MALASI 2:7 - Bibəl ta Sar̄

⁷ A̰á̰ā̰, kəla yā nge tun̄ yá̰a̰ i ndóō de gə̄ kadə̄ gerə̄n̄ Nə́ɓā ō, i nge tun̄ yá̰a̰ n de gə̄ a oōn̄ najə̄ kə́ tan tə́, yā gerə̄ń ndū najə̄ ní ō. Tām̄ ni i ngōmbang kəla yā Kɔ́ɔ̄ɓē kə́ bo kə́ tɔ́gən i ngá̰ý.

Bible sar

⁷ A̰á̰ā̰, kəla yā *nge tun̄ yá̰a̰ i ndóō de gə̄ kadə̄ gerə̄n̄ Nə́ɓā ō, i *nge tun̄ yá̰a̰ n de gə̄ a oōn̄ najə̄ kə́ tan tə́, yā gerə̄ń *ndū najə̄ ní ō. Tām̄ ni i ngōmbang kəla yā Kɔ́ɔ̄ɓē kə́ bo kə́ tɔ́gən i ngá̰ý.

MALASI 2:7 Referans Kwoze

LEBI GƏ̄ 10:11

Na a ndóōnəń ngán Israel gə̄ yá̰a̰ gə̄ ń n-ndang kadə̄ yā rāā malang ń n-əndā ta Moijə tə́ kadə̄ ədadə́ ní ō.

NDŪ NAJƏ̄ 21:5

Tā anī ngán Lebi gə̄ ń nin̄ i ngé tun̄ yá̰a̰ gə̄ ní a ndɔ́tə̄n̄ kə̄ kété, tɔdɔ̄ i nin̄ n Kɔ́ɔ̄ɓē Nə́ɓā yāí gə̄rādə́ kadə̄ rāān̄ kəla adə̄nən̄ ō, tɔ́rə̄n̄ tadə́ kə rī Kɔ́ɔ̄ɓēé ō, kadə̄ gāngə̄n̄ sarya tṵ́ṵ̄ naā gə̄ ō, rɔ̄ɔ̄ naā gə̄ ō, sarya do gə̄ ō ní.

2 KORḚNTƏ 5:20

I Kərist n əlají rɔ̄sí tə́ yā kɔr̄ najə̄ sesí kə rīneé ní. Adə̄ i tītə̄ kə́ i ngarān̄g kum Nə́ɓā nəkɔ́ n ndə̄mā tají adə̄ńsí kɔjə̄ beé. Ní, jə-rāāsí ɓɔ́ kə rī Kərist, ādī əndān̄sí naā tə́ kə Nə́ɓāá, ba ī-lōōī mbātə́.

1 TESALONIK 4:8

Adə̄ deē ń mbātə́ yá̰a̰ ń j-ɔjəsí toō ní, mbātə́ i deē ndul alé, banī mbātə́ i Nə́ɓā kə́ nge kadə̄sí Ndíĺ kə́ Táĺ yān.

KƏLA RĀĀ 16:17

Nge kəla kə́ dəyá̰ ní tél un gōjí, Pol ō jḭḭ ō, ba əga kɔŕ əda na: De gə̄ ń toō i ngé kəla yā Nə́ɓā kə́ dɔɔ́ gə̄! Nin̄ a ɔjən̄sí i róbə́ kə́ yā kadə̄ deē un a ajə!

ESDRAS 7:10

Tām̄ Esdras əndā rɔ̄n ta ndóō ndū najə̄ yā Kɔ́ɔ̄ɓē tə́ ō, yá̰á̰ ń ndū najə̄ əda ní ni-əndā rɔ̄n ta tə́ rāā ō, tá yá̰a̰ gə̄ ń ndū najə̄ əndā dɔ de gə̄ tə́ kadə̄ rāān̄ ní ō, jī bēl̄ loo rāā yá̰a̰ gə̄ ń ndū najə̄ ɔjə ō ní, ni-əndā rɔ̄n ta tə́ ndóō ngán Israel gə̄ ō.

2 YÁ̰A̰ GƏ̄ 30:22

Ngán Lebi gə̄ malang ń gerə̄n̄ yá̰a̰ yā Kɔ́ɔ̄ɓē majə ní, Ejekias ɔr̄ najə̄ sedə́ adə̄ńdə́ tɔ́gə. De gə̄ rāān̄ nāā ndɔ̄ sīrí, ndējə̄n̄ yá̰a̰ tun̄ gə̄ kə́ tām̄ yā kem kógə̄ḿ tə́ ō, ndadə̄ adə̄n̄ Kɔ́ɔ̄ɓē Nə́ɓā yā kaadə́ gə̄ ō.

JA̰A̰ 20:21

Jeju ədadə́ ɓáý to̰ na: Ādī kemsí sɔl̄ lɔm. Tītə̄ ń Bɔbə́ḿ əlam̄ ní, mā m-ə́lásí ō.

JA̰A̰ 13:20

Ādə̄ m-ə́dásí najə̄ kə́ bo ngá̰ý, deē ń əhɔ deē ń m-ə́lan ní kə̄ rɔ̄n tə́ ní, əhɔm̄ i mā nəkɔ́ kə̄ rɔ̄n anī. Ba deē ń əhɔm̄ kə̄ rɔ̄n tə́ ní, əhɔ i nge ń əlam̄ ní kə̄ rɔ̄n tə́.

MALASI 3:1

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý tūr̄ əda ní n toó: M-ā m-ə́la nge kəla yāḿ. Ni a rāā róbə tām̄ yāḿ tə́. Kɔ́ɔ̄ɓē ń ī-gḛyn̄ ní, a reē kem kújə yān tə́ i rétə́ gēé. Nge kəla yā madə̄ naā ń ī ndi ā ī-ngóōī ní n toó, a reē.

Makətūbə̄ yā Aje 1:13

Gō tə́ anī, Aje ń i nge kəla yā Kɔ́ɔ̄ɓē ní, ədadə́ najə̄ ń toō ń Kɔ́ɔ̄ɓē əndā tan tə́ ní: Mā Kɔ́ɔ̄ɓē m-ə́dásí kə̄ ndágá wáńg na mā i naā tə́ sesí.

JEREMI 18:18

Anī de kə́rēý gə̄ ədan̄ na: Ī-reē j-oōī naā dɔ Jeremi tə́. Na ndū najə̄ a nal̄ ta ngé tun̄ yá̰a̰ gə̄ aĺ ō, Kɔjə̄ a nal ta kum kɔɔ̄ gə̄ aĺ ō, najə̄ yā Nə́ɓā a nal̄ ta ngé koō ta gə̄ aĺ ō. Ī-reēī jə-tə́daī najə̄ kə́ majaĺ gə̄ dɔn tə́ jə-nujiīneé rīn. J-əndāī mbījí gír najə̄ kɔrə̄n gə̄ tə́ alé.

JEREMI 15:19

I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Ré ī-tél ī-reē rɔ̄ḿ tə́ anī, m-ā m̄-rāā kadə̄ ī-tél ī-reē gogə́ loo kəla yāí tə́ ta kumḿ tə́. Ré ɔ̄r̄ najə̄ kə́ kə kumneé gə̄ ba ə́yá̰ gíŕ ngé kə́ diring diring gə̄ kɔ̄ɔ́ anī, najə̄ kɔrīí a tél i najə̄ kɔrə̄ḿ mə̄kɔ́. Adə̄ i gír deē yāḿ gə̄ n a télən̄ yā reē rɔ̄í tə́, ba i ḭ̄ n ā ī-tél yā kaw̄ rɔ̄də́ tə́ alé.

IJAI 44:26

Banī najə̄ kɔr̄ ngé kəla yāḿ gə̄ ní, m̄-rāā adə̄ reē udə gírí ō, najə̄ ń ngé kaw̄ kəla yāḿ gə̄ ədan̄ kété ní, m̄-rāā adə̄ ojə yá̰á̰ kə́ majə ō. m̄-ɔ̄r̄ najə̄ kə́ dɔ Jerusalem tə́ m-ə́da na: De gə̄ a télən̄ yā ndi kemeé gogə́ ɓáý, ndogə̄ mbal̄ yān gə̄ ń nujən̄neé kɔ̄ɔ́ ní, a télən̄ yā kun dɔɔ́ gogə́. M-ɔ̄r̄ najə̄ kə́ dɔ ɓē gə̄ yā Juda tə́ m-ə́da na: A télən̄ yā rāā ɓē ní gogə́.

NDŪ NAJƏ̄ 24:8

Ə̄ndā kumií dɔ rɔ̄í tə́ najə̄ yā mo̰y bānjə̄ tə́. Yá̰a̰ malang ń m-ɔ́jə́ ngán Lebi kə́ ngé tun̄ yá̰a̰ gə̄ á nin̄ ndóōn̄sí ní, ə̄ndāī kumsí gírí majə ī-rāāī.

GALATƏ 4:14

Mo̰y ń rāām̄ ní nə́ngētə́ gēé, sḭḭ̄ ā ī-kídə̄mī ō, ā ī-mbātə́mī ō, najə̄n tə́. Ba sḭḭ̄ ī-rāāī nge ń noō alé, ba ə́hɔmī kə̄ rɔ̄sí tə́ tītə̄ de kə́ dɔ rā̰ tə́ yā Nə́ɓā ō, tītə̄ Kərist Jeju ō.

IJAI 42:19

I náā n kumən tɔ̄ɔ̄ ní, i nge kəla yāḿ aĺ a? I náā n i mbíkī tītə̄ ngōmbang kəla yāḿ ń m-ā m-ə́lan ní? I náā n kumən tɔ̄ɔ̄ tītə̄ gír de gə̄ yā Kɔ́ɔ̄ɓē ní? I náā n i mbíkī tītə̄ nge kəla yā Kɔ́ɔ̄ɓē ní?

TƏ́DA 27:21

Jojue a aw̄ rɔ̄ Eleajar nge tun̄ yá̰á̰ tə́ kadə̄ túgə̄ wə̄lā urim tām̄ yān tə́ ta kum Kɔ́ɔ̄ɓē tə́. Ni ō, ngán Israel gə̄ malang ō ní a teēn̄ ō, tél a udən̄ gogə́ ō, i kə gō ndū ń wə̄lā a ɔjə ní.

1 SAMUEL 2:17

Majaĺ yā balsáa gə̄ ní i kə́ bo ngá̰ý ta kum Kɔ́ɔ̄ɓē tə́, tɔdɔ̄ nin̄ rāān̄ yá̰á̰ kə́ tun̄ yā Kɔ́ɔ̄ɓē i yá̰á̰ kə́ karī tə́.

2 YÁ̰A̰ GƏ̄ 31:4

Mban̄g əda de kə́ Jerusalem gə̄ malang kadə̄ adə̄n̄ ngé tun̄ yá̰a̰ gə̄ ō, ngán Lebi gə̄ ō, núsə́ yá̰á̰ kə́ tām̄ yādə́ tə́ ń sɔɔ̄ kadə̄ adə̄n̄də́ ní, tá kadə̄ nin̄ asən̄neé kadə̄ rɔ̄də́ kə taá malang ta kəla gə̄ ń ɔjən̄ tām̄ yādə́ tə́ kem ndū najə̄ yā Kɔ́ɔ̄ɓē tə́ ní.

ESDRAS 7:25

Ba ḭ̄ Esdras, ī-tə́ndā ngé sarya gə̄ ō, ngār sarya gə̄ ō, kə kum kedə̄ yā Nə́ɓā yāí ń makətūbə̄n to jīí tə́ ní, ādə̄ gāngə̄n̄ sarya yā de gə̄ malang kə́ gō nang kə́ gidə bā Opəratə kə́ dām̄ kə́ no ɓē tə́ ń gerə̄n̄ ndū najə̄ yā Nə́ɓā yāí ní. Ba de gə̄ ń gerə̄n̄ aĺ ní, ī-ndóōīdə́ ādə̄ gerə̄n̄.

Gōsə̄ najə̄ gə̄ 5:2

Loo ń noō tə́ kɔjə̄ yāḿ gə̄ a rāān̄ majə seí ō, ā ɔ̄r̄ najə̄ loo de kə́ ger̄ gír najə̄ tə́ ō.

JEREMI 2:8

Ngé tun̄ yá̰a̰ gə̄ mbātén̄ kəda na: Kɔ́ɔ̄ɓē i rá? Ngé ger̄ ndū najə̄ gə̄ gerə̄mə̄n̄ alé. Ngé ngɔ̄m̄ yá̰a̰ kul̄ gə̄ mbātə́mə̄n̄ kɔ̄ɔ́. Ngé koō ta gə̄ ɔrə̄n̄ najə̄ kə rī ɓesə̄ Baal ō, nin̄ a̰ȳn̄ ngɔ̄də̄ gō nə́ɓā gə̄ kə́ kanjə̄ kumən gə̄ tə́ ō.

EJEKIEL 7:26

Yá̰á̰ kə́ to kum kaȳ aĺ gə̄ a reēn̄ i kə gō naá. Najə̄ kə́ majaĺ gə̄ kə́ kənī mbī naā tə́ dan a gān̄g alé. De gə̄ a dəjen̄ nge koō ta kadə̄ a̰a̰ yá̰á̰ kógə̄ḿ kə ədadə́ ō, nge tun̄ yá̰a̰ a ndóō de gə̄ yá̰a̰ to̰ aĺ ō, kum kɔɔ̄ gə̄ a adə̄n̄ de gə̄ kɔjə̄ to̰ aĺ ō.

DANIEL 11:33

De kə́ ger̄ najə̄ gə̄ a ɔjən̄ ngán Israel madə̄də́ gə̄ ngá̰ý yá̰a̰. Banī a tɔ̄lə̄n̄də́ kə kaskaraá ō, a əlan̄ hor dɔdə́ tə́ ō, a əhɔn̄də́ ɓəlo tə́ ō, a taān̄ yá̰a̰ kənge yādə́ gə̄ jīdə́ tə́ kɔ̄ɔ́ ō. A rāān̄də́ ń noō ndɔ̄ ngá̰ý.

OJEE 4:6

Gír deē yāḿ gə̄ a oyn̄ i tām̄ nin̄ ger̄mə̄n̄ alé. Sḭḭ̄ ī-mbātíī gerə̄m̄. I tām̄ najə̄ ń toō tə́ n m̄ gḛy najə̄ yāsí to̰ aĺ ní. Sḭḭ̄ i ngé tun̄ yá̰a̰ yāḿ gə̄ to̰ alé. Dɔsí ndígə̄nal yá̰á̰ ń Nə́ɓā yāsí ndóōsí ní kɔ̄ɔ́ ɓá ní, dɔḿ mā a ndígə̄nal ngáńsí gə̄ ō.

SOPONI 3:4

Ngé koō ta yān gə̄ i ngé gān̄g róbə gə̄. Nin̄ i de gə̄ kə́ ngé gól̄ madə̄də́ gə̄. Ngé tun̄ yá̰a̰ yān gə̄ ɓōlə́n̄ gidə yá̰a̰ yā Nə́ɓā aĺ ō, rāān̄ yá̰a̰ gə̄ ń ndū najə̄ yān əda ní aĺ ō.

2 MBAN̄G 16:11

Uria nge tun̄ yá̰a̰ rāā loo tun̄ yá̰á̰ kə́ teēn̄ naā kə nge ń mban̄g Akaj ndi Damas rāā əlań adə̄n ō, ɔjə loo rāān ō ní. Ni-rāā oy pá tá kadə̄ mban̄g Akaj tél Damas reē ugə̄ ɓáý.

2 MBAN̄G 16:16

Uria nge tun̄ yá̰a̰ rāā yá̰a̰ malang ń mban̄g Akaj mērən rāā ní.

KOHELET 5:5

Əhɔ taí dɔ najə̄ wál̄ kə́ kadə̄ tél ənī najə̄ dɔ rɔ̄í tə́ malang kə taá tə́ ō, ī-lōō kaw̄ kəda nge tun̄ yá̰a̰ yā Nə́ɓā na ī-ger̄ aĺ na i mbée ō. Na sōgə́ wōn̄g rāā Nə́ɓā dɔ najə̄ kɔrīí tə́ ō, ni nujə kəla ń ā ī-rāā ní ō.

EJEKIEL 22:26

Ngé tun̄ yá̰a̰ yādə́ gə̄ rāān̄ dɔ ngan̄g ta ndū najə̄ yāḿ gə̄ tə́ ō, ɓōlə́n̄ gidə loo kə́ kɔr̄ kam̄ tām̄ yāḿ tə́ gə̄ aĺ ō, ɔrə̄n̄ kam̄ yá̰á̰ kə́ yā ɓōĺ gidə naā tə́ kə yá̰á̰ kə́ karī aĺ ō, ndóōn̄ de gə̄ loo ka̰a̰ yá̰á̰ kə́ unjə̄ njáý njáý ger̄ aĺ ō, loo ka̰a̰ yá̰á̰ kə́ yḛr ger̄ aĺ ō. Nin̄ kídə̄n̄ ndɔ̄ sabat ō. I tām̄ najə̄ ń toō tə́ n deē kógə̄ḿ kə́ dandə́ tə́ kə́ ɓōĺ gidəḿ gətóó ní.