Makətūbə̄ yā Aje 1:2 - Bibəl ta Sar̄

^2-3 Adə̄ Aje əda najə̄ ń toō ń Kɔ́ɔ̄ɓē əndā tan tə́ ní, ni-əda na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: De gə̄ ń noó ədan̄ na kum mbang kə́ yā tél rāań kújə́ kə́ bo yāḿ gogə́ n toó aĺ ɓáý.

Bible sar

^2-3 Adə̄ Aje əda najə̄ ń toō ń Kɔ́ɔ̄ɓē əndā tan tə́ ní, ni-əda na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: De gə̄ ń noó ədan̄ na kum mbang kə́ yā tél rāań kújə́ kə́ bo yāḿ gogə́ n toó aĺ ɓáý.

Makətūbə̄ yā Aje 1:2 Referans Kwoze

ESDRAS 4:23

Dan ń tə́dan̄ makətūbə̄ yā mban̄g Artajerses ní adə̄n̄ Rehum ō, Simsai nge ndang makətūbə̄ ō, madə̄də́ gə̄ ō oy anī, nin̄ ḭḭn̄ dɔɔ́ aw̄n̄ Jerusalem kə nāgá aw̄ əndān̄ tɔ́gə́də́ dɔ Jipə gə̄ tə́ ɔgə̄n̄neédə́ rāā kəla.

NEHEMI 4:10

Banī əla gír ndɔ̄ ń noō tə́ ní i núsə de gə̄ ngóy n a rāān̄ kəla. Gotə gə̄ ran̄ i kə yá̰a̰ rɔ̄ɔ̄ gēé. Ran̄ i kə nənga gə̄, kə der gə̄, kə ga̰ gərā gə̄, kə kūbə̄ gində̄ gə̄. Ngār gə̄ əndān̄ kumdə́ gír Juda gə̄ tə́ malang.

KOHELET 11:4

De kə́ nge kəndā ma̰ȳ nél i nge dubə̄ kōō aĺ ō, de kə́ nge ka̰a̰ kil̄ man̄ i nge kəja kōō aĺ ō.

KOHELET 9:10

Yá̰a̰ malang ń jīí asə rāā ní ī-rāā kə tɔ́gí īkɔ́. Tām̄ loo kə́ ɓádá ń de kə́ koy gə̄ i tū tə́, á ā ī-rāā yā kaw̄ gōdə́ tə́ tū tə́ ní, kəla aláa ka̰a̰ gō tóo kəla kə́ majə aké kə́ majaĺ, aláa ger̄ yá̰a̰, aláa kum kedə̄ gətóo tū tə́.

TƏ́DA 13:31

Banī de gə̄ ń aw̄n̄ seneé kəndā ma̰ȳ looó ní ədan̄ na: J-asiī rɔ̄ɔ̄ de gə̄ ń noō alé, tɔdɔ̄ tɔ́gə́də́ tɔȳ yājí.

Gōsə̄ najə̄ gə̄ 29:25

Ɓōĺ deē i yá̰á̰ kə́ a əyā gūmbə̄ no deē tə́, ba deē ń ənī kemən mámák adə̄ Kɔ́ɔ̄ɓē ní yá̰a̰ a rāān alé.

Gōsə̄ najə̄ gə̄ 22:13

De kə́ yay ɔgə̄n teē ndágá əda na: Ɓɔl i ndágá noō, a əhɔm̄ kum róbə kɔsɔɔ́ yā tɔ̄lə̄m̄!

Makətūbə̄ yā Aje 1:1

Kem ɓāl̄ ko̰o̰ ɓē kə́ nge ko̰o̰ jōó yā Darius, mban̄g kə́ Persə tə́ ní, kem nāā kə́ nge ko̰ mehḛ́ tə́, kə ndɔ̄ nāā kə́ ta kəga dɔɔ́ anī, Kɔ́ɔ̄ɓē ɔr̄ najə̄ kə Aje nge koō ta. Ni dəjen kadə̄ ɔr̄ najə̄ kə Jorobabel nge ko̰o̰ ɓē kə́ Juda ń i ngōn̄ Saltiel ní, kə adə̄n ō, kə ɔr̄ najə̄ kə Yesua ngol ngé tun̄ yá̰a̰ gə̄ ń i ngōn̄ Yosadak ní, kə adə̄n ō.

2 MBAN̄G 12:7

Banī ɓāl̄ ko̰o̰ ɓē kə́ nge ko̰ kutə gidə i mətá yā Joas tə́ ní, ngé tun̄ yá̰a̰ gə̄ rāān̄ loo kə́ nujə gə̄ kə́ tū kújə yā Kɔ́ɔ̄ɓē tə́ aĺ ɓáý.

KOHELET 3:3

Kum mbang tɔ̄l̄ deē i noó ō, kum mbang kajə deē i noó ō. Kum mbang tɔ̄ɔ̄ kújə i noó ō, kum mbang kəndā kújə i noó ō.