Makətūbə̄ yā Aje 2:5 - Bibəl ta Sar̄

⁵ Ni-ənī ndūn ń toō adə̄sí i dan ń ī-teēīneé kɔ̄ɔ́ kem ɓē kə́ Ejiptə tə́ ní. Tá ndílən i dansí tə́, adə̄ ī-lōōī ɓōĺ!

Bible sar

⁵ Ni-ənī ndūn ń toō adə̄sí i dan ń ī-teēīneé kɔ̄ɔ́ kem ɓē kə́ Ejiptə tə́ ní. Tá ndílən i dansí tə́, adə̄ ī-lōōī ɓōĺ!

Makətūbə̄ yā Aje 2:5 Referans Kwoze

Teē Ngán Israel gə̄ 34:10

Kɔ́ɔ̄ɓē əda Moijə na: M-ā m-ə́hɔ madə̄ naā sesí. M-ā m̄-rāā yá̰á̰ kə́ to kɔr kum gə̄ kə́ deē a̰a̰ jóo aĺ ɓáý gə̄ ta kum gír deē yāí gə̄ tə́ malang. Yá̰á̰ kə́ to kɔr kum gə̄ ń m-ā m̄-rāā ní, deē a̰a̰ loo kə́rēý tə́ dɔ nang tə́ dan nápar de gə̄ tə́ nja kógə̄ḿ aĺ ɓáý. Loo ń noō tə́ ngán Israel gə̄ ń ra gīrə̄n̄ gidií malang ní a a̰a̰n̄ kadə̄ kəla ń m-úniī kadə̄ ī-rāā seḿ ní i kəla kə́ to ɓōĺ ngá̰ý.

NEHEMI 9:20

Ḭ̄ ādə̄də́ ndílí kə́ majə kadə̄ gern̄neé yá̰a̰ ō, ɔ̄gə̄də́ mána aĺ ō, ādə̄də́ man̄ adə̄ a̰ȳn̄ kadə̄ tɔ̄l̄ kəndā ń rāādə́ ní ō.

IJAI 41:13

Mā Kɔ́ɔ̄ɓē mā i Nə́ɓā yāí. M-ə́hɔ ta jī ko̰í. M-ə́daī na: Ī-lōō ɓōĺ, m̄-reē i yā dḭḭ̄.

JAKARI 8:13

Ɓē ko̰o̰ gə̄ kə́ Juda tə́ ō, kə́ Israel tə́ ō, dan nápar de gə̄ tə́ ní, sḭḭ̄ i gír de gə̄ kə́ ndɔ̄lə́n̄də́ kadə̄ gotə gír de kə́ rang gə̄ a̰a̰n̄. Banī ngɔlaā ní, m-ájə́sí. Adə̄ ā ī-téliī i gír de gə̄ kə́ tɔ́rə̄n̄ tadə́ dɔdə́ tə́, kadə̄ gotə gír de kə́ rang gə̄ a̰a̰n̄. I beé ní, ī-ɓōlíī to̰ alé, banī ə́hɔī rɔ̄sí tɔgə!

JAKARI 8:15

Banī ngɔlaā ní, m̄-gḛy rāā majə sesí, sḭḭ̄ de kə́ Jerusalem gə̄ ō, de gə̄ malang kə́ kem ɓē ko̰ kə́ Juda tə́ ō. Ī-lōōī ɓōĺ.

KƏLA RĀĀ 27:24

ba ədam̄ na: Pol ī-lōō ɓōĺ, tɔdɔ̄ i gáŕ kadə̄ ā ī-ra no Sejar tə́ ō, de gə̄ malang ń nin̄ i seí kem toó ní, Nə́ɓā adī sedə́ ō.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

JEJU TEĒ KUM JA̰A̰ 1:17

Dan ń m-á̰a̰n anī, m-ə̄sō kə̄ njan tə́ tītə̄ de kə́ koy kɔ̄ɔ́ beē. Anī ni-əndā jī ko̰n dɔḿ tə́, ba əda na: Ī-lōō ɓōĺ. Mā i ta kəla gíŕ yá̰a̰ ō, ta tɔ̄l̄ tan ō,

MATIYE 28:5

De kə́ dɔ rā̰ tə́ ní əda dəyá̰ gə̄ na: Sḭḭ̄ ī-lōōī ɓōĺ, m̄-ger̄ kadə̄ ā ī-sāāī i Jeju ń əndanən̄ kə máyá̰ tū kāgə̄ kə́ dēsə́ tə́ ní.

NEHEMI 9:30

Ī-tə́gā taí dɔdə́ tə́ ɓāl̄ ngá̰ý. Ī-ndán̄gdə́ dɔ háĺdə́ kə́ majaĺ tə́ kə ta kūl̄ Ndílí, tɔdɔ̄ ə̄ndā najə̄ ta ngé koō ta yāí gə̄ tə́ adə̄ ədan̄də́, banī nin̄ nēlə̄n̄ mbīdə́ oōn̄neé najə̄ ní alé. Adə̄ ə́ládə́ kem jī de gə̄ kə dɔ ɓē kə́ rang gə̄ tə́.

2 YÁ̰A̰ GƏ̄ 20:17

Ā ī-rɔ̄ɔ̄īdə́ loo ń noō tə́ alé. Āw̄ ī-raī loo ní tə́ gotə kógə̄ḿ ba á̰a̰ī loo tetə ń Kɔ́ɔ̄ɓē a tetə rɔ̄ɔ̄ yā kadə̄sí ní. De kə́ Juda gə̄ ō, Jerusalem gə̄ ō, ī-lōōī ɓōĺ ō, ī-lōōī kadə̄ ndíĺsí a̰ȳ ō. Bírí ī-teē ī-tə́nāī tadə́ loo ń noō tə́ na Kɔ́ɔ̄ɓē i naā tə́ sesí.

JOJUE 8:1

Kɔ́ɔ̄ɓē əda Jojue na: Ī-lōō ɓōĺ ō, ī-lōō kadə̄ kemií gān̄g man̄ ō. Ɔ́ý ngé rɔ̄ɔ̄ yāí gə̄ malang ba āw̄ ī-rɔ̄ɔ̄ ɓē kə́ Ai. Á̰a̰ m-ə́la mban̄g kə́ Ai kə de gə̄ yān gēé kem jīí tə́, m-ādī ɓē yān ō, dɔ nang yān ō.

Teē Ngán Israel gə̄ 34:8

Loo ń noō tə́ Moijə tétə̄ kejən ba ɔsə non nang tə́, rɔȳń Kɔ́ɔ̄ɓē.

Teē Ngán Israel gə̄ 19:4

Sḭḭ̄ kɔ́ gə̄ á̰a̰ī yá̰á̰ ń m̄-rāā kə de kə́ Ejiptə gēé ní ō, á̰a̰ī loo reē ń m̄-reē sesí rɔ̄ḿ tə́ laā ngɔr tītə̄ kə̄rō kə́ ɔy ngánən gə̄ dɔ bɔ̄gə̄n tə́ ní ō.

Teē Ngán Israel gə̄ 19:6

adə̄ sḭḭ̄ ā ī-téliī ɓē ko̰o̰ yā ngé tun̄ yá̰a̰ gə̄ ō, gír de gə̄ kə́ táĺ gə̄ ō. Yá̰á̰ ń kadə̄ ə́dá ngán Israel gə̄ ní n noó.

Teē Ngán Israel gə̄ 24:3

Moijə tél aw̄ əda ngán Israel gə̄ najə̄ gə̄ ń Kɔ́ɔ̄ɓē ɔr̄ seneé ní malang ō, yá̰a̰ gə̄ ń ədan kadə̄ rāān̄ ní malang ō. Anī ngán Israel gə̄ ədan̄ naā tə́ malang na yá̰a̰ gə̄ ń Kɔ́ɔ̄ɓē əda ní na n-a n-rāān̄ malang.

Teē Ngán Israel gə̄ 24:8

Tā anī Moijə un mósə, sə̄kā dɔ ngán Israel gə̄ tə́ ba ədadə́ na kə a̰a̰n̄ mósə madə̄ naā ń Kɔ́ɔ̄ɓē əhɔ sedə́ dɔ najə̄ gə̄ ń ɔr̄ sedə́ malang tə́ ní.

JOJUE 1:9

Najə̄ ń m-ə́daī ní ādə̄ dɔí ndígə̄nal alé: M-ə́daī na kə ə́hɔ rɔ̄í tɔgə ō, ī-ra dəngam dɔ rɔ̄í tə́ ō. Ī-lōō ndebə ō, ī-lōō kadə̄ kemií gān̄g man̄ ō. Tɔdɔ̄ loo malang ń āw̄ tū tə́ ní, Kɔ́ɔ̄ɓē yāí i naā tə́ seí.

1 SAMUEL 12:20

Samuel tél ədadə́ na: Ī-lōōī ɓōĺ. Rɔ̄kum, i sḭḭ̄ n ī-raī yá̰á̰ kə́ majaĺ ngá̰ý ń noō ní. Banī ī-lōōī tūr̄ gidəsí ta Kɔ́ɔ̄ɓē tə́ gogə́ to̰. Ī-rāāī kəla ādə̄niī kə ngarā̰ kemsí gēé malang.