MALASI 2:12 - Bibəl ta Sar̄

¹² Ré deē kógə̄ḿ rāā yá̰á̰ kə́ tītə̄ ń noō anī, ādə̄ Kɔ́ɔ̄ɓē rāā adə̄ gír kojə yān malang gətóo kɔ̄ɔ́, dan ngán Israel gə̄ tə́! Ādə̄ de kə́ nge kadə̄ Kɔ́ɔ̄ɓē kə́ bo kə́ tɔ́gən i ngá̰ý yá̰a̰ ndējə̄ gə̄ kə rīneé to̰ gətóo!

Bible sar

¹² Ré deē kógə̄ḿ rāā yá̰á̰ kə́ tītə̄ ń noō anī, ādə̄ Kɔ́ɔ̄ɓē rāā adə̄ gír kojə yān malang gətóo kɔ̄ɔ́, dan ngán *Israel gə̄ tə́! Ādə̄ de kə́ nge kadə̄ Kɔ́ɔ̄ɓē kə́ bo kə́ tɔ́gən i ngá̰ý *yá̰a̰ ndējə̄ gə̄ kə rīneé to̰ gətóo!

MALASI 2:12 Referans Kwoze

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.

2 TIMOTE 3:13

Banī de kə́ majaĺ gə̄ ō, ngé gól̄ loo gə̄ ō, a rāān̄ yá̰á̰ kə́ majaĺ i kum kə̄ kété kété ō, nin̄ a gólə̄n madə̄də́ gə̄ ō, a gólə̄n̄də́ nin̄ ō.

MATIYE 15:14

Ní, ə́ya̰īdə́ na nin̄ i ngé kum tɔ̄ɔ̄ gə̄ kə́ ngé ndɔ́r̄ madə̄də́ gə̄ ta kāgə̄! Ba ré de kə́ kum tɔ̄ɔ̄ ndɔ́r̄ nge kum tɔ̄ɔ̄ madə̄n ta kāgə̄ anī, nin̄ a əsōn̄ bəloó jōó mbak.

MALASI 2:10

Jiḭ̄ malang ní, bɔbə̄jí i kógə̄ḿ beē aĺ a? I Nə́ɓā kə́ kógə̄ḿ beē n rāājí ní aĺ a? Ɓá tā ba jə-raī dɔ ndūjí tə́ kə naā alé. I beé n jə-ɓōlíiń gidə madə̄ naā ń to dɔ dáń Nə́ɓā tə́ kə kaají gēé ní aĺ ní. Ní, i tām̄ rí tə́?

MALASI 1:10

Kə́ só tə́ i kadə̄ deē kógə̄ḿ kə́ dansí tə́ utə̄ ta róbə́ kújə gə̄ yā Kɔ́ɔ̄ɓē kɔ̄ɔ́. I beé tá ā āwīiń dɔ loo tun̄ yá̰a̰ yāḿ tə́ yā rāā hor ndāńg alé. Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý nelə̄m̄ ka̰a̰sí aĺ ō, yá̰a̰ ndējə̄ gə̄ ń ī-reēiń ādə̄mī ní, nelə̄m̄ aĺ ō.

JAKARI 12:7

I kojə gə̄ yā Juda ń Kɔ́ɔ̄ɓē a ajədə́ ta kəga dɔ ní. Loo ń noō tə́ de gə̄ kə́ kem kojə yā Dabid tə́ ō, de kə́ Jerusalem gə̄ ō, a rāān̄ rɔ̄də́ i de gə̄ kə́ dɔɔ́ dɔ gotə de kə́ rang gə̄ kə́ Juda tə́ alé.

AMOS 5:22

Dā̰ kə́ tɔ̄l̄ ba róō horoó kə taá malang gə̄ ō, kan̄ yá̰á̰ kə́ teē dɔ nang tə́ gə̄ ō ń ī-ndējə̄mī ní, nelə̄m̄ alé. Dā̰ kə́ yḛmbə yāsí gə̄ ń ī-tun̄ ādə̄mī ní, ka̰a̰ kə kumḿ gē a m-á̰ā̰ alé.

EJEKIEL 24:21

ngán Israel gə̄ ní n toó: Mā Kɔ́ɔ̄ɓē Nə́ɓā m-ā m-ə́ya̰ de gə̄ kadə̄ rāān̄ loo yāḿ kə́ táĺ ń i yá̰a̰ kɔjə rɔ̄ yāsí ō, nel̄sí ka̰a̰ ngá̰ý ō, ā ī-ndiī ā ə̄ndāī kemsí i dɔ tə́ ō ní, loo kə́ karī tə́. Ngáńsí kə́ dəngam gə̄ ō kə́ dəyá̰ gə̄ ō ń ə́ya̰īdə́ kem ɓē kə́ Jerusalem tə́ ní, a tɔ̄lə̄n̄də́ kə kaskaraá.

EJEKIEL 14:10

Nge koō ta ń noō ō, nge dəjen najə̄ ń noō ō ní, yá̰á̰ kə́ gōtə́ aĺ kə́ kógə̄ḿ beē nəkɔ́ ń toō ní, najə̄n i dɔdə́ tə́ mbak.

IJAI 66:3

Tá kə́ tām̄ yā yá̰á̰ kə́ yā tun̄ tə́ ní, de gə̄ tɔ̄lə̄n̄ man̄g kə́ bəra gə̄, banī nin̄-ran̄ dɔ tə́ noō tɔ̄lə̄n̄ de gə̄. Nin̄ əjan̄ míndə batə̄ gə̄, banī nin̄ ran̄ dɔ tə́ noō ndējə̄n̄ bísə gə̄. Nin̄-ndējə̄mə̄n̄ yá̰a̰, banī nin̄ ran̄ dɔ tə́ noō ɓōkə́n̄ mósə kosong nang tə́. Nin̄-róōn̄ ndujə̄ yá̰á̰ kə́ kotə majə gə̄ adə̄mə̄n̄, banī nin̄-ran̄ dɔ tə́ noō rɔȳn̄ nə́ɓā kə́ rɔ̄kum aĺ gə̄. Nin̄ gə̄rān̄ i rāā yá̰á̰ kə́ nel̄də́ ō, yá̰á̰ kə́ majaĺ ngá̰ý gə̄ ń noō nel̄də́ ō.

IJAI 61:8

Yá̰á̰ kə́ nelə̄m̄ mā Kɔ́ɔ̄ɓē i kadə̄ de gə̄ ɓōlə́n̄ gidə yá̰a̰ rāā kə́ súmūú. Banī yá̰á̰ ń nelə̄m̄ aĺ ngá̰ý ní, i taā yá̰a̰ yā deē dɔ gúú tə́. Adə̄ m-ā m̄-tél kə yá̰á̰ ń sɔɔ̄sí ní yā kadə̄sí gogə́, m-ā m-ə́hɔ madə̄ naā sesí, i madə̄ naā kə́ a to ngándáńg.

1 YÁ̰A̰ GƏ̄ 25:8

Yā kadə̄ kəla njə̄rań kə gōó majə ní, túgə̄n̄ i wə̄lā tām̄ yā de kə́ tɔgə gə̄ tə́ ō, ngán gə̄ tə́ ō, ngol de gə̄ tə́ ō, de kə́ nge ndóō yá̰á̰ tə́ ō, kanjə̄ kɔr̄ kam̄ deē.

1 SAMUEL 3:14

I tām̄ najə̄ ń noō tə́ n m̄-túbə m-ādə̄ de kə́ gír kojə yān tə́ gə̄ m-ə́da na: Yá̰a̰ tun̄ gə̄, aláa yá̰a̰ ndējə̄ gə̄ a asən̄ kɔl̄ yá̰á̰ kə́ majaĺ ń de kə́ gír kojə yā Eli tə́ gə̄ rāān̄ ní aĺ bátə́ ní.

TƏ́DA 24:5

Ngán Israel gə̄, sḭḭ̄ ń i de gə̄ kə́ gír kaa yā Jakob tə́ ní, kújə tandā yāsí gə̄ ń ī-ndiī kemeé ní majən̄ ngá̰ý.

LEBI GƏ̄ 20:3

Tɔdɔ̄ mə̄kɔ́ m-ā m̄-tūr̄ rɔ̄ḿ rɔ̄ deē ní. M-ā m-ɔ̄rən kɔ̄ɔ́ dan ngán Israel gə̄ tə́, tām̄ ni un ngōnən adə̄ Molok ō, rāā adə̄ loo kə́ táĺ tél loo kə́ yḛr ō, nujə kə rīḿ kə́ táĺ ō.

LEBI GƏ̄ 18:29

Tɔdɔ̄ de gə̄ malang ń rāān̄ yá̰á̰ kə́ gōtə́ aĺ gə̄ ń noō ní a ɔrə̄n̄də́ kɔ̄ɔ́ dan ngán Israel gə̄ tə́.

OJEE 9:12

Ká ré nin̄ a ngɔ̄mə̄n̄ ngán gə̄ gə̄gē anī, m-ā m̄-taādə́ jīdə́ tə́ kɔ̄ɔ́ yā kadə̄ deē kógə̄ḿ na̰yń alé. A̰á̰ā̰, kə́ rɔ̄kum tə́ ní, i yá̰á̰ kə́ to kum kaȳ aĺ kə́ ba̰ý beē tām̄ yā Epəraim gə̄ tə́ dan ń m-ā-ə́yá̰də́ ba m-ā m-āw̄ sa̰y kɔ̄ɔ́ ní!

MALASI 1:13

Tá sḭḭ̄ ə́daī ɓáý to̰ na: I kəla kə́ to kɔr̄ tɔ́gə de kə́ ba̰ý beē! Mā ń i Kɔ́ɔ̄ɓē kə́ bo kə́ tɔ́gə́ḿ i ngá̰ý ní, sḭḭ̄ ī-kídə̄mī! Sḭḭ̄ ī-reēī kə dā̰ kə́ ɓogə gə̄, kə dā̰ kə́ nja motə gə̄, aláa kə́ mo̰y gə̄, ādə̄mī. I beé ní, m̄-dəjesí najə̄ ń toō: Yá̰a̰ gə̄ ń noō ń ī-ndējə̄mī ní, m-ásə taā jīsí tə́ a?