MARK 1:5 - Bibəl ta Sar̄

⁵ De gə̄ kə́ dɔ nang kə́ Jude tə́ malang ō, ngé kə́ Jerusalem tə́ malang gə̄gē ō, aw̄n̄ rɔ̄n tə́, adə̄ Ja̰a̰ rāādə́ batém kum bā Jurdḛ tə́, dan ń nin̄-ədan̄ majaĺ yādə́ gə̄ kə̄ ndágá ní.

Bible sar

⁵ De gə̄ kə́ dɔ nang kə́ Jude tə́ malang ō, ngé kə́ *Jerusalem tə́ malang gə̄gē ō, aw̄n̄ rɔ̄n tə́, adə̄ Ja̰a̰ rāādə́ batém kum bā Jurdḛ tə́, dan ń nin̄-ədan̄ majaĺ yādə́ gə̄ kə̄ ndágá ní.

MARK 1:5 Referans Kwoze

KƏLA RĀĀ 19:18

De gə̄ ngá̰ý dan ngé taā kem gə̄ tə́ reē ɔrə̄n̄ gír majaĺ yādə́ gə̄ ō, teēn̄ kə gíŕ yá̰a̰ rāādə́ gə̄ kə̄ ndágá ō.

KƏLA RĀĀ 2:38

Piyer ədadə́ na: Ī-tūrī háĺsí malang, ba ādə̄ rāān̄sí batém kógə̄ḿ kógə̄ḿ kə rī Jeju Kərist, kadə̄ Nə́ɓā mā̰yń rɔ̄n dɔ yá̰á̰ kə́ majaĺ gə̄ ń ī-rāāī tə́ ní. Ɓá anī ā ə́ngeī Ndíĺ kə́ Táĺ ń Nə́ɓā adə̄ de gə̄ karī ní.

JA̰A̰ 3:23

Dan ngeé ń noō tə́ ní, Ja̰a̰ a rāā de gə̄ batém i Enon tə́, kadə loo kə́ Salim tə́, tɔdɔ̄ man̄ i ngá̰ý loo ní tə́. De gə̄ reēn̄ tū tə́ kadə̄ rāān̄də́ batém.

JA̰A̰ 1:28

Yá̰á̰ ní rāā yá̰a̰ i Betani, gidə man̄ Jurdḛ kə́ nú tə́, loo ń Ja̰a̰ a rāā de gə̄ batém tū tə́ ní tə́.

MATIYE 4:25

Adə̄ kósə de kə́ ngá̰ý gə̄ unən̄ gōn. Nin̄-ḭḭn̄ i gō nang kə́ Galile tə́ ō, Dekapol tə́ ō, Jerusalem tə́ ō, gō nang kə́ Jude tə́ ō, gidə bā Jurdḛ tə́ ō.

Gōsə̄ najə̄ gə̄ 28:13

De kə́ nge ɓɔ̄ɔ̄ dɔ yá̰a̰ rāān kə́ gōtə́ aĺ gə̄ i de kə́ a teē deē alé, banī deē ń ɔjə yá̰a̰ rāān kə́ gōtə́ aĺ gə̄ kə́ ndágá wáńg ō, lōō gír rāā tə́ ō ní, a a̰a̰n̄ kum tō ndoō yān.

PĀ GƏ̄ 32:5

Yá̰á̰ kə́ majaĺ ń m̄-rāā ní m-ə́daī wáńg. Yá̰á̰ kə́ gōtə́ aĺ ń m̄-rāā ní m̄-mundī alé. M-ə́da na: M-ā m-ɔ́jə́ Kɔ́ɔ̄ɓē yá̰á̰ kə́ majaĺ gə̄ ń m̄-rāā ní. Anī ḭ̄ ún majaĺ yāḿ ń oym̄ ní dɔḿ tə́ kɔ̄ɔ́.

JOJUE 7:19

Jojue əda Akan na: Ngōnə̄ḿ, ɔ́sə gɔn Kɔ́ɔ̄ɓē yā Israel ō, ī-ɓōkə́n tɔ̄ȳ ō, ɔ́jəm̄ yá̰á̰ ń ī-rāā ní ba ī-lōō munə̄m̄ yá̰á̰ kógə̄ḿ.

MARK 1:4

Ja̰a̰ Batistə teē hɔy kem dəla loo tə́. Ni-ənī mbēr̄ batéḿ kə́ kadə̄ de gə̄ tūrə̄nń háĺdə́ ō, rāān̄də́ batém ō, yā kadə̄ Nə́ɓā mā̰ȳń rɔ̄n dɔ majaĺ yādə́ tə́.

MARK 1:6

Ja̰a̰ o̰ō̰ i kūbə̄ bḭḭ̄ jámbal ō, əhɔ ɓōdə̄n i kə ndārá ō. Yá̰a̰ kəsa yān i yim̄ gə̄ ō, mbar̄ tejə kə́ bembeé gə̄ ō.

JA̰A̰ 5:35

Ja̰a̰ i lámbá ń əndān̄ hor tū tə́ a unjə̄ ní, ba sḭḭ̄ ī-ndigiī rāā rɔ̄nel̄ gō hor yān ní tə́ sḛ́ý.

JAKƏ 5:16

Ədaī naā gír majaĺ yāsí gə̄ ō, ī-ndɔ̄yī tām̄ yā naā tə́ ō, yā kadə̄ rɔ̄sí ngáań. Ndɔ̄ȳ yā de kə́ gōtə́ ní tɔ́gən i ngá̰ý ō, a rāā kəla ō.