MALASI 1:9 - Bibəl ta Sar̄

⁹ Ngɔlaā ní, ī-nāāī ndɔ̄ȳm̄ mā Nə́ɓā yāsí, yā kadə̄ kumḿ o̰o̰mə̄ń tām̄ yāsí tə́. Gō yá̰á̰ ń ī-rāāī tə́ ní, m-ā m-ə́wásí kə̄ rɔ̄ḿ tə́ majə a? Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m̄-dəjesí najə̄ ń noō.

Bible sar

⁹ Ngɔlaā ní, ī-nāāī ndɔ̄ȳm̄ mā Nə́ɓā yāsí, yā kadə̄ kumḿ o̰o̰mə̄ń tām̄ yāsí tə́. Gō yá̰á̰ ń ī-rāāī tə́ ní, m-ā m-ə́wásí kə̄ rɔ̄ḿ tə́ majə a? Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m̄-dəjesí najə̄ ń noō.

MALASI 1:9 Referans Kwoze

1 PIYER 1:17

Nə́ɓā ń i nge gān̄g sarya dɔ de gə̄ tə́ malang, kə gō yá̰a̰ rāādə́ gēé kógə̄ḿ kógə̄ḿ ba i tām̄ ta kumdə́ tə́ aĺ ní, ré sḭḭ̄ ī-ɓār̄niī na i Bɔbə̄sí anī, ɔ́jiī kə̄ ndágá tū kəla rāāsí gə̄ tə́ kadə̄ ī-ɓōlíī ndílən, kə dɔ ndɔ̄ gə̄ malang ń ī-ndiīneé kə kumsí dɔ nang tə́ ní.

JEREMI 27:18

Ré nin̄ i ngé koō ta gə̄ ō, ré Kɔ́ɔ̄ɓē əndā najə̄ tadə́ tə́ ō anī, ādə̄ rāān̄ Kɔ́ɔ̄ɓē kə́ bo kə́ tɔ́gən i ngá̰ý ɓɔ́ kə ngangá ngá̰ý najə̄ kadə̄ de gə̄ ɔyn̄ gotə yá̰a̰ rāā kəla gə̄ ń ton̄ kem kújə yā Kɔ́ɔ̄ɓē tə́ ō, kem kújə yā mban̄g kə́ Juda tə́ ō, kə́ Jerusalem tə́ ō ní aw̄n̄neé Babilon tə́.

Teē Ngán Israel gə̄ 32:11

Banī Moijə rāā Kɔ́ɔ̄ɓē Nə́ɓā yān ɓɔ́ kadə̄ wōn̄g yān kə tetə, ədan na ké gír de gə̄ ń noō i gír deē yān gə̄ ń nəkɔ́ na ɔydə́ teē sedə́ dɔ nang kə́ Ejiptə tə́ kɔ̄ɔ́ kə jīneé ō, kə tɔ́gən kə́ ngá̰ý ō ní aĺ wa.

Makətūbə̄ ń Pol ndang adə̄ Rom gə̄ ní 2:11

tɔdɔ̄ Nə́ɓā a rāā yá̰a̰ i loo ger̄ ta kum deē tə́ alé.

JA̰A̰ 9:31

Jə-gerī kadə̄ Nə́ɓā oō najə̄ yā ngé rāā majaĺ gə̄ alé. Banī deē ń ɓōĺ ndílən ō, rāā yá̰á̰ ń kemən ni-ndigə ō ní, ni a oō najə̄ yān.

JEREMI 26:19

Ní, Ejekias mban̄g kə́ Juda tə́ ō, gír deē yān gə̄ malang ō tɔ̄lə̄n̄ Mise a? Ní, de gə̄ ɓōlə́n̄ ndíĺ Kɔ́ɔ̄ɓē sɔlə̄n̄neé kemən aĺ a? I loo ń noō tə́ n Kɔ́ɔ̄ɓē lōō gíŕ yá̰á̰ kə́ to kum kaȳ aĺ ń əda kadə̄ rāādə́ ní tə́. Ba jḭḭ̄ ɓáa jə-sāāī i yá̰á̰ kə́ majə aĺ kə̄ dɔjí tə́.

JOEL 2:17

Ādə̄ ngé tun̄ yá̰a̰ gə̄ ń i de kə́ bo gə̄ yā Kɔ́ɔ̄ɓē ní ran̄ mbənā ngōn̄ kújə́ kə́ ta róbə́ tə́ kújə yā Kɔ́ɔ̄ɓē tə́ kə loo tun̄ yá̰a̰ ba nōōn̄ tə́. Ādə̄ ədan̄ na: Kɔ́ɔ̄ɓē, á̰a̰ kum tō ndoō yā gír deē yāí gə̄. Ī-lōō rāā kadə̄ yá̰á̰ kə́ to rɔ̄sɔl̄ ə̄sō dɔ yá̰a̰ kənge yāí tə́, yā kadə̄ nápar de gə̄ lúrən̄də́. I tām̄ rí tə́ á de gə̄ ədan̄ dan gír nápar de gə̄ tə́ na Nə́ɓā yādə́ i rá ní?

NŌŌ RƆ̄ 2:19

Ḭ́ḭ dɔɔ́ ndɔ̄ɔ́, ba ə́ga kɔŕ, kə mbang gə̄ malang ń ngé ngɔ̄m̄ loo gə̄ a mbélə̄n̄neé gír naā ní. Ə́dá yá̰á̰ kə́ kemií tə́ malang kə̄ ndágá ta kum Kɔ́ɔ̄ɓē tə́. Ɔ́y jīí kə̄ dɔɔ́ ta kumən tə́ ī-rāānneé ɓɔ́ tām̄ ndi kə kumuú yā ngání gə̄ ń ɓō a tɔ̄l̄də́ kɔ̄ɔ́ kə só̰ róbə gə̄ malang ní.

2 YÁ̰A̰ GƏ̄ 30:27

Gō tə́ anī ngán Lebi kə́ ngé tun̄ yá̰a̰ gə̄ ḭḭn̄ dɔɔ́ ba tɔ́rə̄n̄ tadə́ dɔ de gə̄ tə́. Ndɔ̄ȳ yādə́ aw̄ bátə́ teē dɔ rā̰ ń i loo ndi kə́ táĺ yā Nə́ɓā ní tə́ ō, Nə́ɓā rāā yá̰á̰ ń dəjen̄ ní ō.

JOEL 2:12

Kɔ́ɔ̄ɓē ɔr̄ najə̄ əda na: Ngɔlaā ní, ī-teliī kə̄ rɔ̄ḿ tə́ kə ngarā̰ kemsí malang. Ī-*ndiī ɓō tām̄ yāḿ tə́ ō, ī-nōōī ō, ī-sɔ̄míī ō.

AMOS 5:22

Dā̰ kə́ tɔ̄l̄ ba róō horoó kə taá malang gə̄ ō, kan̄ yá̰á̰ kə́ teē dɔ nang tə́ gə̄ ō ń ī-ndējə̄mī ní, nelə̄m̄ alé. Dā̰ kə́ yḛmbə yāsí gə̄ ń ī-tun̄ ādə̄mī ní, ka̰a̰ kə kumḿ gē a m-á̰ā̰ alé.