MALASI 2:6 - Bibəl ta Sar̄

⁶ Nin̄ ndóōn̄ de gə̄ najə̄ kə́ rɔ̄kum ō, sorə̄n̄ aĺ ō. Nin̄ rāān̄ háĺ kə́ súmūú, tām̄ ndigən̄ najə̄ gōḿ tə́ ō, rāān̄ adə̄ de gə̄ ngá̰ý tūrə̄n̄ gidədə́ kɔ̄ɔ́ ta yá̰á̰ kə́ majaĺ tə́ ō.

Bible sar

⁶ Nin̄ ndóōn̄ de gə̄ najə̄ kə́ rɔ̄kum ō, sorə̄n̄ aĺ ō. Nin̄ rāān̄ háĺ kə́ súmūú, tām̄ ndigən̄ najə̄ gōḿ tə́ ō, rāān̄ adə̄ de gə̄ ngá̰ý tūrə̄n̄ gidədə́ kɔ̄ɔ́ ta yá̰á̰ kə́ majaĺ tə́ ō.

MALASI 2:6 Referans Kwoze

DANIEL 12:3

De kə́ ngé ger̄ najə̄ gə̄ ní a unjə̄n̄ rá rááng tītə̄ no rā̰ beé ō, nin̄ ń rāān̄ adə̄ kósə de kə́ ngá̰ý gə̄ télən̄ de kə́ súmūú gə̄ ní a ndə́lə̄n̄ tītə̄ tə́yō̰ gə̄ beé kə́ njɔ́ḿ gə̄ tə́ ō.

JEJU TEĒ KUM JA̰A̰ 14:5

Najə̄ kə́ sor̄ gətóo tadə́ tə́ ō, najə̄ gətóo dɔdə́ tə́ ō.

JEREMI 23:22

Nə́ngētə́ gēé ndin̄ loo koō naā dɔ najə̄ tə́ seḿ anī. A gerə̄n̄ loo kɔr̄ najə̄ yāḿ kadə̄ gír deē yāḿ gə̄ oōn̄ ō, a gerə̄n̄ loo rāā sedə́ kadə̄ əya̰n̄ gō háĺdə́ kə́ majaĺ gə̄ ō, kəla rāādə́ kə́ majaĺ gə̄ ō kɔ̄ɔ́.

KƏLA RĀĀ 26:18

M-ə́laī i kadə̄ āw̄ i teē kumdə́, kadə̄ āw̄ ī-teē sedə́ kɔ̄ɔ́ kum til tə́ ba ī-reē sedə́ kum loo kə́ unjə̄ kow tə́, i kadə̄ āw̄ ī-teē sedə́ kɔ̄ɔ́ gíŕ tɔ́gə yā Sətan tə́ ba ī-reē sedə́ rɔ̄ Nə́ɓā tə́, yā kadə̄ taān̄ kemḿ anī əngen̄neé mā̰ȳ rɔ̄ dɔ majaĺ yādə́ gə̄ tə́ ō, kadə̄ əngen̄neé loo dan de gə̄ yā Nə́ɓā tə́ ō.

Najə̄ kə́ Majə yā Jeju ń Luk ndang ní 1:6

Nin̄ jōó mbak i de kə́ súmūú gə̄ ta kum Nə́ɓā tə́. Gō míndə gə̄ malang yā Kɔ́ɔ̄ɓē ō, yá̰a̰ malang ń Kɔ́ɔ̄ɓē əda kadə̄ yā rāā ō ní, nin̄-tetən̄ rɔ̄də́ gō tə́ rāān̄ kə gōó majə, adə̄ najə̄ gətóo dɔdə́ tə́.

Najə̄ kə́ Majə yā Jeju ń Luk ndang ní 20:21

Anī dəjen̄ Jeju najə̄ ədan̄ na: Ngol, jə-ger̄ kadə̄ najə̄ kɔrīí ō, yá̰á̰ ndóō yāí ō i gōtə́, tá ḭ̄ ī-rāā yá̰a̰ loo ger̄ ta kum deē tə́ alé, ba ā ī-ndóō de gə̄ gō róbə gə̄ yā Nə́ɓā i kə najə̄ kə́ rɔ̄kum.

MATIYE 22:16

Gō tə́ anī əlan̄ ngé ndóō yá̰a̰ yādə́ gə̄, naā tə́ kə de gə̄ yā Herod gēé adə̄ aw̄ dəjen̄ Jeju na: Ngoljí, jə-ger̄ kadə̄ ḭ̄ i de kə́ nge kəda najə̄ kə́ rɔ̄kum ō, ḭ̄ ndóō de gə̄ gō róbə yā Nə́ɓā i kə najə̄ kə́ rɔ̄kum kanjə̄ ɓōĺ deē ō. Tɔdɔ̄ ḭ̄ ī-rāā yá̰a̰ tām̄ ta kum deē alé.

OJEE 4:6

Gír deē yāḿ gə̄ a oyn̄ i tām̄ nin̄ ger̄mə̄n̄ alé. Sḭḭ̄ ī-mbātíī gerə̄m̄. I tām̄ najə̄ ń toō tə́ n m̄ gḛy najə̄ yāsí to̰ aĺ ní. Sḭḭ̄ i ngé tun̄ yá̰a̰ yāḿ gə̄ to̰ alé. Dɔsí ndígə̄nal yá̰á̰ ń Nə́ɓā yāsí ndóōsí ní kɔ̄ɔ́ ɓá ní, dɔḿ mā a ndígə̄nal ngáńsí gə̄ ō.

PĀ GƏ̄ 37:30

Ta de kə́ súmūú əda yá̰á̰ kə́ ngáā ō, ta ndo̰n əda yá̰á̰ kə́ gōtə́ ō.

TA KƏLA 17:1

Abəram rāā ɓāl̄ kutə ndōhó gidə i ndōhó anī, Kɔ́ɔ̄ɓē ndɔ̄bə̄n ədan na: Mā i Nə́ɓā kə́ bo kə́ tɔ́gə́ḿ i ngá̰ý. Ī-njə̄rā ta kumḿ tə́ ō, ādə̄ najə̄ gətóo dɔí tə́ ō.

TA KƏLA 6:9

Gotə najə̄ yā Noe n toó: Noe i de kə́ súmūú ō, najə̄ gətóo dɔn tə́ dan de kə́ ɓāl̄ yān tə́ gə̄ tə́ ō. Ni njə̄rā kə Nə́ɓāá.

MARK 12:14

Nin̄-reē ədanən̄ na: Ngoljí, jə-ger̄ kadə̄ ḭ̄ i de kə́ nge kɔr̄ najə̄ kə́ rɔ̄kum ngándáńg ō, ī-ɓōĺ kum deē aĺ ō, tɔdɔ̄ ḭ̄ ā ī-rāā yá̰a̰ tām̄ ger̄ ta kum deē tə́ alé, banī a ī-ndóō de gə̄ gō róbə yā Nə́ɓā i kə gō najə̄ kə́ rɔ̄kum. Ní ə́dájí: Ndū najə̄ yājí adə̄jí ta róbə kəgā lambóo yā nge ko̰o̰ ɓē kə́ Rom, aké ɔgə̄jí wa? Ní, kə j-adə̄, aké kə j-adə̄ aĺ wa?

NDŪ NAJƏ̄ 33:10

I nin̄ n i ngé ndóō ngán Israel gə̄ jī-bēl̄ loo rāā yá̰a̰ yāí gə̄ ō, ndū najə̄ yāí ō ní. I nin̄ n i ngé ndējī yá̰a̰ tun̄ gə̄ ń sadə́ udə kó̰ní tə́ ní ō, ngé róō dā̰ horoó dɔ loo tun̄ yá̰a̰ yāí tə́ ní ō.

NDŪ NAJƏ̄ 33:8

Yá̰á̰ ń Moijə əda dɔ Lebi tə́ ní n toó: Kɔ́ɔ̄ɓē, ngé kəla yāí kə́ ran̄ dɔ ndūdə́ tə́ gə̄ ń ī-nāādə́ Masa ō, ī-gān̄g sarya dɔdə́ tə́ tām̄ yā najə̄ kə́ Meriba tə́ ō ní, ī-ɓɔ̄də́ tumim yāí ō, urim yāí ō.

NDŪ NAJƏ̄ 33:9

Nin̄ ɔjən̄ kə̄ ndágá kadə̄ táriīn̄ tɔȳ bɔbə̄də́ gə̄ ō, kó̰ó̰də́ gə̄ ō, ngákó̰ó̰də́ gə̄ ō, ngáńdə́ gə̄ ō. Tɔdɔ̄ oōn̄ taí, adə̄ rāān̄ yá̰á̰ ń ə́dádə́ ní. Nin̄ əndān̄ kumdə́ gír madə̄ naā yāí tə́.

PĀ GƏ̄ 37:37

Ə̄ndā ma̰ȳ de kə́ sew, á̰a̰ de kə́ súmūú. Tɔdɔ̄ de kə́ najə̄n gətóo a əndā kōōn.

PĀ GƏ̄ 119:142

Háĺ kə́ gōtə́ yāí i háĺ kə́ a to ngándáńg ō, ndū najə̄ yāí i najə̄ kə́ rɔ̄kum ō.

PĀ GƏ̄ 119:151

Kɔ́ɔ̄ɓē, ḭ̄ i ngɔr rɔ̄ḿ tə́ ō, gō míndí gə̄ malang i najə̄ kə́ rɔ̄kum gə̄ ō.

1 SAMUEL 2:12

Ngán Eli gə̄ i ngé tun̄ yá̰á̰ kə́ háĺdə́ nujə kɔ̄ɔ́ gə̄. Nin̄ gerə̄n̄ Kɔ́ɔ̄ɓē alé.

Gōsə̄ najə̄ gə̄ 5:2

Loo ń noō tə́ kɔjə̄ yāḿ gə̄ a rāān̄ majə seí ō, ā ɔ̄r̄ najə̄ loo de kə́ ger̄ gír najə̄ tə́ ō.