Makətūbə̄ yā Aje 1:1 - Bibəl ta Sar̄

¹ Kem ɓāl̄ ko̰o̰ ɓē kə́ nge ko̰o̰ jōó yā Darius, mban̄g kə́ Persə tə́ ní, kem nāā kə́ nge ko̰ mehḛ́ tə́, kə ndɔ̄ nāā kə́ ta kəga dɔɔ́ anī, Kɔ́ɔ̄ɓē ɔr̄ najə̄ kə Aje nge koō ta. Ni dəjen kadə̄ ɔr̄ najə̄ kə Jorobabel nge ko̰o̰ ɓē kə́ Juda ń i ngōn̄ Saltiel ní, kə adə̄n ō, kə ɔr̄ najə̄ kə Yesua ngol ngé tun̄ yá̰a̰ gə̄ ń i ngōn̄ Yosadak ní, kə adə̄n ō.

Bible sar

¹ Kem ɓāl̄ ko̰o̰ ɓē kə́ nge ko̰o̰ jōó yā Darius, mban̄g kə́ Persə tə́ ní, kem nāā kə́ nge ko̰ mehḛ́ tə́, kə ndɔ̄ nāā kə́ ta kəga dɔɔ́ anī, Kɔ́ɔ̄ɓē ɔr̄ najə̄ kə Aje *nge koō ta. Ni dəjen kadə̄ ɔr̄ najə̄ kə Jorobabel nge ko̰o̰ ɓē kə́ *Juda ń i ngōn̄ Saltiel ní, kə adə̄n ō, kə ɔr̄ najə̄ kə Yesua ngol *ngé tun̄ yá̰a̰ gə̄ ń i ngōn̄ Yosadak ní, kə adə̄n ō.

Makətūbə̄ yā Aje 1:1 Referans Kwoze

ESDRAS 2:2

De gə̄ ń ɔrən̄ nodə́ reēn̄ sedə́ ní i Jorobabel ō Yesua ō Nehemia ō Seraya ō Relaya ō Mordokai ō Bilsan ō Misəpar ō Bigwai ō Rehum ō Baana ō. Rī gír kojə gə̄ ní n toó ō, kutə ngán Israel gə̄ kə́ kə dɔ ɓūtə̄ gēé n toó ō.

ESDRAS 3:8

Kem nāā kə́ nge ko̰ jōó tə́ yā ɓāl̄ ń utə̄ gō nge ń nin̄ ugə̄n̄neé Jerusalem, ɓē ń kújə yā Nə́ɓā i kemeé tə́ ní anī, Jorobabel ngōn̄ Sealtiel ō, Yesua ngōn̄ Yosadak ō gá̰á̰ ngákó̰ó̰də́ gə̄ kə́ ngé tun̄ yá̰a̰ gə̄ ō, ngán Lebi gə̄ ō, de gə̄ malang ń ɔyn̄də́ aw̄n̄ sedə́ ɓəlo tə́ tá tél reēn̄ gogə́ Jerusalem ní ō, udən̄ kə̄ rɔ̄ kəla tə́ rāān naā tə́. Nin̄ tə́ndān̄ ngán Lebi gə̄ kə́ ɓāl̄də́ i kutə jōó gə̄ ō, ngé kə́ ɓāl̄də́ ḭḭ dɔ kutə jōó tə́ ta kaw̄ kə̄ dɔɔ́ gə̄ ō, kadə̄ unən̄ dɔ kəla kújə yā Kɔ́ɔ̄ɓē.

ESDRAS 3:2

Yesua nge tun̄ yá̰á̰ kə́ ngōn̄ Yosadak nin̄ kə ngákó̰o̰n kə́ ngé tun̄ yá̰a̰ gə̄ ō, Jorobabel ngōn̄ Sealtiel nin̄ kə ngéén gēé ō, ḭḭn̄ dɔɔ́ rāān̄ loo tun̄ yá̰a̰ yā Nə́ɓā yā Israel, yā ndējəń yá̰a̰ tun̄ gə̄ kə́ yā róō horoó gə̄ tītə̄ ń ndū najə̄ yā Moijə deē yā Nə́ɓā ədań ní.

Makətūbə̄ yā Aje 2:10

Kem ɓāl̄ ko̰o̰ ɓē yā mban̄g Darius kə́ nge ko̰ jōó nəkɔ́ ń noō tə́ ɓáý to̰, kem nāā kə́ nge ko̰ ndōhó tə́, kə ndɔ̄ nāā kə́ nge ko̰ kutə jōó gidə i sɔ́ tə́, anī Kɔ́ɔ̄ɓē kə́ bo kə́ tɔ́gən i ngá̰ý tél ɔr̄ najə̄ kə Aje nge koō taá ɓáý tó.

Makətūbə̄ yā Aje 1:12

Jorobabel kə́ ngōn̄ Saltiel ō, Yesua kə́ ngōn̄ Yosadak ń i ngol ngé tun̄ yá̰a̰ gə̄ ní ō, de gə̄ malang ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ á tél reēn̄ gogə́ ɓēé ní ō, oōn̄ najə̄ gə̄ ń Kɔ́ɔ̄ɓē Nə́ɓā yādə́ əndā ta Aje nge koō ta tə́ adə̄ əda ní. Aje rāā kəla ń Kɔ́ɔ̄ɓē mērə̄n rāā ní tɔ̄l̄ ta i tītə̄ ń noō. Adə̄ ngán Israel gə̄ a̰a̰n̄ tɔ́gə ko̰o̰ ɓē yā Kɔ́ɔ̄ɓē gerə̄n̄.

NEHEMI 7:7

Nin̄ reēn̄ i kə Jorobabel ō Yesua ō Nehemia ō Ajaria ō Raamia ō Nahamani ō Mordokai ō Bilsan ō Misəparet ō Bigwai ō Nehum ō Baana ō. Kutə de kə́ dəngam kə́ Israel tə́ gə̄ n toó:

Makətūbə̄ yā Aje 1:14

Loo ń noō tə́ Kɔ́ɔ̄ɓē ndól̄ kəhɔ rɔ̄ tɔgə yā Jorobabel nge ko̰o̰ ɓē kə́ Juda ń i ngōn̄ Saltiel ní ō, ndól̄ kəhɔ rɔ̄ tɔgə yā Yesua ngol ngé tun̄ yá̰a̰ gə̄ ń i ngōn̄ Yosadak ní ō, ndól̄ kəhɔ rɔ̄ tɔgə yā de gə̄ malang ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ á tél reēn̄ gogə́ ɓēé ní ō, adə̄ reē rāān̄ kújə́ kə́ bo yā Nə́ɓā yādə́ ń i Kɔ́ɔ̄ɓē kə́ bo kə́ tɔ́gən i ngá̰ý ní gogə́,

ESDRAS 6:14

Najə̄ gə̄ ń Aje nin̄ kə Jakari kə́ ngōn̄ Ido ədan̄ kə́ loo ngé koō ta gə̄ tə́ ní, adə̄ kum kɔɔ̄ gə̄ yā Jipə gə̄ tɔ́gə adə̄ nin̄ rāān̄neé kəla kújə yā Kɔ́ɔ̄ɓē. Kəla ní njə̄rā majə. Nin̄ tɔ̄lə̄n̄ ta kəla kújə́ ní tītə̄ ń Nə́ɓā yā Israel ədań ní ō, tītə̄ ń mban̄g gə̄ kə́ Persə tə́ ədan̄neé ní ō. Mban̄g gə̄ ní i mban̄g Sirus ō Darius ō Artajerses ō.

Makətūbə̄ yā Aje 2:20

Ndɔ̄ nəkɔ́ ń noō tə́, adə̄ i kə ndɔ̄ nāā kə́ nge ko̰ kutə jōó gidə i sɔ́ ní, Kɔ́ɔ̄ɓē əndā najə̄ ta Aje tə́ nja kə́ nge ko̰ jōó.

Makətūbə̄ yā Aje 2:4

I tām̄ najə̄ ń noō tə́ n Kɔ́ɔ̄ɓē ədasí najə̄ ń toō wáńg ní: Ḭ̄ Jorobabel, ə́hɔ rɔ̄í tɔgə! Yesua kə́ ngōn̄ Yosadak, ḭ̄ ń i ngol ngé tun̄ yá̰a̰ gə̄ ní, ə́hɔ rɔ̄í tɔgə! Sḭḭ̄ de kə́ kem ɓēé gə̄ malang, ə́hɔī rɔ̄sí tɔgə! Údiī kə̄ rɔ̄ kəla tə́ ī-rāāī na ni i sesí naā tə́. I Kɔ́ɔ̄ɓē kə́ bo kə́ tɔ́gən i ngá̰ý n ədasí najə̄ ń noō ní.

NEHEMI 12:10

Yesua ojə Yoyakim, Yoyakim ojə Eliasib, Eliasib ojə Yoyada.

NEHEMI 12:1

Ngé tun̄ yá̰a̰ gə̄ ō ngán Lebi gə̄ ō ń reēn̄ naā tə́ kə Jorobabel kə́ ngōn̄ Saltiel ō Yesua ō ní rīdə́ n toó: Seraya, Irmeya, Esdras,

NEHEMI 8:9

Dan ń de gə̄ oōn̄ najə̄ ń tə́dan̄ ní anī, nin̄ malang nōōn̄. Adə̄ Nehemi nge ko̰o̰ ɓē ō, Esdras nge tun̄ yá̰á̰ kə́ nge ndóō de gə̄ ndū najə̄ ō, ngán Lebi gə̄ kə́ nge kɔjə de gə̄ kum najə̄ gə̄ ō, ədan̄ de gə̄ na: Ndɔ̄ kə́ ɓōólaā i ndɔ̄ kə́ kɔr̄ kam̄ tayā tām̄ yā Kɔ́ɔ̄ɓē Nə́ɓā yāsí tə́! Ī-lōōī kəhɔ ndoō ō nōō ō.

NEHEMI 5:14

Əla gír ndɔ̄ ń əndān̄neé dɔḿ tə́ kadə̄ i mā n i nge ko̰o̰ ɓē dɔ Jipə gə̄ tə́ gō nang kə́ Juda tə́, adə̄ i ɓāl̄ ko̰o̰ ɓē yā Artajerses kə́ nge ko̰ kutə jōó tə́ bátə́ ɓāl̄ ko̰o̰ ɓē yān kə́ nge ko̰ kutə mətá gidə i jōó tə́, adə̄ i bátə́ ɓāl̄ kutə gidə i jōó ní, tīr̄ ń mban̄g adə̄ ngé ko̰o̰ ɓē gə̄ ta róbə taā jī de gə̄ tə́ dɔ lambóó tə́ ní, mā ō ngákó̰ó̰ḿ gə̄ ō jə-taā jī de gə̄ tə́ alé.

ESDRAS 4:24

Adə̄ ta kəla kújə yā Nə́ɓā kə́ Jerusalem dəba bátə́ ugə̄ ɓāl̄ ko̰o̰ ɓē kə́ nge ko̰ jōó yā Darius mban̄g kə́ Persə tə́. Tél unən̄ ta kəla rāā kújə yā Nə́ɓā gogə́.

ESDRAS 4:2

reē əngen̄ Jorobabel ō, de kə́ dɔ gír kojə gə̄ tə́ ō, ba ədan̄də́ na: Jə-ndigə rāā kəla kújə yā Kɔ́ɔ̄ɓē sesí. Tā m̄ i Nə́ɓā yāsí ń ā ī-rɔȳniī ní n jḭḭ jə-rɔȳn ō ní. Tá j-əla gír ndējə̄n yá̰á̰ kə́ tun̄ gə̄ i dan ń Asaradon mban̄g kə́ Asiri ɔyjí reēń sejí loo ń toō tə́ laā ní.

ESDRAS 2:63

Nge ko̰o̰ ɓē ɔgə̄də́ kəsa yá̰á̰ kə́ táĺ ngá̰ý gə̄ bátə́ kadə̄ ré nge tun̄ yá̰á̰ kógə̄ḿ sāā kə urim ō tumim ō pá tá.

ESDRAS 1:8

Mban̄g Sirus adə̄ Mitəredat nge ngɔ̄m̄ nar ɔy kɔ̄ɔ́ kem kújə́ ní tə́ ba téləń adə̄ Sesəbasar ngōn̄ ngār kə́ Juda tə́.

1 YÁ̰A̰ GƏ̄ 3:19

Ngán Pedaya gə̄ i Jorobabel ō, Simei ō. Ngán Jorobabel kə́ dəngam gə̄ i Mesulam ō, Hanania ō, ngōnən kə́ dəyá̰ i Selomit ō.

1 YÁ̰A̰ GƏ̄ 3:17

Yekonia ń əhɔnən̄ aw̄n̄ seneé ɓəloó dɔ nang kə́ Babilon tə́ ní ngánən gə̄ i Saltiel ō,

2 MBAN̄G 14:25

I ni n rāā adə̄ dɔ nin̄ ɓē kə́ Israel tél to tītə̄ kə́ kété ní, adə̄ əla gír i Lebo Hamat bátə́ ugə̄ń bā katə̄ kə́ Araba tə́, tītə̄ ń Kɔ́ɔ̄ɓē Nə́ɓā yā Israel əndāń ta nge koō ta yān Jonas ngōn̄ Amitay kə́ Gat Heper tə́ adə̄ ədań ní.

1 MBAN̄G GƏ̄ 14:18

Dubə̄n̄ ngōn̄ ní ō, Israel gə̄ malang nōōnən̄ ō, tītə̄ ń Kɔ́ɔ̄ɓē ədań ní. Kɔ́ɔ̄ɓē əndā najə̄ ní i ta nge kəla yān Ahia ń i nge koō ta ní tə́.

Najə̄ kə́ Majə yā Jeju ń Luk ndang ní 3:27

kə́ ngōn̄ Yohanan, kə́ ngōn̄ Resa, kə́ ngōn̄ Jorobabel, kə́ ngōn̄ Salatiel, kə́ ngōn̄ Neri,

Teē Ngán Israel gə̄ 4:13

Moijə rāā Kɔ́ɔ̄ɓē ɓɔ́ ba ədan na kə əla de kə́ rang.

1 MBAN̄G GƏ̄ 10:15

kanjə̄ tə́da yā ngé njə̄rā mbā gə̄ ō, yā ngé rāā gātə̄ gə̄ ō, yā mban̄g gə̄ malang kə́ no ɓē tə́ ō, yā ngé ko̰o̰ ɓē gə̄ kə́ kem ɓēé ō.

ESDRAS 5:1

Banī ndɔ̄ kə́rēý tə́ anī ngé koō ta gə̄ ń i Aje ō Jakari kə́ ngōn̄ Ido ō ní ɔrə̄n̄ najə̄ kə Jipə kə́ Jerusalem gə̄ ō, kə́ Juda gə̄ ō. I Nə́ɓā yādə́ ń i Nə́ɓā yā Israel ní n əndā najə̄ tadə́ tə́ ní.

ESDRAS 5:3

Loo ń noō tə́ Tatənai nge ko̰o̰ ɓē kə́ gidə bā Opəratə kə́ dām̄ kə́ no ɓē tə́ tə́ ō, Setar Bosənai ō, madə̄də́ gə̄ ō, reē əngen̄də́ ba ədan̄də́ na: I náā n ədasí na kə ī-tél kə ī-rāāī kújə ń toō gogə́ rang ō, kə ī-tél kə ə̄ndā i bɔr ń toō gogə́ rang ō ní?

ESDRAS 10:18

Dan ngé tun̄ yá̰a̰ gə̄ tə́ ní ngé táā dəyá̰ tə̄rā gə̄ n toó: De gə̄ kə́ dan ngán Yesua kə́ ngōn̄ Yosadak tə́ kə ngákó̰ó̰də́ gēé i Maseya ō, Eliejer ō, Yarib ō, Gedalia ō.

Makətūbə̄ yā Aje 1:2

Adə̄ Aje əda najə̄ ń toō ń Kɔ́ɔ̄ɓē əndā tan tə́ ní, ni-əda na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: De gə̄ ń noó ədan̄ na kum mbang kə́ yā tél rāań kújə́ kə́ bo yāḿ gogə́ n toó aĺ ɓáý.

Makətūbə̄ yā Aje 2:21

Ni mērə̄n kɔr̄ najə̄ kə nge ko̰o̰ ɓē kə́ Juda ń i Jorobabel kə́ ngōn̄ Seyaltiel ní, kadə̄ ədan na: Mā Kɔ́ɔ̄ɓē nge rāā dɔ rā̰ ō dɔ nang ō ní, m-ā m̄-yéȳ dɔ rā̰ ō dɔ nang ō.

MALASI 1:8

Dan ń ī-ndējə̄mī dā̰ kə́ kum tɔ̄ɔ̄ ní, i yá̰á̰ kə́ majə a? Dan ń ī-ndējə̄mī dā̰ kə́ nja motə aláa kə́ mo̰y ní, i yá̰á̰ kə́ majə a? I beé ní, āwī kə dā̰ ní ādī nge ko̰o̰ ɓē yāsí! Rɔ̄n a nelə̄n a? A əhɔsí kə̄ rɔ̄n tə́ majə a? Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m̄-dəjesí najə̄ ń noō.

Makətūbə̄ yā Aje 1:15

kem nāā kə́ nge ko̰ mehḛ́ yā ɓāl̄ ngeé ń noō tə́, kə ndɔ̄ nāā kə́ nge ko̰ kutə jōó gidə i sɔ́.

JAKARI 1:1

Kem ɓāl̄ ko̰o̰ ɓē kə́ nge ko̰ jōó yā Darius mban̄g kə́ Persə tə́, kem nāā kə́ nge ko̰ sɔ́sɔ́ tə́, anī Kɔ́ɔ̄ɓē ɔr̄ najə̄ kə Jakari nge koō ta kə́ ngōn̄ Berekia kə́ ngōn̄ Ido.

JAKARI 3:1

Kɔ́ɔ̄ɓē rāā adə̄ m-á̰a̰ ngol ngé tun̄ yá̰a̰ gə̄ ń i Yesua ní. Ni-ra kə njan kə́ dɔɔ́ no de kə́ dɔ rā̰ tə́ yā Kɔ́ɔ̄ɓē tə́. Sətan ń i nge kəndā najə̄ dɔ de gə̄ tə́ ní, ra dɔ jī ko̰ Yesua tə́, yā kəndań najə̄ dɔn tə́.