MALASI 3:12 - Bibəl ta Sar̄

¹² Nápar de gə̄ malang a ədan̄sí na sḭḭ̄ i ngé rɔ̄nel̄ gə̄, tɔdɔ̄ ndi kem ɓē yāsí tə́ a majə ngá̰ý. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə́da najə̄ ń noō ní.

Bible sar

¹² Nápar de gə̄ malang a ədan̄sí na sḭḭ̄ i ngé rɔ̄nel̄ gə̄, tɔdɔ̄ ndi kem ɓē yāsí tə́ a majə ngá̰ý. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə́da najə̄ ń noō ní.

MALASI 3:12 Referans Kwoze

JAKARI 8:23

M-ə́da na kum mbang ngeé ń noō tə́ ní, tə̄rā gə̄ kutə, kə́ nin̄ kógə̄ḿ kógə̄ḿ ní ta yādə́ gə̄ i tayā tayā, a əhɔn̄ ta kūbə̄ yā Jipə kógə̄ḿ ba a ədanən̄ na: Jə-sāā kaw̄ sesí, tām̄ j-oō kadə̄ Nə́ɓā i sesí.

IJAI 61:9

De gə̄ a gerə̄n̄ ngáńsí gə̄ dan nápar de gə̄ tə́ malang ō, a gerə̄n̄ ngán kaasí gə̄ kə̄ loo gə̄ tə́ malang ō. De gə̄ malang ń a a̰a̰n̄də́ ní, a gerə̄n̄də́ i kə ta kūl̄ yá̰á̰ ń toō: Nin̄ i gír de gə̄ kə́ Kɔ́ɔ̄ɓē tɔ́r̄ tan dɔdə́ tə́.

IJAI 62:4

A ɓāríīn̄ na i dəyá̰ kə́ əya̰nən̄ kɔ̄ɔ́ to̰ alé, a ədan̄ na ɓē yāí na i dəla loo kə́ rɔ̄nelāĺ i tū tə́ to̰ alé. Banī a ɓāríīn̄ na i dəyá̰ kə́ taā dəngam majə ō. A̰á̰ā̰, a nel̄ Kɔ́ɔ̄ɓē seí rɔ̄kum ō, dɔ nang yāí a ənge dəngam yā taā ō.

Najə̄ kə́ Majə yā Jeju ń Luk ndang ní 1:48

Tām̄ ni gír̄ dɔḿ mā nge kəla yān kə́ dəyá̰ tə́, mā ń i yá̰á̰ kógə̄ḿ aĺ bátə́ ní. Tɔdɔ̄ əla gír ngɔr ń toō tə́ bátə́ kə̄ no tə́ ní ngán deē ndul gə̄ malang a ədamə̄n̄ kə gō naá na yāḿ i rɔ̄nel̄.

DANIEL 11:41

Ni a reē kem ɓē kə́ majə tɔȳ gotə ɓē gə̄ malang tə́ ō, ngá̰ý gə̄ a tə́sōn̄ ō. De gə̄ ń a teēn̄ ta jīn tə́ ní i Edom gə̄ ō, Moab gə̄ ō, de kə́ bo gə̄ yā ngán Amon gə̄ ō.

DANIEL 8:9

Ngōn̄ gajə kógə̄ḿ kə́ dūú teē tū nge kə́ kógə̄ḿ tə́ ba bo ngá̰ý kum kə̄ mbɔ́r ɓē kə́ geleé tə́ ō, kə̄ gír ɓē tə́ ō, kə̄ ɓē ko̰o̰ kə́ majə ngá̰ý tə́ ō.

JEREMI 33:9

Ɓē ń toō a tél yá̰a̰ rāā rɔ̄nel̄ ō, yá̰a̰ tɔ̄ȳ ō, yá̰á̰ súū rɔ̄ ō, tām̄ yāḿ mā tə́, dɔ dáń nápar de gə̄ malang kə́ dɔ nang tə́ ń a oōn̄ kōō yá̰á̰ kə́ majə gə̄ malang ń m̄-rāā tām̄ yā Juda tə́ ō Israel tə́ ō ní. M-ā m-ādə̄ a ndin̄ majə ō, m-ā m-ādə̄də́ yá̰á̰ ngá̰ý ō, adə̄ a ɔr kumdə́ ō, a ndewn̄ ō.

PĀ GƏ̄ 72:17

ādə̄ ni-rāā adə̄ rīn to ngándáńg, ādə̄ rāā adə̄ rīn ní ɓār̄ ta kaw̄ kə̄ jóo, dɔ nang ń mbang a ɔsə tū tə́ ní tə́. Kadə̄ de gə̄ ədan̄ najə̄ yān tɔ́rə̄n̄neé tadə́ dɔ naā tə́ ō, kadə̄ nápar de gə̄ malang ədan̄ na mban̄g ndi kə rɔ̄nelēé ō.

2 YÁ̰A̰ GƏ̄ 32:23

De gə̄ ngá̰ý reēn̄ Jerusalem kə yá̰a̰ ndējə̄ yādə́ gēé adə̄n̄ Kɔ́ɔ̄ɓē ō, kə kadə̄ karī gēé adə̄n̄ Ejekias mban̄g kə́ Juda tə́ ō. I loo ń noō tə́ n nápar de gə̄ malang əlan̄ gír ɓōĺ ndíl Ejekias ngá̰ý ní.

NDŪ NAJƏ̄ 11:12

I dɔ nang kə́ Kɔ́ɔ̄ɓē Nə́ɓā yāsí a̰a̰ gō, əndā kumən gírí kanjə̄ kɔr ta tə́ ɓālāá ō, ɓaraá ō.

MALASI 3:13

Kɔ́ɔ̄ɓē əda na: Sḭḭ̄ ī-tə́daī najə̄ kə́ ngan̄g ngan̄g gə̄ dɔḿ tə́, ba ī-dəjeī najə̄ ə́daī na ké najə̄ ń ɔ̄rī dɔ dáńsí tə́ dɔḿ tə́ ní ké na i rí wa.

IJAI 62:5

Tītə̄ ń balsáa taāń ngōmandə ní, nge tél rāāī gogə́ rang a tél ngaaí i tītə̄ ń noō ō. Tītə̄ ń dəyá̰ kijə i yá̰a̰ rɔ̄nel̄ yā ngaan ní, ā ī-téĺ yá̰a̰ rɔ̄nel̄ yā Nə́ɓā yāí.