MARK 1:14 - Bibəl ta Sar̄

¹⁴ Kutə̄ gō ń əlan̄ Ja̰a̰ jī de gə̄ tə́ ní, Jeju reē Galile.

Bible sar

¹⁴ Kutə̄ gō ń əlan̄ Ja̰a̰ jī de gə̄ tə́ ní, Jeju reē Galile.

MARK 1:14 Referans Kwoze

MATIYE 4:23

Jeju un gō nang kə́ Galile malang, a ndóō de gə̄ yá̰a̰ kem kújə́ kán̄ naā yādə́ gə̄ tə́ ō, a ənī mbēr̄ Najə̄ kə́ Majə kə́ dɔ Ɓē ko̰o̰ tə́ ō, rāā adə̄ rɔ̄ ngé mo̰y kə́ tayā tayā gə̄ malang ngáā ō, rāā adə̄ rɔ̄ de kə́ nujə gə̄ malang tél majə gogə́ ō, dan ngán Israel gə̄ tə́.

MATIYE 4:12

Dan ń Jeju oō kadə̄ əhɔn̄ Ja̰a̰ anī, ɔr̄ rɔ̄n loo ń noō tə́ kɔ̄ɔ́ ba aw̄ Galile.

EPEJƏ 2:17

Adə̄ Kərist reē i kənī mbēr̄ Najə̄ kə́ Majə yā kem sɔl̄ lɔm tə́, tām̄ yāsí sḭḭ̄ ń ī-ndiī sa̰y rɔ̄n tə́ ní ō, tām̄ yā ngé gə̄ ń nin̄-ndin̄ ngɔr rɔ̄ Nə́ɓā tə́ ní ō.

Najə̄ kə́ Majə yā Jeju ń Luk ndang ní 8:1

Gō tə́ anī, Jeju njə̄rā kə gō ngán ɓē gə̄ ō, ɓē kə́ bo gə̄ ō, ənīń mbēr̄. Ni ɔjə Najə̄ kə́ Majə kə́ dɔ Ɓē ko̰o̰ yā Nə́ɓā tə́. Ngé ndóō yá̰a̰ yān gə̄ ń nin̄ i deē kutə gidə i jōó ní ō,

KƏLA RĀĀ 28:23

Nin̄-oōn̄ naā kə Poló dɔ ndɔ̄ kógə̄ḿ tə́, ba reēn̄ ngá̰ý tɔȳ kə́ kété əngenən̄ kem kújə yān tə́ ndɔ̄ ngeé ń noō tə́. Ni-ɔr̄ najə̄ sedə́ dəloí bátə́ loo sɔl̄ dɔn tə́, ɔjədə́ najə̄ kə́ dɔ Ɓē ko̰o̰ yā Nə́ɓā tə́ ō, sāā kəhɔdə́ kə najá kadə̄ taān̄ kem Jeju ō. Ni-əla gír sedə́ i dɔ ndū najə̄ yā Moijə tə́ bátə́ teēń dɔ ngé koō ta gə̄ tə́.

MATIYE 9:35

Jeju un gō ɓē kə́ bo gə̄ ō, ngán ɓē gə̄ ō malang. Ni ndóō de gə̄ yá̰a̰ kem kújə́ kán̄ naā yādə́ gə̄ tə́ ō, ənī mbēr̄ Najə̄ kə́ Majə kə́ dɔ Ɓē ko̰o̰ tə́ ō, rāā adə̄ rɔ̄ ngé mo̰y gə̄ malang ō, rɔ̄ de kə́ nujə gə̄ malang ō ngáā.

KƏLA RĀĀ 20:25

Ngɔlaā ní m̄-ger̄ majə kadə̄ sḭḭ̄ malang ń m̄-njə̄rā dansí tə́ m-ɔ́jəń najə̄ kə́ dɔ Ɓē ko̰o̰ yā Nə́ɓā tə́ ní, ā á̰a̰mī to̰ alé.

MATIYE 14:2

Anī Herod əda ngé kəla yān gə̄ na: Deē ń noō i Ja̰a̰ Batistə ń oy ní n ndól̄ á ənge tɔ́gə rāā yá̰á̰ kə́ yáā gə̄ noó.

Najə̄ kə́ Majə yā Jeju ń Luk ndang ní 3:20

Loo ń noō tə́ Herod rāā yá̰á̰ kə́ majaĺ kə́ rang kə̄ dɔ madə̄ gə̄ tə́ ɓáý to̰, ni-əhɔ Ja̰a̰ ənīn dəngáyá.

MATIYE 11:2

Dan ń Ja̰a̰ i kújə dəngáyá ní, ni-oō kōō yá̰a̰ gə̄ ń Kərist rāā ní.

MATIYE 4:17

Loo ń noō tə́ Jeju əla gír kɔjə de gə̄ najə̄, ədadə́ na: Ī-tūrī háĺsí, tɔdɔ̄ Ɓē ko̰o̰ kə́ dɔ rā̰ tə́ i ngɔr.

Makətūbə̄ ń Pol ndang adə̄ Rom gə̄ ní 1:1

I mā Pol n m-ə́la kə makətūbūú mādə̄sí ní. Mā i nge kəla yā Jeju Kərist. Ni ɓārə́m̄ kadə̄ mā i ngōmbang kəla yān ō, ɔrə̄m̄ tayā kadə̄ m-ə̄nā mbēr̄ Najə̄ kə́ Majə yā Nə́ɓā ō.