MALASI 2:1 - Bibəl ta Sar̄

^1-2 Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m̄-tāāsí sḭḭ̄ ngé tun̄ yá̰a̰ gə̄: Ōōī najə̄ yāḿ ō, ī-rāāī yá̰a̰ gə̄ yá̰a̰ ngōn̄ ndām̄ tə́ aĺ ō, yā kadə̄ ī-rɔȳmīneé tītə̄ ń majə kadə̄ ī-rāāī ní. Ré i beé aĺ anī, m-ā m̄-rāā kadə̄ ndɔ̄ĺ reē dɔsí tə́ ō, m-ā m̄-rāā kadə̄ tɔ́r̄ ta a tél i ndɔ̄ĺ ō. A̰á̰ā̰, m-ā m̄-rāā yá̰á̰ ń noō, tām̄ de kə́ dansí tə́ kə́ rāā yá̰a̰ yá̰a̰ ngōn̄ ndām̄ tə́ aĺ gətóo.

Bible sar

^1-2 Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m̄-tāāsí sḭḭ̄ *ngé tun̄ yá̰a̰ gə̄: Ōōī najə̄ yāḿ ō, ī-rāāī yá̰a̰ gə̄ yá̰a̰ ngōn̄ ndām̄ tə́ aĺ ō, yā kadə̄ ī-rɔȳmīneé tītə̄ ń majə kadə̄ ī-rāāī ní. Ré i beé aĺ anī, m-ā m̄-rāā kadə̄ ndɔ̄ĺ reē dɔsí tə́ ō, m-ā m̄-rāā kadə̄ tɔ́r̄ ta a tél i ndɔ̄ĺ ō. A̰á̰ā̰, m-ā m̄-rāā yá̰á̰ ń noō, tām̄ de kə́ dansí tə́ kə́ rāā yá̰a̰ yá̰a̰ ngōn̄ ndām̄ tə́ aĺ gətóo.

MALASI 2:1 Referans Kwoze

MALASI 1:6

Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ngé tun̄ yá̰a̰ gə̄ ní n toó: Ngōn̄ kə́ dəngam rāā háĺ kə́ to hɔ̄r̄mɔ̄ kə bɔbə̄neé ō, nge kəla ɓōĺ ndíl kɔ́ɔ̄n ō. Sḭḭ̄ ī-ɓāŕmī bɔbə̄sí, ba ī-rāāī háĺ kə́ to hɔ̄r̄mɔ̄ seḿ a? Ī-ɓāŕmī kɔ́ɔ̄sí, ba ī-ɓōlíī ndílə́ḿ a? Sḭḭ̄ ī-kídə̄mī, ba ī-dəjeī najə̄ ə́daī na ké jə-kídī i tū rí tə́ wa.

OJEE 5:1

Kɔ́ɔ̄ɓē əda na: Sḭḭ̄ ngé tun̄ yá̰a̰ gə̄, ōōī majə, sḭḭ̄ ngār gə̄ yā Israel gə̄, ī-nēlī mbīsí, ba sḭḭ̄ de kə́ ndogó mbangāá gə̄, ī-teēī mbīsí! Majə kadə̄ ī-gāngī sarya kə́ gōtə́. Ɓá tā banī sḭḭ̄ ə́hɔī de gə̄ kə gūmbūú Misəpa. Sḭḭ̄ ī-selíī réńg nodə́ tə́ dɔ mbal̄ Tabor tə́.

JEREMI 13:13

anī ā ə́dádə́ na: Najə̄ ń Kɔ́ɔ̄ɓē əda ní n toó: M-ā m̄-rāā kadə̄ kasə a rāā de gə̄ malang kə́ kem ɓē ń toō tə́ ō, a rāā mban̄g gə̄ kə́ gír yā Dabid tə́ ń ndin̄ dɔ kōr̄ kāgə̄ mbang yān tə́ ní ō, ngé tun̄ yá̰a̰ gə̄ ō, ngé koō ta gə̄ ō, de gə̄ malang kə́ kem ɓē kə́ Jerusalem tə́ ō.

NŌŌ RƆ̄ 4:13

Yá̰á̰ ń noō rāā yá̰a̰ i najə̄ majaĺ yā ngé koō ta yān gə̄ tə́ ō, najə̄ yá̰á̰ kə́ gōtə́ aĺ gə̄ yā ngé tun̄ yá̰a̰ yān gə̄ ń ɓōkə́n̄ mósə de kə́ gōtə́ gə̄ nang tə́ kem ɓēé ní ō.

MALASI 1:14

Majanī deē kógə̄ḿ aw̄ kə́ dā̰ kə́ majə gə̄ dan yá̰a̰ kul̄ yān gə̄ tə́. Ré deē ní ənī ndūn ō, ndējə̄m̄ dā̰ kə́ majaĺ ō anī, yá̰á̰ kə́ to kum kaȳ aĺ a reē dɔ kɔ́ɔ̄ tə́! Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Mā i mban̄g kə́ bo ō, nápar de gə̄ ɓōlə́n̄ tɔ́gə́ḿ ō.