MALASI 1:6 - Bibəl ta Sar̄

⁶ Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ngé tun̄ yá̰a̰ gə̄ ní n toó: Ngōn̄ kə́ dəngam rāā háĺ kə́ to hɔ̄r̄mɔ̄ kə bɔbə̄neé ō, nge kəla ɓōĺ ndíl kɔ́ɔ̄n ō. Sḭḭ̄ ī-ɓāŕmī bɔbə̄sí, ba ī-rāāī háĺ kə́ to hɔ̄r̄mɔ̄ seḿ a? Ī-ɓāŕmī kɔ́ɔ̄sí, ba ī-ɓōlíī ndílə́ḿ a? Sḭḭ̄ ī-kídə̄mī, ba ī-dəjeī najə̄ ə́daī na ké jə-kídī i tū rí tə́ wa.

Bible sar

⁶ Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá *ngé tun̄ yá̰a̰ gə̄ ní n toó: Ngōn̄ kə́ dəngam rāā háĺ kə́ to hɔ̄r̄mɔ̄ kə bɔbə̄neé ō, nge kəla ɓōĺ ndíl kɔ́ɔ̄n ō. Sḭḭ̄ ī-ɓāŕmī bɔbə̄sí, ba ī-rāāī háĺ kə́ to hɔ̄r̄mɔ̄ seḿ a? Ī-ɓāŕmī kɔ́ɔ̄sí, ba ī-ɓōlíī ndílə́ḿ a? Sḭḭ̄ ī-kídə̄mī, ba ī-dəjeī najə̄ ə́daī na ké jə-kídī i tū rí tə́ wa.

MALASI 1:6 Referans Kwoze

Najə̄ kə́ Majə yā Jeju ń Luk ndang ní 6:46

I tām̄ rí tə́ á ī-ɓāŕmī Kɔ́ɔ̄ɓē, Kɔ́ɔ̄ɓē, ba ré m-ə́dásí yá̰a̰ anī ī-rāāī aĺ ní?

IJAI 1:2

Dɔ rā̰, ōō! Ba ḭ̄ dɔ nang, ī-nēl̄ mbīí! I Kɔ́ɔ̄ɓē n a ɔr̄ najə̄ ní: M-ūl̄ ngán gə̄ adə̄ tɔgən̄, m-ə̄tō ngán gə̄, banī nin̄ əsōn̄ wōn̄g taḿ tə́ kɔ̄ɔ́.

Teē Ngán Israel gə̄ 20:12

Ī-rɔȳ bɔbí nin̄ kə kó̰ó̰í, kadə̄ ī-ndiń kə kumií ta kaw̄ jóo dɔ nang ń Kɔ́ɔ̄ɓē Nə́ɓā yāí adī tə́ ní.

1 PIYER 1:17

Nə́ɓā ń i nge gān̄g sarya dɔ de gə̄ tə́ malang, kə gō yá̰a̰ rāādə́ gēé kógə̄ḿ kógə̄ḿ ba i tām̄ ta kumdə́ tə́ aĺ ní, ré sḭḭ̄ ī-ɓār̄niī na i Bɔbə̄sí anī, ɔ́jiī kə̄ ndágá tū kəla rāāsí gə̄ tə́ kadə̄ ī-ɓōlíī ndílən, kə dɔ ndɔ̄ gə̄ malang ń ī-ndiīneé kə kumsí dɔ nang tə́ ní.

OJEE 12:8

Kɔ́ɔ̄ɓē əda na: Epəraim, ḭ̄ āw̄ kə yá̰a̰ mbɔ̄jə́ kɔȳ yá̰á̰ kə́ gōtə́ aĺ jīí tə́. Nelī gól̄ de gə̄ ngá̰ý.

IJAI 64:8

Kɔ́ɔ̄ɓē, ī-lōō kadə̄ wōn̄g rāāī ngá̰ý. Yá̰a̰ rāājí kə́ gōtə́ aĺ gə̄ ní, ādə̄ əga kemií dɔ tə́ kə́ njɔ́ḿ gə̄ tə́ alé. Jə-rāāī ɓɔ́ ba á̰a̰ā̰, jḭḭ malang i gír deē yāí gə̄.

EPEJƏ 6:2

Ī-rɔȳ bɔbí ō kó̰ó̰í ō, nge ń noō i gō míndə́ kə́ kété ń Nə́ɓā ənī míndən tāmən tə́ ní.

Gōsə̄ najə̄ gə̄ 30:17

Ré deē kógə̄ḿ mbóo kə bɔbə̄neé ō, mbātə́ koō najə̄ ta kó̰o̰n ō anī, ká̰ā̰ gə̄ a tə́gān̄ kumən ō, kə̄rō gə̄ a əsan̄ kumən ō.

MATIYE 7:21

I ngé gə̄ ń a ədamə̄n̄ na: Kɔ́ɔ̄ɓē, Kɔ́ɔ̄ɓē! Ní n a udən̄ kem Ɓē ko̰o̰ kə́ dɔ rā̰ tə́ malang ní alé, banī i ngé gə̄ ń a rāān̄ yá̰á̰ ń kem Bɔbə́ḿ kə́ ndi dɔ rā̰ tə́ ndigə ní tá.

MATIYE 6:9

Adə̄ ré ā ī-ndɔ̄yī ɓáa ī-ndɔ̄yī tītə̄ ń toō beé: Bɔbə̄jí kə́ ndi dɔ rā̰ tə́, ādə̄ rīí i kə́ kɔr̄ kam̄,

Gōsə̄ najə̄ gə̄ 30:11

De kə́rēý gə̄ ndin̄ noó, nin̄ i ngé ndɔ̄ĺ bɔbə̄də́ gə̄ ō, ngé kəda najə̄ kə́ majə dɔ kó̰ó̰də́ gə̄ tə́ aĺ ō!

NDŪ NAJƏ̄ 5:16

Ī-rɔȳ bɔbí nin̄ kə kó̰ó̰í tītə̄ ń Kɔ́ɔ̄ɓē Nə́ɓā yāí ədaīneé ní, yā kadə̄ ī-ndiń kə kumií ta kaw̄ jóo ō, kadə̄ rɔ̄í nelīiń dɔ nang ń Kɔ́ɔ̄ɓē Nə́ɓā yāí adī tə́ ní ō.

LEBI GƏ̄ 19:3

Ī-ɓōlíī ndíĺ kó̰ó̰sí gə̄ ō, bɔbə̄sí ō, ī-ngɔ̄mī ndɔ̄ sabat yāḿ gə̄ ō. Mā i Kɔ́ɔ̄ɓē Nə́ɓā yāsí.

MARK 10:19

Ā ī-tɔ̄l̄ deē alé, ā ī-rāȳ alé, ā ī-ɓogə alé, ā ə́da najə̄ kə́ sor̄ dɔ deē tə́ alé, ā ī-ɓōĺ ndíl bɔbí ō, kó̰ó̰í ō.

MATIYE 19:19

ī-tár deē madí tītə̄ dā̰ rɔ̄í īkɔ́ beē.

OJEE 4:6

Gír deē yāḿ gə̄ a oyn̄ i tām̄ nin̄ ger̄mə̄n̄ alé. Sḭḭ̄ ī-mbātíī gerə̄m̄. I tām̄ najə̄ ń toō tə́ n m̄ gḛy najə̄ yāsí to̰ aĺ ní. Sḭḭ̄ i ngé tun̄ yá̰a̰ yāḿ gə̄ to̰ alé. Dɔsí ndígə̄nal yá̰á̰ ń Nə́ɓā yāsí ndóōsí ní kɔ̄ɔ́ ɓá ní, dɔḿ mā a ndígə̄nal ngáńsí gə̄ ō.

EJEKIEL 22:26

Ngé tun̄ yá̰a̰ yādə́ gə̄ rāān̄ dɔ ngan̄g ta ndū najə̄ yāḿ gə̄ tə́ ō, ɓōlə́n̄ gidə loo kə́ kɔr̄ kam̄ tām̄ yāḿ tə́ gə̄ aĺ ō, ɔrə̄n̄ kam̄ yá̰á̰ kə́ yā ɓōĺ gidə naā tə́ kə yá̰á̰ kə́ karī aĺ ō, ndóōn̄ de gə̄ loo ka̰a̰ yá̰á̰ kə́ unjə̄ njáý njáý ger̄ aĺ ō, loo ka̰a̰ yá̰á̰ kə́ yḛr ger̄ aĺ ō. Nin̄ kídə̄n̄ ndɔ̄ sabat ō. I tām̄ najə̄ ń toō tə́ n deē kógə̄ḿ kə́ dandə́ tə́ kə́ ɓōĺ gidəḿ gətóó ní.

JEREMI 23:11

Ngé koō ta gə̄ ō, ngé tun̄ yá̰a̰ gə̄ ō nujən̄ háĺdə́ adə̄ m-á̰a̰ kem ndul yādə́ kem kújə yāḿ tə́ gə̄gē. Najə̄ ń Kɔ́ɔ̄ɓē əda ní n noó.

MATIYE 15:6

anī sḭḭ̄ ədaī na kɔ́ɔ̄ na i kə najá dɔn tə́ alé, adə̄ na a rāā kə bɔbə̄neé to̰ alé. Ní, i tītə̄ ń noō n sḭḭ̄ ī-nujiīneé najə̄ yā Nə́ɓā kɔ̄ɔ́, ba ī-rāāīneé yá̰a̰ kə gō yá̰a̰ kāgə̄ ɓē yāsí ní.

MALASI 2:8

Mā Kɔ́ɔ̄ɓē kə́ bo kə́ tɔ́gə́ḿ i ngá̰ý, m-ə́da najə̄ ń toō: Banī sḭḭ̄ ngé tun̄ yá̰a̰ gə̄ ī-rāāī yá̰á̰ ń noō alé, sḭḭ̄ ə́ya̰ī róbə kɔ̄ɔ́ ba āwī sa̰y. Ī-gólī de gə̄ ngá̰ý kə ta kūl̄ yá̰á̰ ndóō yāsí gə̄ ō, ī-gāngī madə̄ naā ń m-ə́hɔ kə ngán Lebi gēé ní kɔ̄ɔ́ ō.

Najə̄ kə́ Majə yā Jeju ń Luk ndang ní 10:29

Banī nge ndóō de gə̄ ndū najə̄ gə̄ ní sāā kɔjə kadə̄ najə̄ i yān, adə̄ ni-dəje Jeju na ké i náā n i madə̄n ní wa?

Najə̄ kə́ Majə yā Jeju ń Luk ndang ní 6:36

Ādī kumsí o̰o̰sí kə de gēé tītə̄ ń kum Bɔbə̄sí a o̰o̰nəń kə de gēé ní ō.

MARK 7:10

Tɔdɔ̄ Moijə əda na kə ī-rɔȳ bɔbí ō, kó̰ó̰í ō, tá əda ɓáý to̰ na deē ń ndɔ̄ĺ bɔbə̄n aláa kó̰o̰n ɓáa, kə tɔ̄l̄nən̄ kɔ̄ɔ́.

JEREMI 31:9

Nin̄ reē ugə̄n̄ kə nōó kumdə́ tə́. Rāāmə̄n̄ ɓɔ́ adə̄ m̄-ndɔ́r̄də́ ta róbə. M-āw̄ sedə́ ta bā gə̄ tə́, kə róbə́ kə́ dɔ asə naá tə́ kadə̄ yá̰a̰ əga njadə́ alé. A̰á̰ā̰, tām̄ yā ngán Israel gə̄ tə́ ní, m̄-tél i bɔbə̄də́ adə̄ Epəraim i ngōn̄ hágə́ḿ.

Najə̄ kə́ Majə yā Jeju ń Luk ndang ní 18:20

Ī-ger̄ gō míndə gə̄ ń toō: Ī-rāā rāȳ aĺ ō, ī-tɔ̄l̄ deē aĺ ō, ī-ɓogə aĺ ō, ī-tetə najə̄ dɔ deē tə́ aĺ ō, ī-rɔȳ bɔbí ō kó̰ó̰í ō ní.

MATIYE 15:4

Tɔdɔ̄ Nə́ɓā əda na: Ī-rɔȳ bɔbí ō kó̰ó̰í ō. Tá əda ɓáý to̰ na: Deē ń ndɔ̄ĺ bɔbə̄n aláa kó̰o̰n ɓáa, kə tɔ̄l̄nən̄ kɔ̄ɔ́.

OJEE 5:1

Kɔ́ɔ̄ɓē əda na: Sḭḭ̄ ngé tun̄ yá̰a̰ gə̄, ōōī majə, sḭḭ̄ ngār gə̄ yā Israel gə̄, ī-nēlī mbīsí, ba sḭḭ̄ de kə́ ndogó mbangāá gə̄, ī-teēī mbīsí! Majə kadə̄ ī-gāngī sarya kə́ gōtə́. Ɓá tā banī sḭḭ̄ ə́hɔī de gə̄ kə gūmbūú Misəpa. Sḭḭ̄ ī-selíī réńg nodə́ tə́ dɔ mbal̄ Tabor tə́.

NDŪ NAJƏ̄ 1:31

tītə̄ ń rāań kem dəla loo tə́ ní ō. Kem dəla loo tə́ ní, sḭḭ̄ kɔ́ gə̄ á̰a̰ī kadə̄ Kɔ́ɔ̄ɓē Nə́ɓā yāsí ətōsí i tītə̄ ń deē a ətōń ngōnən ní. Ni-ətōsí dɔ róbə́ ń ī-njə̄rāī tū tə́ bátə́ ī-reē ūgīneé loo ń toō tə́ laā ní.

PĀ GƏ̄ 123:2

Adə̄ jə-to i tītə̄ ɓəlo kə́ dəngam gə̄ kə́ ndi a ngóōn̄ ta jī kɔ́ɔ̄də́ kə́ dəngam gə̄ ō, ɓəlo kə́ dəyá̰ kə́ ndi a ngóō ta jī kɔ́ɔ̄n kə́ dəyá̰ ō. Rɔ̄kum j-un kumjí kə̄ dɔɔ́ j-a̰a̰ń loo ɗek ɗek kə̄ rɔ̄ Nə́ɓā yājí tə́, jə-ngóōń tan kadə̄ a̰a̰ kum tō ndoō yājí.

Gōsə̄ najə̄ gə̄ 17:6

Jākā mbang yā ɓə́ga gə̄ i ngán kaadə́ gə̄ ō, jākā mbang yā ngán gə̄ i bɔbə̄də́ gə̄ ō.

IJAI 43:23

Tá ī-reē kə ngán batə̄ gə̄ ī-tɔ̄l̄ ādə̄m̄ alé, dan ń ā ī-ndējə̄də́ ní ḭ̄ ɔ́sə gɔnəḿ alé. m̄-rāāī ɓəlo tə́ kə ta kūl̄ ra seí ta ndējə̄m̄ yá̰a̰ alé. m̄-rāāī adə̄ kɔr rāāī kə ta kūl̄ dəjeī kajaja alé.

JEREMI 3:4

Nəkɔ́ ń toō gə̄gē ní ā ɓārə́m̄ jīí tə́ laā ɓáý na: Bɔbə́ḿ, i ḭ̄ n kemjí əhɔ naā majə dan mandəḿ tə́ ní.

JEREMI 35:16

Ngán Yonadab gə̄ ɓōlə́n̄ ndíl najə̄ ń kaadə́ ədadə́ ní, ba gír de gə̄ ń toō oōn̄ najə̄ yāḿ alé.

SOPONI 3:4

Ngé koō ta yān gə̄ i ngé gān̄g róbə gə̄. Nin̄ i de gə̄ kə́ ngé gól̄ madə̄də́ gə̄. Ngé tun̄ yá̰a̰ yān gə̄ ɓōlə́n̄ gidə yá̰a̰ yā Nə́ɓā aĺ ō, rāān̄ yá̰a̰ gə̄ ń ndū najə̄ yān əda ní aĺ ō.

MALASI 2:1

Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m̄-tāāsí sḭḭ̄ ngé tun̄ yá̰a̰ gə̄: Ōōī najə̄ yāḿ ō, ī-rāāī yá̰a̰ gə̄ yá̰a̰ ngōn̄ ndām̄ tə́ aĺ ō, yā kadə̄ ī-rɔȳmīneé tītə̄ ń majə kadə̄ ī-rāāī ní. Ré i beé aĺ anī, m-ā m̄-rāā kadə̄ ndɔ̄ĺ reē dɔsí tə́ ō, m-ā m̄-rāā kadə̄ tɔ́r̄ ta a tél i ndɔ̄ĺ ō. A̰á̰ā̰, m-ā m̄-rāā yá̰á̰ ń noō, tām̄ de kə́ dansí tə́ kə́ rāā yá̰a̰ yá̰a̰ ngōn̄ ndām̄ tə́ aĺ gətóo.

MALASI 2:10

Jiḭ̄ malang ní, bɔbə̄jí i kógə̄ḿ beē aĺ a? I Nə́ɓā kə́ kógə̄ḿ beē n rāājí ní aĺ a? Ɓá tā ba jə-raī dɔ ndūjí tə́ kə naā alé. I beé n jə-ɓōlíiń gidə madə̄ naā ń to dɔ dáń Nə́ɓā tə́ kə kaají gēé ní aĺ ní. Ní, i tām̄ rí tə́?

NDŪ NAJƏ̄ 32:6

Sḭḭ̄ gír de kə́ mbóó kə́ ger̄ yá̰a̰ aĺ gə̄, deē a rāā háĺ kə́ beé kə Kɔ́ɔ̄ɓēé a? I ni n i bɔbə̄sí kə́ nge kəndāsí ní aĺ a? I ni n rāā adə̄ sḭḭ̄ i gír deē yān gə̄ ní aĺ a?

IJAI 45:10

Deē ń a əda bɔbə̄n na: I ngōn̄ kə́ ba̰ý n ójən toó! aláa a əda kó̰o̰n na: I rí kə́ beé n ójən toó ní, yá̰á̰ kə́ to kum kaȳ aĺ kə́ ngá̰ý a teē dɔn tə́.

IJAI 64:7

Tá Kɔ́ɔ̄ɓē, ḭ̄ i bɔbə̄jí. Jḭḭ i nánjə, ba ḭ̄ i kɔdə̄ jóo. Jḭḭ malang ní ī-rāājí kə jīí.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.