MARK 10:14 - Bibəl ta Sar̄

¹⁴ Dan ń Jeju a̰ā̰ anī, nelə̄n alé, adə̄ ni-ədadə́ na: Əya̰ī ngáń kə́ dūú gə̄ ādī reēn̄ kə̄ rɔ̄ḿ tə́, ba ī-lōōī kɔgə̄də́ reē, tɔdɔ̄ i de kə́ tītə̄də́ beē gə̄ n Ɓē ko̰o̰ yā Nə́ɓā i tām̄ yādə́ tə́ ní.

Bible sar

¹⁴ Dan ń Jeju a̰ā̰ anī, nelə̄n alé, adə̄ ni-ədadə́ na: Əya̰ī ngáń kə́ dūú gə̄ ādī reēn̄ kə̄ rɔ̄ḿ tə́, ba ī-lōōī kɔgə̄də́ reē, tɔdɔ̄ i de kə́ tītə̄də́ beē gə̄ n *Ɓē ko̰o̰ yā Nə́ɓā i tām̄ yādə́ tə́ ní.

MARK 10:14 Referans Kwoze

MATIYE 19:14

Anī Jeju ədadə́ na kə əya̰n̄ ngáń kə́ dūú gə̄ kadə̄ reēn̄ kə̄ rɔ̄n tə́, ba kə lōōn̄ kɔ́gə̄də́ reē, tɔdɔ̄ i de kə́ tītə̄də́ beē gə̄ n Ɓē ko̰o̰ kə́ dɔ rā̰ tə́ i tām̄ yādə́ tə́ ní.

MATIYE 18:10

Ngáń kə́ dūú gə̄ ń toō ní ī-lōōī kídə̄ nge kógə̄ḿ dandə́ tə́. Tɔdɔ̄ ādə̄ m-ə́dásí, dɔ rā̰ tə́ ní deē yādə́ kə́ dɔ rā̰ tə́ gə̄ a ran̄ ta kum Bɔbə́ḿ kə́ ndi dɔ rā̰ tə́ tə́ i ngándáńg.

MATIYE 18:4

Deē ń tél kə rɔ̄neé kə̄ nang tə́ ō, tél to tītə̄ ngōn̄ ń toō ō ní, i ni n i de kə́ bo kem Ɓē ko̰o̰ kə́ dɔ rā̰ tə́ ní.

1 PIYER 2:2

Majə kadə̄ ī-toī tītə̄ ngáń kásə̄ gə̄ beé, ādī ɓō mba kə́ unjə̄ njáý njáý ń i Najə̄ yā Nə́ɓā ní rāāsí. Yā kadə̄ ré ā̰yī anī ī-tɔgiī tām̄ yā kajə tə́.

2 TIMOTE 3:15

I dan ń ḭ̄ i ngōn̄ kə́ dūú ɓáý ní n ī-ger̄ makətūbə̄ yā Nə́ɓā ní. Makətūbə̄ ní asə rāā kadə̄ kumií edə̄. Ba kum kedə̄ ngeé ń toō a rāā kadə̄ ájə, kə ta kūl̄ taā kə́ ī-taā kem Kərist Jeju.

JEJU TEĒ KUM JA̰A̰ 14:5

Najə̄ kə́ sor̄ gətóo tadə́ tə́ ō, najə̄ gətóo dɔdə́ tə́ ō.

2 TIMOTE 1:5

Əga kemḿ dɔ taā ń ī-taā kem Nə́ɓā kə́ rɔ̄kum tə́ ní. Kaaí Lois ō, kó̰ó̰í Enis ō, taān̄ kem kə́ rɔ̄kum tə́ kété noí tə́, ba m̄-ger̄ majə kadə̄ ḭ̄ ī-taā kem i tītə̄ yādə́ ō.

EPEJƏ 4:26

Ré wōn̄g rāāsí anī, ī-lōōī rāā majaĺ, ādī mbang udə dɔ wōn̄g yāsí tə́ alé.

1 KORḚNTƏ 14:20

Ngákó̰ó̰ḿ gə̄, najə̄ kə́ dɔ ger̄ najə̄ tə́ ní, ādə̄ sḭḭ̄ i ngáń kə́ dūú gə̄ loon tə́ alé, ba ré i najə̄ kə́ dɔ yá̰á̰ kə́ majaĺ tə́ ɓáa, ādə̄ sḭḭ̄ i ngáń kə́ dūú gə̄ loon tə́. Najə̄ kə́ dɔ ger̄ najə̄ tə́ ní ādə̄ sḭḭ̄ i de kə́ tɔgə gə̄ loon tə́.

1 KORḚNTƏ 7:14

Tɔdɔ̄ dəngam ń taā kem aĺ ní ɔrə̄n̄ kamə̄n tayā i kə ta kūl̄ nə̄yá̰n ō, dəyá̰ ń taā kem aĺ ní, ɔrə̄n̄ kamə̄n tayā i kə ta kūl̄ ngaan ō. Nə́ngētə́ i beé aĺ anī, ngáńsí gə̄ i ngáń kə yḛr gə̄, banī nin̄ i ngán gə̄ kə́ ɔrə̄n̄ kam̄də́ tayā.

Makətūbə̄ ń Pol ndang adə̄ Rom gə̄ ní 11:28

Tām̄ Najə̄ kə́ Majə yā Nə́ɓā ń Jipə gə̄ mbātə́n̄ ní, nin̄ i madə̄ ba̰ā̰ Nə́ɓā gə̄. I nge ń noō n majə sesí ní. Ba tām̄ gə̄rā ń Nə́ɓā gə̄rādə́ tə́ ní, nin̄ i kó tár yān gə̄. Ba nge ń noō sɔɔ̄ń i kaasí gə̄.

Makətūbə̄ ń Pol ndang adə̄ Rom gə̄ ní 11:16

Ba á̰a̰ī, dan ń dɔ mur̄ kə́ kugə i kə́ táĺ anī, gá̰a̰ mur̄ ń na̰y ní i kə́ táĺ ō aĺ a? Ré ngəra kāgə̄ i kə́ táĺ anī, ta jīn gə̄ i kə́ táĺ ō aĺ a?

KƏLA RĀĀ 3:25

Míndə́ Nə́ɓā ń ənī kə ta kūl̄ ngé koō ta gə̄ ní, i tām̄ yāsí sḭḭ̄ tə́ ō, madə̄ naā ń ni-əhɔ kə kaasí gēé ní, i tām̄ yāsí sḭḭ̄ tə́ ō. Tɔdɔ̄ dan ń əhɔ madə̄ naā kə Abəraham ní ədan na: M-ā m̄-tɔ́r̄ taḿ dɔ kojə gə̄ malang kə́ dɔ nang tə́ tə́ i kə ta kūl̄ ngán kaaí gēé.

KƏLA RĀĀ 2:39

Tɔdɔ̄ Nə́ɓā ənī míndən i tām̄ yāsí tə́ ō, i tām̄ yā ngáńsí gə̄ tə́ ō, de gə̄ ń ndin̄ sa̰y ngá̰ý tə́ ní ō, de kə́ ngá̰ý gə̄ ń Kɔ́ɔ̄ɓē Nə́ɓā yājí a ɓāŕdə́ ní tə́ ō.

MARK 8:33

Ba Jeju mbel, a̰a̰ ngé ndóō yá̰a̰ yān gēé ba ndán̄g Piyer, ədan na: Ī-tél gōḿ tə́ kɔ̄ɔ́ Sətan, tɔdɔ̄ gír̄ kə́ kemií tə́ i gír̄ yā Nə́ɓā alé, ba i gír̄ yā de gə̄.

MARK 3:5

Jeju a̰a̰də́ kə wōngōó. Tōrə̄n ngá̰ý kemən tə́ najə̄ kem ngan̄g yādə́ tə́, ba əda deē ní na kə ndájə̄ jīn, ni-ndájə̄ jīn anī jīn tél to karī kɔ̄ɔ́.

IJAI 65:23

Nin̄ a ɔrən̄ ndāńg karī to̰ alé. Nin̄ a ojən̄ ngán gə̄ yā ka̰a̰də́ loo koy tə́ to̰ alé. Tɔdɔ̄ nin̄ rāān̄ rɔ̄də́ i kojə yā ngé gə̄ ń mā m̄-tɔ́r̄ taḿ dɔdə́ tə́ ní, nin̄ gə̄gē ngáńdə́ gə̄gē.

PĀ GƏ̄ 78:4

j-a jə-mundə̄ ngáńjí gə̄ alé, banī rī kə́ to kɔsə gɔn gə̄ kə́ dɔ Kɔ́ɔ̄ɓē tə́ ō, tɔ́gə ō, yá̰á̰ kə́ majə kə́ to kɔr kum gə̄ ń ni-rāā ō ní, j-a j-ənī gotə kadə̄ ngán kemjí gə̄ a oōn̄.

NDŪ NAJƏ̄ 4:37

Nəkɔ́ teē sesí kɔ̄ɔ́ dɔ nang kə́ Ejiptə tə́ kə ta kūl̄ tɔ́gən kə́ ngá̰ý tɔdɔ̄ ni tár kaasí gə̄ ō, gə̄rasí sḭḭ̄ ngán kaadə́ gə̄ ní.

TƏ́DA 14:31

Banī ngáńsí gə̄ ń ə́daī na madə̄ ba̰ā̰sí gə̄ na a əhɔn̄də́ ní, m-ā m-āw̄ sedə́ kadə̄ ugə̄n̄ dɔ nang ní tə́. Nin̄ a a̰a̰n̄ dɔ nang ń sḭḭ̄ ī-mbātíī ní kə kumdə́.

TA KƏLA 17:7

M-ā m-ə́hɔ madə̄ naā seí ō, kə ngán kaaí gə̄ ń a utə̄n̄ gōí ní ō, kə gō kojədə́ gēé. I madə̄ naā kə́ a to ngándáńg, adə̄ mā i Nə́ɓā yāí ō, yā gír kojə yāí ń a utə̄ gōí ní ō.

1 SAMUEL 1:22

banī Ana aw̄ sedə́ alé. Ni-əda ngaan na n-ngóō kadə̄ ré n-ɔr̄ ngōn̄ ta mba tə́ pá tá n-aw̄ seneé Silo ta kum Kɔ́ɔ̄ɓē tə́ ɓáý ō, n-əya̰n kadə̄ ra kə̄ noó kə́ njɔ́ḿ gə̄ tə́ ō.

1 SAMUEL 1:11

Ni-ənī ndūn əda na: Kɔ́ɔ̄ɓē kə́ bo kə́ tɔ́gən i ngá̰ý, ré á̰a̰ kum tō ndoō yāḿ mā nge kəla yāí ō, əga kemií dɔḿ tə́ ō, dɔí ndígə̄naləḿ aĺ ō, adə̄ ādə̄m̄ ngōn̄ kə́ dəngam anī, m-ā m-ɔ̄r̄ kamə̄n tayā tām̄ yāí tə́ kə dɔ ndɔ̄ gə̄ malang ń a ndiń kə kumneé ní ō, deē a əndā nə́nga dɔn tə́ yā dəsāń dɔn aĺ ō.

MATIYE 5:3

Rɔ̄nel̄ i kə ngé gə̄ ń kemdə́ i kem de kə́ nge ndoō ní, tɔdɔ̄ Ɓē ko̰o̰ kə́ dɔ rā̰ tə́ i yādə́.

MATIYE 5:10

Rɔ̄nel̄ i kə ngé gə̄ ń a rāān̄də́ ndoō tə́ tām̄ yá̰á̰ kə́ gōtə́ tə́ ní, tɔdɔ̄ Ɓē ko̰o̰ kə́ dɔ rā̰ tə́ i yādə́.

JA̰A̰ 3:3

Anī Jeju tél ədan na: Ādə̄ m-ə́daī najə̄ kə́ bo ngá̰ý, ré tél ojən̄ deē gogə́ rang aĺ anī, kɔ́ɔ̄ a asə ka̰a̰ Ɓē ko̰o̰ yā Nə́ɓā alé.

JA̰A̰ 3:5

Anī Jeju tél ədan na: Ādə̄ m-ə́daī najə̄ kə́ bo ngá̰ý, ré ojən̄ deē kə maná aĺ ō, kə Ndílí aĺ ō anī, kɔ́ɔ̄ asə kudə kem Ɓē ko̰o̰ yā Nə́ɓā tə́ alé.

JOJUE 8:35

Jojue tə́dá yá̰a̰ gə̄ ń Moijə əda kadə̄ rāān̄ ní ta kum ngán Israel gə̄ tə́ malang kanjə̄ kəya̰ yá̰á̰ kógə̄ḿ kɔ̄ɔ́. Dəyá̰ gə̄ ō, ngán gə̄ ō, tə̄rā gə̄ ń ndin̄ dan ngán Israel gə̄ tə́ ní ō, nin̄ i kum tə́.