MALASI 3:4 - Bibəl ta Sar̄

⁴ I beé n yá̰a̰ ndējə̄ gə̄ yā de kə́ Jerusalem gə̄ ō, yā de kə́ rang gə̄ ń ndin̄ dɔ nang kə́ Juda tə́ ní ō, a nelə̄ń Kɔ́ɔ̄ɓē tītə̄ kə́ kété jóó ní.

Bible sar

⁴ I beé n *yá̰a̰ ndējə̄ gə̄ yā de kə́ Jerusalem gə̄ ō, yā de kə́ rang gə̄ ń ndin̄ dɔ nang kə́ *Juda tə́ ní ō, a nelə̄ń Kɔ́ɔ̄ɓē tītə̄ kə́ kété jóó ní.

MALASI 3:4 Referans Kwoze

JAKARI 8:3

I tām̄ najə̄ ń toō tə́ n m̄-tél m̄-reē gogə́ dɔ mbal̄ Siyo̰ tə́ ní. A̰á̰ā̰, m̄-tél m̄-ndi kem ɓē kə́ Jerusalem tə́ gogə́ ɓáý to̰. A ɓārə́n̄ ɓē kə́ Jerusalem na i ɓē kə́ nge ra dɔ ndūn tə́ ō, a ɓārə́n̄ mbal̄ bo yā Kɔ́ɔ̄ɓē kə́ bo kə́ tɔ́gən i ngá̰ý na i mbal̄ bo kə́ táĺ ō.

IJAI 56:7

m-ā m̄-rāā kadə̄ nin̄ a reēn̄ dɔ mbal̄ bo yāḿ kə́ táĺ tə́, m-ā m̄-rāā kadə̄ rɔ̄də́ a nel̄də́ ngá̰ý kem kújə ndɔ̄ȳ yāḿ tə́. M-ā m̄-ndigə yá̰á̰ kə́ tun̄ gə̄ ō, yá̰á̰ kə́ kadə̄ karī yādə́ gə̄ ō ń nin̄ ndējə̄mə̄n̄ dɔ loo tun̄ yá̰á̰ tə́ ní. A̰á̰ā̰, a ɓārə́n̄ kújə yāḿ na i kújə ndɔ̄ȳ kə́ tām̄ yā gír de gə̄ tə́ malang.

PĀ GƏ̄ 51:19

Yá̰a̰ tun̄ ń Nə́ɓā ndigə ní i de kə́ dɔn tetə ká káláńg. Nə́ɓā! Deē ń kə̄ngān tétə̄ rárák kɔ̄ɔ́ ō, kemən tɔ̄ɔ̄ táḿ táḿ kɔ̄ɔ́ ō ní, ī-mbātə́n alé.

2 YÁ̰A̰ GƏ̄ 1:6

Salomo̰ aw̄ ta yá̰á̰ kə́ yā tun̄ yá̰a̰ dɔ tə́ kə́ rāā kə gində̄ nə̄ngá kasaá tə́, ta kum Kɔ́ɔ̄ɓē tə́ kadə kújə kənge naā tə́, ba ndējə̄ Kɔ́ɔ̄ɓē yá̰a̰ tun̄ kə́ róō horoó gə̄ dūbú kógə̄ḿ.

1 YÁ̰A̰ GƏ̄ 21:26

Ni-rāā loo tun̄ yá̰a̰ tām̄ yā Kɔ́ɔ̄ɓē tə́ loo ní tə́, ba ndējə̄n yá̰a̰ tun̄ kə́ róō horoó ō, yá̰a̰ tun̄ kə́ tām̄ yā kem kógə̄ḿ tə́ ō dɔ tə́. Gō tə́ anī ni ɓāŕ Kɔ́ɔ̄ɓē, anī Kɔ́ɔ̄ɓē ndigə ɓār̄ yān ba rāā adə̄ hor ḭḭ dɔ rā̰ tə́ reē o̰o̰ yá̰a̰ tun̄ gə̄ ń ton̄ dɔ loo tun̄ yá̰á̰ tə́ ní.

1 YÁ̰A̰ GƏ̄ 15:26

Tá tɔ̄lə̄n̄ man̄g kə́ bəra gə̄ sīrí ō, bal batə̄ gə̄ sīrí ō, ba tunə̄n̄ kadə̄ Nə́ɓā rāań kə ngán Lebi kə́ ngé kətō sandúkə madə̄ naā yā Kɔ́ɔ̄ɓē gə̄ ní

PĀ GƏ̄ 51:17

Kɔ́ɔ̄ɓē, ī-teē taḿ ādə̄ m̄-ɓōkíīneé tɔ̄ȳ.