MALASI 2:11 - Bibəl ta Sar̄

¹¹ De kə́ Juda gə̄ ran̄ dɔ míndə́də́ kə́ ənīn̄ tə́ alé. Nin̄ rāān̄ yá̰á̰ kə́ majaĺ ngá̰ý gə̄ kem ɓē kə́ Jerusalem tə́ ō, kem ɓēé kə taá malang ō. Tām̄ nin̄ kídə̄n̄ loo kə́ táĺ ń nel̄ Kɔ́ɔ̄ɓē ní. Nin̄ táān̄ dəyá̰ kə́ ngé rɔȳ nə́ɓā kə́ mbā gə̄.

Bible sar

¹¹ De kə́ *Juda gə̄ ran̄ dɔ míndə́də́ kə́ ənīn̄ tə́ alé. Nin̄ rāān̄ yá̰á̰ kə́ majaĺ ngá̰ý gə̄ kem ɓē kə́ Jerusalem tə́ ō, kem ɓēé kə taá malang ō. Tām̄ nin̄ kídə̄n̄ *loo kə́ táĺ ń nel̄ Kɔ́ɔ̄ɓē ní. Nin̄ táān̄ dəyá̰ kə́ ngé rɔȳ nə́ɓā kə́ mbā gə̄.

MALASI 2:11 Referans Kwoze

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

OJEE 6:7

Ba sḭḭ̄, kem ɓē kə́ Adam tə́ ní, ī-ɓōlíī gidə madə̄ naā yāḿ alé, sḭḭ̄ ī-raī dɔ ndūsí tə́ seḿ alé.

EJEKIEL 22:11

Ngé kə́rēý gə̄ i ngé sāā nə̄yá̰ madə̄də́ gə̄ ō, ngé kə́ rang gə̄ i ngé sāā nə̄yá̰ ngáńdə́ gə̄ aláa i ngé sāā kem bəra madə̄də́ gə̄ dɔ gúú tə́ ō.

EJEKIEL 18:13

Ni-adə̄ nar yān loo tə̄nā tə́ yā kəngeń manə̄n dɔ tə́ ō, yā kəngeń yá̰á̰ gírí ō. Ngōn̄ ń noō ní a ndi kə kumneé a? Rɔ̄kum, a ndi kə kumneé alé! Yá̰á̰ kə́ majaĺ ngá̰ý gə̄ malang ń noō ni-rāādə́. Adə̄ ni a oy ō, najə̄ yon a tél yā kəsō i dɔn nəkɔ́ tə́ ō.

JEREMI 7:10

ba kə ī-reēī ta kumḿ tə́ kem kújə ń toō ń rīḿ ɓār̄ dɔ tə́ ní yā kəda na: Ajən̄jí kɔ̄ɔ́ ɓá ō, kə ī-toī dan rāā yá̰á̰ kə́ majaĺ gə̄ malang ń noō tə́ ō a?

JEREMI 2:3

Israel i yá̰á̰ kə́ kɔr̄ kam̄ kəndā tayā tām̄ yā Kɔ́ɔ̄ɓē tə́. I kōō gə̄ kə́ ta kəga dɔ tām̄ yān tə́, náā nəkɔ́ ń əsa kōō kə́ ta kəga dɔ ngeé ń toō ní najə̄ i dɔ tə́. Yá̰á̰ kə́ to kum kaȳ aĺ əsō dɔn tə́. Najə̄ ń Kɔ́ɔ̄ɓē əda ní n noó.

PĀ GƏ̄ 106:28

Nin̄ əlan̄ dɔdə́ gír ɓesə̄ Baal kə́ Peor tə́ ō, əsan̄ dā̰ kə́ tun̄ kadə̄ ngé koy gə̄ ō.

ESDRAS 10:2

Anī Sekania kə́ ngōn̄ Yehiel ń i de kə́ gír kaa yā Elam tə́ ní, əda Esdras na: Jə-rāā yá̰á̰ kə́ gōtə́ aĺ ngá̰ý kə Nə́ɓā yājí, tām̄ jə-táā dəyá̰ tə̄rā gə̄ dan de kə́ kem ɓēé gə̄ tə́. Banī kə́ ngɔr ń toō tə́ ɓáa yá̰á̰ kə́ kadə̄ Israel əndā kemən dɔ tə́ to noó:

ESDRAS 9:12

Ní ī-lōōī kəya̰ ngáńsí kə́ dəyá̰ gə̄ kadə̄ ngáńdə́ kə́ dəngam gə̄ ō, ī-lōōī táā ngáńdə́ kə́ dəyá̰ gə̄ kadə̄ ngáńsí kə́ dəngam gə̄ ō. Ā ī-sāāī ta róbə lápə́ya aké ndi majə tām̄ yādə́ tə́ aĺ i kə́ bátə́ gə̄ tə́. I beé n ā ī-téliīneé gír de kə́ tɔ́gə́də́ to gə̄ ō, ā ə́saīneé yá̰á̰ kə́ majə gə̄ kə́ kem ɓēé ba ā ə́ya̰īneé gotə yā kadə̄ ngáńsí gə̄ kadə̄ i yá̰a̰ yādə́ kə́ njɔ́ḿ gə̄ tə́ ní ō.

NGÉ SARYA 3:6

Nin̄ táān̄ ngáńdə́ kə́ dəyá̰ gə̄ ō, adə̄n̄ ngáńdə́ kə́ dəyá̰ gə̄ táān̄ yādə́ kə́ dəngam gə̄ ō, nin̄ rāān̄ ɓesə̄ yādə́ gə̄ ō.

NDŪ NAJƏ̄ 14:2

Tɔdɔ̄ sḭḭ̄ i gír de kə́ ɔrə̄n̄ kam̄sí tayā gə̄ tām̄ yā Kɔ́ɔ̄ɓē Nə́ɓā yāsí tə́. I sḭḭ̄ n Kɔ́ɔ̄ɓē gə̄rāsí dan gír de gə̄ malang kə́ dɔ nang tə́ tə́ kadə̄ ī-téliī gír deē yān gə̄ ní.

LEBI GƏ̄ 20:26

Ādə̄ sḭḭ̄ i de kə́ táĺ gə̄, ɔ̄rī kam̄sí kɔ̄ɔ́ tām̄ yāḿ tə́, tām̄ mā Kɔ́ɔ̄ɓē i de kə́ táĺ. m̄-gə̄rāsí dan gír de gə̄ tə́ m-ə̄ndāsí dáńg kadə̄ sḭḭ̄ i deē yāḿ gə̄.

MALASI 1:1

Najə̄ ń Kɔ́ɔ̄ɓē ɔr̄ kə Israel gə̄ kə ta kūl̄ Malasi ní n toó.

JEREMI 3:10

Ngōkó̰o̰ Israel kə́ dəyá̰ ń i Juda kə́ sew aĺ ní rāā yá̰a̰ gə̄ ń noō malang banī tél reē rɔ̄ḿ tə́ gogə́ kə ngarā̰ kemənneé alé, ni gól̄ i loo. Najə̄ ń Kɔ́ɔ̄ɓē əda ní n noó.