MALASI 3:3 - Bibəl ta Sar̄

³ Ni a ndi nang tə́ yā nōō gində̄ arjā̰a̰ horoó ō, yā rāā kadə̄ gində̄ arjā̰a̰ unjə̄ njáý njáý ō. Ngé tun̄ yá̰a̰ gə̄ kə́ kem kojə yā Lebi tə́ ní, ni a tə́gódə́ kadə̄ a unjə̄n̄ njáý njáý. A rāādə́ kadə̄ a unjə̄n̄ njáý njáý tītə̄ loo rāā lɔ́r ō gində̄ arjā̰a̰ ō kadə̄ unjə̄n̄ njáý njáý beē. Loo ń noō tə́ nin̄ a asən̄ kadə̄ Kɔ́ɔ̄ɓē yá̰a̰ ndējə̄ gə̄ kə gō looneé.

Bible sar

³ Ni a ndi nang tə́ yā nōō gində̄ arjā̰a̰ horoó ō, yā rāā kadə̄ gində̄ arjā̰a̰ *unjə̄ njáý njáý ō. *Ngé tun̄ yá̰a̰ gə̄ kə́ kem kojə yā Lebi tə́ ní, ni a tə́gódə́ kadə̄ a unjə̄n̄ njáý njáý. A rāādə́ kadə̄ a unjə̄n̄ njáý njáý tītə̄ loo rāā lɔ́r ō gində̄ arjā̰a̰ ō kadə̄ unjə̄n̄ njáý njáý beē. Loo ń noō tə́ nin̄ a asən̄ kadə̄ Kɔ́ɔ̄ɓē *yá̰a̰ ndējə̄ gə̄ kə gō looneé.

MALASI 3:3 Referans Kwoze

IJAI 1:25

Jerusalem, m-ā m̄-tūr̄ rɔ̄ḿ yā rɔ̄ɔ̄ seí. M-ā m̄-rāāī kadə̄ ā ūnjə̄ njáý njáý tītə̄ kə́ i kə katāá beē, m-ā m̄-rāā yedīí kadə̄ a yḛḛ̄ kɔ̄ɔ́, m-ā m-ɔ́ý yá̰á̰ kə́ yḛr yāí gə̄ kɔ̄ɔ́ malang.

Gōsə̄ najə̄ gə̄ 17:3

Loo kə́ yā nō gində̄ arjā̰a̰ tū tə́ i noó ō, loo kə́ yā nō lɔ́ŕ tū tə́ i noó ō, banī i Kɔ́ɔ̄ɓē n i nge nāā ngarā̰ kem de gə̄ ní.

HEBƏRO 12:10

Bɔbə̄jí kə́ dɔ nang tə́ laā gə̄ əndan̄jí i tām̄ yā kum mbang kə́ ngá̰ý aĺ tə́ kə gō gír̄ ń nin̄-gírə̄n̄ ní. Banī Nə́ɓā əndají i yā kadə̄ rāā majə sejí. Ni gḛy rāājí kadə̄ jə-téliī de kə́ táĺ gə̄, tītə̄ ń ni i de kə́ táĺ ní.

DANIEL 12:10

A ɔrə̄n̄ kam̄ de gə̄ ngá̰ý kadə̄ unjə̄n̄ njáý njáý ō, kadə̄ kemdə́ ndaa táĺ táĺ ō. De kə́ ngé kem ndul gə̄ a rāān̄ yá̰a̰ i loo kem ndul tə́. De kógə̄ḿ dandə́ tə́ kə́ yā ger̄ kum a gətóo. Banī ngé ger̄ najə̄ gə̄ tá a gerə̄n̄ kum.

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

PILIPƏ 2:17

Ká ré i gáŕ kadə̄ tə́ten̄ mósə́ḿ dɔ yá̰á̰ kə́ tun̄ yāsí tə́ ō, dɔ kəla yāsí tə́ ō, tām̄ taā kə́ sḭḭ̄ ī-taāī kem tə́ anī, rɔ̄ḿ a nelə̄m̄ najə̄n tə́ ō, m̄-rāā rɔ̄nel̄ sesí malang ō.

PĀ GƏ̄ 66:10

Nə́ɓā, ḭ̄ ī-nāājí adə̄ ī-ger̄jí, ī-nāājí kum hor tə́ tītə̄ loo nō gində̄ arjā̰a̰ beé.

JEJU TEĒ KUM JA̰A̰ 3:18

m-ɔ̄jī kadə̄ ī-mang lɔ́ŕ kə́ nō horoó jīḿ tə́ tá kadə̄ ī-téləń de kə́ nge kənge yá̰a̰ ō, ī-mang kūbə̄ kə́ ndaa jīḿ tə́ ə́la rɔ̄í tə́, tá kadə̄ rɔ̄í sɔlīneé najə̄ yā rɔ̄í kə́ karī tə́ aĺ ō, ī-mang dáwá kum jīḿ tə́ úr kumií tə́ tá kadə̄ á̰a̰ń loo ō.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

1 PIYER 1:7

I yá̰á̰ kə́ tōr̄ gə̄ ngeé ń noō n a nāān̄neé taā kem yāsí ní. Lɔ́r i yá̰á̰ kə́ to yā nujə kɔ̄ɔ́ ɓá tā, banī nōōnən̄ horoó. Adə̄ nāān̄ taā kem yāsí ń gātə̄n tɔȳ gātə̄ lɔ́ŕ ní, yā ka̰a̰ń tɔ́gən i tītə̄ ń noō ō. I beé n sḭḭ̄ ā ásiīneé kadə̄ tɔ̄ȳn̄sí ō, ɔsən̄ gɔnsí ō, rɔȳn̄sí ō, ndɔ̄ ń Jeju Kərist a teēń hɔy tə́ ní.

Makətūbə̄ ń Pol ndang adə̄ Rom gə̄ ní 12:1

Ngákó̰ó̰ḿ gə̄, i tām̄ ko̰o̰ kə́ kum Nə́ɓā o̰o̰n sesí ngá̰ý tə́ n m-ā m̄-dəjeńsí yá̰á̰ ń toō ní: Ī-ndējī Nə́ɓā rɔ̄sí tītə̄ yá̰a̰ tun̄ kə́ kə kumuú, kə́ kɔr̄ kam̄ tām̄ yā Nə́ɓā tə́ ō, kə́ nelə̄n ō. I nge ń noō n i rāā kəla kadə̄ Nə́ɓā kə́ gōtə́ yāsí ní.

Najə̄ kə́ Majə yā Jeju ń Luk ndang ní 3:16

Anī Ja̰a̰ tūr̄ ədadə́ malang na: Mā m̄-rāāsí batém, banī deē kógə̄ḿ kə́ tɔ́gən tɔȳ yāḿ a reē noó, kəla sākə̄rā kə́ njan tə́ gə̄gē ní mā m-ásə́ tútə alé. Ni a rāāsí batém kə Ndíĺ kə́ Táĺ ō, kə horoó ō.

Gōsə̄ najə̄ gə̄ 25:4

Ɔ̄r̄ yedə̄ gində̄ kɔ̄ɔ́ tū gində̄ arjā̰a̰ tə́ anī kɔdə̄ a rāań jóo.

PĀ GƏ̄ 4:5

Ré wōn̄g rāāsí anī ī-lōōī rāā majaĺ. Ī-gírī yá̰a̰ dɔ tə̄rá ɓīīsí tə́ ba ī-lōōī kəda najə̄.

JEJU TEĒ KUM JA̰A̰ 1:6

rāā adə̄ jə-téliī de gə̄ kə́ kem ɓē ko̰o̰ yān tə́ ō, ngé tun̄ yá̰a̰ gə̄ yā Bɔbə̄n Nə́ɓā ō ní, kɔsə gɔn i yān ō, tɔ́gən to ō, kə dɔ ɓāl̄ gə̄ ɓāl̄ gə̄. Adə̄ i tītə̄ ń noō.

1 PIYER 2:5

Ī-ndɔ́tī kə̄ ngɔr tītə̄ mbal̄ gə̄ kə́ ndin̄ kə kumdə́ beē ādə̄ ɔyn̄sí rāān̄neé kújə ndi Ndíl. Loo ń noō tə́ ā ī-téliī ɓūtə̄ ngé tun̄ yá̰a̰ gə̄ kə́ nin̄-ɔrə̄n̄ kam̄də́ tām̄ yā Nə́ɓā tə́, yā kadə̄ əndān̄ kəla ndējə̄ Nə́ɓā yá̰á̰ kə́ tun̄ gə̄ yā Ndíl dɔsí tə́. Yá̰a̰ kə́ tun̄ gə̄ yā Ndíĺ ní, a nel̄ Nə́ɓā i kə ta kūl̄ Jeju Kərist.

2 TIMOTE 4:6

M-ə̄ndā dɔ rɔ̄ḿ danaá kɔ̄ɔ́ yā kadə̄ m-ādə̄ Nə́ɓā rɔ̄ḿ, adə̄ m̄-to i tītə̄ kasə nduú kə́ yā tə́te dɔ loo tun̄ yá̰a̰ tə́ beē. Kum mbang koyḿ asə kɔ̄ɔ́.

Makətūbə̄ ń Pol ndang adə̄ Rom gə̄ ní 15:16

adə̄ mā i nge kəla yā Jeju Kərist, kə́ tām̄ yā gír de gə̄ kə́ nin̄ i Jipə aĺ gə̄ tə́ ní. Nə́ɓā ɔr̄ əndām̄ tayā tām̄ yān tə́ kadə̄ m-ə̄nā mbēr̄ Najə̄ kə́ Majə yān yā kadə̄ gír de gə̄ ń nin̄ i Jipə aĺ gə̄ ní télən̄ yá̰a̰ ndējə̄ kə́ táĺ kə ta kūl̄ Ndíĺ kə́ Tálá kadə̄ nēl̄ kem Nə́ɓā.

OJEE 14:2

Israel, ī-tél ī-reē rɔ̄ Kɔ́ɔ̄ɓē Nə́ɓā yāí tə́. I yá̰a̰ rāāī kə́ gōtə́ aĺ rāāī adə̄ ə̄sō ní.

IJAI 48:10

m̄-tə́gósí adə̄ ūnjī i kum hor tə́, i kum hor ń a tə́go gində̄ arjā̰a̰ adə̄ unjə̄ ní tə́ alé, banī i kum hor yá̰á̰ kə́ to kum kaȳ aĺ tə́.

PĀ GƏ̄ 116:17

M-ā m̄-ndējī yá̰a̰ tun̄ kə́ yā ɓōkíīneé tɔ̄ȳ ō, m-ā m̄-ɓāŕ Kɔ́ɔ̄ɓē kə rīneé ō.

PĀ GƏ̄ 50:23

Deē ń yá̰a̰ tun̄ yān i tɔ̄ȳ ní n i deē ń ɔsə gɔnəḿ ní. Deē ń ngɔ̄m̄ hálən majə adə̄ ni i de kə́ súmūú ní, m-ā m-ɔ́jən loo kajə ń Nə́ɓā a ajə deē ní.

PILIPƏ 4:18

Yá̰á̰ ń ə́laīneé ādə̄mī ní, m-ə́nge malang. Yá̰á̰ ní mān̄ dɔ yá̰á̰ ń ndoōn rāām̄ ní gə̄gē ɓáý. Dan ń Epapəroditə adə̄m̄ yá̰a̰ yāsí gə̄ ń ə́laniīneé ní, yá̰a̰ malang ń ndoōn rāām̄ ní m-ə́nge. Yá̰a̰ gə̄ ń ādə̄mī ní, ton̄ i tītə̄ yá̰a̰ ndējə̄ kə́ tɔ̄l̄ ba tun̄ kadə̄ Nə́ɓā, kə́ sēēn otə nel̄ ō, i tītə̄ yá̰a̰ tun̄ kə́ Nə́ɓā ndigə ō, nel̄ kemən ō beé.

IJAI 61:6

Ba sḭḭ̄, a əndān̄ rīsí na i ngé tun̄ yá̰a̰ gə̄ yā Kɔ́ɔ̄ɓē. A ɓārə́n̄sí na i ngé rāā kəla gə̄ yā Nə́ɓā yājí. Yá̰a̰ kənge yā nápar de gə̄ a rāā majə sesí ō, ā ɔ́jiī rɔ̄sí kə yá̰a̰ kənge yādə́ ō.

JEJU TEĒ KUM JA̰A̰ 5:10

Ī-rāādə́ adə̄ télən̄ de kə́ kem ɓē ko̰o̰ tə́ gə̄ ō, télən̄ ngé tun̄ yá̰a̰ gə̄ ō, tām̄ yā Nə́ɓā yājí tə́. Adə̄ nin̄ a o̰ō̰n̄ ɓē dɔ nang tə́.

PĀ GƏ̄ 50:14

Ādə̄ yá̰a̰ tun̄ yāí kə́ ndējə̄ i ɓōkə́ Nə́ɓā tɔ̄ȳ ō, ī-rāā yá̰a̰ gə̄ ń ə̄nī ndūí yā rāā kadə̄ Nə́ɓā kə́ dɔɔ́ sa̰y ngá̰ý ní ō.

PĀ GƏ̄ 51:19

Yá̰a̰ tun̄ ń Nə́ɓā ndigə ní i de kə́ dɔn tetə ká káláńg. Nə́ɓā! Deē ń kə̄ngān tétə̄ rárák kɔ̄ɔ́ ō, kemən tɔ̄ɔ̄ táḿ táḿ kɔ̄ɔ́ ō ní, ī-mbātə́n alé.

JEREMI 9:7

Ndo̰də́ i kum gərā kə́ ta katə. Nin̄ ɔrə̄n̄ i najə̄ kə́ sor̄ gə̄. Ɔrə̄n̄ najə̄ kem sɔl̄ lɔm kə madə̄də́ gēé i kə tadə́ karī, ba əyān̄ gūmbə̄ ngarā̰ kemdə́ tə́ a ngóōn̄neédə́.

EJEKIEL 20:38

Ngé gə̄ ń rāān̄ dɔ ngan̄g ba mbātə́n̄ taḿ ní, m-ā m̄-tə̄ɓādə́ kɔ̄ɔ́ dɔ dáńsí tə́. M-ā m̄-teē sedə́ kɔ̄ɔ́ kem ɓē gə̄ ń ndin̄ tū tə́ ní tə́, banī nin̄ a udən̄ dɔ nang kə́ Israel tə́ alé. I beé n ā ī-gerīiń kadə̄ Kɔ́ɔ̄ɓē i mā ní.

DANIEL 11:35

Dan de kə́ ngé ger̄ najə̄ gə̄ tə́ ní ngá̰ý gə̄ a oyn̄ yā kadə̄ ɔrə̄n̄neé kamdə́ kadə̄ unjə̄n̄ njáý njáý ō, kadə̄ kemdə́ ndaań táĺ táĺ ō, bátə́ kadə̄ ta ngóy ndɔ̄ ugə̄ń. Tɔdɔ̄ ta ngóy ndɔ̄ a ugə̄ i ndɔ̄ ń ɔjən̄ tə́ ní.

TƏ́DA 8:6

Ɔ̄r̄ ngán Lebi gə̄ dan ngán Israel gə̄ tə́ ba ún majaĺ ń tákə̄də́ ní dɔdə́ tə́ kɔ̄ɔ́.

PĀ GƏ̄ 4:6

Ī-ndējī Kɔ́ɔ̄ɓē yá̰a̰ tun̄ gə̄ ń sɔɔ̄ kadə̄ ī-ndējī ní ba ə̄ndāī kemsí dɔn tə́.