Makətūbə̄ yā Aje 1:6 - Bibəl ta Sar̄

⁶ Ī-dubī kōō ngá̰ý, banī ə́jaī kōō i sḛ́ý beē. Ə́saī yá̰a̰, ba tɔ̄l̄ ɓōsí alé. Ā̰yī yá̰a̰, banī asə tasí alé. Sḭḭ̄ ō̰ō̰ī kūbə̄, banī kūl̄ o̰o̰sí. Ə́ngeī nar gír kəla kə́ ī-rāāī tə́ banī ī-ɓōkíī nar yāsí ní i kem ngong kə́ mbutə tə́.

Bible sar

⁶ Ī-dubī kōō ngá̰ý, banī ə́jaī kōō i sḛ́ý beē. Ə́saī yá̰a̰, ba tɔ̄l̄ ɓōsí alé. Ā̰yī yá̰a̰, banī asə tasí alé. Sḭḭ̄ ō̰ō̰ī kūbə̄, banī kūl̄ o̰o̰sí. Ə́ngeī nar gír kəla kə́ ī-rāāī tə́ banī ī-ɓōkíī nar yāsí ní i kem ngong kə́ mbutə tə́.

Makətūbə̄ yā Aje 1:6 Referans Kwoze

Makətūbə̄ yā Aje 1:9

Sḭḭ̄ ī-ngóōī kadə̄ ndɔr̄ yāsí gə̄ teēn̄ kōō ngá̰ý, banī ə́jaī kōō i sḛ́ý beē. Yá̰á̰ ń ə́ngeī á āwīneé ɓēé ní, m̄-tóo kɔ̄ɔ́, adə̄ yá̰á̰ ní gətóo kɔ̄ɔ́ malang. I tām̄ rí tə́? Kɔ́ɔ̄ɓē kə́ bo kə́ tɔ́gən i ngá̰ý dəjesí najə̄ ń noō. I tām̄ kújə́ kə́ bo yāḿ kə́ i kɔkərɔ gə̄ kə́ ra dɔ naā tə́ bing, dan ń sḭḭ̄ kógə̄ḿ kógə̄ḿ ə̄ndāī kumsí gíŕ kújə yāsí gə̄ tə́ ī-rāāī ādī majə ní.

OJEE 4:10

Nin̄ a əsan̄ yá̰a̰, banī ɓō a rāādə́ ngándáńg. A rāān̄ ájə́ba, banī a ojən̄ ngōn̄ alé. A̰á̰ā̰, mā ń i Kɔ́ɔ̄ɓē ní, nin̄ əya̰mə̄n̄ kɔ̄ɔ́ ba rāānəń ájə́ba.

Makətūbə̄ yā Aje 2:16

i rí n rāā yá̰á̰ ní? Kété ní, dan ń deē kógə̄ḿ aw̄ sāā njār̄ kōō tə́ kem mō̰yō̰ó̰ kadə̄ ɔy kem kār̄ tɔ̄jə̄ yá̰a̰ kutə jōó anī, ənge i kutə kógə̄ḿ ngóy. Kété ní, dan ń deē kógə̄ḿ aw̄ kɔsə kasə nduú tə́ kem jóon tə́ kadə̄ rosə lítər kutə mí tə́ anī, ənge i kutə jōó ngóy.

OJEE 8:7

Dan ń sḭḭ̄ ī-rāāī yá̰á̰ kə́ majaĺ ní, ā ī-ndíbī horən. Gémē kə́ ɔr̄ dɔn aĺ a teē ndujə̄ alé. Ba ré teē ndujə̄ anī, tə̄rā gə̄ a əsan̄ kɔ̄ɔ́.

IJAI 5:10

Ndɔr̄ kāgə̄ nduú kə́ kəlā mehḛ́ a teē lítər kasə nduú kutə mí alé. De kə́ ənda kōō gémē kə́ kɔȳn i kəlōo ɓú a ənge i njáŕ gémē kə́ kɔȳn i kəlōo kutə kógə̄ḿ beē ngóy.

JAKARI 8:10

Kété ní, kəla ń de gə̄ rāān̄ ní, deē əgādə́ aĺ ō, kəla ń dā̰ gə̄ rāān̄ ní, deē ənge yá̰á̰ gírí aĺ ō. Deē asə kənī kemən njə̄rań aĺ ō, najə̄ yā madə̄ ba̰ā̰ gə̄ tə́. Tɔdɔ̄ kété ní, m̄-sə̄lā de gə̄ malang dɔ naā tə́.

JAKARI 5:4

Kɔ́ɔ̄ɓē kə́ bo kə́ tɔ́gən i ngá̰ý əda wáńg na: M-ə̄nī ndɔ̄ĺ ń noō i yā kadə̄ udə kem kújə yā ngé ɓogə gə̄ tə́ ō, kadə̄ udə ɓē de gə̄ malang ń unən̄ rīḿ a túbənə̄ń dɔ láḿ tə́ ní ō. Ndɔ̄ĺ ní a ndi noó ō, a nujə yá̰a̰ malang kɔ̄ɔ́ ō. A nujə sáā kāgə̄ gə̄ gə̄gē, mbal̄ gə̄ gə̄gē, kɔ̄ɔ́.

JEREMI 44:18

Ba jóo nəkɔ́ ń toō ń jə-lōō gír róō yá̰a̰ ndejə̄ gə̄ tə́ yā kadə̄ Mban̄g kə́ dəyá̰ kə́ dɔ rā̰ tə́ ō, jə-lōō gíŕ tə́te kasə tə́ nang tə́ kadə̄n ō, jə-nal̄ yá̰a̰ malang ō, j-oy yo kaskar ō, yo ɓō ō.

JEREMI 14:4

Dɔ nang tá̰ā̰ tām̄ man̄ edə alé, ngé ndɔr̄ gə̄ gerə̄n̄ yá̰á̰ kə́ yā rāā aĺ ō, urə̄n̄ wak ō.

PĀ GƏ̄ 107:34

I ni n i nge rāā kadə̄ dɔ nang kə́ teē yá̰a̰ tél dɔ nang kə́ teē yá̰a̰ aĺ, sɔɔ̄ń kem ndul yā de gə̄ kə́ ndin̄ tū tə́ ní.

Makətūbə̄ yā Job 20:28

Yá̰a̰ kənge kə́ kem kújə yān tə́ a̰ȳ aw̄ kɔ̄ɔ́ ndɔ̄ wōn̄g yā Nə́ɓā tə́ tītə̄ man̄ kə́ nūgə́ beé.

Makətūbə̄ yā Job 20:22

Ni-ndi i dan yá̰a̰ kənge kə́ ngá̰ý tə́, banī wur kɔl əsō dɔn tə́, ngé rɔ̄ tō ndoō gə̄ malang a tetən̄ jīdə́ dɔn tə́.

1 MBAN̄G GƏ̄ 17:12

Anī dəyá̰ ní tél ədan na: Tītə̄ ń Kɔ́ɔ̄ɓē Nə́ɓā yāí ndiń kə kumneé noō mápa gətóo. Yá̰á̰ ń m-āwń ní i ndujə̄ kə́ sḛ́ý beē kem jóó ō, i yibə̄ kə́ sḛ́ý beē kem kūú ō. m̄-reē i sāā kīrīí yā kaw̄ rāań tām̄ yājí tə́ kə ngōnə̄ḿ. Ré j-əsa oy anī j-a jə-ngóō i yo ngóy.

2 SAMUEL 21:1

Dan ń Dabid a o̰o̰ń ɓē ní, ɓō kógə̄ḿ əsō kem ɓēé. Ɓō ní rāā de gə̄ ɓāl̄ mətá. Dabid aw̄ koō taá rɔ̄ Kɔ́ɔ̄ɓē tə́ anī, Kɔ́ɔ̄ɓē ədan na: I ɓōkə́ ń Saul nin̄ kə gír kojə yān gēé ɓōkə́n̄ mósə de gə̄ nang tə́ ní n ɓō əsōń kem ɓēé ní. I tɔ̄l̄ ń ni tɔ̄l̄ Gabaon gə̄ ní.

LEBI GƏ̄ 26:26

Loo ń m-ā m-ɔ̄gə̄sí yá̰a̰ kəsa ní, dəyá̰ gə̄ kutə̄ a ɓoon̄ naā dɔ sīl̄ kə́ kógə̄ḿ beē tə́ yā ndīrəń yá̰a̰ adə̄ a ndān̄sí alé a ɔjən̄ i mbée n a adə̄n̄sí ní.

LEBI GƏ̄ 26:20

Ā ī-təgāī tɔ́gə́sí i karī, dɔ nang yāsí a teē yá̰a̰ aĺ ō, kāgə̄ yāsí gə̄ a anə̄n̄ aĺ ō.

NEHEMI 5:2

De kə́rēý gə̄ dandə́ tə́ ədan̄ na: Ngánjí kə́ dəngam gə̄ ō kə́ dəyá̰ gə̄ ō, jḭḭ kɔ́ gə̄ ō ní, jḭḭ i ngá̰ý. Ādə̄ adə̄n̄jí kōō gémē ādə̄ j-əsa tá jə-ndiń kə kumjí.

JEREMI 12:13

De gə̄ dubə̄n̄ gémē, ba əjan̄ i kōn̄ ngar̄. De gə̄ rāān̄ kəla ɔrən̄, ba yá̰á̰ kə́ teēdə́ yá̰á̰ tə́ gətóó bátə́. Ādə̄ rɔ̄sí sɔl̄sí tām̄ kɔr kə́ to kə̄ dɔsí tə́. I wōn̄g kə́ ngá̰ý yā Kɔ́ɔ̄ɓē n rāā yá̰á̰ ní.

Makətūbə̄ yā Aje 1:5

Ngɔlaā ní, Kɔ́ɔ̄ɓē kə́ bo kə́ tɔ́gən i ngá̰ý dəjesí kadə̄ ī-gírī yá̰á̰ ń ī-rāāī ní.

Makətūbə̄ yā Aje 1:7

Kɔ́ɔ̄ɓē kə́ bo kə́ tɔ́gən i ngá̰ý ədasí ɓáý to̰: Ī-gírī yá̰á̰ ń ī-rāāī ní.

Makətūbə̄ yā Aje 1:10

I tām̄ najə̄ ń noō tə́ n man̄ edə aĺ ō, dɔ nang teē yá̰a̰ aĺ ō ní.

Makətūbə̄ yā Aje 2:17

Mā Kɔ́ɔ̄ɓē m-ə́dá wáńg na: Yá̰a̰ malang ń ī-rāāī ní, m̄-nujəń kɔ̄ɔ́: m̄-rāā adə̄ kōō gə̄ tutən̄, aláa ndumən̄ kem ndɔrɔ́ ō, m̄-rāā adə̄ kɔ̄sə̄ tə́sō ō, banī sḭḭ̄ ī-tél ī-reēī rɔ̄ḿ mā Kɔ́ɔ̄ɓē tə́ alé.

NDŪ NAJƏ̄ 28:17

Ndɔ̄ĺ a reē dɔ jáng yāí tə́ ō, dɔ yá̰a̰ ɓōkə́ ndujə̄ yāí tə́ ō.

Gōsə̄ najə̄ gə̄ 11:24

De kógə̄ḿ gə̄ nəɓon̄ yá̰á̰ yādə́ kə kem ndaá, ba əngen̄ yá̰a̰ adə̄ al̄ jīdə́ ɓáý. Ngé kə́rēý gə̄ rāān̄ kum ngan̄g kə yá̰a̰ yādə́ adə̄ al̄ naā ba ndō rāādə́ ɓáý.