MALASI 3:1 - Bibəl ta Sar̄

¹ Najə̄ ń Kɔ́ɔ̄ɓē kə́ bo kə́ tɔ́gən i ngá̰ý tūr̄ əda ní n toó: M-ā m-ə́la nge kəla yāḿ. Ni a rāā róbə tām̄ yāḿ tə́. Kɔ́ɔ̄ɓē ń ī-gḛyn̄ ní, a reē kem kújə yān tə́ i rétə́ gēé. Nge kəla yā madə̄ naā ń ī ndi ā ī-ngóōī ní n toó, a reē.

Bible sar

¹ Najə̄ ń Kɔ́ɔ̄ɓē kə́ bo kə́ tɔ́gən i ngá̰ý tūr̄ əda ní n toó: M-ā m-ə́la nge kəla yāḿ. Ni a rāā róbə tām̄ yāḿ tə́. Kɔ́ɔ̄ɓē ń ī-gḛyn̄ ní, a reē kem *kújə yān tə́ i rétə́ gēé. Nge kəla yā *madə̄ naā ń ī ndi ā ī-ngóōī ní n toó, a reē.

MALASI 3:1 Referans Kwoze

Najə̄ kə́ Majə yā Jeju ń Luk ndang ní 1:76

Ba ḭ̄ ngōnə̄ḿ, a ɓāŕnī na i nge koō ta yā Nə́ɓā kə́ dɔɔ́, tɔdɔ̄ ā ī-njə̄rā kété no Kɔ́ɔ̄ɓē tə́ yā rāā gō róbə yān ō,

IJAI 63:9

Tū tápə̄ yādə́ gə̄ tə́ malang ní, i nge kəla kógə̄ḿ, aláa i de kə́ dɔ rā̰ tə́ kógə̄ḿ n ajədə́ ní alé, banī i Kɔ́ɔ̄ɓē nəkɔ́. Ni-gān̄g dɔdə́ sɔɔ̄ń tár yān ō, ka̰a̰ kum tō ndoō yān ō. Ni ətōdə́ ō, ɔsə kíĺdə́ ō, dan najə̄ yādə́ kə́ jóo gə̄ tə́.

KƏLA RĀĀ 19:4

Anī Pol ədadə́ na: Batém ń Ja̰a̰ rāā de gə̄ ní i batém tūr̄ háĺ ō, ni-əda ngán Israel gə̄ na kə taān̄ kem deē ń a rāā yā reē gōn tə́ ní ō, kumən na kə taān̄ na i kem Jeju.

MALASI 2:7

A̰á̰ā̰, kəla yā nge tun̄ yá̰a̰ i ndóō de gə̄ kadə̄ gerə̄n̄ Nə́ɓā ō, i nge tun̄ yá̰a̰ n de gə̄ a oōn̄ najə̄ kə́ tan tə́, yā gerə̄ń ndū najə̄ ní ō. Tām̄ ni i ngōmbang kəla yā Kɔ́ɔ̄ɓē kə́ bo kə́ tɔ́gən i ngá̰ý.

Teē Ngán Israel gə̄ 23:20

M-ā m-ə́la deē yāḿ kə́ dɔ rā̰ tə́ kadə̄ njə̄rā kété nosí tə́ ō, kadə̄ ngɔ̄m̄sí dɔ róbə́ tə́ ō. A ɔr nosí yā kaw̄ sesí kem ɓē ń m-ə̄ndā dɔ danaá tām̄ yāsí tə́ ní.

Najə̄ kə́ Majə yā Jeju ń Luk ndang ní 19:47

Ni ndóō de gə̄ yá̰a̰ kə dɔ ndɔ̄ gə̄ kem kújə yā Kɔ́ɔ̄ɓē tə́. Ngol gə̄ kə́ dɔ ngé tun̄ yá̰a̰ gə̄ tə́ ō, ngé ndóō de gə̄ ndū najə̄ gə̄ ō, kum kɔɔ̄ yā ngán Israel gə̄ ō sāān̄ yā tɔ̄lə̄n,

PĀ GƏ̄ 110:1

Pā yā Dabid. Najə̄ ń Kɔ́ɔ̄ɓē əda Kɔ́ɔ̄ɓē yāḿ ní n toó: Ī-ndi dɔ jī kó̰ḿ tə́ ādə̄ m̄-rāā adə̄ madə̄ ba̰ā̰í gə̄ télən̄ yá̰a̰ kəndā nja yāí.

KƏLA RĀĀ 7:38

Dan ń ngán Israel gə̄ kánə̄n̄ naā kem dəla loo tə́ ní, i ni n i nge ra mbənā kaají gə̄ tə́ kə de kə́ dɔ rā̰ tə́ ń a ɔr̄ najə̄ seneé dɔ mbal̄ Sinai tə́ ní. I ni n taā najə̄ kə́ a rāā deē kadə̄ ndi kə kumneé adə̄jí ní.

IJAI 9:6

Ni a teē kem ko̰o̰ ɓē yān kə̄ gogə́ ō, a rāā kadə̄ lɔm kə́ dan gān̄g aĺ to ngándáńg ō. Ni a ndi dɔ kōr̄ kāgə̄ mbang yā Dabid tə́ ō, a ɔr no de gə̄ kə́ kem ɓē ko̰o̰ yān tə́ ō. Ni a əndā ɓē ko̰o̰ yān ní ō, a mbūsə̄ gírən kadə̄ ra gan̄g ō, i kə ta kūl̄ rāā kadə̄ de gə̄ ɓōlə́n̄ gidə yá̰á̰ kə́ súmūú ō, yá̰a̰ rāā kə́ gōtə́ ō, a əla gír i ngɔr ń toō tə́ ō, i kə́ njɔ́ḿ gə̄ tə́ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý a rāā tām̄ tár yān kə́ təngā piling tə́ ní n noō.

IJAI 7:14

I beé ɓá ní, Kɔ́ɔ̄ɓē nəkɔ́ a adə̄sí yá̰a̰ kɔjə kógə̄ḿ: Ngōmandə a ndān̄ ngōn̄, ba a ojə ngōn̄ kə́ dəngam. A ɓārə́n na i Emanuel, kumən na i Nə́ɓā i sejí.

Najə̄ kə́ Majə yā Jeju ń Luk ndang ní 2:46

Kə ndɔ̄ kə́ nge ko̰ mətá anī əngenən̄ kem kújə yā Kɔ́ɔ̄ɓē tə́, ndi nang tə́ dan ngé kɔjə de gə̄ yá̰a̰ gə̄ tə́ a oōń najə̄ yādə́ ō, a dəjeńdə́ najə̄ ō.

Najə̄ kə́ Majə yā Jeju ń Luk ndang ní 2:38

Ni-reē ɔtə̄ kum mbang ngeé ń noō tə́ ō anī, udə kə̄ rɔ̄ tɔ̄ȳ Nə́ɓā tə́ ō, kə̄ rɔ̄ kɔr̄ najə̄ yā ngōn̄ ní tə́ kə de gə̄ malang ń a ngóōn̄ i kadə̄ Nə́ɓā gān̄g dɔ ɓē kə́ Jerusalem ní ō.

Najə̄ kə́ Majə yā Jeju ń Luk ndang ní 2:11

Ojən̄ nge kajəsí ɓōólaā kem ɓē yā Dabid tə́. Ni i Kərist, Kɔ́ɔ̄ɓē.

MATIYE 11:14

Ba ré ī-ndigiī ger̄ kum najə̄ ń toō anī, Eli ń kadə̄ a reē ní i Ja̰a̰.

Makətūbə̄ yā Aje 1:13

Gō tə́ anī, Aje ń i nge kəla yā Kɔ́ɔ̄ɓē ní, ədadə́ najə̄ ń toō ń Kɔ́ɔ̄ɓē əndā tan tə́ ní: Mā Kɔ́ɔ̄ɓē m-ə́dásí kə̄ ndágá wáńg na mā i naā tə́ sesí.

MALASI 2:4

Loo ń noō tə́ ā ī-gerī yá̰á̰ ń toō: I Kɔ́ɔ̄ɓē kə́ bo kə́ tɔ́gən i ngá̰ý n m̄-tāāsí toō. Madə̄ naā ń m-ə́hɔ kə ngán Lebi gēé ní, m̄-ndigə ngɔ̄m̄.

Teē Ngán Israel gə̄ 23:21

Ī-raī dɔ rɔ̄sí tə́ tām̄ yān tə́, ōōī tan ba ī-lōōī mbātə́ najə̄ tan tə́, na a tə́gā tan gír dum̄ naā yāsí gə̄ tə́ alé, tɔdɔ̄ a rāā yá̰a̰ i kə rīḿ.

IJAI 40:10

Kɔ́ɔ̄ɓē Nə́ɓā n toó. Ni-reē i kə tɔ́gɔ́. Ngan̄g yān asə kadə̄ o̰o̰ń ɓē. Ni-reē kə yá̰á̰ ń ni-ənge ní, yá̰á̰ ń əndānəń njan tām̄ kəla ń ni-rāā tə́ ní, ni reēń.