Makətūbə̄ yā Aje 1:9 - Bibəl ta Sar̄

⁹ Sḭḭ̄ ī-ngóōī kadə̄ ndɔr̄ yāsí gə̄ teēn̄ kōō ngá̰ý, banī ə́jaī kōō i sḛ́ý beē. Yá̰á̰ ń ə́ngeī á āwīneé ɓēé ní, m̄-tóo kɔ̄ɔ́, adə̄ yá̰á̰ ní gətóo kɔ̄ɔ́ malang. I tām̄ rí tə́? Kɔ́ɔ̄ɓē kə́ bo kə́ tɔ́gən i ngá̰ý dəjesí najə̄ ń noō. I tām̄ kújə́ kə́ bo yāḿ kə́ i kɔkərɔ gə̄ kə́ ra dɔ naā tə́ bing, dan ń sḭḭ̄ kógə̄ḿ kógə̄ḿ ə̄ndāī kumsí gíŕ kújə yāsí gə̄ tə́ ī-rāāī ādī majə ní.

Bible sar

⁹ Sḭḭ̄ ī-ngóōī kadə̄ ndɔr̄ yāsí gə̄ teēn̄ kōō ngá̰ý, banī ə́jaī kōō i sḛ́ý beē. Yá̰á̰ ń ə́ngeī á āwīneé ɓēé ní, m̄-tóo kɔ̄ɔ́, adə̄ yá̰á̰ ní gətóo kɔ̄ɔ́ malang. I tām̄ rí tə́? Kɔ́ɔ̄ɓē kə́ bo kə́ tɔ́gən i ngá̰ý dəjesí najə̄ ń noō. I tām̄ kújə́ kə́ bo yāḿ kə́ i kɔkərɔ gə̄ kə́ ra dɔ naā tə́ bing, dan ń sḭḭ̄ kógə̄ḿ kógə̄ḿ ə̄ndāī kumsí gíŕ kújə yāsí gə̄ tə́ ī-rāāī ādī majə ní.

Makətūbə̄ yā Aje 1:9 Referans Kwoze

Makətūbə̄ yā Aje 1:4

Ní, dan ń kújə́ kə́ bo yāḿ i kɔkərɔ gə̄ kə́ kán̄ dɔ naā tə́ bing ní, i kum mbang kə́ yā ndiń kem kújə yāsí kə́ rāā kadə̄ majə gə̄ tə́ a?

JEJU TEĒ KUM JA̰A̰ 3:19

De gə̄ malang ń mā m̄-táŕdə́ ní, m̄-gɔŕyɔ̄də́ ō, m-ə́ndádə́ m-ɔ́jəńdə́ yá̰a̰ ō. I beé ní ī-təngā ba ī-tūr̄ hálí.

Makətūbə̄ yā Aje 1:6

Ī-dubī kōō ngá̰ý, banī ə́jaī kōō i sḛ́ý beē. Ə́saī yá̰a̰, ba tɔ̄l̄ ɓōsí alé. Ā̰yī yá̰a̰, banī asə tasí alé. Sḭḭ̄ ō̰ō̰ī kūbə̄, banī kūl̄ o̰o̰sí. Ə́ngeī nar gír kəla kə́ ī-rāāī tə́ banī ī-ɓōkíī nar yāsí ní i kem ngong kə́ mbutə tə́.

IJAI 40:7

Dan ń koō kə́ ta Kɔ́ɔ̄ɓē tə́ mān̄ dɔdə́ tə́ anī, mu tutə ō, hútə̄ yá̰a̰ ur̄ ō. A̰á̰ā̰, deē ndul gə̄ ngangə̄n̄ aĺ tītə̄ mu beé.

JEJU TEĒ KUM JA̰A̰ 2:4

Ba yá̰á̰ ń m̄-mbātə́ gōí tə́ ní, i kəya̰ ń ə́yá̰ tár yāí kə́ ta kəla gíŕ tə́ kɔ̄ɔ́ ní.

Makətūbə̄ yā Job 10:2

M-ā m-ə́dá Nə́ɓā na: Ī-lōō kəndā najə̄ dɔḿ tə́, ba ɔ́jəm̄ yá̰á̰ kə́ majaĺ ń m̄-rāā á ī-ndángə̄m̄ najə̄ n tə́ ní.

2 MBAN̄G 19:7

Na n-a n-adə̄ mban̄g ndíĺ kógə̄ḿ kə́ kadə̄ ré oō najə̄ kógə̄ḿ anī a tél dɔ tə́ yā kaw̄ gogə́ ɓē yān tə́. Na n-a n-rāā kadə̄ a oy yo kaskar kem ɓē yān nəkɔ́ tə́.

2 SAMUEL 22:16

Ndū Kɔ́ɔ̄ɓē ń ndángəń loo ní ō, koō ń teē kɔ́nən tə́ ō ní, rāā adə̄ gír bā bo teē dɔɔ́ ō, gír ngəra dɔ nang teē dɔɔ́ ō.

2 SAMUEL 21:1

Dan ń Dabid a o̰o̰ń ɓē ní, ɓō kógə̄ḿ əsō kem ɓēé. Ɓō ní rāā de gə̄ ɓāl̄ mətá. Dabid aw̄ koō taá rɔ̄ Kɔ́ɔ̄ɓē tə́ anī, Kɔ́ɔ̄ɓē ədan na: I ɓōkə́ ń Saul nin̄ kə gír kojə yān gēé ɓōkə́n̄ mósə de gə̄ nang tə́ ní n ɓō əsōń kem ɓēé ní. I tɔ̄l̄ ń ni tɔ̄l̄ Gabaon gə̄ ní.

Gōsə̄ najə̄ gə̄ 27:20

Loo kə́ ɓádá ń i bəlo kə́ bo ní, yá̰á̰ asən alé. Kum deē i yá̰á̰ kə́ yá̰a̰ asən aĺ ō.

KOHELET 1:8

Yá̰a̰ gə̄ malang rāān̄ kəla, banī deē asə kəda malang alé. Asə deē ka̰a̰ loo kə kumneé aĺ ō, asə deē koō loo kə mbīneé aĺ ō.

EJEKIEL 21:31

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: A taān̄ ta kūbə̄ kənda dɔ yāí kɔ̄ɔ́ ō, a taān̄ jākā mbang yāí kɔ̄ɔ́ ō. Yá̰a̰ gə̄ a tūrə̄n̄! A ɔsən̄ de kə́ najə̄də́ gətóo gə̄ kə̄ dɔɔ́, ba a télən̄ kə de kə́ bo gə̄ kə̄ nang tə́.

LEBI GƏ̄ 19:25

Kem ɓāl̄ kə́ nge ko̰ mí tə́ anī, ā ə́saī kan̄də́. Ré ī-rāāī beé anī, kāgə̄ yāsí gə̄ a anə̄n̄ ngá̰ý kadə̄ ā ə́jaī kə dɔ ɓāl̄ gə̄ kə dɔ ɓāl̄ gə̄. Mā i Kɔ́ɔ̄ɓē Nə́ɓā yāsí.

NDŪ NAJƏ̄ 28:38

Ā ī-dubə̄ kōō ngá̰ý kem ndɔr̄ yāí tə́ ba ā ə́ja i sḛ́ý beē, tɔdɔ̄ yḭm̄ gə̄ a əsan̄ kɔ̄ɔ́ malang.

Gōsə̄ najə̄ gə̄ 11:24

De kógə̄ḿ gə̄ nəɓon̄ yá̰á̰ yādə́ kə kem ndaá, ba əngen̄ yá̰a̰ adə̄ al̄ jīdə́ ɓáý. Ngé kə́rēý gə̄ rāān̄ kum ngan̄g kə yá̰a̰ yādə́ adə̄ al̄ naā ba ndō rāādə́ ɓáý.

IJAI 5:10

Ndɔr̄ kāgə̄ nduú kə́ kəlā mehḛ́ a teē lítər kasə nduú kutə mí alé. De kə́ ənda kōō gémē kə́ kɔȳn i kəlōo ɓú a ənge i njáŕ gémē kə́ kɔȳn i kəlōo kutə kógə̄ḿ beē ngóy.

JEREMI 12:13

De gə̄ dubə̄n̄ gémē, ba əjan̄ i kōn̄ ngar̄. De gə̄ rāān̄ kəla ɔrən̄, ba yá̰á̰ kə́ teēdə́ yá̰á̰ tə́ gətóó bátə́. Ādə̄ rɔ̄sí sɔl̄sí tām̄ kɔr kə́ to kə̄ dɔsí tə́. I wōn̄g kə́ ngá̰ý yā Kɔ́ɔ̄ɓē n rāā yá̰á̰ ní.