Najə̄ kə́ Majə yā Jeju ń Luk ndang ní 9:48 - Bibəl ta Sar̄

⁴⁸ ba ədadə́ na: Deē ń əhɔ ngōn̄ kə́ dūú ń toō kə̄ rɔ̄n tə́ najə̄ yāḿ mā tə́ ní, əhɔm̄ i mə̄kɔ́ kə̄ rɔ̄n tə́. Ba deē ń əhɔm̄ kə̄ rɔ̄n tə́ ní, əhɔ i deē ń əlam̄ mā ní kə̄ rɔ̄n tə́. Tɔdɔ̄ i deē ń dūú tɔȳsí malang ní n i de kə́ bo tɔȳsí malang ní.

Bible sar

⁴⁸ ba ədadə́ na: Deē ń əhɔ ngōn̄ kə́ dūú ń toō kə̄ rɔ̄n tə́ najə̄ yāḿ mā tə́ ní, əhɔm̄ i mə̄kɔ́ kə̄ rɔ̄n tə́. Ba deē ń əhɔm̄ kə̄ rɔ̄n tə́ ní, əhɔ i deē ń əlam̄ mā ní kə̄ rɔ̄n tə́. Tɔdɔ̄ i deē ń dūú tɔȳsí malang ní n i de kə́ bo tɔȳsí malang ní.

Najə̄ kə́ Majə yā Jeju ń Luk ndang ní 9:48 Referans Kwoze

Najə̄ kə́ Majə yā Jeju ń Luk ndang ní 14:11

Tɔdɔ̄ deē ń ɔsə rɔ̄n kə̄ dɔɔ́ anī, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

1 PIYER 5:6

I beé ní, ī-téliī kə rɔ̄sí kə̄ nang tə́ gíŕ jī Nə́ɓā kə́ tɔ́gə jīn i ngá̰ý tə́, yā kadə̄ ré ndɔ̄ ń ni-ɔjə ní ugə̄ anī, ni-ɔsəńsí kə̄ dɔɔ́.

Najə̄ kə́ Majə yā Jeju ń Luk ndang ní 22:26

Yāsí sḭḭ̄ i tītə̄ ń noō alé, ba kadə̄ deē ń i kə́ bo ngá̰ý dansí tə́ ní a kɔ́ɔ̄ tél to tītə̄ de kə́ dūú ngá̰ý dansí tə́, kadə̄ nge ń ndi ngār dɔ madə̄n gə̄ tə́ ní tél to tītə̄ ngōn̄ nge kəla kə́ karī ō.

JA̰A̰ 13:20

Ādə̄ m-ə́dásí najə̄ kə́ bo ngá̰ý, deē ń əhɔ deē ń m-ə́lan ní kə̄ rɔ̄n tə́ ní, əhɔm̄ i mā nəkɔ́ kə̄ rɔ̄n anī. Ba deē ń əhɔm̄ kə̄ rɔ̄n tə́ ní, əhɔ i nge ń əlam̄ ní kə̄ rɔ̄n tə́.

Najə̄ kə́ Majə yā Jeju ń Luk ndang ní 10:16

Jeju əda ngé ndóō yá̰a̰ yān gə̄ ɓáý to̰ na: Deē ń oō najə̄ tasí tə́ ní kɔ́ɔ̄ oō najə̄ i taḿ mā tə́ ō, deē ń mbātə́sí ní kɔ́ɔ̄ mbātə́m̄ i mā ō. Ba deē ń mbātə́m̄ mā ní kɔ́ɔ̄ mbātə́ i deē ń əlam̄ mā ní.

JEJU TEĒ KUM JA̰A̰ 3:21

Deē ń a tetə rɔ̄ɔ̄ anī m-ā m-ādə̄ a ndi seḿ dɔ kōr̄ kāgə̄ mbang yāḿ tə́, tītə̄ ń mə̄kɔ́ m̄-tetəń rɔ̄ɔ̄ á m̄-ndiń kə Bɔbə́ḿ dɔ kōr̄ kāgə̄ mbang yān tə́ ō ní.

1 TESALONIK 4:8

Adə̄ deē ń mbātə́ yá̰a̰ ń j-ɔjəsí toō ní, mbātə́ i deē ndul alé, banī mbātə́ i Nə́ɓā kə́ nge kadə̄sí Ndíĺ kə́ Táĺ yān.

JA̰A̰ 14:21

Deē ń ngɔ̄m̄ gō míndə́ḿ gə̄ ō, rāā yá̰a̰ gə̄ ń gō míndə́ḿ əda ō ní, i deē ń noō n tárəm̄ ni. Bɔbə́ḿ a tár deē ń tárəm̄ ní. M-ā m̄-tárən ō, m-ā m̄-rāā kadə̄ a a̰a̰m̄ ō.

Najə̄ kə́ Majə yā Jeju ń Luk ndang ní 22:30

Ā ə́saī yá̰a̰ dɔ yāḿ tə́ ō, ā ā̰yī seḿ ō, kem Ɓē ko̰o̰ yāḿ tə́, tá ā ī-ndiī dɔ kōr̄ kāgə̄ mbang gə̄ tə́ yā gāngəń sarya dɔ gír ɓē kə́ kutə gidə i jōó gə̄ yā ngán Israel gə̄ tə́ ō.

Najə̄ kə́ Majə yā Jeju ń Luk ndang ní 7:28

Ādə̄ m-ə́dásí, dan de gə̄ malang ń dəyá̰ gə̄ ojən̄də́ tə́ ní, ni kógə̄ḿ kə́ bo tɔȳ Ja̰a̰ gətóo. Ɓá tā ba de kə́ dūú ngá̰ý kə́ kem Ɓē ko̰o̰ yā Nə́ɓā tə́ bo tɔȳn.

MARK 9:37

Náā nəkɔ́ ń a əhɔ ngōn̄ kə́ tītə̄ nge ń toō kə̄ rɔ̄n tə́ najə̄ yāḿ tə́ anī, i ngarān̄g kumḿ mā nəkɔ́ ń əhɔ kə̄ rɔ̄n tə́ noō. Tá deē ń əhɔm̄ kə̄ rɔ̄n tə́ ní, əhɔm̄ i mā alé, banī i nge ń əlam̄ ní n kɔ́ɔ̄ əhɔn kə̄ rɔ̄n tə́ ní.

MATIYE 25:45

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ aĺ ní, ī-mbātíī i rāā seḿ mā nəkɔ́.

MATIYE 25:40

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ ní, ī-rāāī i seḿ mā nəkɔ́.

MATIYE 19:28

Jeju tél ədadə́ na: Ādə̄ m-ə́dásí najə̄ kə́ bo ngá̰ý, dan ń yá̰a̰ gə̄ malang a télən̄ kə́ kijə á Ngōn̄ Deē a ndi dɔ kōr kāgə̄ mbang yān kə́ to kɔsə gɔn tə́ anī, sḭḭ̄ gə̄ ń úniī gōḿ ní, a ī-ndiī dɔ kōr kāgə̄ mbang kə́ kutə gidə i jōó gə̄ tə́ yā gāngəń sarya dɔ gír ɓē kə́ kutə gidə i jōó gə̄ yā ngán Israel gə̄ tə́.

MATIYE 18:14

I tītə̄ ń noō kə Bɔbə̄sí kə́ ndi dɔ rā̰ tə́. Ni gḛy kadə̄ ngáń kə́ dūú gə̄ ń toō ní, ta nge kə́ kógə̄ḿ tḭ̄ḭ̄ alé.

MATIYE 18:10

Ngáń kə́ dūú gə̄ ń toō ní ī-lōōī kídə̄ nge kógə̄ḿ dandə́ tə́. Tɔdɔ̄ ādə̄ m-ə́dásí, dɔ rā̰ tə́ ní deē yādə́ kə́ dɔ rā̰ tə́ gə̄ a ran̄ ta kum Bɔbə́ḿ kə́ ndi dɔ rā̰ tə́ tə́ i ngándáńg.

Gōsə̄ najə̄ gə̄ 18:12

Dan ń deē nujə sák sák aĺ ɓáý ní ni ɔjə rɔ̄n ngá̰ý, sɔl̄ dɔ i kété pá tá kɔsə gɔn utə̄ gō.

JEJU TEĒ KUM JA̰A̰ 21:14

Nja ndogə̄ mbal̄ ní i kutə gidə i jōó ba ndangən̄ rī ngámbang kəla kə́ kutə gidə i jōó gə̄ yā Ngōn̄ batə̄ tū njan gə̄ ní tə́.