Makətūbə̄ yā Aje 2:7 - Bibəl ta Sar̄

⁷ Ni a sól̄yō gotə nápar de gə̄. Yá̰a̰ kənge yādə́ gə̄ kə́ ngá̰ý a reē loo ń toō tə́ laā. Ni a rāā kújə yān ń toō kadə̄ a majə ngá̰ý. I Kɔ́ɔ̄ɓē kə́ bo kə́ tɔ́gən i ngá̰ý n əda najə̄ ń toō ní.

Bible sar

⁷ Ni a sól̄yō gotə nápar de gə̄. Yá̰a̰ kənge yādə́ gə̄ kə́ ngá̰ý a reē loo ń toō tə́ laā. Ni a rāā kújə yān ń toō kadə̄ a majə ngá̰ý. I Kɔ́ɔ̄ɓē kə́ bo kə́ tɔ́gən i ngá̰ý n əda najə̄ ń toō ní.

Makətūbə̄ yā Aje 2:7 Referans Kwoze

MALASI 3:1

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý tūr̄ əda ní n toó: M-ā m-ə́la nge kəla yāḿ. Ni a rāā róbə tām̄ yāḿ tə́. Kɔ́ɔ̄ɓē ń ī-gḛyn̄ ní, a reē kem kújə yān tə́ i rétə́ gēé. Nge kəla yā madə̄ naā ń ī ndi ā ī-ngóōī ní n toó, a reē.

1 MBAN̄G GƏ̄ 8:11

Ngé tun̄ yá̰a̰ gə̄ asən̄ tél kun ta kəla yādə́ to̰ alé sɔɔ̄ń kil̄ man̄ ní, tɔdɔ̄ i kɔsə̄ gɔn yā Kɔ́ɔ̄ɓē n taā kem kújə malang ní.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

Najə̄ kə́ Majə yā Jeju ń Luk ndang ní 2:46

Kə ndɔ̄ kə́ nge ko̰ mətá anī əngenən̄ kem kújə yā Kɔ́ɔ̄ɓē tə́, ndi nang tə́ dan ngé kɔjə de gə̄ yá̰a̰ gə̄ tə́ a oōń najə̄ yādə́ ō, a dəjeńdə́ najə̄ ō.

Najə̄ kə́ Majə yā Jeju ń Luk ndang ní 2:27

Ndíĺ kə́ Táĺ ɔsə seneé adə̄ aw̄ kem kújə yā Kɔ́ɔ̄ɓē tə́. Dan ń ngé kojə Jeju gə̄ reēn̄ kə kásə̄ Jeju yā rāā yá̰á̰ ń ndū najə̄ əda dɔn tə́ ní anī,

EJEKIEL 21:27

Gərāń ń ɔjə dɔ ɓē kə́ Jerusalem ní əsō kem jīn kə́ ko̰ó̰ tə́. Ni a əda kadə̄ de gə̄ aw̄ tɔ̄lə̄n̄ de gə̄ nú ō, de gə̄ ní a urən̄ kɔŕ rɔ̄ɔ̄ ō. Ni a tə́ndā yá̰a̰ rɔ̄ɔ̄ gə̄ ta róbə gə̄ kə́ yā kudəń kə̄ kem ɓēé tə́ ō, a ɔy nán̄g kadə̄ ra dɔ naā tə́ bing yā kənīń rɔ̄ɔ̄ ō, ni a ndēr̄ bəlo kə́ ra kə ngālāá gə̄ ō.

IJAI 60:7

Kɔ́ɔ̄ɓē əda na: Ɓūtə̄ yá̰a̰ kul̄ gə̄ kə́ Kedar a kánə̄n̄ naā ɓēé looí. Ā ásə kəhɔ bal batə̄ kə́ Nebayot gə̄ yā rāań yá̰a̰ kūjə́ yāí gə̄. A ndējə̄n̄də́ dɔ loo tun̄ yá̰a̰ yāḿ tə́ ō, yá̰a̰ tun̄ ngeé ń toō a nelə̄m̄ ō. I beé n m-ā m̄-rɔȳń majə kújə yāḿ ní.

TA KƏLA 22:18

M-ā m̄-rāā majə kə nápar de gə̄ kə́ dɔ nang tə́ gə̄ malang sɔɔ̄ń ngán kaaí gə̄, tɔdɔ̄ ḭ̄ ōō taḿ.

GALATƏ 3:8

Tá ndangən̄ kem makətūbə̄ yā Nə́ɓā tə́ kété na, Nə́ɓā a rāā kadə̄ de gə̄ ń i Jipə aĺ gə̄ ní, a télən̄ de kə́ súmūú gə̄ loo ń a taān̄ kem ní. I tām̄ najə̄ ń toō tə́ n ədan̄ Abəraham Najə̄ kə́ Majə ń toō kemeé na: Nápar de gə̄ malang a əngen̄ tɔ́r̄ ta i kə ta kūlīí ní.

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

Najə̄ kə́ Majə yā Jeju ń Luk ndang ní 21:38

Ba ta gír loo tə́ ɓáa ngán Israel gə̄ malang reēn̄ rɔ̄n tə́ kem kújə yā Kɔ́ɔ̄ɓē tə́ yā koō najə̄ kɔrə̄n.

Najə̄ kə́ Majə yā Jeju ń Luk ndang ní 19:47

Ni ndóō de gə̄ yá̰a̰ kə dɔ ndɔ̄ gə̄ kem kújə yā Kɔ́ɔ̄ɓē tə́. Ngol gə̄ kə́ dɔ ngé tun̄ yá̰a̰ gə̄ tə́ ō, ngé ndóō de gə̄ ndū najə̄ gə̄ ō, kum kɔɔ̄ yā ngán Israel gə̄ ō sāān̄ yā tɔ̄lə̄n,

PĀ GƏ̄ 80:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. I pā kə́ kadə̄ əgań kem deē dɔ yá̰á̰ kə́ rāā yá̰á̰ tə́. I pā yā Asap.

2 YÁ̰A̰ GƏ̄ 5:14

Ngé tun̄ yá̰a̰ gə̄ asən̄ tél kun ta kəla yādə́ gogə́ to̰ alé najə̄ kil̄ man̄ ní tə́, tɔdɔ̄ kɔsə gɔn yā Kɔ́ɔ̄ɓē taā kem kújə yā Nə́ɓā malang.

Najə̄ kə́ Majə yā Jeju ń Luk ndang ní 20:1

Ndɔ̄ kógə̄ḿ tə́, dan ń Jeju ndi kem kújə yā Kɔ́ɔ̄ɓē tə́ a ndóō de gə̄ yá̰a̰ ō, a ɔjə de gə̄ Najə̄ kə́ Majə ō anī, ngol gə̄ kə́ dɔ ngé tun̄ yá̰a̰ gə̄ tə́ ō, ngé ndóō de gə̄ ndū najə̄ gə̄ ō, nin̄ kə kum kɔɔ̄ gēé,

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.

KOLOSƏ 2:9

Tɔdɔ̄ Nə́ɓā ndi kem Kərist tə́ kə taá malang, ni-un rɔ̄ Kərist.

PĀ GƏ̄ 85:9

Yá̰á̰ ń Kɔ́ɔ̄ɓē Nə́ɓā əda ní m-ōō kə mbīḿ. Ni-ɔr̄ i najə̄ kem sɔl̄ lɔm kə́ tām̄ yā gír deē yān gə̄ tə́ ō, deē yān gə̄ kə́ ran̄ dɔ ndūdə́ tə́ ō, ba kadə̄ tél rāān̄ mbóo to̰ alé!

IJAI 2:19

Ī-ɓɔ̄ɔ̄ī rɔ̄sí gír mbal̄ gə̄ tə́ ō, ī-túdiī kə̄ kem bəlo gə̄ kə́ dɔ nang tə́ tə́ ō, yā ka̰ȳń Kɔ́ɔ̄ɓē kə́ nge rāā deē kadə̄ ndew ndew ɓōĺ, yā ka̰ȳń bo yān kə́ unjə̄ kow ō ndə́lē ngá̰ý ō, dan ń ni-ḭḭ dɔɔ́ ba yéȳ dɔ nang ní.

IJAI 60:4

Ɔ̄r̄ dɔí dɔɔ́ ba á̰a̰ loo ń to kə gō gidií ní! Nin̄ malang ɔsən̄ dɔdə́ naā tə́ ba reēn̄ kum kə̄ rɔ̄í tə́. Ngání kə́ dəngam gə̄ ḭḭn̄ sa̰y reēn̄, ətōn̄ ngání kə́ dəyá̰ gə̄ kə jīdə́.

EJEKIEL 31:16

Dan ń m-ā m̄-rāā kadə̄ kāgə̄ ngeé ń toō aw̄ ɓádá gō ngé gə̄ ń ton̄ ɓádá tə́ ní anī, nápar de gə̄ ń a oōn̄ kōōn loo kəsō tə́ ní, ɓōĺ a rāādə́ adə̄ nin̄ a ndewn̄. Yá̰a̰ malang kə́ gírí nang tə́ ń i kāgə̄ gə̄ malang kə́ Eden tə́ ō, kāgə̄ gə̄ kə́ dɔ mbal̄ kə́ Liban tə́ i kāgə̄ gə̄ kə́ majən̄ tɔȳ madə̄ gə̄ ō, rāān̄ man̄ dɔ tə́ tɔȳ yā gotə gə̄ ō ní, a rāān̄ rɔ̄nel̄.

EJEKIEL 38:19

Kem wōn̄g yāḿ kə́ ngá̰ý tə́ ní, m̄-túbə́ m-ə́da na: Ndɔ̄ ń noō tə́ ní ngá̰ý dɔ nang kə́ Israel tə́.

EJEKIEL 44:4

Gō tə́ anī deē ní teē seḿ kə ta róbə́ kə́ dām̄ kə́ mbɔ́r ɓē kə́ ko̰ó̰ tə́ ba aw̄ seḿ bátə́ ta kújə yā Kɔ́ɔ̄ɓē tə́. M-á̰a̰ loo anī m-á̰a̰ kɔsə gɔn yā Kɔ́ɔ̄ɓē kə́ taā kem kújə yā Kɔ́ɔ̄ɓē malang. Anī m-ɔ́sə kejəḿ nang tə́ ba m-ɔ́sə noḿ nang tə́.

Makətūbə̄ yā Aje 1:8

Ālī kə̄ dɔ ngán mbal̄ gə̄ tə́, ī-sāāī kāgə̄ gə̄ ī-reēīń, ba ī-tél ī-rāāī kújə́ kə́ bo yāḿ gogə́ rang. Loo ń noō tə́ a nelə̄m̄ ō, m-ā m-ə́nge kɔsə gɔn tū tə́ ō. I mā Kɔ́ɔ̄ɓē n m-ə́da najə̄ ń noō ní.

1 MBAN̄G GƏ̄ 8:10

Dan ń ngé tun̄ yá̰a̰ gə̄ teēn̄ kɔ̄ɔ́ kem loo kə́ táĺ tə́ anī, kil̄ man̄ kógə̄ḿ reē taā kem kújə yā Kɔ́ɔ̄ɓē malang.