MARK 1:21 - Bibəl ta Sar̄

²¹ Jeju nin̄ kə ngé ndóō yá̰a̰ yān gēé aw̄n̄ kem ɓē kə́ Kapernaum tə́, i ndɔ̄ sabat tə́, adə̄ ni udə kem kújə́ kán̄ naā tə́ ba əla gíŕ ndóō de gə̄ yá̰a̰.

Bible sar

²¹ Jeju nin̄ kə ngé ndóō yá̰a̰ yān gēé aw̄n̄ kem ɓē kə́ Kapernaum tə́, i ndɔ̄ *sabat tə́, adə̄ ni udə kem kújə́ kán̄ naā tə́ ba əla gíŕ ndóō de gə̄ yá̰a̰.

MARK 1:21 Referans Kwoze

MARK 6:2

Loo ń ndɔ̄ sabat ugə̄ anī, əla gíŕ ndóō de gə̄ yá̰a̰ kem kújə́ kán̄ naā tə́. De gə̄ ń oōn̄ najə̄ yān ní nin̄ i ngá̰ý. Ɔr kumdə́, adə̄ dəjen̄ na ké ni-ḭḭ kə yá̰a̰ gə̄ ń toō i rá wa, ké kum kedə̄ ń adə̄nən̄ ń toó ḭḭ i rá wa, ké ni-rāā yá̰á̰ kə́ yáā gə̄ ngá̰ý kə́ tītə̄ ń noō gə̄ kə dɔneé i ba̰ý wa.

MARK 1:39

Ba ni-aw̄, ɔjə najə̄ kem kújə́ kán̄ naā yādə́ gə̄ tə́ gō nang malang kə́ Galile tə́ ō, ba ni-tə̄ɓā ndíĺ kə́ majaĺ gə̄ kɔ̄ɔ́ ō.

MATIYE 4:23

Jeju un gō nang kə́ Galile malang, a ndóō de gə̄ yá̰a̰ kem kújə́ kán̄ naā yādə́ gə̄ tə́ ō, a ənī mbēr̄ Najə̄ kə́ Majə kə́ dɔ Ɓē ko̰o̰ tə́ ō, rāā adə̄ rɔ̄ ngé mo̰y kə́ tayā tayā gə̄ malang ngáā ō, rāā adə̄ rɔ̄ de kə́ nujə gə̄ malang tél majə gogə́ ō, dan ngán Israel gə̄ tə́.

KƏLA RĀĀ 17:2

Anī Pol aw̄ gōdə́ tə́ kem kújə́ ní tə́ tītə̄ ń i jī bēl̄ loo rāān yān ní. Ni-ɔr̄ najə̄ sedə́ kə dɔ ndɔ̄ sabat gə̄ mətá kə gō naá.

KƏLA RĀĀ 18:4

Kə ndɔ̄ sabat gə̄ malang ní, Pol a ɔr̄ i najə̄ kem kújə́ kán̄ naā tə́. Ni sāā i kɔsə ngóy Jipə gə̄ ō Gərek gə̄ ō.

MATIYE 4:13

Ni ndɔ́tə̄ Najaret, ba aw̄ ndi Kapernaum ń i ɓē kə́ dɔ gɔ́sə bā bo kə́ Galile tə́ ní, gō nang kə́ Jabulo̰ tə́ ō Nepətali tə́ ō.

Najə̄ kə́ Majə yā Jeju ń Luk ndang ní 13:10

Dan ngeé ń noō tə́ ní Jeju a ndóō de gə̄ yá̰a̰ kem kújə́ kán̄ naā kógə̄ḿ tə́ ndɔ̄ sabat tə́.

Najə̄ kə́ Majə yā Jeju ń Luk ndang ní 10:15

Ba ḭ̄, Kapernaum, ɔ́jəń na ā ḭ́ḭ kum kə̄ dɔɔ́ yā kugə̄ no rā̰ tə́ a? A télən̄ seí kə̄ nang tə́ bátə́ yā kəlaī ɓádá.

Najə̄ kə́ Majə yā Jeju ń Luk ndang ní 4:16

Jeju aw̄ Najaret tə́, ɓē ń ətōnən̄ tū tə́ ní tə́. Ndɔ̄ sabat tə́ anī, ni-aw̄ kem kújə́ kán̄ naá tə́ tītə̄ ń i jī bēl̄ loo rāān ní. Ni-ḭḭ dɔɔ́ yā tə́da makətūbə̄.

MARK 10:1

Jeju ḭḭ noó aw̄ gō nang kə́ Jude tə́, gidə bā Jurdḛ tə́, anī kósə de gə̄ kánə̄n̄ naā rɔ̄n tə́ ɓáý to̰. Tītə̄ ń i jī bēl̄ loo rāān ní, ni-ndóōdə́ yá̰á̰ ɓáý to̰.

MARK 2:1

Rāā ndɔ̄ ngá̰ý aĺ gō tə́ anī, Jeju tél reē Kapernaum adə̄ de gə̄ oōn̄ na ni i kújú,

MARK 1:20

Kə̄ ta jī tə́ noō ni-ɓāŕdə́. Anī əya̰n̄ bɔbə̄də́ kə ngé rāā kəla gēé kem toó, ba aw̄n̄ gōn tə́.

MARK 1:29

Jeju teē kem kújə́ kán̄ naā tə́, ba kə̄ ta jī tə́ noō, aw̄n̄ kem kújə yā Simo̰ nin̄ kə Andəre tə́, ba Jakə ō Ja̰a̰ ō i sedə́.

MARK 1:33

De kə́ kem ɓēé gə̄ malang kánə̄n̄ naā kə̄ ta róbə́ kújə́ tə́.

MARK 3:1

Jeju udə kem kújə kán̄ naā tə́ to̰. Deē kógə̄ḿ kə́ jīn tutə ndi kemeé.

Najə̄ kə́ Majə yā Jeju ń Luk ndang ní 4:23

Jeju ədadə́ na: Rɔ̄kum, ā ə́damī kāgə̄ najə̄ ń na, nge rāā kadə̄ rɔ̄ de gə̄ ngáā, ī-rāā adə̄ rɔ̄í īkɔ́ ngáā ní ō, ā ə́damī na yá̰a̰ malang ń m̄-rāā Kapernaum nú ní na ōōī, adə̄ yá̰á̰ ń m̄-rāā nú ní kə m̄-rāā kem ɓē yāḿ mə̄kɔ́ tə́ ō.