MALASI 3:6 - Bibəl ta Sar̄

⁶ Mā Kɔ́ɔ̄ɓē m̄-tūr̄ alé. Ba sḭḭ̄, ngándáńg ní sḭḭ̄ i ngán Jakob gə̄!

Bible sar

⁶ Mā Kɔ́ɔ̄ɓē m̄-tūr̄ alé. Ba sḭḭ̄, ngándáńg ní sḭḭ̄ i ngán Jakob gə̄!

MALASI 3:6 Referans Kwoze

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

HEBƏRO 13:8

Jeju Kərist to i kum gotən, tagə́bēé ō, ɓōólaā ō, ni a to i kum gotən ngándáńg ō.

JAKƏ 1:17

Yá̰á̰ kə́ majə gə̄ malang ń adə̄n̄jí ní ō, kadə̄ karī kə́ majə ɔtə̄ kə taá mámák gə̄ malang ō ní, i yá̰a̰ gə̄ kə́ ḭḭn̄ i dɔ rā̰ tə́, ba teēn̄ i rɔ̄ Bɔbə̄ Ngōn̄ kə́ nge rāā loo kə́ unjə̄ kow tə́. Nə́ɓā tūr̄ aĺ ō, ni a ndɔ́tə̄ á a rāā ndíl dɔ yá̰a̰ gə̄ tə́ aĺ ō.

JEREMI 32:27

Mā Kɔ́ɔ̄ɓē i Nə́ɓā yā de gə̄ malang. Yá̰á̰ kə́ yā dum̄ taḿ i rí?

1 SAMUEL 15:29

Kɔ́ɔ̄ɓē ń i tɔ́gə yā ngán Israel gə̄ ní, a sor̄ aĺ ō, a tūr̄ ndūn aĺ ō, tɔdɔ̄ ni i deē á a tūr̄ ndūn alé.

HEBƏRO 6:18

Adə̄ yá̰á̰ kə́ loo tūr̄də́ gətóo gə̄, kə́ Nə́ɓā asə sor̄ tū tə́ aĺ gə̄ gír i jōó. Loo ń noō tə́ ní, jḭḭ̄ ń j-əngeī loo ɓɔ̄ɔ̄ rɔ̄ yājí i kemən tə́ ní, əlan̄ go̰ kemjí tə́ kadə̄ j-əhɔīń kəndā kem dɔ tə́ sásáp kadə̄ ngan̄g, kəndā kem dɔ tə́ ń əndān̄ nojí tə́ kadə̄ jə-gə̄rāī ní.

JEJU TEĒ KUM JA̰A̰ 1:8

Kɔ́ɔ̄ɓē Nə́ɓā əda na ni na i Alpa ō, Omega ō, deē ń ndi ngɔlaā ō, ndi kété ō, a reē ɓáý ō ní. I ni n i Nə́ɓā kə́ bo kə́ tɔ́gən i ngá̰ý ní.

JEJU TEĒ KUM JA̰A̰ 22:13

Mā i Alpa ō, Omega ō, nge kə́ kété ō kə́ gogə́ ō, ta kəla gír ō ta tɔ̄l̄ ta ō.

IJAI 44:6

Yá̰á̰ ń Kɔ́ɔ̄ɓē ō, mban̄g ō, nge gān̄g dɔ Israel ō, Kɔ́ɔ̄ɓē kə́ bo kə́ tɔ́gən i ngá̰ý, əda ní n toó: Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō. Nə́ɓā kə́ rang gətóo, i mā ngóy n i Nə́ɓā ní.

PĀ GƏ̄ 103:17

Banī kem majə yā Kɔ́ɔ̄ɓē kə́ tām̄ yā ngé ɓōĺ ndílən gə̄ tə́ əla gír i jóo ō, a to ngándáńg ō. Háĺ kə́ gōtə́ yān to tām̄ yā ngán kaadə́ gə̄ tə́ ō,

PĀ GƏ̄ 102:26

Ḭ̄ ə̄ndā dɔ nang i kété jóo ō, i jīí n rāā dɔ rā̰ ō ní.

PILIPƏ 1:6

Yá̰á̰ ń m̄-ger̄ majə ní n toó: Nə́ɓā ń əla gír rāā kəla kə́ majə ń toō kemsí tə́ ní, a rāā kə̄ non tə́ bátə́ yā tɔ̄l̄ ta ndɔ̄ yā Jeju Kərist tə́.

IJAI 41:13

Mā Kɔ́ɔ̄ɓē mā i Nə́ɓā yāí. M-ə́hɔ ta jī ko̰í. M-ə́daī na: Ī-lōō ɓōĺ, m̄-reē i yā dḭḭ̄.

OJEE 11:9

M-ā m̄-bə̄gā wōn̄g yāḿ kə́ ngá̰ý alé, m-ā m̄-tél yā reē nujə ɓē kə́ Epəraim kɔ̄ɔ́ alé. Tɔdɔ̄ mā i Nə́ɓā, ba i deē ndul alé. Epəraim, ɓēé looí ní, mā i Nə́ɓā kə́ táĺ ō, m-ā m̄-reē kə wōngōó aĺ ō.

PĀ GƏ̄ 78:57

Télən̄ kɔ̄ɔ́ gō róbə yā Nə́ɓā tə́ ō, gólə̄n̄ loo tītə̄ yā kaadə́ gə̄ ō. Tūrə̄n̄ kumdə́ kə̄ gogə́ tītə̄ ga̰ gərā kə́ majaĺ beē.

PĀ GƏ̄ 78:38

Ɓá tā ba ni ń kumən o̰o̰n kə de gēé ní, lōō gír tɔ̄l̄də́ malang kɔ̄ɔ́ tə́ ba ɔr̄ majaĺ yādə́ kɔ̄ɔ́ ō, lōō gír rāā wōn̄g sedə́ tə́ nja i ngá̰ý ō, adə̄ wōn̄g rāān dɔdə́ tə́ aĺ ō,

TA KƏLA 15:7

Kɔ́ɔ̄ɓē ədan na: Mā i Kɔ́ɔ̄ɓē, nge teē seí kɔ̄ɔ́ Ur, dɔ nang kə́ Kalde tə́ yā kadī dɔ nang ń toō.

Makətūbə̄ ń Pol ndang adə̄ Rom gə̄ ní 5:10

Dan ń jḭḭ̄ i madə̄ ba̰ā̰ Nə́ɓā gə̄ ɓáý ní, Nə́ɓā rāā adə̄ yo Ngōn̄ kemən əndājí naā tə́ seneé. Dan ń ngɔlaā á əndājí naā tə́ seneé toō ní, loo kadə̄ ajəjí kə ta kūl̄ Ngōnən kə́ ndi kə kumneé aĺ ní i ba̰ý?

TA KƏLA 22:16

Najə̄ yā Kɔ́ɔ̄ɓē n toó: m̄-ə̄nā ndūḿ yā rāā majə seí tām̄ yá̰á̰ ń ī-rāā tə́ ní. Ɔ̄gə̄m̄ ngōnīí kə́ kal kógə̄ḿ beē alé, adə̄ m-ā m̄-rāā kadə̄ ngán kaaí gə̄ a bəlan̄ tītə̄ tə́yō̰ gə̄ kə́ dɔ rā̰ tə́ ō, tītə̄ nán̄g ngárə̄ḿnjēý kə́ ta bā bo tə́ ō. Ngán kaaí gə̄ a taān̄ ɓē yā madə̄ ba̰ā̰də́ gə̄ ō.

TA KƏLA 15:18

Ndɔ̄ ń noō tə́ Kɔ́ɔ̄ɓē əhɔ madə̄ naā kə Abəram. Ni-ədan na: M-ādə̄ ngán kaaí gə̄ dɔ nang ń toō ń əla gír bā kə́ Ejiptə tə́ bátə́ ugə̄ń Opəratə ń i bā kə́ bo ní tə́ ní.

PĀ GƏ̄ 102:27

Yá̰a̰ gə̄ ń noō a gətóon̄ kɔ̄ɔ́ banī ḭ̄ ā ī-ndi kum gotií. Nin̄ malang a ngísən̄ tītə̄ kūbə̄ kə́ əsō ngísə beé. Ḭ̄ ā ī-mbél̄ gíŕdə́ tītə̄ loo mbél̄ gír kūbə̄ beé ō, nin̄ a aw̄n̄ kɔ̄ɔ́ yā kəya̰ń loo ō.

DANIEL 6:26

Gō tə́ anī mban̄g Darius ndang najə̄ ń toō əlań adə̄ de gə̄ ń gíŕdə́ ō nápardə́ ō ta yādə́ ō i tayā tayā á ndin̄ dɔ nang tə́ malang ní: m̄-ndə̄ngā kadə̄ ī-ndiī lápə́ya ngá̰ý!

HABAKUK 1:12

Nəkɔ́ ń jóo toó ní, i ḭ̄ n i Kɔ́ɔ̄ɓē ní. Ḭ̄ i Nə́ɓā yāḿ. Ḭ̄ i de kə́ Táĺ ō, ḭ̄ óy aĺ ō. Kɔ́ɔ̄ɓē, ḭ̄ ī-gə̄rā Babilon gə̄ yā rāań sarya sejí. Ḭ̄ i mbal̄ yāḿ kə́ ngan̄g. Ḭ̄ ī-mēr̄də́ kəndají, najə̄ yá̰a̰ rāājí kə́ gōtə́ aĺ tə́.

PĀ GƏ̄ 102:28

Banī ḭ̄ ī-ndi kum gotií, ta tɔ̄l̄ ta ndɔ̄í gətóo.

IJAI 46:4

M-ā m̄-to i kum gotəḿ bátə́ ɓə́gásí tə́. M-ā m-ə̄tōsí bátə́ kadə̄ nənga dɔsí ndaań. I mā n m̄-rāāsí ní, i mā n m-ā m-ə̄tōsí ní. A̰á̰ā̰, m-ā m-á̰a̰ gōsí ō, m-ā m-ájə́sí ō.