MALASI 1:14 - Bibəl ta Sar̄

¹⁴ Majanī deē kógə̄ḿ aw̄ kə́ dā̰ kə́ majə gə̄ dan yá̰a̰ kul̄ yān gə̄ tə́. Ré deē ní ənī ndūn ō, ndējə̄m̄ dā̰ kə́ majaĺ ō anī, yá̰á̰ kə́ to kum kaȳ aĺ a reē dɔ kɔ́ɔ̄ tə́! Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Mā i mban̄g kə́ bo ō, nápar de gə̄ ɓōlə́n̄ tɔ́gə́ḿ ō.

Bible sar

¹⁴ Majanī deē kógə̄ḿ aw̄ kə́ dā̰ kə́ majə gə̄ dan yá̰a̰ kul̄ yān gə̄ tə́. Ré deē ní ənī ndūn ō, ndējə̄m̄ dā̰ kə́ majaĺ ō anī, yá̰á̰ kə́ to kum kaȳ aĺ a reē dɔ kɔ́ɔ̄ tə́! Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Mā i mban̄g kə́ bo ō, nápar de gə̄ ɓōlə́n̄ tɔ́gə́ḿ ō.

MALASI 1:14 Referans Kwoze

2 KORḚNTƏ 8:12

Tɔdɔ̄ ré gír̄ kə́ kem deē tə́ ń adə̄ń yá̰á̰ ní i gír̄ kə́ majanī, a ndigən̄ kɔ́ɔ̄ i tām̄ yá̰á̰ kə́ to jīn tə́ tə́, ba i tām̄ yá̰á̰ kə́ gətóo jīn tə́ tə́ alé.

MALASI 1:8

Dan ń ī-ndējə̄mī dā̰ kə́ kum tɔ̄ɔ̄ ní, i yá̰á̰ kə́ majə a? Dan ń ī-ndējə̄mī dā̰ kə́ nja motə aláa kə́ mo̰y ní, i yá̰á̰ kə́ majə a? I beé ní, āwī kə dā̰ ní ādī nge ko̰o̰ ɓē yāsí! Rɔ̄n a nelə̄n a? A əhɔsí kə̄ rɔ̄n tə́ majə a? Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m̄-dəjesí najə̄ ń noō.

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

Najə̄ kə́ Majə yā Jeju ń Luk ndang ní 12:46

kɔ́ɔ̄n a tél yā reē kugə̄ i ndɔ̄ ń ni-ngóōn aĺ tə́ ní ō, i kum mbang ń ni-ger̄ aĺ tə́ ní ō. Kɔ́ɔ̄n ní a tə̄ɓān kɔ̄ɔ́ ō, a rāā kadə̄ yá̰á̰ ń a rāā de kə́ ran̄ dɔ ndūdə́ aĺ gə̄ ní rāān ō.

MALASI 1:11

Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.

JAKARI 14:9

Kɔ́ɔ̄ɓē a ndi mban̄g dɔ dɔ nang malang tə́ kə taá. Ndɔ̄ ń noō tə́ ní, i Kɔ́ɔ̄ɓē ngóy n de gə̄ a rɔȳnən̄ tītə̄ Nə́ɓā beé ō, de gə̄ a ndɔ̄ȳn̄ i kə rīn nií ngóy ō.

JEREMI 10:10

Banī Kɔ́ɔ̄ɓē Nə́ɓā i Nə́ɓā rɔ̄kum, i Nə́ɓā kə́ ndi kə kumneé ō, i mban̄g kə́ ndi ngándáńg ō. Dan ń wōn̄g rāān anī, dɔ nang ndebə. Nápar de gə̄ asən̄ yá̰á̰ sḛ́ý ta wōn̄g yān kə́ ngá̰ý tə́ alé.

PĀ GƏ̄ 76:12

Ə̄nīī ndūsí ādī Kɔ́ɔ̄ɓē Nə́ɓā yāsí ō, ī-rāāī yá̰a̰ gə̄ ń ə́daī rī rāā kadə̄n ní ō. Sḭḭ̄ malang ń ī-ndiī ī-gīrī gidə Nə́ɓā kə́ to ɓōĺ ngá̰ý ń toō ní, ī-reēī kə kadə̄ karī yāsí gēé ādə̄niī.

PĀ GƏ̄ 47:2

Sḭḭ̄ gír de gə̄ malang ə́ndaī jīsí. Úriī kɔĺ rɔ̄nel̄ ī-tɔ̄yīneé Nə́ɓā.

JEJU TEĒ KUM JA̰A̰ 15:4

Kɔ́ɔ̄ɓē, i náā n a ɓōĺ rīí aĺ ní, i náā n a ɔsə gɔn rīí aĺ ní? Tɔdɔ̄ i ḭ̄ kɔ́ kal kógə̄ḿ beē ngóy n i kə́ táĺ ní. Nápar de gə̄ malang a reēn̄ yā kɔsə nodə́ nang tə́ noí tə́ yā rɔyīneé. Tɔdɔ̄ teēn̄ kumdə́ dɔ kəla rāāí kə́ gō tə́ gə̄ tə́.

HEBƏRO 12:29

Tɔdɔ̄ Nə́ɓā yājí i hor kə́ a o̰o̰ yá̰a̰.

1 TIMOTE 6:15

Ni a ɔjə rɔ̄n kə̄ ndágá i kum mbang ń Nə́ɓā a ɔjə tə́ ní. I nəkɔ́ kógə̄ḿ beē ngóy n i dɔ yá̰a̰ gə̄ tə́ ō, nge rāā kadə̄ kemjí nel̄jí ō, Mban̄g kə́ dɔ mban̄g gə̄ tə́ ō, Kɔ́ɔ̄ɓē kə́ dɔ kɔ́ɔ̄ ɓē gə̄ tə́ ō ní.

DANIEL 9:4

m̄-ndɔ̄ȳ Kɔ́ɔ̄ɓē Nə́ɓā yāḿ ō, m-ə́dan gír majaĺ gə̄ ń toō ō, m-ə́da na: Kɔ́ɔ̄ɓē, ḭ̄ ń i Nə́ɓā kə́ bo ō, ī-to ɓōĺ ō, ā ī-ngɔ̄m̄ madə̄ naā yāí ō, ī-ra dɔ ndūí tə́ ō kə ngé gə̄ ń tárə̄n̄nī ō ngɔ̄mə̄n̄ gō míndí gə̄ ō ní,

JEREMI 48:10

Ndɔ̄ĺ i dɔ deē ń rāā kəla yā Kɔ́ɔ̄ɓē kə yayaá ní tə́. Ndɔ̄ĺ i dɔ deē ń ɔgə̄ kaskar yān ɓōkə́ mósə́ nang tə́ ní tə́.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

NDŪ NAJƏ̄ 28:58

Ré ī-ɓōĺ rī kə́ to kɔsə gɔn ō, to ɓōĺ ō ń i Kɔ́ɔ̄ɓē Nə́ɓā yāí ní alé, adə̄ ə̄ndā kumií gíŕ yá̰á̰ kə́ yā rāā gə̄ ń ndū najə̄ yā Nə́ɓā əda malang á ndangən̄ kem makətūbə̄ ń toō tə́ ní ī-rāā aĺ anī,

TA KƏLA 27:12

Ré bɔbə́ḿ ɔdə rɔ̄ḿ anī, a ger̄ kadə̄ m̄-gólə̄n i mbée, adə̄ a ndɔ̄lə́m̄ ba a tɔ́r̄ tan dɔḿ tə́ alé.

MARK 14:8

Dəyá̰ ń toō rāā i yá̰á̰ ń ni-asə rāā ní, kəjā ítər rɔ̄ḿ tə́ kété ta kadə̄ dubə̄mə̄n̄.

MATIYE 24:51

Kɔ́ɔ̄n a əndan kənda kə́ majaĺ ngá̰ý ō, a ənīn loo yā ngé gól̄ loo gə̄ tə́ kadə̄ a nōō ō a máyā̰ ngāngə̄n ō.

MATIYE 5:35

Ī-túbə kə dɔ nangaá alé, tɔdɔ̄ i bogəro kəndā njan. Ī-túbə kə rī Jerusalem alé, tɔdɔ̄ i ɓē yā Mban̄g kə́ bo.

MALASI 3:9

Yá̰á̰ kə́ to kum kaȳ aĺ a teē dɔsí tə́! Ndɔ̄lə́n̄sí, i tām̄ ī-gól̄mī, sḭḭ̄ ngán Israel gə̄ malang.

PĀ GƏ̄ 95:3

Tɔdɔ̄ Kɔ́ɔ̄ɓē i Nə́ɓā kə́ bo, ni i mban̄g kə́ bo kə́ dɔ nə́ɓā gə̄ tə́ malang.

PĀ GƏ̄ 68:35

Ədaī na tɔ́gə i yā Nə́ɓā, ə́daī na ni i de kə́ bo dɔ ɓē kə́ Israel tə́ ō, tɔ́gən i dan kil̄ man̄ tə́ ō.

PĀ GƏ̄ 48:2

Kɔ́ɔ̄ɓē i de kə́ bo, ɓōkə́nən̄ tɔ̄ȳ asə ta tə́ kem ɓē yā Nə́ɓā yājí tə́, dɔ mbal̄ yān kə́ táĺ tə́.

2 SAMUEL 24:24

Banī mban̄g ɔdə aĺ gō Arona tə́. Ni ədan na n-sāā i mangən kə gātə̄ ń a ɔjə ní, tām̄ n-gḛy ndējə̄ Kɔ́ɔ̄ɓē Nə́ɓā yān yá̰á̰ kə́ n-adə̄ yá̰á̰ gírí aĺ alé. Adə̄ Dabid mang loo kənda kōō ní ō, man̄g gə̄ ní ō, kə njáŕ sélə̄ arjā̰a̰ kutə mí.

JEREMI 46:18

Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní əda na: Tītə̄ ń m̄-ndiń kə kumḿ noō, ni a reē, a to i tītə̄ mbal̄ Tabor kə́ ra dan mbal̄ madə̄n gə̄ tə́ beē ō, i tītə̄ mbal̄ Karmel kə́ ra dan bā bo tə́ beē ō!

JEREMI 48:15

Nge nujə kə dɔ nang kə́ Moab sák sák aw̄ kə̄ kənī ɓē yān gə̄ rɔ̄ɔ̄ tə́. Balsáa kə́ kɔl watang gə̄ kə́ Moab a aw̄n̄ kə̄ ta yo tə́. I mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní n əda ní.

SOPONI 2:11

Kɔ́ɔ̄ɓē a to ɓōĺ ngá̰ý tām̄ yādə́ tə́. Ni a nujə nə́ɓā gə̄ malang kə́ dɔ nang tə́ kɔ̄ɔ́. Loo ń noō tə́ nápar de gə̄ ń ndin̄ ta kaw̄ kə̄ sa̰y nó ní gə̄gē, a rɔȳnən̄. Nin̄ kógə̄ḿ kógə̄ḿ ní, a rɔȳnən̄ kə̄ dɔ nang yādə́ gə̄ tə́.

MALASI 2:1

Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m̄-tāāsí sḭḭ̄ ngé tun̄ yá̰a̰ gə̄: Ōōī najə̄ yāḿ ō, ī-rāāī yá̰a̰ gə̄ yá̰a̰ ngōn̄ ndām̄ tə́ aĺ ō, yā kadə̄ ī-rɔȳmīneé tītə̄ ń majə kadə̄ ī-rāāī ní. Ré i beé aĺ anī, m-ā m̄-rāā kadə̄ ndɔ̄ĺ reē dɔsí tə́ ō, m-ā m̄-rāā kadə̄ tɔ́r̄ ta a tél i ndɔ̄ĺ ō. A̰á̰ā̰, m-ā m̄-rāā yá̰á̰ ń noō, tām̄ de kə́ dansí tə́ kə́ rāā yá̰a̰ yá̰a̰ ngōn̄ ndām̄ tə́ aĺ gətóo.

PĀ GƏ̄ 47:3

Tɔdɔ̄ Kɔ́ɔ̄ɓē Nə́ɓā kə́ dɔɔ́ sa̰y ngá̰ý to ɓōĺ ngá̰ý. Ni i mban̄g kə́ bo dɔ dɔ nang tə́ malang.

PĀ GƏ̄ 47:8

Tɔdɔ̄ dɔ nang malang ní, mban̄g kə́ dɔ tə́ i Nə́ɓā. Ādə̄ kum pā yāsí rāā adə̄ de gə̄ gerə̄n̄ nge ń noō.

PĀ GƏ̄ 102:16

Dan ń Kɔ́ɔ̄ɓē a tél yā rāā ɓē kə́ Siyo̰ gogə́ rang ō, a teē hɔy kadə̄ de gə̄ a̰a̰nən̄ loo ndə́lē tə́ ō, a oō ndɔ̄ȳ yā ngé rɔ̄ tō ndoō gə̄ ō, a asən kídə̄də́ ō ní anī, nápar de gə̄ a ɓōlə́n̄ rī Kɔ́ɔ̄ɓē ō, mban̄g kə́ dɔ nang tə́ gə̄ malang a a̰a̰n̄ kɔsə gɔn yān yā ger̄ ō.