Najə̄ kə́ Majə yā Jeju ń Luk ndang ní 9:51 - Bibəl ta Sar̄

⁵¹ Dɔ ndɔ̄ ń kadə̄ ɔrə̄n̄neé Jeju dɔ nang tə́ kɔ̄ɔ́ yā kaw̄ seneé dɔ rā̰ tə́ ní to ngɔr. Anī Jeju utə̄ kumən njarara ba un róbə ta kaw̄ Jerusalem.

Bible sar

⁵¹ Dɔ ndɔ̄ ń kadə̄ ɔrə̄n̄neé Jeju dɔ nang tə́ kɔ̄ɔ́ yā kaw̄ seneé dɔ rā̰ tə́ ní to ngɔr. Anī Jeju utə̄ kumən njarara ba un róbə ta kaw̄ *Jerusalem.

Najə̄ kə́ Majə yā Jeju ń Luk ndang ní 9:51 Referans Kwoze

MARK 16:19

Gō tə́ dan ń Kɔ́ɔ̄ɓē Jeju ɔr̄ najə̄ sedə́ oy anī, un aw̄n̄ seneé dɔ rā̰ tə́, adə̄ ndi dɔ jī ko̰ Nə́ɓā tə́.

Najə̄ kə́ Majə yā Jeju ń Luk ndang ní 18:31

Gō tə́ anī, Jeju ɔy ngé kə́ kutə gidə i jōó gə̄ ní seneé ba ədadə́ na: Á̰a̰ī, j-āwī i ta kə́ Jerusalem. Yá̰a̰ gə̄ malang ń ngé koō ta gə̄ ndangən̄ sɔɔ̄ dɔ Ngōn̄ Deē ní a reēn̄ yā kudə gírí.

Najə̄ kə́ Majə yā Jeju ń Luk ndang ní 13:22

Anī Jeju aw̄ kə̄ ɓē kə́ bo gə̄ tə́ ō, kə̄ ɓē kə́ dūú gə̄ tə́ ō, a ndóoń de gə̄ yá̰a̰ dɔɔ́ dɔɔ́ ta kaw̄ kə̄ Jerusalem.

Najə̄ kə́ Majə yā Jeju ń Luk ndang ní 17:11

Dan ń noō tə́ ní Jeju a un róbə mbā yān ta kaw̄ Jerusalem, aw̄ mān̄ dɔ nin̄ nang kə́ Samari nin̄ kə Galile tə́.

1 PIYER 3:22

Jeju ngeé ń toō aw̄ dɔ rā̰ tə́ ba ndi dɔ jī ko̰ Nə́ɓā tə́. Ni-ndi noó o̰o̰ń ɓē dɔ de kə́ dɔ rā̰ tə́ gə̄ tə́ ō, dɔ ngé ko̰o̰ ɓē kə́ rang gə̄ kə́ dɔ rā̰ tə́ ō, dɔ ngé tɔ́gə gə̄ kə́ dɔ rā̰ tə́ ō.

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

HEBƏRO 6:20

i loo ń noō n Jeju udə tū tə́ kété nojí tə́ tām̄ yājí tə́ ní. Ni-tél ngol ngé tun̄ yá̰a̰ gə̄ kə́ ngándáńg i kə gō jī loo rāā kəla yā Melkisedek ní.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

EPEJƏ 1:20

ni-ɔjə kə̄ ndágá dan ń ndóləń Jeju Kərist dan de kə́ koy gə̄ tə́, ba aw̄ń seneé aw̄ əndān dɔ jī ko̰n tə́ dɔ rā̰ tə́ ní.

KƏLA RĀĀ 1:9

Dan ń ni-ədadə́ yá̰a̰ gə̄ ń toō oy anī, ḭḭ ta kumdə́ tə́ ɗil ta kaw̄ kə̄ dɔ rā̰ tə́. Gō tə́ anī kil̄ man̄ kógə̄ḿ reē utə̄ dɔn kɔ̄ɔ́ ɔgə̄də́ ka̰a̰n.

KƏLA RĀĀ 1:2

bátə́ m-ūgəń dɔ ngé kə́ ndɔ̄ ń un aw̄n̄neé seneé dɔ rā̰ tə́ ní. Kété pá tá kadə̄ ni-aw̄ ní, ɔjə ngámbang kəla gə̄ ń ni-gə̄rādə́ ní yá̰a̰ gə̄ kə ta kūl̄ tɔ́gə yā Ndíĺ kə́ Táĺ.

JA̰A̰ 17:11

Mā i dɔ nang tə́ to̰ alé, banī nin̄ i dɔ nang tə́ ō mā m-ā m-āw̄ kə̄ rɔ̄í tə́ ō. Bɔbə́ḿ kə́ táĺ, ī-ngɔ̄m̄də́ kə ta kūl̄ rīí ń ādə̄m̄ ní, yā kadə̄ nin̄ i kógə̄ḿ tītə̄ ń mā ō ḭ̄ ō jḭḭ i kógə̄ḿ ní.

JA̰A̰ 16:28

M-ḭ́ḭ i rɔ̄ Bɔbə̄ Ngōn̄ tə́ n m̄-reē dɔ nang tə́ ní. Ba ngɔlaā ní m-ā m-ə́ya̰ dɔ nang, ba m-ā m-āw̄ rɔ̄ Bɔbə̄ Ngōn̄ tə́.

JA̰A̰ 16:5

Ngɔlaā m-ā m̄-tél yā kaw̄ kə̄ rɔ̄ nge ń əlam̄ tə́ ní, ba deē kógə̄ḿ dansí tə́ kə́ dəjem̄ na ké ā āw̄ i kə̄ rá wa ní gətóo.

JA̰A̰ 13:1

Kété no nāā Pákə tə́ ní, Jeju ger̄ kadə̄ kum mbang yān asə. I mbang ń kadə̄ əya̰ń de kə́ dɔ nang tə́ gə̄ ba aw̄ń rɔ̄ Bɔbə̄n tə́ ní. Ni ń tár deē yān gə̄ kə́ dɔ nang tə́ kə dɔ ndɔ̄ gə̄ ní, táŕdə́ mbóńg ta tɔ̄l̄ tə́.

JA̰A̰ 6:62

Ba ré á̰a̰ī Ngōn̄ Deē aw̄ ndi dɔɔ́ loo ndin kə́ kété tə́ ní ā ī-rāāī i ba̰ý?

Najə̄ kə́ Majə yā Jeju ń Luk ndang ní 24:51

Ba dan ń ni a tɔ́r̄ tan dɔdə́ tə́ tītə̄ ń noō ní anī, ɔr̄ rɔ̄n rɔ̄də́ tə́ ba aw̄n̄ seneé dɔ rā̰ tə́.

Najə̄ kə́ Majə yā Jeju ń Luk ndang ní 19:28

Dan ń Jeju ɔr̄ najə̄ tītə̄ ń noō oy anī, nəkɔ́ əsō nodə́ tə́ kété ta kaw̄ kə̄ Jerusalem.

Najə̄ kə́ Majə yā Jeju ń Luk ndang ní 19:11

Dan ń de gə̄ a oōn̄ najə̄ ngeé ń toō ní anī, Jeju ədadə́ kūjə́ najə̄ kógə̄ḿ ɓáý to̰, tɔdɔ̄ ni a əndā dɔ ɓē kə́ Jerusalem ngɔr, tá nin̄-gírə̄n̄ kadə̄ Ɓē ko̰o̰ yā Nə́ɓā a teē hɔy i kə̄ ta jī tə́ noō ō.

Najə̄ kə́ Majə yā Jeju ń Luk ndang ní 12:50

I yá̰á̰ kógə̄ḿ kə́ kadə̄ rāām̄ ō, kemḿ ndi i kə sōlōó kekəre bátə́ kadə̄ yá̰á̰ ní rāām̄ pá tá ō.

2 MBAN̄G 2:11

Nin̄ wálə̄n̄ najə̄ dɔɔ́ dɔɔ́ a aw̄n̄neé anī, púsə hor kógə̄ḿ kə sə́nda hor gēé kēgə̄ndə́ naā tə́. Eli aw̄ dɔ rā̰ tə́ dan nél māĺ tə́.

PILIPƏ 3:14

I beé n m-a̰yń ngɔ̄də̄ kum kə̄ loo kə́ yā dəba tū tə́ tə́, yā kadə̄ m-ə́ngeń yá̰a̰ kəndā nja ń Nə́ɓā ɓāŕjí kə ta kūl̄ Jeju Kərist, yā kadə̄ j-aw̄ j-əngeī dɔɔ́ nú ní.

Najə̄ kə́ Majə yā Jeju ń Luk ndang ní 9:57

Dan ń nin̄ i róbó anī deē kógə̄ḿ əda Jeju na: Ká āw̄ i kə̄ rá gə̄gē anī, m-ā m-ún gōí.