

JAKƏ 2:10

Tɔdɔ̄ ré deē kógə̄ḿ ngɔ̄m̄ gotə ndū najə̄ gə̄ malang ba əya̰ kógə̄ḿ kɔ̄ɔ́ anī, sarya yā ndū najə̄ gə̄ malang əhɔn.

KƏLA RĀĀ 2:45

Nin̄-igən̄ loo yādə́ gə̄ ō, yá̰a̰ kənge yādə́ gə̄ ō, ba nar ń əngen̄ gírí ní kēgə̄n̄ naā dɔ dáńdə́ tə́ malang.

Najə̄ kə́ Majə yā Jeju ń Luk ndang ní 18:22

Dan ń Jeju oō beé anī, tél ədan na: Na̰yiī yá̰á̰ kógə̄ḿ ɓáý: Ígə́ yá̰a̰ yāí gə̄ malang, ī-nə̄ɓō narən ngé ndoō gə̄, anī ā āw̄ kə dūbə̄ yá̰a̰ kənge gə̄ dɔ rā̰ tə́, ba gō tə́ anī, ī-reē ún gōḿ.

MATIYE 16:24

Gō tə́ anī Jeju əda ngé ndóō yá̰a̰ yān gə̄ na: Ré deē kógə̄ḿ gḛy reē gōḿ tə́ anī, adə̄ kɔ́ɔ̄ gír̄ dɔ rɔ̄n tə́ to̰ alé, ādə̄ kɔ́ɔ̄ əla dɔn gír kāgə̄ kə́ dēsə́ yān tə́ ba un gōḿ.

JEJU TEĒ KUM JA̰A̰ 2:20

Banī yá̰á̰ ń m̄-mbātə́ gōí tə́ ní, i kəya̰ ń ə́ya̰ Jesabel ní. Ni i dəyá̰ ń əda na ni na i nge koō ta banī ni i nge rāā kadə̄ ngé kəla yāḿ gə̄ ndúmə̄n̄ ní, tɔdɔ̄ ni-ndóōdə́ rāā ájə́ba kə́ yā ndɔ̄yń ɓesə̄ ō, kəsa dā̰ kə́ tɔ̄l̄ ba tun̄ kadə̄ ɓesə̄ gə̄ ō.

JEJU TEĒ KUM JA̰A̰ 2:14

Ba yá̰á̰ ń mā m̄-mbātə́ gōí tə́ sḛ́ý ní, i de kə́rēý gə̄ kə́ ɓēé looí kə́ əhɔn̄ gō yá̰á̰ ndóō yā Balam. Tɔdɔ̄ Balam ɔjə Balak kadə̄ əyā gūmbə̄ no ngán Israel gə̄ tə́ yā səlāńdə́ kadə̄ əsan̄ dā̰ kə́ tɔ̄l̄ ba tun̄ kadə̄ ɓesə̄ gə̄ ō, kadə̄ rāān̄ ájə́ba ō.

HEBƏRO 10:34

Tɔdɔ̄ sḭḭ̄ á̰a̰ī tápə̄ naā tə́ kə ngé gə̄ n əhɔn̄də́ dəngáyá ní. Ba dan ń táān̄ yá̰a̰ kənge yāsí gə̄ jīsí tə́ kɔ̄ɔ́ ní, rɔ̄sí nel̄sí, tām̄ ī-gerī kadə̄ yá̰á̰ ń sḭḭ̄ ə́ngeī ní, i yá̰á̰ kə́ majə tɔȳ kə́ a to ngándáńg.

Najə̄ kə́ Majə yā Jeju ń Luk ndang ní 12:33

Yá̰a̰ yāsí gə̄ ń ə́ngeī ní, ígiīneé ba ādī ngé ndoō gə̄ narən. Ūrī ngong nar kə́ a əsō ngísə aĺ gə̄ tām̄ yāsí tə́ dɔ rā̰ tə́ ō, ī-kánī dūbə̄ yá̰a̰ yāsí gə̄ kə̄ dɔ naā tə́ dɔ rā̰ tə́ ō. Nge ɓogə a aw̄ rɔ̄ tə́ aĺ ō, yō̰ a nujəń aĺ ō.

MARK 8:34

Gō tə́ anī, ni-ɓāŕ kósə de gə̄ kə ngé ndóō yá̰a̰ yān gə̄, ba ədadə́ na: Ré deē kógə̄ḿ gḛy reē gōḿ tə́ anī, ādə̄ kɔ́ɔ̄ un kumən kɔ̄ɔ́ gíŕ yá̰á̰ kə́ to kɔsən kə̄ dɔɔ́ gə̄ tə́ ō, ādə̄ əla dɔn gír kāgə̄ kə́ dēsə́ yān tə́ ō, tá kə un gōḿ.

Gōsə̄ najə̄ gə̄ 23:23

Ī-sāā háĺ kə́ sew kadə̄ ə́nge ba ī-lōō kigəń ō, ī-rāā tītə̄ ń noō tām̄ yā kum kedə̄ tə́ ō, kɔjə̄ tə́ ō, ger̄ kum najə̄ tə́ ō.

Najə̄ kə́ Majə yā Jeju ń Luk ndang ní 19:41

Dan ń ni-ugə̄ ngɔr ba a̰a̰ ɓē ní anī, ni-nōō tām̄ yān tə́, ba əda na:

Najə̄ kə́ Majə yā Jeju ń Luk ndang ní 9:23

Gō tə́ anī ni-əda de gə̄ malang na: Ré deē kógə̄ḿ gḛy reē gōḿ tə́ anī, adə̄ kɔ́ɔ̄ əya̰ róbə yān kɔ̄ɔ́ ō, ndi dɔ rɔ̄n tə́ kə ndɔ̄ gə̄ yā kətō kāgə̄ kə́ dēsə́ yān ō, ba un róbə́ ń mā m-úń ní.

MATIYE 19:21

Anī Jeju tél ədan na: Ré ī-gḛy kadə̄ ḭ̄ i de kə́ majə ɔtə̄ kə taá ɓáa, āw̄ ígə́ yá̰a̰ kənge yāí gə̄ malang ba ādə̄ ngé ndoō gə̄ narən. Loo ń noō tə́ ā ə́ngé yá̰á̰ ngá̰ý dɔ rā̰ tə́. Gō tə́ anī, ī-reē un gōḿ.

2 KORḚNTƏ 12:15

m̄-ndigə ngá̰ý kadə̄ m-ādə̄ yá̰a̰ yāḿ malang ō, m-ādə̄ rɔ̄ḿ mə̄kɔ́ ō, yā rāań sesí. Ré m̄-táŕsí asə naā beé anī, ā ī-tármī sḛ́ý beē a?

JA̰A̰ 16:33

M-ə́dásí yá̰a̰ gə̄ ń toō i yā kadə̄ loo ɓoosí naā seḿ tə́ ní, sḭḭ̄ i kə kem sɔl̄ lɔmɔɔ́. Wur kɔl əsō dɔsí tə́ dɔ nang tə́ laā ba əhɔī rɔ̄sí tɔgə, tɔdɔ̄ m̄-tetə de kə́ dɔ nang tə́ gə̄ rɔ̄ɔ̄ kɔ̄ɔ́.

JA̰A̰ 12:26

Ré deē kógə̄ḿ gḛy rāā kəla yāḿ anī, ādə̄ un gōḿ, ba loo ń mā i tū tə́ ní, nge rāā kəla yāḿ i tū tə́ ō. Ré deē kógə̄ḿ rāā kəla yāḿ anī, Bɔbə́ḿ a ɔsə gɔnən.

Najə̄ kə́ Majə yā Jeju ń Luk ndang ní 16:9

Ba mā, ādə̄ m-ə́dásí: Ī-rāāī madə̄ naā kə gúrsə ń i yá̰a̰ yā de kə́ sew aĺ gə̄ ní, yā kadə̄ ré ndɔ̄ ń gətóo jīsí tə́ anī, madə̄sí gə̄ əhɔn̄sí kə̄ rɔ̄də́ tə́ gíŕ kújə tandā gə̄ ń a ton̄ ngándáńg tə́ ní.

2 TIMOTE 3:12

Tá de gə̄ malang ń ndigən̄ rāā yá̰a̰ kə gō ń Nə́ɓā ndigə ní, kə gō ɓoo naā yādə́ kə Kərist Jeju ní, a rāān̄də́ ndoō tə́ ō.

TA KƏLA 34:19

Balsáá ní ɔr̄ bā̰ā̰ loo rāā yá̰á̰ ní tə́ alé, tām̄ gḛy ngōn̄ Jakob kə́ dəyá̰ ní ngá̰ý. Tá de kə́ kem ndogə̄ yā bɔbə̄n tə́ gə̄ malang a tetən̄ rɔ̄də́ i gōn ni tə́.

MARK 10:22

Banī dan ń deē ngeé ń toō oō najə̄ gə̄ ní anī, rɔ̄n ur wak, adə̄ ɔtə aw̄ kɔ̄ɔ́ kə wōngōó, tɔdɔ̄ ni i de kə́ ənge yá̰á̰ ngá̰ý.