MALASI 3:10 - Bibəl ta Sar̄

¹⁰ I beé ní, yá̰a̰ kənge yāsí gə̄ kə́ nge ko̰ kutə gə̄ ní, ī-reēīń kə́ rɔ̄kum tə́, kem kújə ngɔ̄m̄ yá̰a̰ kənge tə́, ādə̄ yá̰a̰ kəsa to ngándáńg kem kújə yā Kɔ́ɔ̄ɓē tə́. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Ásiī ndəle gír yā ger̄ kadə̄ m-ə́da i najə̄ kə́ rɔ̄kum. Loo ń noō tə́ ā á̰a̰ī kadə̄ m-ā m̄-teē ta kār̄ man̄ gə̄ kə́ dɔ rā̰ tə́ tām̄ yāsí tə́ ō, m-ā m̄-rāā majə sesí ngá̰ý ō.

Bible sar

¹⁰ I beé ní, yá̰a̰ kənge yāsí gə̄ kə́ nge ko̰ kutə gə̄ ní, ī-reēīń kə́ rɔ̄kum tə́, kem kújə ngɔ̄m̄ yá̰a̰ kənge tə́, ādə̄ yá̰a̰ kəsa to ngándáńg kem *kújə yā Kɔ́ɔ̄ɓē tə́. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Ásiī ndəle gír yā ger̄ kadə̄ m-ə́da i najə̄ kə́ rɔ̄kum. Loo ń noō tə́ ā á̰a̰ī kadə̄ m-ā m̄-teē ta kār̄ man̄ gə̄ kə́ dɔ rā̰ tə́ tām̄ yāsí tə́ ō, m-ā m̄-rāā majə sesí ngá̰ý ō.

MALASI 3:10 Referans Kwoze

MATIYE 6:33

Yá̰á̰ ń kadə̄ ə̄ndāī kumsí gō tə́ ngá̰ý ī-sāāī ta kəga dɔ bang ní, i Ɓē ko̰o̰ yā Nə́ɓā ō, i háĺ kə́ súmūú ń ni-gḛy ní ō. Gō tə́ anī Nə́ɓā a adə̄sí yá̰a̰ gə̄ ń noō malang dɔ tə́ ɓáý.

PĀ GƏ̄ 37:3

Ə̄ndā kemií dɔ Kɔ́ɔ̄ɓē tə́ ba ī-rāā yá̰á̰ kə́ majə, kadə̄ ī-ndiń dɔ nang ń Nə́ɓā adī tə́ ní ō, ə́sań yá̰a̰ ō, kanjə̄ sōl̄ yá̰á̰ kógə̄ḿ.

NDŪ NAJƏ̄ 28:12

Kɔ́ɔ̄ɓē a teē ta man̄ yān kə́ majə kə́ dɔ rā̰ tə́ yā kadī, kadə̄ edə dɔ nang yāí tə́ kə dɔ nāāneé, kadə̄ kəla malang ń ī-rāā ní majə. Nápar de gə̄ ngá̰ý a tə̄nān̄ yá̰a̰ jīí tə́, banī ḭ̄ ā ī-tə̄nā yá̰a̰ alé.

LEBI GƏ̄ 27:30

Dɔ yá̰a̰ malang kə́ kɔr̄, adə̄ i yá̰á̰ kə́ kógə̄ḿ kə́ kɔr̄ dan kə́ kutə tə́ ní, ká i dɔ kōō, aké i dɔ kan̄ kāgə̄ anī, i tām̄ yā Kɔ́ɔ̄ɓē tə́, i yá̰á̰ kə́ táĺ kə́ tām̄ yā Kɔ́ɔ̄ɓē tə́.

NEHEMI 12:44

Kújə gə̄ ń a ɓōkə́n̄ yá̰á̰ kə́ ndējə̄ gə̄ ō, a kánə̄n̄ yá̰á̰ kə́ ta kəga dɔ gə̄ ō, dɔ yá̰á̰ kə́ kɔr̄ kógə̄ḿ dan kə́ kutə tə́ gə̄ ō, kemeé ní, tə́ndān̄ de gə̄ ndɔ̄ ngeé ń noō tə́ kadə̄ ngɔ̄mə̄n̄ ō, kadə̄ táān̄ yá̰a̰ gə̄ ń ndū najə̄ adə̄ ngé tun̄ yá̰a̰ gə̄ ō ngán Lebi gə̄ ō ní kem ndɔr̄ gə̄ kə́ kə gō gidə ɓē gēé tə́ yā reēń kemeé ō. Kəla ń ngé tun̄ yá̰a̰ gə̄ ō ngán Lebi gə̄ ō rāān̄ ní, nel̄ de gə̄ malang kə́ Juda tə́.

TƏ́DA 18:21

Ba kəgā yā ngán Lebi gə̄ n toó: Yá̰a̰ malang kə́ nge ko̰ kutə ń ngán Israel gə̄ a ɔrə̄n̄ tām̄ yā Kɔ́ɔ̄ɓē tə́ ní m-ādə̄ ngán Lebi gə̄ gír kəla ń a rāān̄ tām̄ yā kújə kənge naā tə́ ní.

LEBI GƏ̄ 26:10

Ā əsaī kōō kə́ kété gə̄ ō, ā ɔ́yiī kōō kə́ lōō gə̄ kɔ̄ɔ́ yā kəyā̰ń loo tām̄ yā kōō kə́ kijə gə̄ tə́ ō.

2 MBAN̄G 7:2

Nge kətō der yā mban̄g ń mban̄g ndə̄nā rɔ̄n dɔ jīn tə́ ní tél əda deē yā Nə́ɓā na: Ká ré Kɔ́ɔ̄ɓē mbútəń i ko̰rō̰ kújə gə̄ dɔ rā̰ tə́ gə̄gē anī, yá̰á̰ ń ə́da noō a reē yā kudə gíŕ nəkɔ́ a? Anī Elije tél ədan na: Majə, ā á̰a̰ā̰ kə kumií ba a ɔdə taí alé.

2 MBAN̄G 7:19

nge kətō der yā mban̄g əda deē yā Nə́ɓā na ká ré Kɔ́ɔ̄ɓē mbutəń i ko̰rō̰ kújə gə̄ dɔ rā̰ tə́ gə̄gē anī, najə̄ ń ə́da noó na a reē yā kudə gírí nəkɔ́ a? Ba Elije tél ədan na: Majə, ā á̰a̰ā̰ kə kumií ba a ɔdə taí alé.

Makətūbə̄ yā Aje 2:19

Njár̄ kōō na̰y kem mō̰yō̰ó̰ to̰ alé. Kāgə̄ nduú gə̄ ō, kāgə̄ kótə̄ gə̄ ō, kāgə̄ gərenadə gə̄ ō, kāgə̄ olibə gə̄ ō, anə̄n̄ alé. I beé ní, əla gír ɓōólaā ní, m-ā m̄-rāā majə sesí ngá̰ý al̄ naā.

NEHEMI 13:5

adə̄ ni-adə̄n kem kújə́ kógə̄ḿ kə́ kemən bo. Kété ní a kánə̄n̄ yá̰á̰ kə́ ndējə̄ gə̄ ō, kajaja ō, ngáń gájə́ yá̰a̰ rāā kəla gə̄ ō, dɔ kōō gémē kə́ kɔr̄ ō dɔ kasə nduú kə́ guḿ ō, dɔ yibə̄ ō, yá̰á̰ kə́ tām̄ yā ngán Lebi gə̄ tə́ ō, gōsə̄ pā gə̄ tə́ ō, ngé ngɔ̄m̄ ta róbə gə̄ tə́ ō, yá̰a̰ ndējə̄ kə́ tām̄ yā ngé tun̄ yá̰a̰ gə̄ tə́ ō, i kem kújə́ ní tə́.

NEHEMI 12:47

Ɓāl̄ yā Jorobabel tə́ ō Nehemi tə́ ō ní, ngán Israel gə̄ malang adə̄n̄ gōsə̄ pā gə̄ ō, ngé ngɔ̄m̄ ta róbə gə̄ ō, yá̰á̰ kə́ tām̄ yādə́ tə́ kə dɔ ndɔ̄ gə̄. Yá̰a̰ ndējə̄ kə́ táĺ gə̄ ń i yā kadə̄ ngán Lebi gə̄ ní, nin̄ adə̄n̄də́ ō, ngán Lebi gə̄ adə̄n̄ ngán Aaro̰ gə̄ yādə́ kə́ sɔɔ̄ dɔdə́ ō.

TA KƏLA 7:11

Kem ɓāl̄ ń ɓāl̄ Noe i ɓú mehḛ́ tə́ ní, kə ndɔ̄ kə́ nge ko̰ kutə gidə i sīrí yā nāā kə́ nge ko̰ jōó anī, ndɔ̄ ń noō tə́ ta kəɓa man̄ kə́ gír nángāá gə̄ malang teēn̄ ō, ta kār̄ man̄ kə́ dɔɔ́ gə̄ malang i kə́ teē ō.

KOHELET 11:3

Dan ń man̄ il nding anī a edə̄. Ré kāgə̄ əsō i kum kə̄ dām̄ mbɔ́r ɓē kə́ geleé tə́, aláa ko̰ó̰ tə́ anī, loo ń n i əsō tū tə́ ní, ni to i kə̄ tū tə́ noō.

1 YÁ̰A̰ GƏ̄ 26:20

Adə̄n̄ ngán Lebi gə̄ kəla ngɔ̄m̄ yá̰a̰ kənge kə́ kem kújə yā Nə́ɓā tə́ ō, ngɔ̄m̄ yá̰á̰ kə́ yā ɓōĺ gidə gə̄ ō.

LEBI GƏ̄ 26:3

Ré úniī gō najə̄ yāḿ gə̄ ō, ī-rāāī yá̰a̰ gə̄ ń m-ə́dásí kadə̄ ī-rāāī ní ō anī,

NDŪ NAJƏ̄ 12:6

Dā̰ yāsí gə̄ kə́ yā róō horoó ō, kə́ yā tun̄ karī gə̄ ō, dɔ yá̰a̰ yāsí kə́ nge ko̰ kutə ō, yá̰a̰ yāsí gə̄ ń ī-ndējī Nə́ɓā kə gō kem ndigə yāsí ní ō, kadə̄ karī yāsí gə̄ ń ādī Nə́ɓā tām̄ ndūsí kə́ ə̄nīī tə́, aláa kanjə̄ núm̄ kemsí tə́ ní ō, hágə man̄g yāsí gə̄ ō, hágə batə̄ yāsí gə̄ ō, hágə bə̄yā̰ yāsí gə̄ ō ní, ā āwīneé i loo ń noō tə́.

NDŪ NAJƏ̄ 14:22

Kōō gə̄ malang ń ī-sāāī kem ndɔr̄ yāsí gə̄ tə́ ní, ā ɔ̄rī dɔ kə́ nge ko̰ kutə kə dɔ ɓāl̄ gə̄ tām̄ yā Nə́ɓā tə́.

NDŪ NAJƏ̄ 14:29

kadə̄ ngán Lebi gə̄ ń əngen̄ dɔ nang kə́ tām̄ yādə́ tə́ sesí aĺ ō, tə̄rā kə́ ngé nam̄ gə̄ ō, ngán hal gə̄ ō, dəyá̰ kə́ ngaa koy gə̄ ō ń ndin̄ kem ɓē yāsí gə̄ tə́ ní əngen̄neé yá̰a̰ kəsa kadə̄ ndānə̄n̄, ɓá anī Kɔ́ɔ̄ɓē Nə́ɓā yāsí a rāā majə sesí tū kəla rāāsí gə̄ tə́ malang.

PĀ GƏ̄ 78:23

Ɓá tā ba ni-adə̄ kil̄ man̄ kə́ dɔɔ́ gə̄ ndūn, teē ta róbə gə̄ kə́ dɔ rā̰ tə́.

EJEKIEL 34:26

M-ā m-ə́yá̰də́ yā kadə̄ nin̄ a ndin̄ kə kumdə́ kadə ngōn̄ mbal̄ bo yāḿ kə́ táĺ tə́. M-ā m̄-rāā man̄ kadə̄ a edə kə kum mbang kə́ majə ō, man̄ ní a rāā majə sedə́ ō.

EJEKIEL 44:30

Núsə kōō kə́ ta kəga dɔ ní, i ngé tun̄ yá̰a̰ gə̄ n a taān̄ ō, yá̰a̰ malang kə́ kɔr̄ kam̄ tām̄ yāḿ tə́ dan yá̰a̰ kənge gə̄ yā ngán Israel gə̄ tə́ ní, nin̄ a taān̄ ō. De gə̄ a adə̄n̄də́ ndujə̄ yādə́ kə́ majə ngá̰ý gə̄ yā kadə̄ m̄-tɔ́rəń taḿ dɔ kem kújə yādə́ gə̄ tə́.

OJEE 2:21

Israel, ā ī-tél nge nong yāḿ, ba i kə́ ngándáńg tə́. Ā ī-tél nge nong yāḿ, ba nar gírí ń m-ā m-ādə̄ ní i ra dɔ ndū tə́ ō, i yá̰a̰ rāā kə́ gōtə́ ō, i tár ō, rāā tɔdɔ̄ naā ō.

JOEL 2:19

Kɔ́ɔ̄ɓē tél əda gír deē yān gə̄ na: M-ā m-ə́la kə gémē ō, kasə nduú ō, yibə̄ ō, yā kadə̄sí kadə̄ ndān̄sí. M-ā m-ādə̄sí yá̰a̰ gə̄ ń noō ngá̰ý. M-ā m̄-rāā kadə̄ yá̰á̰ kə́ to rɔ̄sɔl̄ əsō dɔsí tə́ dáń nápar de gə̄ tə́ to̰ aĺ bátə́.

JOEL 2:24

Kōō gémē rosə kem gár̄ gə̄ ō, Kasə nduú mbə́rē rosə kem jóon gə̄ ba rə̄ɓā kə̄ nang tə́ ō, yibə̄ rosə kem kūn gə̄ ba rə̄bā kə̄ nang tə́ ō.

TA KƏLA 28:22

Mbal̄ ń m-údə kə nja kə́ dɔɔ́ m-ɔ̄rəń kamə̄n ní a téĺ kújə yā Nə́ɓā ō, m-ā m-ɔ̄r̄ yá̰á̰ kógə̄ḿ dan kə́ kutə tə́ tū yá̰a̰ malang ń ni-adə̄m̄ tə́ ní yā kadə̄n ō.