Najə̄ kə́ Majə yā Jeju ń Luk ndang ní 9:55 - Bibəl ta Sar̄

⁵⁵ Banī Jeju tūr̄ rɔ̄n kə̄ rɔ̄də́ tə́ ba ibədə́.

Bible sar

⁵⁵ Banī Jeju tūr̄ rɔ̄n kə̄ rɔ̄də́ tə́ ba ibədə́.

Najə̄ kə́ Majə yā Jeju ń Luk ndang ní 9:55 Referans Kwoze

JEJU TEĒ KUM JA̰A̰ 3:19

De gə̄ malang ń mā m̄-táŕdə́ ní, m̄-gɔŕyɔ̄də́ ō, m-ə́ndádə́ m-ɔ́jəńdə́ yá̰a̰ ō. I beé ní ī-təngā ba ī-tūr̄ hálí.

1 PIYER 3:9

Ré rāān̄sí yá̰á̰ kə́ majanī, ī-lōōī tél rāādə́ yá̰á̰ kə́ majaĺ kum gotə ō, ré tájə̄n̄sí anī, ī-lōōī tél tájə̄də́ kum gotə ō. Banī ī-tɔ́rī tasí tá dɔdə́ tə́. Tām̄ sḭḭ̄ kɔ́ gə̄ kə dɔsí ní, Nə́ɓā ɓāŕsí i yā tɔ́r̄ tan dɔsí tə́.

Makətūbə̄ yā Job 26:4

Ba i náā n ɔr̄ najə̄ seneé ní? I náā n əndā najə̄ taí tə́ ní?

Makətūbə̄ yā Job 2:10

Job tél ədan na: Ɔ̄r̄ najə̄ tītə̄ mbóo dəyá̰ beē. Ré Nə́ɓā rāā adə̄ jə-ndiī majanī, jə-ndigiī. Ba ré ni-rāā adə̄ jə-ndiī dan yá̰á̰ kə́ to kum kaȳ aĺ tə́ anī, jə-ndigiī aĺ i tām̄ rí tə́? Tū yá̰a̰ gə̄ ń noō tə́ malang ní, najə̄ kə́ majaĺ kógə̄ḿ teē ta Job tə́ alé.

MATIYE 26:51

Anī deē kógə̄ḿ kə́ dan ngé gə̄ ń nin̄ i kə Jejuú ní əla jīn ɔrə̄ń kaskar yān, əgań mbī pajā yā ngol ngé tun̄ yá̰a̰ gə̄ əga gān̄g.

MATIYE 26:41

Ī-lōōī ɓīī, ī-ndiī kə kumsí ba ī-ndɔ̄yī tá kadə̄ ə̄sōī kum yá̰a̰ gə̄ ń a nāān̄ de gə̄ tə́ ní alé. Tɔdɔ̄ ndíl deē ndigə rāā yá̰á̰ kə́ majə, ba dā̰ rɔ̄ deē ngan̄g alé.

MATIYE 26:33

Piyer un najə̄ ɔr̄, əda Jeju na: Ká ré gotə madə́ḿ gə̄ malang əya̰īn̄ kɔ̄ɔ́ gə̄gē anī, mā m-a m-ə́ya̰ī kɔ̄ɔ́ aĺ bátə́.

MATIYE 16:23

Anī Jeju tūr̄ rɔ̄n ba əda Piyer na: Sətan, ī-tél kɔ̄ɔ́ gōḿ tə́! Ḭ̄ i bə̄dē kə́ əga njaḿ kadə̄ m-ə̄sō. Tɔdɔ̄ gír̄ kə́ kemií tə́ i gír̄ yā Nə́ɓā alé, ba i gír̄ yā de gə̄.

JEREMI 17:9

Gír̄ kə́ kem de gə̄ tə́ tə́la naā ngá̰ý. Dum̄ kadə̄ ḭ̄ deē ɔ̄r̄də́ dɔ tə́.

Gōsə̄ najə̄ gə̄ 9:8

Ī-lōō ndán̄g de kə́ nge kɔjə rɔ̄n na a imī. Banī ré ī-ndán̄g de kə́ nge kum kedə̄ anī ni a táriī najə̄n tə́.

Makətūbə̄ yā Job 42:6

Adə̄ m-á̰a̰ rɔ̄ḿ i yá̰á̰ kə́ majaĺ ngá̰ý tə́ ta kumḿ mə̄kɔ́ tə́ ō, m̄-mbātə́ najə̄ kɔrə̄ḿ mə̄kɔ́ ō. Adə̄ m̄-ndi kum bumbə́rú tə́ ō, kum bū tə́ ō.

2 SAMUEL 19:22

Abisai ngōn̄ Seruya un najə̄ ɔr̄, ni-əda mban̄g na: Nge ń noō i yá̰á̰ kə́ asə kadə deē əya̰ń Simei ń ndɔ̄ĺ mban̄g ń Kɔ́ɔ̄ɓē ur yibə̄ ngar dɔn tə́ gə̄rānneé ní a?

JAKƏ 3:10

Tɔ́r̄ ta ō, ndɔ̄ĺ ō, teēn̄ i tají kə́ kógə̄ḿ beē tə́. Ngákó̰ó̰ḿ gə̄, majə kadə̄ i tītə̄ ń noō alé.

JA̰A̰ 16:9

Kə́ ɔjə dɔ yá̰á̰ kə́ majaĺ ɓáa, i tām̄ nin̄-taān̄ kemḿ alé.

Najə̄ kə́ Majə yā Jeju ń Luk ndang ní 9:54

Dan ń ngé ndóō gə̄ ń i Jakə nin̄ kə Ja̰a̰ ní a̰a̰n̄ beé anī, ədan̄ na: Kɔ́ɔ̄ɓē, ī-gḛy kadə̄ j-əda kadə̄ hor teē dɔ rā̰ tə́ reē róōdə́ malang a?

Najə̄ kə́ Majə yā Jeju ń Luk ndang ní 9:56

Gō tə́ anī nin̄-ɔtə aw̄n̄ kə̄ ɓē kə́ rang tə́.