MARK 1:35 - Bibəl ta Sar̄

³⁵ Dəloí ɓatə, kété tá kadə̄ loo gán̄g ní, Jeju ndól̄, ba teē ndágá aw̄ loo kə́ deē gətóo tū tə́ tə́ ndi a ndɔ̄ȳ loo ngeé ń noō tə́.

Bible sar

³⁵ Dəloí ɓatə, kété tá kadə̄ loo gán̄g ní, Jeju ndól̄, ba teē ndágá aw̄ loo kə́ deē gətóo tū tə́ tə́ ndi a ndɔ̄ȳ loo ngeé ń noō tə́.

MARK 1:35 Referans Kwoze

Najə̄ kə́ Majə yā Jeju ń Luk ndang ní 6:12

Dan ngeé ń noō tə́ ní Jeju aw̄ ndɔ̄yɔ̄ɔ́ dɔ mbalá. Ni ndɔ̄ȳ Nə́ɓā bátə́ loo tīī dɔn tə́.

EPEJƏ 6:18

Ī-ndɔ̄yī kə kum mbang gə̄ malang kə ta kūl̄ Ndíl. Əhɔī rɔ̄sí tɔgə loo ndi já̰já̰ tə́ ō, ī-rāāī Nə́ɓā ɓɔ́ tām̄ yā deē yān gə̄ tə́ malang ō.

Najə̄ kə́ Majə yā Jeju ń Luk ndang ní 5:16

Ba Jeju a ɔr̄ rɔ̄n i kə kérneé i kem loo gə̄ kə́ ɓē gətóo tū tə́ n a ndɔ̄ȳń ní.

PĀ GƏ̄ 5:3

Mban̄g yāḿ, Nə́ɓā yāḿ, ī-nēl̄ mbīí ōoń nōō yāḿ. I ḭ̄ n m̄-ndɔ̄yī ní.

HEBƏRO 5:7

Dan ń Jeju ndi dɔ nang tə́ laā ní, Nə́ɓā ń asə kajən ta yo tə́ ní, ni-ndɔ̄ȳn ō, rāān ɓɔ́ ō, əga kɔŕ ngá̰ý ō, kə nōó kumən tə́ ō. Ba Nə́ɓā oōn i sɔɔ̄ń koō kə́ ni-oō tan.

JA̰A̰ 6:15

Dan ń Jeju ger̄ kadə̄ a reēn̄ yā kəhɔ kəndān mban̄g anī, tél ɔr̄ rɔ̄n aw̄ dɔ mbal̄ tə́ gogə́ kə kérneé.

MATIYE 14:23

Ba dan ń ni-əda de gə̄ adə̄ aw̄n̄ kɔ̄ɔ́ oy anī, ɔr̄ rɔ̄n aw̄ dɔ mbalá yā ndɔ̄ȳ. Loo tíbə dɔn tə́ loo ń noō tə́ kə kérneé.

PILIPƏ 2:5

Ādī háĺsí i háĺ Jeju Kərist.

JA̰A̰ 4:34

Jeju ədadə́ na: Yá̰a̰ kəsa yāḿ i kadə̄ m̄-rāā kem ndigə yā nge ń əlam̄ ní ō, kadə̄ m̄-rāā kəla yān m̄-tɔ̄l̄ ta ō.

PĀ GƏ̄ 109:4

Nin̄ əndān̄ najə̄ dɔḿ tə́ tām̄ rāā ń m̄-rāā tɔdɔ̄də́ ní, banī mā yāḿ i ndɔ̄ȳ Nə́ɓā.

MATIYE 14:13

Dan ń Jeju oō najə̄ ní anī, ɔtə al̄ kem toó yā kaw̄ loo kə́ ɓē gətóo tū tə́ tə́. Banī kósə de gə̄ oōn̄, adə̄ teēn̄ ɓē yādə́ gə̄ tə́ ba aw̄n̄ gōn tə́ kə njadə́. Nin̄-njə̄rān̄ i kə gō kadə bāá.

MARK 1:36

Simo̰ nin̄ kə ngé gə̄ ń seneé ní aw̄n̄ ndəlen tə́.