Najə̄ kə́ Majə yā Jeju ń Luk ndang ní 9:61 - Bibəl ta Sar̄

⁶¹ De kə́ rang ədan ɓáý to̰ na: Kɔ́ɔ̄ɓē, m-ā m-ún gōí, ba ādə̄ m-āw̄ m̄-rāā ngééḿ gə̄ lápə́ya tá m̄-tél.

Bible sar

⁶¹ De kə́ rang ədan ɓáý to̰ na: Kɔ́ɔ̄ɓē, m-ā m-ún gōí, ba ādə̄ m-āw̄ m̄-rāā ngééḿ gə̄ lápə́ya tá m̄-tél.

Najə̄ kə́ Majə yā Jeju ń Luk ndang ní 9:61 Referans Kwoze

Najə̄ kə́ Majə yā Jeju ń Luk ndang ní 14:26

Deē ń reē gōḿ tə́ kanjə̄ kəndām̄ mā kó tár yān tə́ kété no bɔbə̄n tə́ ō, kó̰o̰n tə́ ō, nə̄yá̰n tə́ ō, ngánən gə̄ tə́ ō, ngákó̰o̰n kə́ dəngam gə̄ tə́ ō kə́ dəyá̰ gə̄ tə́ ō, aláa kanjə̄ kəndām̄ mā kó tár yān tə́ kété no ngarān̄g kum rɔ̄n nəkɔ́ tə́ ō ní, ni-asə tél nge ndóō yá̰a̰ yāḿ alé.

1 MBAN̄G GƏ̄ 19:20

Anī Elije əya̰ man̄g gə̄, ni a̰ȳ ngɔ̄də̄ gō Eli tə́ ba ədan na: Ādə̄m̄ ta róbə ādə̄ m-āw̄ m-ə́hɔ bɔbə́ḿ ō, kó̰ó̰ḿ ō kə̄ rɔ̄ḿ tə́, pá tá m-āw̄ gōí tə́ ɓáý. Anī Eli ədan na: Āw̄ loo yāí, m̄-rāā i rí seí?

NDŪ NAJƏ̄ 33:9

Nin̄ ɔjən̄ kə̄ ndágá kadə̄ táriīn̄ tɔȳ bɔbə̄də́ gə̄ ō, kó̰ó̰də́ gə̄ ō, ngákó̰ó̰də́ gə̄ ō, ngáńdə́ gə̄ ō. Tɔdɔ̄ oōn̄ taí, adə̄ rāān̄ yá̰á̰ ń ə́dádə́ ní. Nin̄ əndān̄ kumdə́ gír madə̄ naā yāí tə́.

KOHELET 9:10

Yá̰a̰ malang ń jīí asə rāā ní ī-rāā kə tɔ́gí īkɔ́. Tām̄ loo kə́ ɓádá ń de kə́ koy gə̄ i tū tə́, á ā ī-rāā yā kaw̄ gōdə́ tə́ tū tə́ ní, kəla aláa ka̰a̰ gō tóo kəla kə́ majə aké kə́ majaĺ, aláa ger̄ yá̰a̰, aláa kum kedə̄ gətóo tū tə́.

2 KORḚNTƏ 2:13

ba ndílə́ḿ ndi i kə sōlōó kəkəre, tām̄ m-ə́nge ngōkó̰ó̰ḿ Titə alé. Adə̄ m̄-rāā de kə́ Təroas tə́ gə̄ lápə́ya ba m-āw̄ Masedəwan.