MALASI 1:8 - Bibəl ta Sar̄

⁸ Dan ń ī-ndējə̄mī dā̰ kə́ kum tɔ̄ɔ̄ ní, i yá̰á̰ kə́ majə a? Dan ń ī-ndējə̄mī dā̰ kə́ nja motə aláa kə́ mo̰y ní, i yá̰á̰ kə́ majə a? I beé ní, āwī kə dā̰ ní ādī nge ko̰o̰ ɓē yāsí! Rɔ̄n a nelə̄n a? A əhɔsí kə̄ rɔ̄n tə́ majə a? Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m̄-dəjesí najə̄ ń noō.

Bible sar

⁸ Dan ń ī-ndējə̄mī dā̰ kə́ kum tɔ̄ɔ̄ ní, i yá̰á̰ kə́ majə a? Dan ń ī-ndējə̄mī dā̰ kə́ nja motə aláa kə́ mo̰y ní, i yá̰á̰ kə́ majə a? I beé ní, āwī kə dā̰ ní ādī nge ko̰o̰ ɓē yāsí! Rɔ̄n a nelə̄n a? A əhɔsí kə̄ rɔ̄n tə́ majə a? Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m̄-dəjesí najə̄ ń noō.

MALASI 1:8 Referans Kwoze

NDŪ NAJƏ̄ 15:21

Ba ré dā̰ ní i dā̰ kə́ nujə, adə̄ a tə́sō motə, aké kumən a̰a̰ loo alé, aké yá̰á̰ kə́ rang kə́ majaĺ i rɔ̄n tə́ anī, ā ī-tun̄ yā kadə̄ Kɔ́ɔ̄ɓē Nə́ɓā yāí alé.

OJEE 8:13

Nin̄ ndə̄jə̄mə̄n̄ yá̰á̰ kə́ tun̄ gə̄, i tɔdɔ̄ nin̄ gḛyn̄ kəsa dā̰. Banī mā Kɔ́ɔ̄ɓē m̄-ndigə yá̰a̰ tun̄ yādə́ gə̄ alé. Ngɔlaā ní, a əga kemḿ dɔ yá̰a̰ rāādə́ gə̄ kə́ gōtə́ aĺ gə̄ tə́, m-ā m̄-rāādə́ yá̰á̰ kə́ tōr̄ najə̄ mān̄ ń nin̄ mānə̄n̄ dɔ ndūḿ gə̄ ní tə́. I gáŕ kadə̄ nin̄ a télən̄ yā kaw̄ gogə́ dɔ nang kə́ Ejiptə tə́.

JEREMI 14:10

Kɔ́ɔ̄ɓē ɔr̄ najə̄ kə gír de gə̄ ń toō i beé: Rɔ̄kum, nin̄ ndigən̄ i dáȳ dɔɔ́, nin̄ gírə̄n̄ gō tóo njadə́ tə́ alé. Nin̄ rāān̄ yá̰á̰ kə́ nel kem Kɔ́ɔ̄ɓē alé, adə̄ ngɔlaā ní ni ter̄ kemdə́ dɔ yá̰á̰ kə́ gōtə́ aĺ yādə́ gə̄ tə́ ō. əndadə́ tām̄ majaĺ ń rāān̄ tə́ ní ō.

PĀ GƏ̄ 20:3

Ādə̄ ni ń ndi kem loo yān kə́ táĺ tə́ ní əla kə yá̰á̰ rāań seí ō. Ādə̄ ni ń ndi Siyo̰ ní ɔsə kílí kə̄ dɔɔ́ ō!

Makətūbə̄ yā Job 42:8

Ba ń toō ɓáa ə́hɔī man̄g kə́ bəra gə̄ sīrí ō, bal batə̄ gə̄ sīrí ō, ba āw̄ ə́ngeī nge kəla yāḿ Job. Ī-tɔ̄lī dā̰ gə̄ ń noō ī-tunīdə́ kə taá malang tām̄ yá̰á̰ kə́ gōtə́ aĺ ń ī-rāāī tə́ ní ō, ādə̄ nge kəla yāḿ Job ndɔ̄ȳ Nə́ɓā tām̄ yāsí tə́ ō. Ré m̄-rāāsí yá̰á̰ kə́ tōr̄ tām̄ kɔ̄r̄ yāsí tə́ aĺ anī, i najə̄ yā nge kəla yāḿ Job tə́. Tɔdɔ̄ sḭḭ̄ ə́daī najə̄ kə́ rɔ̄kum dɔḿ tə́ tītə̄ nge kəla yāḿ Job alé.

MALASI 1:10

Kə́ só tə́ i kadə̄ deē kógə̄ḿ kə́ dansí tə́ utə̄ ta róbə́ kújə gə̄ yā Kɔ́ɔ̄ɓē kɔ̄ɔ́. I beé tá ā āwīiń dɔ loo tun̄ yá̰a̰ yāḿ tə́ yā rāā hor ndāńg alé. Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý nelə̄m̄ ka̰a̰sí aĺ ō, yá̰a̰ ndējə̄ gə̄ ń ī-reēiń ādə̄mī ní, nelə̄m̄ aĺ ō.

Makətūbə̄ yā Aje 1:1

Kem ɓāl̄ ko̰o̰ ɓē kə́ nge ko̰o̰ jōó yā Darius, mban̄g kə́ Persə tə́ ní, kem nāā kə́ nge ko̰ mehḛ́ tə́, kə ndɔ̄ nāā kə́ ta kəga dɔɔ́ anī, Kɔ́ɔ̄ɓē ɔr̄ najə̄ kə Aje nge koō ta. Ni dəjen kadə̄ ɔr̄ najə̄ kə Jorobabel nge ko̰o̰ ɓē kə́ Juda ń i ngōn̄ Saltiel ní, kə adə̄n ō, kə ɔr̄ najə̄ kə Yesua ngol ngé tun̄ yá̰a̰ gə̄ ń i ngōn̄ Yosadak ní, kə adə̄n ō.

MALASI 1:7

Sḭḭ̄ ī-reēī kə yá̰a̰ kəsa kə́ yḛr dɔ loo tun̄ yá̰a̰ yāḿ tə́. Ba ī-dəjeī najə̄ ə́daī na ké ī-ɓōlíī ndílə́ḿ aĺ i tū rí tə́ wa. I kə ta kūl̄ kəda na: Loo tun̄ yá̰a̰ yā Kɔ́ɔ̄ɓē i yá̰á̰ kə́ bo ngá̰ý ta kumsí tə́ alé.