Biblia Todo Logo
Bib sou entènèt

- Piblisite -




MALASI 1:4 - Bibəl ta Sar̄

4 De gə̄ ngeé gə̄ ń noō ń i Edom gə̄ ní, majanī a ədan̄ na: Rējēn̄jí, banī ɓē yājí gə̄ ń nujənə̄ń sák sák kɔ̄ɔ́ ní, j-a jə-tél yā rāā gogə́ rang. Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ní n toó: Nin̄ asən̄ tél rāā gogə́ tā, ba yá̰á̰ ń nin̄ a rāān̄ ní, m-ā m̄-nujəń kɔ̄ɔ́! A ɓārə́n̄də́ na i Ɓē yā de kə́ majaĺ gə̄ ō, i Gír de gə̄ kə́ Kɔ́ɔ̄ɓē rāā wōn̄g sedə́ kanjə̄ dəba ō.

Gade chapit la Kopi

Bible sar

4 De gə̄ ngeé gə̄ ń noō ń i Edom gə̄ ní, majanī a ədan̄ na: Rējēn̄jí, banī ɓē yājí gə̄ ń nujənə̄ń sák sák kɔ̄ɔ́ ní, j-a jə-tél yā rāā gogə́ rang. Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ní n toó: Nin̄ asən̄ tél rāā gogə́ tā, ba yá̰á̰ ń nin̄ a rāān̄ ní, m-ā m̄-nujəń kɔ̄ɔ́! A ɓārə́n̄də́ na i Ɓē yā de kə́ majaĺ gə̄ ō, i Gír de gə̄ kə́ Kɔ́ɔ̄ɓē rāā wōn̄g sedə́ kanjə̄ dəba ō.

Gade chapit la Kopi




MALASI 1:4
37 Referans Kwoze  

M-ā m-ə́yá̰ Israel gə̄ ń i gír deē yāḿ gə̄ ní kadə̄ dalən̄ ba̰ā̰ dɔ Edom gə̄ tə́ adə̄mə̄n̄. Israel gə̄ a rāān̄də́ yá̰á̰ ń wōn̄g yāḿ kə́ ngá̰ý ndḛḛ̄ kadə̄ yā rāā sedə́ ní. I tītə̄ ń noō tá Edom gə̄ a gerə̄n̄ kadə̄ rāā majaĺ seḿ māá i yá̰á̰ kə́ a ojə yá̰á̰ kə́ tōr̄ ngá̰ý. Najə̄ ń Kɔ́ɔ̄ɓē Nə́ɓā əda ní n noó.


M-ā m̄-rāā ɓē yāí kadə̄ a tél i dəla loo kə́ njɔ́ḿ gə̄ tə́. De gə̄ a ndin̄ kem ɓē bo gə̄ tə́ to̰ alé. Loo ń noō tə́ ā ī-gerī kadə̄ Kɔ́ɔ̄ɓē i mā.


Ə̄ndā kemií dɔ yá̰á̰ kə́ ndɔ̄ń tə́ gə̄ tə́. Ngání gə̄ a télən̄ yā reē kem ɓē yādə́ tə́. Najə̄ ń Kɔ́ɔ̄ɓē əda ní n noó.


Hor ní a oy ndɔ̄ɔ́ aĺ ō, kadaá aĺ ō. Sa hor kə́ dan gān̄g aĺ a ḭḭ kum kə̄ dɔ rā̰ tə́. Ɓē ngeé ń toō a tél dəla loo i kə́ njɔ́ḿ gə̄ tə́, deē a mān̄ noó to̰ alé.


Dɔ rā̰ tə́ ní mósə i gidə kaskar yā Kɔ́ɔ̄ɓē tə́ malang. Kaskar ní əsō dɔ Edom gə̄ tə́, əsō dɔ gír de gə̄ ń ni gḛy nujə sedə́ kɔ̄ɔ́ malang tə́ ní.


Nin̄ a aw̄n̄ naā tə́ mbak dɔ ngán mbal̄ gə̄ yā Pilistin gə̄ tə́, dām̄ kə́ no ɓē tə́. Nin̄ a ɔyn̄ yá̰a̰ kənge gə̄ yā gír ɓē gə̄ ń ndin̄ dəla loo tə́ ní dɔ gúú tə́, dām̄ kə́ gír ɓē tə́. Edom nin̄ kə Moab a əlan̄ dɔdə́ gíŕ tɔ́gə yādə́ tə́ ō, Amon gə̄ a oōn̄ tadə́ ō.


banī i Esau alé. Kété ní, de gə̄ kə́ kem kojə yā Esau tə́ ndin̄ i gō nang kə́ mbalá tə́. Mā m̄-rāā gō nang ní adə̄ tél dəla loo ō, m-ādə̄ tal̄ gə̄ ɓē yādə́ ō.


I beé ní, āwī Kalne á̰a̰ī! Gō tə́ anī ḭ́ḭī noó āwī bátə́ ūgī Hamat ń i ɓē kə́ bo ní tə́. Ī-raī dɔ tə́ noō ī-risə āwī Gat ɓē Pilistin gēé. Ɓē ko̰o̰ gə̄ ń noō ní, gātə̄sí tɔȳ yādə́ a? Ɓē yāsí bo tɔȳ yādə́ a?


Loo ń noō tə́ ā ī-gerī kadə̄ Kɔ́ɔ̄ɓē i mā. M-ā m̄-gān̄g sarya dɔsí tə́ i gō nang kə́ Israel tə́, adə̄ m-ā m̄-rāā kadə̄ ā óyiī ta rɔ̄ɔ̄ tə́.


I náā n ɔr̄ najə̄ anī, yá̰a̰ rāā yá̰á̰ ní? Kɔ́ɔ̄ɓē i nge ń adə̄ ndūn ní aĺ a?


Yá̰á̰ ń sḭḭ̄ ásiī rāā ní, i rugə nang tə́ dan dəngáy gə̄ tə́, aláa i kəsō nang tə́ dan nīń gə̄ tə́ ngóy. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.


Kum kedə̄ yā deē, aláa ger̄ najə̄ yā deē, aláa najə̄ kə́ gír̄ yā de kə́ tetə Kɔ́ɔ̄ɓē rɔ̄ɔ̄ gətóo.


Yá̰á̰ ń Edom gə̄ rāān̄ ndɔ̄ ń ɓē kə́ Jerusalem əsōń tə́ ní, Kɔ́ɔ̄ɓē, ādə̄ dɔí ndígə̄nal alé. Nin̄ əgan̄ kɔŕ ədan̄ na: Ī-tɔ̄ɔ̄ī bɔr kə́ Jerusalem, ī-tɔ̄ɔ̄ī dɔɔ́ gān̄g nja tə́ nang tə́!


Pā kə́ yā kaw̄ń loo kə́ táĺ tə́. I pā yā Salomo̰. Ré Kɔ́ɔ̄ɓē əndā kújə aĺ anī, ngé kəndā kújə gə̄ rāān̄ kəla i ndāńg. Ré Kɔ́ɔ̄ɓē ngɔ̄m̄ ɓē aĺ anī, ngé ngɔ̄m̄ loo gə̄ ɔgə̄n̄ kumdə́ ɓīī i ndāńg.


Ba ré ni udə ndi beé loo yān anī, i náā n a gān̄g sarya dɔn tə́ ní? Ré ni ɓɔ̄ɔ̄ ta kumən kɔ̄ɔ́ anī, i náā n a a̰a̰n ní? Tá ni i nge kəndā kumən gō nápar de gə̄ tə́, tītə̄ ń a əndāń kumən gō de gə̄ tə́ ní ō.


Yá̰á̰ ń ni nujəń kɔ̄ɔ́ ní, deē a rāā gogə́ to̰ alé. Deē ń ni-əhɔn dəngáý ní deē a əya̰n dɔɔ́ alé.


Rɔ̄kum, tɔ́gən ni i ngá̰ý al̄ naā ō, i de kə́ ger̄ najə̄ ngá̰ý al̄ naā ō. I náā n ənīn rɔ̄ɔ̄ kanjə̄ ɓōĺ ō, teē kum tə́ kanjə̄ kadə̄ yá̰á̰ kógə̄ḿ rāān ō ní?


Deē ń ni i seḿ māá aĺ ní a tə̄ndā tḭ̄ḭ̄ i mbée.


Əsan̄ kōō yāí ō, mápa yāí ō. Nin̄ əsan̄ ngání kə́ dəngam gə̄ ō kə́ dəyá̰ gə̄ ō. Əsan̄ yá̰a̰ kul̄ yāí kə́ dūú ō, kə́ bo ō. Əsan̄ kan̄ kāgə̄ nduú yāí ō, kan̄ kāgə̄ kótə̄ yāí ō. Nin̄ reēn̄ kə kaskaraá nujən̄neé ɓē yāí kə́ ngan̄g gə̄ ń ī-ndi kemeé kanjə̄ sōl̄ yá̰á̰ kógə̄ḿ ní.


Sḭḭ̄ Dedan gə̄ ī-tūrī gándə́sí ā̰yī naā aw̄ ī-ɓɔ̄ɔ̄ī rɔ̄sí kem bəlo gə̄ tə́. I mbang kə́ yā kadə̄ ɔ́jəmīneé kəla rāāsí gə̄.


Ī-nēlī mbīsí ɓáý to̰ oōīneé yá̰á̰ ń Kɔ́ɔ̄ɓē ɔjə loo rāā kə ɓē kə́ Edom ní ō, ōōī yá̰a̰ gə̄ ń núm̄ yā rāā kə de kə́ Teman gēé ō ní. I gáŕ kadə̄ ngáń dā̰ gə̄ a ndɔ́rə̄n̄ gotə gə̄ gōdə́ tə́ ō, i gáŕ kadə̄ de gə̄ a nujən̄ loo yādə́ sák sák kɔ̄ó najə̄ yādə́ tə́ ō.


Tām̄ najə̄ ń noō tə́ ní, mā Kɔ́ɔ̄ɓē Nə́ɓā m-ə́da na: M-ā m-ɔ́jə́ tɔ́gə́ḿ dɔ Edom gə̄ tə́. De gə̄ ō dā̰ gə̄ ō kə́ kem ɓēé ń toō tə́ ní, m-ā m̄-tɔ̄l̄də́ kɔ̄ɔ́. M-ā m̄-nujə ɓē sák sák, ba m-ā m-ə́lá gír i dɔ ɓē kə́ Teman tə́, bátə́ ɓē kə́ Dedan tə́. A tɔ̄lə̄n̄ de kə́ kemeé gə̄ ta rɔ̄ɔ̄ tə́.


M-ā m̄-rāāī kadə̄ ā ī-tél mbal̄ kə́ dɔn ndágə doy, kə́ ngé ndo̰ kānjə̄ gə̄ a najən̄ rə́ng yādə́ gə̄ tū tə́. Deē a tél yā rāāī gogə́ rang alé. A̰á̰ā̰, i mā Kɔ́ɔ̄ɓē Nə́ɓā n m-ɔ̄r̄ najə̄ ní ō, yá̰á̰ ń m-ə́dá ní n noó ō.


M-ā m̄-rāā ɓē bo yāí gə̄ kadə̄ a télən̄ dɔ dūbə̄ kɔkərɔ kə́ kɔsə dɔ naā tə́ gə̄. A nujən̄ ɓē yāí sák sák kɔ̄ɔ́. Loo ń noō tə́ ā ī-ger̄ kadə̄ Kɔ́ɔ̄ɓē i mā.


Kújə́ kə́ rāā tām̄ yā loo kə́ kūlīí tə́ ō, nge kə́ rāā tām̄ yā loo kə́ ngā nəngāá tə́ ō ní, m-ā m̄-tɔ̄ɔ̄də́ kɔ̄ɔ́. Kújə gə̄ ń rāān̄ ro̰də́ kə ngān̄g dā̰á̰ ní, m-ā m̄-nujəń kɔ̄ɔ́ ō, kújə́ kə́ bo bo gə̄ a gətóon̄ kɔ̄ɔ́ ō. Najə̄ ń Kɔ́ɔ̄ɓē əda ní n noó.


Sḭḭ̄ ī-rējī nge ndoō kə yá̰a̰ rāāsí kə́ gōtə́ aĺ ō, ī-taāī núsə kōō yān dɔ gúú tə́ ō. Beé ɓáa, tām̄ najə̄ ń noō tə́ ní, kújə́ kə́ rāā kə mbal̄ kə́ tɔ́sə̄ kadə gēé ń ī-rāāī ní, ā ī-ndiī kemeé aĺ ō, ndɔr̄ kāgə̄ nduú kə́ majə gə̄ ń ə́hɔī ní, ā ā̰yī kasən aĺ ō.


Tɔdɔ̄ i yā Kɔ́ɔ̄ɓē kadə̄ adə̄ ndūn, anī nujən̄ kújə́ kə́ bo gə̄ kɔ̄ɔ́ ō, ngé kə́ dūú gə̄ tétə̄n̄ rárák kɔ̄ɔ́ ō!


Yá̰á̰ ń Kɔ́ɔ̄ɓē Nə́ɓā ɔjə Abədias adə̄ ger̄ kə ta kūl̄ yá̰á̰ ń ni a̰ā̰ ní n toó. Najə̄ ń ni-ɔr̄ dɔ ɓē kə́ Edom tə́ ní n toó: Kɔ́ɔ̄ɓē ədají najə̄ ń nge kəla kógə̄ḿ aw̄ń yā kəda nápar de kə́ rang gə̄ ní adə̄ j-oō, najə̄ ní n toó: Ḭḭī dɔɔ́, ādə̄ j-aw̄ j-ənī ɓē kə́ Edom rɔ̄ɔ̄!


Ngákó̰ó̰sí gə̄ ń i de gə̄ kə́ kem kojə yā Jakob tə́ ní, sḭḭ̄ ɔ́yiī yá̰a̰ yādə́ dɔ gū tə́ ō, ī-tɔ̄līdə́ ō. I tām̄ najə̄ ń noō tə́ n rɔ̄sí a sɔl̄sí ō, a nujən̄sí kɔ̄ɔ́ kə́ njɔ́ḿ gə̄ tə́ ní ō.


Kɔ́ɔ̄ɓē bā ta róbə yá̰á̰ ń nápar de gə̄ sāān̄ rāā ní. Ni nujə yá̰á̰ ń gír de gə̄ nómə̄n̄ rāā ní.


Kə́ tām̄ yā Edom tə́ ní, najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Gír kum kedə̄ gān̄g kɔ̄ɔ́ Teman tə́ i mbée a? Gír̄ yá̰a̰ reē dɔ nge ger̄ kum najə̄ láẃ tə́ to̰ aĺ i mbée a? Kum kedə̄ yādə́ majə aĺ i mbée kɔ̄ɔ́ a?


Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Edom gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ ngɔ̄də̄n̄ ngákó̰ó̰də́ Israel gə̄ kə kaskaraá jīdə́ tə́. Kumdə́ o̰o̰də́ tām̄ yādə́ tə́ sḛ́ý aĺ bátə́ asədə́ tɔ̄l̄ deē alé, sɔɔ̄ń wōn̄g kə́ kemdə́ tə́. Gír kəhɔ deē kem tə́ yādə́ gān̄g aĺ bátə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.


Swiv nou:

Piblisite


Piblisite