Makətūbə̄ yā Aje 1:8 - Bibəl ta Sar̄

⁸ Ālī kə̄ dɔ ngán mbal̄ gə̄ tə́, ī-sāāī kāgə̄ gə̄ ī-reēīń, ba ī-tél ī-rāāī kújə́ kə́ bo yāḿ gogə́ rang. Loo ń noō tə́ a nelə̄m̄ ō, m-ā m-ə́nge kɔsə gɔn tū tə́ ō. I mā Kɔ́ɔ̄ɓē n m-ə́da najə̄ ń noō ní.

Bible sar

⁸ Ālī kə̄ dɔ ngán mbal̄ gə̄ tə́, ī-sāāī kāgə̄ gə̄ ī-reēīń, ba ī-tél ī-rāāī kújə́ kə́ bo yāḿ gogə́ rang. Loo ń noō tə́ a nelə̄m̄ ō, m-ā m-ə́nge kɔsə gɔn tū tə́ ō. I mā Kɔ́ɔ̄ɓē n m-ə́da najə̄ ń noō ní.

Makətūbə̄ yā Aje 1:8 Referans Kwoze

ESDRAS 3:7

Adə̄ adə̄n̄ ngé rāā kəla gə̄ nar kadə̄ tə́gān̄neé mbal̄ gə̄ ō, njárə̄n̄neé kāgə̄ gə̄ ō. Adə̄n̄ Sidon gə̄ ō Tir gə̄ ō yá̰a̰ kəsa ō yá̰a̰ ka̰ȳ ō yibə̄ ō, kadə̄ ḭḭn̄neé aĺ kə kāgə̄ sédər dɔ nang kə́ Liban tə́ dɔ bā bo tə́ reēn̄neé Japa. Nin̄ rāān̄ yá̰a̰ i kə gō ń Sirus mban̄g kə́ Persə adə̄ńdə́ ta róbə́ ní.

2 YÁ̰A̰ GƏ̄ 7:16

Ba ngɔlaā ní m̄-gə̄rā kújə́ ń toō ō, m-ɔ̄r̄ kamə̄n tayā ō, kadə̄ rīḿ i dɔ tə́ ngándáńg. Kumḿ i dɔ tə́ ngándáńg ō, kemḿ i dɔ tə́ ngándáńg ō.

Makətūbə̄ yā Aje 2:7

Ni a sól̄yō gotə nápar de gə̄. Yá̰a̰ kənge yādə́ gə̄ kə́ ngá̰ý a reē loo ń toō tə́ laā. Ni a rāā kújə yān ń toō kadə̄ a majə ngá̰ý. I Kɔ́ɔ̄ɓē kə́ bo kə́ tɔ́gən i ngá̰ý n əda najə̄ ń toō ní.

1 MBAN̄G GƏ̄ 9:3

Kɔ́ɔ̄ɓē ədan na n-oō ndɔ̄ȳ yān ō, rāā ń na rāān ɓɔ́ ní na n-oō ō: Kújə́ ń na rāā ní na n-ɔr̄ kamə̄n tayā kadə̄ rīn kə ɓār̄ dɔ tə́ ngándáńg. Kumən na a ra dɔ tə́ ō, kemən na i dɔ tə́ ō, ngándáńg.

Teē Ngán Israel gə̄ 29:43

J-a j-ənge naā kə ngán Israel gēé i loo ń noō tə́. Loo ní a tél loo kə́ kɔr̄ kam̄ tayā kə ta kūl̄ yá̰á̰ kə́ to kɔsə gɔn ń m̄-rāā tū tə́ ní.

Makətūbə̄ yā Aje 2:9

Tá kújə́ kə́ bo kə́ kijə yān ń toō, a majə yā mān̄ nge kə́ kété. Na n-adə̄sí lɔm loo ń toō tə́. I Kɔ́ɔ̄ɓē kə́ bo kə́ tɔ́gən i ngá̰ý n əda najə̄ ń toō ní.

IJAI 66:11

Loo ń noō tə́ ni a adə̄sí tɔ́gə gogə́. Ā ī-ndānī tītə̄ ngáń kásə̄ gə̄ kə́ ilən̄ mba kó̰ó̰də́ kə́ a̰ȳ ngá̰ý kə rɔ̄nelēé beē.

IJAI 60:13

Kāgə̄ kə́ majə gə̄ ń Liban a əndań kadən ní, kāgə̄ rāā kújə́ kə́ tayā tayā gə̄, a reēn̄ yā kugə̄ ɓēé looí, ḭ̄ Jerusalem. Nin̄ a rāān̄ kadə̄ loo kə́ táĺ yāḿ a majə. I beé n m-ā m̄-rāań kadə̄ loo ń mā i tū tə́ ní téləń loo kə́ to kɔsə gɔn ní.

IJAI 60:7

Kɔ́ɔ̄ɓē əda na: Ɓūtə̄ yá̰a̰ kul̄ gə̄ kə́ Kedar a kánə̄n̄ naā ɓēé looí. Ā ásə kəhɔ bal batə̄ kə́ Nebayot gə̄ yā rāań yá̰a̰ kūjə́ yāí gə̄. A ndējə̄n̄də́ dɔ loo tun̄ yá̰a̰ yāḿ tə́ ō, yá̰a̰ tun̄ ngeé ń toō a nelə̄m̄ ō. I beé n m-ā m̄-rɔȳń majə kújə yāḿ ní.

ESDRAS 6:4

A ɔsə̄n̄ mbal̄ kə́ tɔ́sə̄ kadə gə̄ kə ta naá nja mətá ō, sáā kāgə̄ kə́ kijə gə̄ kə ta naá nja kógə̄ḿ ō. I nar kə́ kem kújə ngɔ̄m̄ nar yā mban̄g tə́ n a rāān̄neé kəla gə̄ ń noō ní.

1 MBAN̄G GƏ̄ 6:1

Ɓāl̄ ɓú sɔ́ kə kutə sɔ́sɔ́ gō teē ń ngán Israel gə̄ teēn̄ kɔ̄ɔ́ kem ɓē kə́ Ejiptə tə́ ní anī, Salomo̰ əla gír rāā kújə yā Kɔ́ɔ̄ɓē. Ni-əla gír i kem ɓāl̄ ko̰o̰ ɓē yān kə́ nge ko̰ sɔ́ tə́, kem nāā kə́ nge ko̰ jōó ń i nāā Jib ní tə́.

Makətūbə̄ yā Aje 1:7

Kɔ́ɔ̄ɓē kə́ bo kə́ tɔ́gən i ngá̰ý ədasí ɓáý to̰: Ī-gírī yá̰á̰ ń ī-rāāī ní.

1 YÁ̰A̰ GƏ̄ 22:19

Ngɔlaā ní ə̄ndāī rɔ̄sí ta sāā yá̰á̰ ń kem Kɔ́ɔ̄ɓē Nə́ɓā yāsí ndigə ní tə́ kə dan wursí gēé mámák kadə̄ ī-gerī. Ḭ́ḭī dɔɔ́ ī-rāāī kújə́ kə́ táĺ yā Kɔ́ɔ̄ɓē Nə́ɓā ba ī-reēī kə sandúkə madə̄ naā yā Kɔ́ɔ̄ɓē ō, yá̰á̰ kə́ yā ɓōĺ gidə kə́ tām̄ yā Nə́ɓā tə́ gə̄ ō, ī-tə́ndāī kem kújə́ ń ī-rāāī kə rī Kɔ́ɔ̄ɓēé ní tə́.