MALASI 3:5 - Bibəl ta Sar̄

⁵ A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

Bible sar

⁵ A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

MALASI 3:5 Referans Kwoze

HEBƏRO 13:4

Ādə̄ de gə̄ malang ɓōlə́n̄ gidə taā naā ō, kadə̄ majaĺ tákə̄ tə̄rá taā naā alé ō, tɔdɔ̄ Nə́ɓā a gān̄g sarya dɔ ngé gə̄ ń sāān̄ naā loo kaya tə́ ní ō, dɔ ngé rāȳ gə̄ tə́ ō.

NDŪ NAJƏ̄ 5:11

Ā ī-ɓāŕ rīḿ kanjə̄ kumən alé, tɔdɔ̄ deē ń a ɓāŕ rīḿ kanjə̄ kumən ní, mā Kɔ́ɔ̄ɓē Nə́ɓā yāí m-ā m-ə́ya̰n karī alé.

JAKƏ 5:4

Á̰a̰ī, ngé kəla gə̄ əjan̄ kōō kə́ kem ndɔr̄ yāsí gə̄ tə́, banī sḭḭ̄ ɔ̄gīdə́ nar tətōdə́, adə̄ nar ní əga kɔŕ! Ba nōō rɔ̄ yā ngé kəja kōō gə̄ ní əsō mbī Kɔ́ɔ̄ɓē kə́ bo kə́ tɔ́gən i ngá̰ý tə́.

MALASI 2:14

Sḭḭ̄ ī-dəjeī rɔ̄sí najə̄ ə́daī na ké i tām̄ rí tə́ wa. I tɔdɔ̄ sḭḭ̄ ə̄nī ndūsí ta kumən tə́ yā ra dɔ ndūsí tə́ kə dəyá̰ ń sḭḭ̄ ī-gə̄rāī dan balsáásí tə́ ní. Banī sḭḭ̄ ī-raī dɔ ndūsí tə́ kə dəyá̰ ní alé! Kété ní dəyá̰ ní ndi sesí ō, sḭḭ̄ ə̄nīī ndūsí ādīin̄ ō.

NDŪ NAJƏ̄ 27:19

Deē ń a ɔgə̄ tə̄rā kə́ nge nam̄ ō, ngōn̄ hal ō dəyá̰ kə́ ngaa koy ō yá̰á̰ kə́ sɔɔ̄ dɔdə́ ní, ndɔ̄ĺ i dɔn tə́. Loo ń noō tə́ gír de gə̄ malang a ədan̄ na: A̰á̰ā̰ ādə̄ i tītə̄ ń noō.

JEJU TEĒ KUM JA̰A̰ 22:15

Banī bísə gə̄ ō, ngé rāā kəga gə̄ ō, ájə́ba gə̄ ō, ngé tɔ̄l̄ de gə̄ ō, ngé rāā ɓesə̄ gə̄ ō, de gə̄ malang ń nel̄də́ sor̄ ō, a sorə̄n̄ ō ní, nin̄ i ndágá.

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

LEBI GƏ̄ 20:27

Ré dəngam aké dəyá̰, nin̄ i kɔdə̄ sāā gə̄ aláa nge koō ta gə̄ anī, a tɔ̄lə̄n̄də́ kɔ̄ɔ́. A tə́nīn̄də́ kə mbalá yā tɔ̄l̄də́. Mósə́də́ a na̰y i dɔdə́ nin̄ kɔ́ gə̄ tə́.

LEBI GƏ̄ 20:6

M-ā m̄-tūr̄ rɔ̄ḿ yā rɔ̄ɔ̄ deē ń a oō ta kɔdə̄ sāā gə̄ ní. M-ā m-ɔ̄rən kɔ̄ɔ́ dan gír deē yān gə̄ tə́.

LEBI GƏ̄ 19:13

Ī-kə́ra madí aĺ ō, ī-ɓogə yá̰a̰ yān aĺ ō. Nar tətō nge kəla yāí a to jīí tə́ kadə̄ loo tīī dɔ tə́ alé.

MALASI 2:17

Ī-rāāī Kɔ́ɔ̄ɓē kə najə̄ kɔr̄sí gēé adə̄ ni ɔr. Sḭḭ̄ ə́daī na ké ī-rāāī i ba̰ý n ni ɔrəń ní wa. Sḭḭ̄ ī-rāāin̄ adə̄ ni ɔr, i dan ń ə́daī na ni na a̰a̰ ngé rāā yá̰á̰ kə́ majaĺ gə̄ na i kə kemən kə́ majaá ní, ni na ndigə najə̄ gō de gə̄ ngeé gə̄ ń noō tə́ ní. Sḭḭ̄ ə́daī ɓáý to̰ na: Ké Nə́ɓā kə́ nge gān̄g sarya kə́ gōtə́ ndi a rāā i rí wa.

JEREMI 29:23

Majaĺ yādə́ i yá̰á̰ kə́ to rɔ̄sɔl̄ ń rāān̄ Israel tə́ ní. Rāȳn̄ kə nə̄yá̰ madə̄də́ gēé ō, ɔrə̄n̄ najə̄ kə́ rɔ̄kum alé kə rīḿ ō, banī m̄-mēr̄də́ kəda najə̄ kógə̄ḿ alé. Mā m̄-ger̄ ō, m-á̰a̰ kə́ kumḿ ō. Najə̄ ń Kɔ́ɔ̄ɓē əda ní n noó.

Gōsə̄ najə̄ gə̄ 16:6

A ɔrə̄n̄ yá̰a̰ rāā kə́ gōtə́ aĺ kɔ̄ɔ́ i kə kem kə́ majaá ō, kə najə̄ kə́ rɔ̄kumuú ō. Deē a tūr̄ gidən kɔ̄ɔ́ ta yá̰á̰ kə́ majaĺ tə́ i kə ta kūl̄ ɓōĺ ndíĺ Kɔ́ɔ̄ɓēé ō.

Gōsə̄ najə̄ gə̄ 8:13

Ɓōĺ ndíĺ Kɔ́ɔ̄ɓē i kim̄ yá̰á̰ kə́ majaĺ. Kɔjə rɔ̄ ō, gán̄g rɔ̄ ō, róbə rāā yá̰á̰ kə́ majaĺ ō, ta de kə́ a gól̄ loo ō, i yá̰a̰ gə̄ kə́ nelə̄m̄ sedə́ aĺ bátə́.

PĀ GƏ̄ 98:9

kété no Kɔ́ɔ̄ɓē tə́, tɔdɔ̄ ni a reē i mbée. A reē i kə̄ ko̰o̰ ɓēé dɔ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

Makətūbə̄ ń Pol ndang adə̄ Rom gə̄ ní 3:8

Ré i beé anī, i tām̄ rí tə́ á j-ədaī na kə jə-rāāī majaĺ kadə̄ yá̰á̰ kə́ majə teēń tū tə́ aĺ ní? Ngé tétə̄ najə̄ dɔḿ tə́ gə̄ ɔsəmə̄n̄ nge kɔr̄ najə̄ kə́ tītə̄ ń noō gə̄. Nin̄ ń noō sarya a əhɔdə́, ba i nin̄ kɔ́ gə̄ n sāān̄ ní.

MISE 1:2

Sḭḭ̄ gír de gə̄ malang, ōōī! Ḭ̄ dɔ nang ō, de kə́ dɔ nang tə́ gə̄ ō, ī-nēlī mbīsí! Kɔ́ɔ̄ɓē Nə́ɓā a ndi loo yān kə́ táĺ tə́ yā kəndāń najə̄ dɔsí tə́.

PĀ GƏ̄ 96:13

ta kum Kɔ́ɔ̄ɓē tə́ tā, tɔdɔ̄ ni a reē i mbée, a reē i kə̄ ko̰o̰ ɓē tə́ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

PĀ GƏ̄ 81:8

Dan ń rāān̄ kumií ndoō tə́ á ə́ga kɔŕ ní m̄-gān̄g dɔí. Man̄ ndang ngá̰ý, ba m̄-ndigiī kum tə́ loo mundə̄ tə́. m̄-nāāī kadə man̄ kə́ Meriba tə́.

NEHEMI 5:15

Ngé ko̰o̰ ɓē kə́ kété noḿ tə́ gə̄ rāān̄ de gə̄ rakəta ngá̰ý: Nin̄ taān̄ sə́lē arjā̰a̰ kutə sɔ́ jīdə́ tə́ ō, ran̄ dɔ tə́ taān̄ yá̰a̰ kəsa yādə́ gə̄ ō, kasə nduú yādə́ gə̄ ō. Ngé kəla yādə́ gə̄ rāān̄ kum de gə̄ ndoō tə́ ō. Banī mā m̄-rāā tītə̄ ń noō nja kógə̄ḿ alé tɔdɔ̄ m̄-ɓōĺ ndíĺ Nə́ɓā.

NDŪ NAJƏ̄ 24:17

Ā ī-tūr̄ gidə yá̰á̰ kə́ gōtə́ yā tə̄rā kə́ nge nam̄ aĺ ō, yā ngōn̄ hal aĺ ō. Ā ə́hɔ kūbə̄ yā dəyá̰ kə́ ngaa koy kə̄rā tə́ gíŕ yá̰á̰ kə́ ādə̄n loo tə̄nā tə́ tə́ aĺ ō.

LEBI GƏ̄ 20:10

Ré dəngam sāā nə̄yá̰ madə̄n anī, a tɔ̄l̄ə̄n̄də́ mbak nin̄ kə dəyá̰ sāān̄ naā ní.

Teē Ngán Israel gə̄ 18:21

Ní kə rāā ba kə gə̄rā de kə́ ngáā ngáā gə̄ dan ngán Israel gə̄ tə́ kə́ ɓōlə́n̄ ndíĺ Nə́ɓā ō, kə́ deē asə kənī kemən kadə̄də́ ō, kə́ a taān̄ yá̰a̰ jī deē tə́ yā nujəń sarya yā deē aĺ ō. Kə əndādə́ dɔ ngán Israel gə̄ tə́ kadə̄ nin̄ kə i ngār gə̄ dɔ de kə́ dūbú gə̄ tə́ ō, dɔ de kə́ ɓú gə̄ tə́ ō, dɔ de kə́ kutə mí gə̄ tə́ ō, dɔ de kə́ kutə kógə̄ḿ gə̄ tə́ ō,

Teē Ngán Israel gə̄ 1:17

Ɓá tā ba dəyá̰ kə́ ngé taā ngán gə̄ ní ɓōlə́n̄ ndíĺ Nə́ɓā, adə̄ rāān̄ tītə̄ ń mban̄g kə́ Ejiptə ədańdə́ ní alé. Əya̰n̄ ngáń kə́ dəngam gə̄ adə̄ ndin̄ kə kumdə́.

TA KƏLA 42:18

Kə ndɔ̄ kə́ nge ko̰ mətá anī Jəjep ədadə́ na n-ɓōĺ Nə́ɓā, adə̄ n-a n-əndā yá̰á̰ kógə̄ḿ dɔdə́ tə́ kadə̄ rāān̄. Ré rāān̄ anī a ndin̄ kə kumdə́.

JAKƏ 5:12

Tá, ngákó̰ó̰ḿ gə̄, ī-túbī kə dɔ rā̰á̰ aĺ ō kə dɔ nangaá aĺ ō, kə yá̰á̰ kə́ rangaá aĺ ō. Ādə̄ najə̄ yāsí, ré i a̰á̰ā̰ ɓáa, i a̰á̰ā̰ ō, ré i a̰ á̰ ɓáa, i a̰ á̰ ō, yā kadə̄ sarya yā Nə́ɓā əsōń dɔsí tə́ alé.

1 TESALONIK 4:6

Tū najə̄ ń noō tə́ ní, ādə̄ deē kógə̄ḿ rāā ngōkó̰o̰n yá̰á̰ kə́ gō tə́ aĺ loon tə́ aĺ ō, əsa tətōn loon tə́ aĺ ō. Tɔdɔ̄ Kɔ́ɔ̄ɓē a rāā ba̰ā̰ yá̰a̰ gə̄ ń noō malang. J-ədasí najə̄ ń noō kété ō, j-ɔjəsí kadə̄ i rɔ̄kum ō.

Najə̄ kə́ Majə yā Jeju ń Luk ndang ní 23:40

Anī madə̄n kə́ noō ní ndángə̄n əda na: Ḭ̄ ń gāngə̄n̄ sarya kə́ kógə̄ḿ beē dɔjí tə́ mbak ní, ī-ɓōĺ ndíĺ Nə́ɓā aĺ a?

PĀ GƏ̄ 36:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid kə́ nge kəla yā Kɔ́ɔ̄ɓē.

TA KƏLA 20:11

Abəraham tél ədan na: Mā m̄-gír̄ m-ə́da na de kə́ laā gə̄ na ɓōlə́n̄ Ndíĺ Nə́ɓā alé, adə̄ na a tɔ̄l̄mə̄n̄ najə̄ yā nə̄yá̰ḿ tə́.

NDŪ NAJƏ̄ 18:10

Ādə̄ de kə́ nge kənī ngōnən kə́ dəngam, aké kə́ dəyá̰ kum hor tə́ gətóo mbo̰ō̰í tə́ ō, de kə́ nge koō ta ɓádə gə̄, aláa kɔdə̄ wor, aláa kɔdə̄ gara, aláa nge bógə̄rō de gə̄,

IJAI 57:3

Sḭḭ̄ ngán dəyá̰ kə́ nge rāā kəga, ī-reēī kə̄ ngɔr. Sḭḭ̄ i ɓūtə̄ de kə́ ngé rāā rāȳ gə̄ ngóy ō, ɓūtə̄ de kə́ ngé rāā ájə́ba gə̄ ngóy ō.

JEREMI 5:2

Ədan̄ kə̄ nja naā tə́ na tītə̄ ń Kɔ́ɔ̄ɓē ndiń kə kumneé noō. Banī túbən̄ i túbə̄ kə́ rɔ̄kum alé.

JEREMI 5:29

Ní kə m̄-rāā yá̰a̰ kə de gə̄ ń toō aĺ i ba̰ý? kə m̄-dal ba̰ā̰ dɔ gír nápar de kə́ beé gə̄ tə́ aĺ i ba̰ý? Najə̄ ń Kɔ́ɔ̄ɓē əda ní n noó.

JEREMI 23:10

De gə̄ malang kə́ kem ɓēé rāān̄ rāȳ, adə̄ ɓē nujə ō, ndɔ̄ĺ i dɔ tə́ ō. Yá̰a̰ tutə malang loo ń yá̰a̰ kul̄ gə̄ a o̰o̰n̄ tū tə́ ní. O̰o̰ de gə̄ i ta rāā yá̰á̰ kə́ majaĺ ō, əhɔn̄ rɔ̄də́ tɔgə i ta nujə loo ō ngóy.

JEREMI 27:9

Ba sḭḭ̄ tā anī, ī-lōōī koō najə̄ kɔr̄ ngé koō ta yāsí gə̄ ō, kɔdə̄ sāā yāsí gə̄ ō, ngé nī yāsí gə̄ ō, ngé bógə̄rō de gə̄ yāsí gə̄ ō, mbōlí yāsí gə̄ ō ń ədan̄sí na: Ā ə́lan̄ dɔsí gíŕ tɔ́gə yā mban̄g kə́ Babilon tə́ alé ní.

JEREMI 27:10

I najə̄ kə́ rɔ̄kum alé n ngé koō ta gə̄ ń noō ədan̄sí kadə̄ ə́ya̰īneé dɔ nang yāsí kɔ̄ɔ́ ní. Kə́ rɔ̄kum tə́ ní, m-ā m̄-tə̄ndā yā tḭ̄ḭ̄sí ō, ā óyiī ō.

JEREMI 42:5

Tā anī nin̄ ədan̄ Jeremi na: Ré jə-mbātə́ rāā yá̰á̰ ń Kɔ́ɔ̄ɓē Nə́ɓā yāí ədaī tām̄ yājí tə́ ní anī, ādə̄ Kɔ́ɔ̄ɓē əndā najə̄ dɔjí tə́ kə́ de kə́ kum tə́ kə́ rɔ̄kum tə́ ō, kə́ sew tə́ ō.

HABAKUK 1:12

Nəkɔ́ ń jóo toó ní, i ḭ̄ n i Kɔ́ɔ̄ɓē ní. Ḭ̄ i Nə́ɓā yāḿ. Ḭ̄ i de kə́ Táĺ ō, ḭ̄ óy aĺ ō. Kɔ́ɔ̄ɓē, ḭ̄ ī-gə̄rā Babilon gə̄ yā rāań sarya sejí. Ḭ̄ i mbal̄ yāḿ kə́ ngan̄g. Ḭ̄ ī-mēr̄də́ kəndají, najə̄ yá̰a̰ rāājí kə́ gōtə́ aĺ tə́.

JAKARI 11:12

Loo ń noō tə́ m-ə́dádə́ na: Ré á̰a̰ī kadə̄ i yá̰á̰ kə́ majanī, ādə̄mī nar kəla yāḿ. Ré ādə̄mī aĺ gə̄gē anī, nge ń noō i yá̰á̰ kə́ karī! Anī nin̄ tə́dan̄ nar kəla yāḿ ní, i sə́lē gində̄ arjā̰a̰ kutə mətá.

Teē Ngán Israel gə̄ 20:7

Ā ī-ɓāŕ rīḿ kanjə̄ kumən alé, tɔdɔ̄ deē ń a ɓāŕ rīḿ kanjə̄ kumən ní, mā Kɔ́ɔ̄ɓē Nə́ɓā yāí m-ā m-ə́ya̰n karī alé.

Teē Ngán Israel gə̄ 22:20

Tə̄rā kə́ ngé nam̄ gə̄ ń ndin̄ sesí ní, ā ī-rāāīdə́ majaĺ aĺ ō, ā ə́saī tətōdə́ aĺ ō, tɔdɔ̄ kété sḭḭ̄ i ngé nam̄ gə̄ dɔ nang kə́ Ejiptə tə́.

NDŪ NAJƏ̄ 15:13

Ba ā ə́ya̰n kadə̄ aw̄ jīn karī alé.

Makətūbə̄ yā Job 7:2

tītə̄ ɓəlo kə́ ra kum mbang tə́ kə́ ngur kaw̄ ndílí rāān ngá̰ý beē, tītə̄ nge ndoō kə́ rāā kəla ba ra a ngóō kəgā yān beé.

Makətūbə̄ yā Job 31:12

Nge ń noō i hor kógə̄ḿ kə́ a o̰o̰m̄ bátə́ kem bəlo kə́ bo tə́ ō, i hor kógə̄ḿ kə́ a nujə yá̰a̰ malang ń m-ə́ngé ní kɔ̄ɔ́ ō.

MALASI 1:6

Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ngé tun̄ yá̰a̰ gə̄ ní n toó: Ngōn̄ kə́ dəngam rāā háĺ kə́ to hɔ̄r̄mɔ̄ kə bɔbə̄neé ō, nge kəla ɓōĺ ndíl kɔ́ɔ̄n ō. Sḭḭ̄ ī-ɓāŕmī bɔbə̄sí, ba ī-rāāī háĺ kə́ to hɔ̄r̄mɔ̄ seḿ a? Ī-ɓāŕmī kɔ́ɔ̄sí, ba ī-ɓōlíī ndílə́ḿ a? Sḭḭ̄ ī-kídə̄mī, ba ī-dəjeī najə̄ ə́daī na ké jə-kídī i tū rí tə́ wa.