MALASI 2:4 - Bibəl ta Sar̄

⁴ Loo ń noō tə́ ā ī-gerī yá̰á̰ ń toō: I Kɔ́ɔ̄ɓē kə́ bo kə́ tɔ́gən i ngá̰ý n m̄-tāāsí toō. Madə̄ naā ń m-ə́hɔ kə ngán Lebi gēé ní, m̄-ndigə ngɔ̄m̄.

Bible sar

⁴ Loo ń noō tə́ ā ī-gerī yá̰á̰ ń toō: I Kɔ́ɔ̄ɓē kə́ bo kə́ tɔ́gən i ngá̰ý n m̄-tāāsí toō. *Madə̄ naā ń m-ə́hɔ kə ngán *Lebi gēé ní, m̄-ndigə ngɔ̄m̄.

MALASI 2:4 Referans Kwoze

TƏ́DA 3:12

I mə̄kɔ́ n m̄-gə̄rā ngán Lebi gə̄ dan ngán Israel gə̄ tə́ kum gotə hágə́ ngán Israel gə̄ ní. Ngán Lebi gə̄ i yá̰a̰ yāḿ,

EJEKIEL 38:23

M-ā m-ɔ́jə́ nápar de gə̄ malang kadə̄ mā i Nə́ɓā kə́ bo ō, kə́ táĺ ō, i tītə̄ ń noō. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

JA̰A̰ 15:2

Ta jīḿ gə̄ ń anə̄n̄ aĺ ní, ni a jén̄gdə́ kɔ̄ɔ́. Ba ta jīḿ gə̄ malang ń anə̄n̄ ní, ni a tɔ́r̄də́ kadə̄ anə̄n̄ ngá̰ý mān̄ kə́ kété.

MATIYE 3:12

Yá̰á̰ tóó yá̰a̰ i jīn tə́. Ni a ɔr̄ njár̄ kōō tayā ō, a ɔr̄ təsá kōō tayā ō. Ni a ɔy njár̄ kōō yān kə́ kem gárāá kə̄ mō̰yō̰ó̰, ba təsán tá a róō kum hor kə́ a oy aĺ bátə́ tə́.

JEREMI 28:9

Ba ré nge koō ta kógə̄ḿ ɔr̄ najə̄ kə́ dɔ lɔm tə́ anī, i dan ń najə̄ kɔrə̄n reē udə gírí ní n de gə̄ a gerə̄n̄ kadə̄ i Kɔ́ɔ̄ɓē n əlan rɔ̄kum ní.

Najə̄ kə́ Majə yā Jeju ń Luk ndang ní 10:11

Bumbə́rú kə́ kem ɓē yāsí tə́ gə̄gē ń əhɔ njají ní jə-*gógə̄ j-adə̄sí gogə́. Ba yá̰á̰ ń kadə̄ ī-gerī ní n toó: Ɓē ko̰o̰ yā Nə́ɓā reē ugə̄ rɔ̄sí tə́.

IJAI 27:9

Loo kun ń a unən̄ yá̰a̰ rāā kə́ gōtə́ aĺ yā Jakob kɔ̄ɔ́ ní n toó, mā̰ȳ rɔ̄ kə́ dɔ yá̰a̰ rāān kə́ gōtə́ aĺ tə́ a ojə i yá̰á̰ ń toō: A tɔ̄ɔ̄n̄ mbal̄ gə̄ malang kə́ dɔ loo tun̄ yá̰a̰ gə̄ tə́ kɔ̄ɔ́, tītə̄ kə́ i yā rāā ndujə̄ tə́ beē. Kāgə̄ ɓesə̄ gə̄ kə́ yā ɓōĺ gidə gə̄ ō, loo róō ndujə̄ yá̰á̰ kə́ kotə majə gə̄ ō ní, a ran̄ dɔɔ́ to̰ alé.

IJAI 26:11

Kɔ́ɔ̄ɓē, ḭ̄ ún jīí kə̄ ɓir̄ dɔɔ́ yā kəndań ndéy, ba nin̄ a̰a̰n̄ jīí ní alé. Banī nin̄ a a̰a̰n̄ rɔ̄ɔ̄ ń ī-rɔ̄ɔ̄ dɔ gír deē yāí gə̄ tə́ kə táŕ kə́ o̰o̰ hor ngá̰ý ní. Loo ń noō tə́ rɔ̄də́ a sɔl̄də́ ngá̰ý. Hor ń ī-rāā tām̄ yā madə̄ ba̰ā̰í gə̄ tə́ ní a o̰o̰də́.

NEHEMI 13:29

Nə́ɓā yāḿ, ādə̄ əga kemií dɔdə́ tə́, tɔdɔ̄ kəla tun̄ yá̰a̰ ō, madə̄ naā kə́ kəhɔ kə ngé tun̄ yá̰a̰ gēé ō ngán Lebi gēé ō ní, nin̄ rāān̄ adə̄ majaĺ tákə̄!

1 MBAN̄G GƏ̄ 22:25

Majə, ndɔ̄ ń ā ā̰ȳ yā kaw̄ ɓɔ̄ɔ̄ rɔ̄í gə́lé kújə́ tə́ ní, ndɔ̄ ń noō tə́ ā ī-ger̄.

EJEKIEL 33:33

I tām̄ najə̄ ń toō tə́ n ré yá̰a̰ gə̄ ń noō a rāān̄ yá̰a̰ anī, ta dɔ yá̰a̰ gə̄ ní i ngɔr, nin̄ a gerə̄n̄ kadə̄ nge koō ta kógə̄ḿ ndi dandə́ tə́ kété ní.

TƏ́DA 3:45

Ī-taā ngán Lebi gə̄ ādə̄m̄ mā Kɔ́ɔ̄ɓē kum gotə hágə́ ngán Israel gə̄ malang ō, ī-taā yá̰a̰ kul̄ gə̄ yā ngán Lebi gə̄ ādə̄m̄ kum gotə hágə́ yá̰a̰ kul̄ gə̄ malang yā ngán Israel gə̄ ō.

TƏ́DA 3:11

Kɔ́ɔ̄ɓē əda Moijə na:

TƏ́DA 18:21

Ba kəgā yā ngán Lebi gə̄ n toó: Yá̰a̰ malang kə́ nge ko̰ kutə ń ngán Israel gə̄ a ɔrə̄n̄ tām̄ yā Kɔ́ɔ̄ɓē tə́ ní m-ādə̄ ngán Lebi gə̄ gír kəla ń a rāān̄ tām̄ yā kújə kənge naā tə́ ní.

MALASI 3:1

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý tūr̄ əda ní n toó: M-ā m-ə́la nge kəla yāḿ. Ni a rāā róbə tām̄ yāḿ tə́. Kɔ́ɔ̄ɓē ń ī-gḛyn̄ ní, a reē kem kújə yān tə́ i rétə́ gēé. Nge kəla yā madə̄ naā ń ī ndi ā ī-ngóōī ní n toó, a reē.

TƏ́DA 18:2

I ḭ̄ ō, ngání gə̄ ō n ā āwī ta kújə́ ń sandúkə ndū najə̄ i kemeé tə́ ní. Ba ādə̄ ngákó̰ó̰í gə̄ kə́ gír ɓē yā Lebi tə́ ń i gír ɓē yā bɔbí ní, aw̄n̄ seí loo kə́ táĺ tə́. I nin̄ n a utə̄n̄ gōí ō, a ɔsən̄ kílí ō ní.

TƏ́DA 25:12

ngɔlaā ní ə́dan na m-ā m-ə́hɔ madə̄ naā seneé tām̄ yā kem sɔl̄ tə́.

EJEKIEL 44:7

Dan ń ā ī-ndējə̄mīiń núsə́ yá̰a̰ kəsa kə́ tām̄ yāḿ tə́ ní, adə̄ i yibə̄ dā̰ kə́ tun̄ gə̄ ō, mósə dā̰ kə́ tun̄ gə̄ ō ní, tə̄rā gə̄ ń əjan̄ mɔtədə́ aĺ ō, oōn̄ taḿ aĺ ō ní, sḭḭ̄ ə́ya̰īdə́ adə̄ nin̄ udən̄ kem loo yāḿ kə́ táĺ tə́. Sḭḭ̄ ī-kídī kújə yāḿ i tītə̄ ń noō. Sḭḭ̄ ī-nujiī madə̄ naā ń do̰ō̰ rɔ̄sí tū yāḿ tə́ ní kɔ̄ɔ́, kə yá̰a̰ rāāsí kə́ majaĺ ngá̰ý gə̄ malang.