MALASI 3:2 - Bibəl ta Sar̄

² Dan ń a reē ní, i náā n a asə ra gas gotə kógə̄ḿ ní? Dan ń a ɔjə rɔ̄n kə̄ ndágá ní, i náa n a asə ra dɔɔ́ ní? Tɔdɔ̄ ni to i tītə̄ hor yā kɔdə̄ nge nōō gində̄ beé ō, tītə̄ sabūn̄ yā nge tə́go kūbə̄ beé ō.

Bible sar

² Dan ń a reē ní, i náā n a asə ra gas gotə kógə̄ḿ ní? Dan ń a ɔjə rɔ̄n kə̄ ndágá ní, i náa n a asə ra dɔɔ́ ní? Tɔdɔ̄ ni to i tītə̄ hor yā kɔdə̄ nge nōō gində̄ beé ō, tītə̄ sabūn̄ yā nge tə́go kūbə̄ beé ō.

MALASI 3:2 Referans Kwoze

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

IJAI 4:4

Kɔ́ɔ̄ɓē a rāā kadə̄ néĺ yá̰á̰ kə́ gōtə́ ō, néĺ kə́ a tə́go deē kadə̄ unjə̄ ō əla. Dan ń ni a tə́gó yá̰á̰ kə́ yḛr gə̄ kə́ rɔ̄ dəyá̰ kə́ Jerusalem tə́ gə̄ tītə̄ ń noō anī, dan ń ni a tə́gó mósə́ ń ɓē kə́ Siyo̰ ɓōkə́ nang tə́ ɓēé looneé ní,

JEJU TEĒ KUM JA̰A̰ 6:17

Tɔdɔ̄ ndɔ̄ kə́ bo yā wōn̄g yādə́ ugə̄ kɔ̄ɔ́ ní i náā n asə ra dɔɔ́?

Najə̄ kə́ Majə yā Jeju ń Luk ndang ní 21:36

Ká i dan kə́ ba̰ý tə́ gə̄gē a, á̰a̰ī já̰já̰ ō, ī-ndɔ̄yī ō, yā kadə Nə́ɓā əndā ma̰ȳsí a̰a̰ń kadə̄ ásiī teē ta yá̰a̰ malang ń a reēn̄ tə́ ní ō, kadə̄ asiī ra dɔɔ́ ta kum Ngōn̄ Deē tə́ ō.

PĀ GƏ̄ 2:7

Yá̰á̰ ń Kɔ́ɔ̄ɓē ndang kadə̄ yā rāā ní m-ā m-ə̄nī mbērən, ni ədam̄ na: Ḭ̄ i ngōnə̄ḿ, ɓōólaā ní, mā i Bɔbí.

Najə̄ kə́ Majə yā Jeju ń Luk ndang ní 3:17

Ni-əhɔ yá̰á̰ tóó yá̰a̰ jīn tə́. Ni a ɔy njár̄ kōō kə́ kem ngárāá kə̄ kem mō̰ȳ yān tə́, ba təsán tá a róō kum hor kə́ a oy aĺ bátə́ tə́.

Najə̄ kə́ Majə yā Jeju ń Luk ndang ní 3:9

Tá á̰a̰ī, kə̄ngā i kə́ kəndā ngəra kāgə̄ tə́ ɓá kɔ̄ɔ́. Adə̄ kāgə̄ malang ń a anə̄n̄ majaĺ ní, a tə́gān̄də́ yā ɓōkə́də́ horoó kɔ̄ɔ́.

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

HEBƏRO 12:25

I beé ní, ī-ndāī kumsí gíŕ yá̰á̰ ń toō tə́ majə. Ī-lōōī mbātə́ koō najə̄ yā nge ń a ɔr̄ najə̄ sesí ní. Tɔdɔ̄ Moijə tāā ngán Israel gə̄ dɔ nang tə́ laā, ba nin̄-mbātə́n̄ koō najə̄ yān ní, ndéy ɔdədə́. Yājí jḭḭ̄ ɓáa, Nə́ɓā ndi i dɔ rā̰ tə́ n ɔrə̄ń najə̄ sejí ní. Ré jə-tūrī gidəjí tan tə́ anī, j-a j-əngeī ndéy kadə̄ tɔȳ loo ń noō aĺ a?

JA̰A̰ 8:55

kanjə̄ gerə̄n, ba mā m̄-gerə̄n ní. Ré m-ə́da na m̄-gerə̄n aĺ anī, mā i nge sor̄ tītə̄sí. Banī m̄-gerə̄n ō, m̄-rāā yá̰a̰ gə̄ ń ni-əda ní ō.

Najə̄ kə́ Majə yā Jeju ń Luk ndang ní 2:34

Simeo̰ tɔ́r̄ tan dɔdə́ tə́ ba əda Mari kó̰o̰ ngōn̄ na: Nə́ɓā gə̄rā ngōn̄ ń toō i yā rāań kadə̄ Israel gə̄ ngá̰ý tə́sōn̄ najə̄n tə́ ō, Israel gə̄ ngá̰ý a ḭḭn̄ dɔɔ́ kə kūl̄neé ō. Ni i yá̰a̰ kɔjə kə́ de gə̄ ngá̰ý a tɔ́sə̄n̄ gātə̄ ō. I tītə̄ ń noō n ni-rāań adə̄ dɔ gír̄ kə́ kem de kə́ ngá̰ý gə̄ tə́ teēń ndágá ní.

JEREMI 2:22

Ká ré ī-ndogə̄ man̄ i kə sabūnūú aké ī-ndogə̄ man̄ i kə sabūn̄ katāá gə̄gē anī, yá̰á̰ kə́ to yḛr kum ń ī-rāā ní a to ta kumḿ tə́ ɓáý. Najə̄ ń Kɔ́ɔ̄ɓē Nə́ɓā əda ní n noó.

IJAI 1:18

Kɔ́ɔ̄ɓē əda na: Ī-reēī ādə̄ jə-tɔ́tī naā dɔ najə̄ tə́. Ká ré majaĺ yāsí gə̄ kərēnəń i tītə̄ mósə gə̄gē anī, a télə́n̄ yā ndaa tītə̄ néjə beé ō, ré kərēn̄ i tītə̄ hor anī, a télən̄ yā ndaa tītə̄ búy kūbə̄ beé.

MATIYE 25:10

Dan ń a aw̄n̄ kə̄ mangaá ɓáý anī, ngaa dəyá̰ ní ugə̄ gotədə́ tə́. Adə̄ ngé gə̄ ń nin̄-ndin̄ dɔ rɔ̄də́ tə́ kɔ̄ɔ́ ní, udən̄ seneé kem loo yá̰a̰ kəsa kə́ rāā tām̄ yā rɔ̄nel̄ taā dəyá̰ tə́ ō, utə̄n̄ ta róbə gāngə̄n̄neé gíŕdə́ kɔ̄ɔ́ ō.

MARK 9:3

Kūbə̄ yān gə̄ ndə́lēn̄ ngá̰ý ō, ndaan̄ ndaa kə́ de kə́ dɔ nang tə́ kə́ asə tə́go kūbə̄ kadə̄ ndaa beé gətóo ō.

EJEKIEL 22:14

Ndɔ̄ ń m-ā m̄-rɔ̄ɔńsí tə́ ní ā ə́hɔī rɔ̄sí tɔgə ō, ā ə́ngeī tɔ́gə ō a? I mā Kɔ́ɔ̄ɓē n m-ɔ̄r̄ najə̄ ní, ba yá̰á̰ ń m-ə́dá ní m-ā m̄-rāā.

JEJU TEĒ KUM JA̰A̰ 19:8

Adə̄nən̄ kūbə̄ lḛ́ḛ kə́ kəlā kəjōn kídə̄ yululu ō, ndə́lē ō, unjə̄ njáý njáý ō, adə̄ əla rɔ̄n tə́. Tɔdɔ̄ kūbə̄ lḛ́ḛ i kəla kə́ gōtə́ gə̄ ń de gə̄ yā Nə́ɓā rāān̄ ní.

JEJU TEĒ KUM JA̰A̰ 7:14

Anī m̄-téĺ m-ə́dan na: Kɔ́ɔ̄ḿ, īkɔ́ ī-ger̄ mbak aĺ a. Loo ń noō tə́ ni ədam̄ na: I de gə̄ ń teēn̄ kum yá̰a̰ nāā kə́ bo ngá̰ý tə́ ní. Nin̄-tə́gon̄ kūbə̄ ngāl̄ yādə́ gə̄ adə̄ unjə̄ i kum mósə Ngōn̄ batə̄ tə́.

Najə̄ kə́ Majə yā Jeju ń Luk ndang ní 7:23

Rɔ̄nel̄ i kə deē ń a əsō najə̄ yāḿ mā tə́ aĺ ní.

1 SAMUEL 6:20

Gō tə́ anī ədan̄ na: Kɔ́ɔ̄ɓē Nə́ɓā kə́ táĺ ń toō ké i náā n asə ra ta kumən tə́ wa. Ré ḭḭ loodə́ anī ké a aw̄ i ɓē náāá wa.

PĀ GƏ̄ 76:7

Nə́ɓā yā Jakob, dan ń ī-ndán̄gdə́ ní, sə́nda gə̄ gə̄gē, ngé kaldə́ gə̄ gə̄gē, rɔ̄də́ oy yélélé.

PĀ GƏ̄ 130:3

Kɔ́ɔ̄ɓē, ré ə́hɔ i gíŕ yá̰á̰ kə́ gōtə́ aĺ gə̄ anī, i náā n a asə ndi kə kumneé ní?

Gōsə̄ najə̄ gə̄ 25:4

Ɔ̄r̄ yedə̄ gində̄ kɔ̄ɔ́ tū gində̄ arjā̰a̰ tə́ anī kɔdə̄ a rāań jóo.

IJAI 33:14

Kem ɓē kə́ Siyo̰ tə́ ní, de gə̄ ń najə̄ əhɔdə́ ní, ndíĺdə́ a̰ȳ ō, ɓōĺ rāā de kə́ majaĺ gə̄ adə̄ nin̄ ndewn̄ ō. Nin̄ dəjen̄ najə̄ ədan̄ na: I náā kə́ danjí tə́ n asə ra kadə hor kə́ a o̰o̰ ń toō tə́ ní? I náā kə́ danjí tə́ n asə ra kadə ta ndo̰ hor kə́ a oy aĺ ń toō tə́ ní?

DANIEL 11:35

Dan de kə́ ngé ger̄ najə̄ gə̄ tə́ ní ngá̰ý gə̄ a oyn̄ yā kadə̄ ɔrə̄n̄neé kamdə́ kadə̄ unjə̄n̄ njáý njáý ō, kadə̄ kemdə́ ndaań táĺ táĺ ō, bátə́ kadə̄ ta ngóy ndɔ̄ ugə̄ń. Tɔdɔ̄ ta ngóy ndɔ̄ a ugə̄ i ndɔ̄ ń ɔjən̄ tə́ ní.

JOEL 2:11

Ndū Kɔ́ɔ̄ɓē ɓār̄ kété no ngé rɔ̄ɔ̄ yān gə̄ tə́. Kutə ngé rɔ̄ɔ̄ yān gə̄ i ngá̰ý al̄ naā. Deē ń rāā yá̰á̰ ń Kɔ́ɔ̄ɓē əda ní i de kə́ tɔ́gən i ngá̰ý. Ndɔ̄ yā Kɔ́ɔ̄ɓē i ndɔ̄ kə́ bo ngá̰ý ō, to ɓōĺ ngá̰ý ō. I náā n asə tə́gā tan ndɔ̄ ndɔ̄ ní tə́ ní?

NAHUM 1:6

I náā n asə ra ta wōn̄g yān tə́ ní? I náā n asə ndi kə kumneé dan ń wōn̄g yān o̰o̰ yá̰a̰ malang kə́ hor tə́ ní? Wōn̄g ní taā loo tītə̄ hor kə́ o̰o̰ loo beé. Mbal̄ gə̄ njárə̄n̄ non tə́.

TA KƏLA 19:28

Ni-a̰a̰ loo kum kə̄ Sodom ō, Gomor ō, dām̄ kə́ ndágə loo tə́ ō anī, a̰a̰ sa hor kə́ tītə̄ sa hor mbō beé, əɓa tū tə́ luk luk.

Makətūbə̄ yā Job 28:1

Gerēn̄ bəlo ń a ndērə̄n̄ gində̄ arjā̰a̰ tū tə́ a ɔrə̄n̄ ní ō, gerə̄n̄ loo gə̄ ń a tə́gon̄ lɔ́r tū tə́ ní ō.