MALASI 2:8 - Bibəl ta Sar̄

⁸ Mā Kɔ́ɔ̄ɓē kə́ bo kə́ tɔ́gə́ḿ i ngá̰ý, m-ə́da najə̄ ń toō: Banī sḭḭ̄ ngé tun̄ yá̰a̰ gə̄ ī-rāāī yá̰á̰ ń noō alé, sḭḭ̄ ə́ya̰ī róbə kɔ̄ɔ́ ba āwī sa̰y. Ī-gólī de gə̄ ngá̰ý kə ta kūl̄ yá̰á̰ ndóō yāsí gə̄ ō, ī-gāngī madə̄ naā ń m-ə́hɔ kə ngán Lebi gēé ní kɔ̄ɔ́ ō.

Bible sar

⁸ Mā Kɔ́ɔ̄ɓē kə́ bo kə́ tɔ́gə́ḿ i ngá̰ý, m-ə́da najə̄ ń toō: Banī sḭḭ̄ *ngé tun̄ yá̰a̰ gə̄ ī-rāāī yá̰á̰ ń noō alé, sḭḭ̄ ə́ya̰ī róbə kɔ̄ɔ́ ba āwī sa̰y. Ī-gólī de gə̄ ngá̰ý kə ta kūl̄ yá̰á̰ ndóō yāsí gə̄ ō, ī-gāngī *madə̄ naā ń m-ə́hɔ kə ngán Lebi gēé ní kɔ̄ɔ́ ō.

MALASI 2:8 Referans Kwoze

NEHEMI 13:29

Nə́ɓā yāḿ, ādə̄ əga kemií dɔdə́ tə́, tɔdɔ̄ kəla tun̄ yá̰a̰ ō, madə̄ naā kə́ kəhɔ kə ngé tun̄ yá̰a̰ gēé ō ngán Lebi gēé ō ní, nin̄ rāān̄ adə̄ majaĺ tákə̄!

JEREMI 18:15

Dɔ gír deē yāḿ gə̄ ndigə naləḿ kɔ̄ɔ́. Nin̄ ndējə̄n̄ ɓesə̄ gə̄ kajaja. Ɓesə̄ gə̄ ní rāān̄də́ adə̄ tə́sōn̄ kum róbə́ yādə́ gə̄ ń i róbə́ kə́ lōō kōkə̄ gə̄ tə́ ní. Nin̄ unən̄ gō kə̄lá róbə gə̄ ń i róbə́ kə́ rāā aĺ ɓáý gə̄ ní.

MALASI 2:5

m̄-rāā ādə̄ ndi kə kumuú ō, ndi lɔm ō, kə ta kūl̄ madə̄ naā ngeé ń toō, i yā kadə̄ nin̄ ɓōlə́n̄ ndílə́ḿ. Adə̄ nin̄ ɓōlə́n̄ ndílə́ḿ ō, ndewn̄ noḿ tə́ ō.

EJEKIEL 44:10

Kum mbang ń ngán Israel gə̄ unən̄ róbə́ kə́ majaĺ ba əya̰mə̄n̄ kɔ̄ɔ́ yā kunəń gō ɓesə̄ yādə́ gə̄ ní, ngán Lebi gə̄ rāān̄ majaĺ tītə̄ gotə ngán Israel gə̄. I beé ɓá ní, nin̄ a tə́gān̄ tadə́ dan yá̰a̰ gə̄ ń yá̰a̰ rāādə́ kə́ gōtə́ aĺ gə̄ a reēń dɔdə́ tə́ ní.

JEREMI 17:5

Najə̄ ń Kɔ́ɔ̄ɓē əda ní n toó: Ndɔ̄ĺ i dɔ deē ń əndā kemən dɔ deē madə̄n gə̄ tə́ ō, əndā tɔ́gən dɔ yá̰á̰ kə́ dɔ nang tə́ gə̄ tə́ ō, mbātə́ Kɔ́ɔ̄ɓē ngarā̰ kemən tə́ ō ní.

IJAI 30:11

Ə́ya̰ī róbə́ kə́ majə kɔ̄ɔ́ ba āwī sa̰y, ə́ya̰ī róbə́ kə́ majə ba ī-tɔ̄ɔ̄ī. Nə́ɓā kə́ táĺ yā Israel ní, ī-lōōī kɔr̄ najə̄ yān sejí to̰!

1 SAMUEL 2:17

Majaĺ yā balsáa gə̄ ní i kə́ bo ngá̰ý ta kum Kɔ́ɔ̄ɓē tə́, tɔdɔ̄ nin̄ rāān̄ yá̰á̰ kə́ tun̄ yā Kɔ́ɔ̄ɓē i yá̰á̰ kə́ karī tə́.

HEBƏRO 3:12

Ngákó̰ó̰ḿ gə̄, ə̄ndāī kum kedə̄ dɔ rɔ̄sí tə́, tɔdɔ̄ majanī deē kógə̄ḿ dɔ dáńsí tə́ i nge kem majaĺ, adə̄ taā kem aĺ yān ɔrə̄n kɔ̄ɔ́ rɔ̄ Nə́ɓā kə́ ndi kə kumneé tə́.

Makətūbə̄ ń Pol ndang adə̄ Rom gə̄ ní 14:21

Yá̰á̰ kə́ majə ní, i kadə̄ ī-lōō gír kəsa dā̰ tə́ ō, ka̰ȳ kasə nduú tə́ ō, ī-lōō gíŕ yá̰á̰ malang ń a rāā kadə̄ ngōkó̰ó̰í əsō kum majaĺ tə́ ní.

IJAI 59:13

Kɔ́ɔ̄ɓē, jə-mbātə́ taí, jə-tél gōí tə́ kɔ̄ɔ́, Nə́ɓā yājí, j-a̰yī j-aw̄ sa̰y. J-a j-ɔr̄ i najə̄ rējə̄ madə̄jí gə̄ ngóy ō, i najə̄ kəsō wōn̄g ngóy ō. Sor̄ i ngá̰ý kemjí tə́ ō, i ngá̰ý dɔjí tə́ ō.

IJAI 9:16

I tām̄ najə̄ ń toō tə́ ń Kɔ́ɔ̄ɓē rāā gan̄g ngá̰ý kə balsáa yādə́ gēé ní, kumən o̰o̰n kə ngán hal yādə́ gēé aĺ ō, kə dəyá̰ kə́ ngaa koy yādə́ gēé aĺ ō. Tām̄ nin̄ malang i de kə́ majaĺ gə̄ kə́ ngé rāā yá̰á̰ kə́ majaĺ ō, yá̰a̰ malang ń nin̄ ədan̄ ní i yá̰á̰ kə́ majaĺ ngá̰ý gə̄ ō. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

PĀ GƏ̄ 119:102

Ndū gə̄ ń ḭ̄ ī-ra dɔ tə́ ní, mā m̄-tūr̄ gidəḿ ta tə́ kɔ̄ɔ́ alé, tām̄ i ḭ̄ n ī-ndóōm̄ ní.

PĀ GƏ̄ 18:21

Kɔ́ɔ̄ɓē rāā yá̰á̰ kə́ beé seḿ sɔɔ̄ń i hálə́ḿ kə́ gōtə́ ō, jīḿ kə́ unjə̄ njáý ō.

1 SAMUEL 2:30

I beé ɓá ní, mā ń i Kɔ́ɔ̄ɓē Nə́ɓā yā ngán Israel gə̄ ní, yá̰á̰ ń m-ā m-ə́daī ní n toó: Kété ní m-ə̄nī ndūḿ m-ādə̄ gír kojə yāí ō gír deē yāí gə̄ ō, m-ə́da na i sḭḭ̄ n i ngé tun̄ yá̰a̰ yāḿ gə̄ bátə́ kə̄ no tə́ ní. Ba ngɔlaā ní i tītə̄ ń noō to̰ alé adə̄ m-ə́dá wáńg. Tɔdɔ̄ de gə̄ ń ɓōlə́n̄ ndílə́ḿ ní mā m̄-ɓōĺ ndíĺdə́ ō, de gə̄ ń a kídə̄mə̄n̄ ní a rāān̄də́ nja bə̄yā̰ kə́ gogə́ tə́ ō.

1 SAMUEL 2:24

Ngánə́ḿ gə̄, ādī asəsí. Najə̄ yāsí ń deē yā Kɔ́ɔ̄ɓē gə̄ a ɔrə̄n̄ á m-ōō ní i najə̄ kə́ majaĺ ngá̰ý.

LEBI GƏ̄ 21:15

Na sōgə́ reē kə dəyá̰ kə́ gír kaa de kə́ karī tə́ əlan dan de gə̄ kə́ gír kojə yān tə́. Mā i Kɔ́ɔ̄ɓē, nge kɔr̄ kamə̄n.

JEREMI 17:13

Kɔ́ɔ̄ɓē, ḭ̄ ń Israel gə̄ əndān̄ kemdə́ dɔí tə́ ní, de gə̄ malang ń əya̰nī kɔ̄ɔ́ ní rɔ̄də́ sɔl̄də́ ngá̰ý. Ngé gə̄ ń ɔrə̄n̄ rɔ̄də́ rɔ̄ḿ tə́ kɔ̄ɔ́ ní tadə́ a tḭ̄ḭ̄, tɔdɔ̄ nin̄ əya̰n̄ Kɔ́ɔ̄ɓē ń i ngəra kajə ní kɔ̄ɔ́.

TƏ́DA 25:12

ngɔlaā ní ə́dan na m-ā m-ə́hɔ madə̄ naā seneé tām̄ yā kem sɔl̄ tə́.

TƏ́DA 25:13

I madə̄ naā kə́ əndān kem kəla tun̄ yá̰á̰ tə́ kə ngánən gēé ō, ngán kaan gēé ō, kə́ njɔ́ḿ gə̄ tə́. Tɔdɔ̄ ni-rāā jang kum gotə Nə́ɓā yān ō, rāā yá̰a̰ kutə dɔ majaĺ yā ngán Israel gə̄ ō.

JEREMI 2:8

Ngé tun̄ yá̰a̰ gə̄ mbātén̄ kəda na: Kɔ́ɔ̄ɓē i rá? Ngé ger̄ ndū najə̄ gə̄ gerə̄mə̄n̄ alé. Ngé ngɔ̄m̄ yá̰a̰ kul̄ gə̄ mbātə́mə̄n̄ kɔ̄ɔ́. Ngé koō ta gə̄ ɔrə̄n̄ najə̄ kə rī ɓesə̄ Baal ō, nin̄ a̰ȳn̄ ngɔ̄də̄ gō nə́ɓā gə̄ kə́ kanjə̄ kumən gə̄ tə́ ō.

OJEE 4:6

Gír deē yāḿ gə̄ a oyn̄ i tām̄ nin̄ ger̄mə̄n̄ alé. Sḭḭ̄ ī-mbātíī gerə̄m̄. I tām̄ najə̄ ń toō tə́ n m̄ gḛy najə̄ yāsí to̰ aĺ ní. Sḭḭ̄ i ngé tun̄ yá̰a̰ yāḿ gə̄ to̰ alé. Dɔsí ndígə̄nal yá̰á̰ ń Nə́ɓā yāsí ndóōsí ní kɔ̄ɔ́ ɓá ní, dɔḿ mā a ndígə̄nal ngáńsí gə̄ ō.

SOPONI 3:4

Ngé koō ta yān gə̄ i ngé gān̄g róbə gə̄. Nin̄ i de gə̄ kə́ ngé gól̄ madə̄də́ gə̄. Ngé tun̄ yá̰a̰ yān gə̄ ɓōlə́n̄ gidə yá̰a̰ yā Nə́ɓā aĺ ō, rāān̄ yá̰a̰ gə̄ ń ndū najə̄ yān əda ní aĺ ō.

2 MBAN̄G 16:11

Uria nge tun̄ yá̰a̰ rāā loo tun̄ yá̰á̰ kə́ teēn̄ naā kə nge ń mban̄g Akaj ndi Damas rāā əlań adə̄n ō, ɔjə loo rāān ō ní. Ni-rāā oy pá tá kadə̄ mban̄g Akaj tél Damas reē ugə̄ ɓáý.

Gōsə̄ najə̄ gə̄ 12:8

Tɔ̄ȳn̄ deē i najə̄ ngáā yān tə́, banī de kə́ hálən nujə kɔ̄ɔ́ i de kə́ de gə̄ a kídə̄nən̄.

EJEKIEL 22:26

Ngé tun̄ yá̰a̰ yādə́ gə̄ rāān̄ dɔ ngan̄g ta ndū najə̄ yāḿ gə̄ tə́ ō, ɓōlə́n̄ gidə loo kə́ kɔr̄ kam̄ tām̄ yāḿ tə́ gə̄ aĺ ō, ɔrə̄n̄ kam̄ yá̰á̰ kə́ yā ɓōĺ gidə naā tə́ kə yá̰á̰ kə́ karī aĺ ō, ndóōn̄ de gə̄ loo ka̰a̰ yá̰á̰ kə́ unjə̄ njáý njáý ger̄ aĺ ō, loo ka̰a̰ yá̰á̰ kə́ yḛr ger̄ aĺ ō. Nin̄ kídə̄n̄ ndɔ̄ sabat ō. I tām̄ najə̄ ń toō tə́ n deē kógə̄ḿ kə́ dandə́ tə́ kə́ ɓōĺ gidəḿ gətóó ní.

EJEKIEL 44:7

Dan ń ā ī-ndējə̄mīiń núsə́ yá̰a̰ kəsa kə́ tām̄ yāḿ tə́ ní, adə̄ i yibə̄ dā̰ kə́ tun̄ gə̄ ō, mósə dā̰ kə́ tun̄ gə̄ ō ní, tə̄rā gə̄ ń əjan̄ mɔtədə́ aĺ ō, oōn̄ taḿ aĺ ō ní, sḭḭ̄ ə́ya̰īdə́ adə̄ nin̄ udən̄ kem loo yāḿ kə́ táĺ tə́. Sḭḭ̄ ī-kídī kújə yāḿ i tītə̄ ń noō. Sḭḭ̄ ī-nujiī madə̄ naā ń do̰ō̰ rɔ̄sí tū yāḿ tə́ ní kɔ̄ɔ́, kə yá̰a̰ rāāsí kə́ majaĺ ngá̰ý gə̄ malang.

EJEKIEL 44:12

Dan ń ngán Israel gə̄ a unnə̄ń gō nə́ɓā kə́ rɔ̄kum aĺ gə̄ ní, nin̄ rāān̄ kəla adə̄n̄də́ ō, nin̄ rāān̄ adə̄ ngán Israel gə̄ mānə̄n̄ dɔ ndū Nə́ɓā ō. I tām̄ najə̄ ń toō tə́ n mā Kɔ́ɔ̄ɓē Nə́ɓā m-ə́da najə̄ ń toō ní: M-ā m̄-rāā yá̰á̰ kə́ tōr̄ sedə́ ō, nin̄ a tə́gān̄ tadə́ dan yá̰a̰ gə̄ ń yá̰a̰ rāādə́ kə́ gōtə́ aĺ gə̄ a reēń dɔdə́ tə́ ní ō.

MALASI 1:6

Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ngé tun̄ yá̰a̰ gə̄ ní n toó: Ngōn̄ kə́ dəngam rāā háĺ kə́ to hɔ̄r̄mɔ̄ kə bɔbə̄neé ō, nge kəla ɓōĺ ndíl kɔ́ɔ̄n ō. Sḭḭ̄ ī-ɓāŕmī bɔbə̄sí, ba ī-rāāī háĺ kə́ to hɔ̄r̄mɔ̄ seḿ a? Ī-ɓāŕmī kɔ́ɔ̄sí, ba ī-ɓōlíī ndílə́ḿ a? Sḭḭ̄ ī-kídə̄mī, ba ī-dəjeī najə̄ ə́daī na ké jə-kídī i tū rí tə́ wa.