Makətūbə̄ yā Aje 1:11 - Bibəl ta Sar̄

¹¹ m̄-rāā ādə̄ man̄ əhɔ laa kem ɓēé: Dɔ ngán mbal̄ gə̄ tə́ ō, dɔ ndɔr̄ kōō gémē tə́ ō, dɔ ndɔr̄ kāgə̄ nduú gə̄ tə́ ō, dɔ ndɔ̄r̄ kāgə̄ olibə gə̄ tə́ ō, dɔ ndɔr̄ kə́ rang gə̄ tə́ ō. Deē ndul gə̄ ō, dā̰ gə̄ ō a̰a̰n̄ tápə̄ najə̄ man̄ kə́ əhɔ laa tə́ ō, kəla malang ń ī-rāāī ní udə kɔ̄ɔ́ ō.

Bible sar

¹¹ m̄-rāā ādə̄ man̄ əhɔ laa kem ɓēé: Dɔ ngán mbal̄ gə̄ tə́ ō, dɔ ndɔr̄ kōō gémē tə́ ō, dɔ ndɔr̄ *kāgə̄ nduú gə̄ tə́ ō, dɔ ndɔ̄r̄ *kāgə̄ olibə gə̄ tə́ ō, dɔ ndɔr̄ kə́ rang gə̄ tə́ ō. Deē ndul gə̄ ō, dā̰ gə̄ ō a̰a̰n̄ tápə̄ najə̄ man̄ kə́ əhɔ laa tə́ ō, kəla malang ń ī-rāāī ní udə kɔ̄ɔ́ ō.

Makətūbə̄ yā Aje 1:11 Referans Kwoze

Makətūbə̄ yā Aje 2:17

Mā Kɔ́ɔ̄ɓē m-ə́dá wáńg na: Yá̰a̰ malang ń ī-rāāī ní, m̄-nujəń kɔ̄ɔ́: m̄-rāā adə̄ kōō gə̄ tutən̄, aláa ndumən̄ kem ndɔrɔ́ ō, m̄-rāā adə̄ kɔ̄sə̄ tə́sō ō, banī sḭḭ̄ ī-tél ī-reēī rɔ̄ḿ mā Kɔ́ɔ̄ɓē tə́ alé.

NDŪ NAJƏ̄ 28:22

Ni a rāāī kadə̄ ōn̄g ō, a ənī mo̰y gajə ō, rɔ̄ kagə̄ ō dɔí tə́. A rāā kadə̄ rɔ̄í a təngā tólóló ō, a rāā kadə̄ man̄ a əhɔ laa ō, a ənī mo̰y dɔ kōō gə̄ tə́ kadə̄ kərēn̄ ngéŕ ngéŕ ō, kadə̄ kumdə́ teē aĺ ō. Yá̰á̰ kə́ tōr̄ gə̄ ń noō a rāānī bátə́ kadə̄ ī-gətóoń kɔ̄ɔ́.

2 MBAN̄G 8:1

Elije əda dəyá̰ ń rāā ngōnən adə̄ ndól̄ ní na: Ḭ̄ ō, kojə yāí gə̄ ō, ḭ́ḭī laā kɔ̄ɔ́ āwī. Loo ń asiī kaw̄ tū tə́ ní i rá anī, āw̄ ī-ndiī tū tə́. Tɔdɔ̄ Kɔ́ɔ̄ɓē gḛy kadə̄ ɓō əsō dɔ nang kə́ Israel tə́. Ɓō ní a rāā de gə̄ ɓāl̄ sīrí.

1 MBAN̄G GƏ̄ 17:1

Eli kə́ Tisbe ń i de kə́ gō nang kə́ Galaad tə́ ní əda mban̄g Akab na: Tītə̄ ń Kɔ́ɔ̄ɓē Nə́ɓā yā Israel ń mā i nge kəla yān ní ndiń kə kumneé noō, man̄ a edə to̰ aĺ ō, tal a əhɔ to̰ aĺ ō, kem ɓāl̄ gə̄ ń a reēn̄ tə́ noō bátə́ ré m-ə́da najə̄ pá tá.

AMOS 9:6

Nə́ɓā rāā kem kújə yān gə̄ dɔ rā̰ tə́, dɔ rā̰ ń sébə tan dɔ dɔ nang tə́ tītə̄ kújə beé ní. Ni ɓāŕ man̄ bā bo, ba ɓōkə́n dɔ nang tə́. Rīn na i Kɔ́ɔ̄ɓē.

AMOS 7:4

Yá̰á̰ ń Kɔ́ɔ̄ɓē Nə́ɓā rāā adə̄ m-á̰a̰ā̰ ɓáý to̰ ní n toó: Ni sāā gān̄g sarya kógə̄ḿ kə horoó. Loo təngā rāā adə̄ man̄ kə́ gíŕ nángāá iī kɔ̄ɔ́ ō, loo təngā ní əla hor dɔ ɓē kə́ Israel tə́ ō.

AMOS 5:8

I ni n rāā ɓūtə̄ tə́yō̰ gə̄ ní: Adə̄ i ngáń ngé rāā kār̄ gə̄ ō, dɔgə́ loo tīī ō. Ni tūr̄ loo kə́ risə til nding adə̄ tél loo kə́ unjə̄ kow kə́ dəloí ō, ɓɔ̄ɔ̄ loo kə́ kadaá yā kadə̄ loo kə́ ndɔ̄ɔ́ teēń ō. Ni ɓāŕ man̄ bā bo ba ɓōkə́n dɔ nang tə́. Rīn na i Kɔ́ɔ̄ɓē.

NŌŌ RƆ̄ 1:21

De gə̄ oōn̄ kōōḿ ń m̄-to̰ō̰ń ní, de kə́ yā sɔl̄ kemḿ gətóo. Madə̄ ba̰ā̰ḿ gə̄ malang oōn̄ kōō yá̰á̰ kə́ to kum kaȳ aĺ ń rāām̄ ní. Anī rāān̄ rɔ̄nel̄ najə̄ yá̰á̰ ń ī-rāā seḿ tə́ ní. Kə́ rɔ̄kum tə́ tā anī, i ḭ̄ n ī-rāā yá̰á̰ ní. Ī-rāā ādə̄ ndɔ̄ ń ə́da najə̄n kété ní reē ugə̄. Ādə̄ nin̄ tél ton̄ tītə̄ḿ mā beé ō!

Makətūbə̄ yā Job 34:29

Ba ré ni udə ndi beé loo yān anī, i náā n a gān̄g sarya dɔn tə́ ní? Ré ni ɓɔ̄ɔ̄ ta kumən kɔ̄ɔ́ anī, i náā n a a̰a̰n ní? Tá ni i nge kəndā kumən gō nápar de gə̄ tə́, tītə̄ ń a əndāń kumən gō de gə̄ tə́ ní ō.

JEREMI 14:2

Juda əhɔ ndoō, ɓē yān gə̄ a nujən̄ yā təgā, ton̄ kum tō ndoō ngá̰ý ō, əndan̄ nang ō. Jerusalem əga kɔŕ adə̄ ɓār̄ kə̄ dɔɔ́ dɔɔ́.

MALASI 3:9

Yá̰á̰ kə́ to kum kaȳ aĺ a teē dɔsí tə́! Ndɔ̄lə́n̄sí, i tām̄ ī-gól̄mī, sḭḭ̄ ngán Israel gə̄ malang.

MALASI 3:11

M-ā m̄-tūr̄ ta gaẃ gə̄ kɔ̄ɔ́ dɔsí tə́: Nin̄ a nujən̄ kōō yāsí gə̄ aĺ ō, a ɔgə̄n̄ kāgə̄ nduú yāsí gə̄ ka̰a̰n̄ aĺ ō. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə̄nī ndūḿ ní.

Makətūbə̄ yā Aje 2:19

Njár̄ kōō na̰y kem mō̰yō̰ó̰ to̰ alé. Kāgə̄ nduú gə̄ ō, kāgə̄ kótə̄ gə̄ ō, kāgə̄ gərenadə gə̄ ō, kāgə̄ olibə gə̄ ō, anə̄n̄ alé. I beé ní, əla gír ɓōólaā ní, m-ā m̄-rāā majə sesí ngá̰ý al̄ naā.