MARK 10:2 - Bibəl ta Sar̄

² Parijiyḛ kə́rēý gə̄ reēn̄ rɔ̄n tə́, ba dəjenən̄ na ké ndū najə̄ adə̄ dəngam ta róbə tə̄ɓā nə̄yá̰n wa. Nin̄-dəjenən̄ najə̄ ń noō i yā nāānneé.

Bible sar

² *Parijiyḛ kə́rēý gə̄ reēn̄ rɔ̄n tə́, ba dəjenən̄ na ké *ndū najə̄ adə̄ dəngam ta róbə tə̄ɓā nə̄yá̰n wa. Nin̄-dəjenən̄ najə̄ ń noō i yā nāānneé.

MARK 10:2 Referans Kwoze

JA̰A̰ 8:6

Nin̄-ədan̄ nge ń noō i yā nāānəń kadə̄ əngenə̄ń najə̄ kə́ yā sekə́nneé. Banī Jeju rugə nang tə́, ndang yá̰a̰ kə ta ngōn̄ jīneé dɔ nang tə́.

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

1 KORḚNTƏ 10:9

Jə-lōōī nāā Kɔ́ɔ̄ɓē, tītə̄ ń ngé kə́rēý gə̄ dáńdə́ tə́ rāān̄neé, adə̄ lī gə̄ tṵ́ṵ̄n̄də́ adə̄ oyn̄ ní.

JA̰A̰ 11:57

Ngol gə̄ kə́ dɔ ngé tun̄ yá̰a̰ gə̄ tə́ ō, Parijiyḛ gə̄ ō, ədan̄ de gə̄ kadə̄ ré de kə́rēý ger̄ loo ń Jeju i tū tə́ ní anī, kə ɔjə gōn kadə̄ kə n-əhɔnən̄.

JA̰A̰ 11:47

Loo ń noō tə́ ngol gə̄ kə́ dɔ ngé tun̄ yá̰a̰ gə̄ tə́ ō, Parijiyḛ gə̄ ō, ɔsən̄ dɔ ngé rāā sarya kə́ bo gə̄ naā tə́ ba ədan̄ na. J-a jə-rāāī i ba̰ý, tām̄ deē ní rāā yá̰á̰ kə́ yáā gə̄ ngá̰ý.

JA̰A̰ 7:48

Deē kógə̄ḿ kə́ dan ngār gə̄ tə́, aké i dan Parijiyḛ gə̄ tə́ kə́ taā kemən i noó a?

JA̰A̰ 7:32

Parijiyḛ gə̄ oōn̄ kósə de gə̄ ń a kɔdə́n̄ najə̄ dɔn tə́ ní anī, ngol gə̄ kə́ dɔ ngé tun̄ yá̰a̰ gə̄ tə́ ō, Parijiyḛ gə̄ ō, əlan̄ pajā gə̄ kəhɔn tə́.

Najə̄ kə́ Majə yā Jeju ń Luk ndang ní 16:14

Parijiyḛ gə̄ nel̄də́ nar ngá̰ý, adə̄ dan ń nin̄-oōn̄ najə̄ gə̄ ń toō anī, lurən̄ Jeju.

Najə̄ kə́ Majə yā Jeju ń Luk ndang ní 11:39

Anī Kɔ́ɔ̄ɓē ədan na: Sḭḭ̄ Parijiyḛ gə̄, ī-tə́goī gidə kópə ō, gidə səmbē kə́ laa ō, banī ngur ɓogə i ngá̰ý kemsí tə́ ō, kemsí ndul ngá̰ý ō.

Najə̄ kə́ Majə yā Jeju ń Luk ndang ní 7:30

Banī Parijiyḛ gə̄ ō, ngé ndóō de gə̄ ndū najə̄ ō, mbātə́n̄ yá̰á̰ ń Nə́ɓā gḛy tām̄ yādə́ tə́ ní, adə̄ mbātə́n̄ kadə̄ Ja̰a̰ rāādə́ batém.

Najə̄ kə́ Majə yā Jeju ń Luk ndang ní 6:7

Ngé ngé ndóō de gə̄ ndū najə̄ gə̄ ō, Parijiyḛ gə̄ ō, ndi a umə̄n̄ Jeju sḛḛ, sāān̄ ka̰ā̰ ké Jeju a rāā kadə̄ rɔ̄ deē kógə̄ḿ a ngáā ndɔ̄ sabat tə́ wa, yā kadə̄ kə n-əngen̄neé kum najə̄ kə́ yā sekə́nəń.

Najə̄ kə́ Majə yā Jeju ń Luk ndang ní 5:30

Anī Parijiyḛ gə̄ ō, ngé ndóō de gə̄ ndū najə̄ gə̄ ń nin̄ i gír yā Parijiyḛ gə̄ tə́ ō ní, yṵ́rə̄n̄ najə̄ ba ədan̄ ngé ndóō yá̰a̰ yā Jeju gə̄ na: I tām̄ rí tə́ á ə́saī yá̰a̰ ō, ā̰yī ō naā tə́ kə ngé taā lambóo gə̄ ō, ngé rāā majaĺ gə̄ ō ní?

MARK 8:15

Jeju tāādə́, ədadə́ na kə əndān̄ kum kedə̄ dɔ rɔ̄də́ tə́ majə najə̄ yā kaa mápa yā Parijiyḛ gə̄ tə́ ō, yā Herod tə́ ō.

MARK 8:11

Parijiyḛ gə̄ teē reēn̄ ba əlan̄ gír a nējə̄n̄ naā najə̄ kə Jeju. Nin̄ nāānən̄, dəjenən̄ kadə̄ rāā yá̰á̰ kə́ to kɔr kum kə́ ḭḭ dɔ rā̰ tə́, kə́ ɔjə kadə̄ ni i nge ń Nə́ɓā əlan ní kadə̄ kə n-a̰a̰n̄.

MATIYE 22:35

Deē kógə̄ḿ dandə́ tə́ i nge ndóō de gə̄ ndū najə̄ yā Nə́ɓā. Ni-dəje Jeju najə̄ kógə̄ḿ yā nāānneé ədan na:

MATIYE 19:3

Parijiyḛ kə́rēý gə̄ reēn̄ rɔ̄n tə́, ba dəjenən̄ najə̄ yā nāanneé ədan̄ na: Ndū najə̄ yājí adə̄ de kə́ dəngam ta róbə mbātə́ nə̄yá̰n tām̄ hálən kə́rēý tə́ a?

MATIYE 16:1

Parijiyḛ gə̄ ō Sadusiyḛ gə̄ ō reēn̄ rɔ̄ Jeju tə́ ngɔr, ba dəjenən̄ najə̄ kógə̄ḿ sāān̄neé tan. Ədanən̄ na kə rāā yá̰á̰ kə́ yáā kógə̄ḿ kə́ ɔjə kadə̄ tɔ́gə ḭḭ rɔ̄ Nə́ɓā kadə̄ n-a̰a̰n̄.

MATIYE 15:12

Anī ngé ndóō yá̰a̰ yā Jeju gə̄ ndɔ́tə̄n̄ kə̄ rɔ̄n tə́ ngɔr, ba ədanən̄ na: Najə̄ kɔrīí əga Parijiyḛ gə̄ gəla ngá̰ý ní ī-ger̄ a?

MATIYE 9:34

Banī Parijiyḛ gə̄ ədan̄ na: I ngār yā ndíĺ kə́ majaĺ gə̄ n adə̄n tɔ́gə́ á tə̄ɓań ndíĺ kə́ majaĺ gə̄ ní.

MALASI 2:16

Tɔdɔ̄ yá̰á̰ ń Kɔ́ɔ̄ɓē Nə́ɓā yā Israel əda ní n i toó: Ré deē kógə̄ḿ tə̄ɓā nə̄yá̰n, tām̄ nelə̄n seneé aĺ ngá̰ý anī, ni-rāā yá̰a̰ i kə dɔ́nɔ́, adə̄ najə̄ i dɔn tə́. I Kɔ́ɔ̄ɓē kə́ bo kə́ tɔ́gən i ngá̰ý n ɔr̄ najə̄ toó. I beé ní, á̰a̰ī rɔ̄sí sḭḭ̄ kɔ́ gə̄ majə! Míndə́sí ń ə̄nī ní, ī-lōōī téĺ róbó gō tə́!

MARK 10:1

Jeju ḭḭ noó aw̄ gō nang kə́ Jude tə́, gidə bā Jurdḛ tə́, anī kósə de gə̄ kánə̄n̄ naā rɔ̄n tə́ ɓáý to̰. Tītə̄ ń i jī bēl̄ loo rāān ní, ni-ndóōdə́ yá̰á̰ ɓáý to̰.

MARK 10:3

Ba ni-tél dəjedə́ na ké Moijə əndā dɔdə́ tə́ na i rí wa.