Najə̄ kə́ Majə yā Jeju ń Luk ndang ní 9:41 - Bibəl ta Sar̄

⁴¹ Anī Jeju əda na: Sḭḭ̄ de kə́ kōnīí laā kə́ ngé taā kem aĺ gə̄, kə́ ngé rāā yá̰a̰ majaĺ gə̄, kə m̄-ndi sesí ō, kə m̄-tə́gā taḿ dɔsí tə́ ō i bátə́ ta kə́ rá? Gō tə́ anī ni-tél əda dəngam ní na: Ī-reē kə ngōnīí ní kə̄ laā.

Bible sar

⁴¹ Anī Jeju əda na: Sḭḭ̄ de kə́ kōnīí laā kə́ ngé taā kem aĺ gə̄, kə́ ngé rāā yá̰a̰ majaĺ gə̄, kə m̄-ndi sesí ō, kə m̄-tə́gā taḿ dɔsí tə́ ō i bátə́ ta kə́ rá? Gō tə́ anī ni-tél əda dəngam ní na: Ī-reē kə ngōnīí ní kə̄ laā.

Najə̄ kə́ Majə yā Jeju ń Luk ndang ní 9:41 Referans Kwoze

NDŪ NAJƏ̄ 32:5

Ta kumən tə́ ɓáa sḭḭ̄ i yá̰á̰ kə́ nujə kɔ̄ɔ́ gə̄. Sḭḭ̄ i ngánən gə̄ to̰ alé sɔɔ̄ń majaĺ yāsí. Sḭḭ̄ i ngáń kə́ nujə kɔ̄ɔ́ gə̄, ī-tɔ̄ɔ̄ī kɔ̄ɔ́ gō róbə́ kə́ súmūú tə́.

JA̰A̰ 20:27

Gō tə́ anī ni-tél əda Toma na: Əla ta ngōn̄ jīí kə̄ laā ō, á̰a̰ jīḿ gə̄ ō. Ī-reē kə jīí kə̄ kété laā ə́la kadəḿ tə́. Ī-lōō gír taā kem aĺ tə́ ba ī-taā kem.

JA̰A̰ 14:9

Jeju ədan na: Pilipə, m̄-ndi sesí dan i ngá̰ý, ba ī-gerə̄m̄ aĺ a? Deē ń a̰a̰m̄ ní, a̰a̰ i Bɔbə́ḿ. I ba̰ý á ə́da na kə m-ɔ́jə́sí kə Bɔbə́ḿ ní?

MARK 9:19

Anī Jeju tél ədadə́ na nin̄ i gír kojə kə́ taā kem aĺ gə̄, ké i bátə́ ta kə́ rə́ngáý tə́ n kadə̄ n-ndiń sedə́ ō, kə n-tə́gań tan dɔdə́ tə́ ō ní wa. Əda na kə reēn̄ kə ngōn̄ ní rɔ̄n tə́ laā.

MATIYE 17:17

Anī Jeju un najə̄ ɔr̄, əda na: Sḭḭ̄ de kə́ majaĺ gə̄ ō, kə́ ngé taā kem aĺ gə̄ ō, kə m̄-ndi sesí i bátə́ rə́ngáý tə́? Kə m̄-tə́gā taḿ dɔsí tə́ i bátə́ rə́ngáý tə́? Ī-reēī kə ngōnōó laā ādə̄mī.

HEBƏRO 7:25

I tām̄ najə̄ ń toō tə́ n ngé gə̄ ń ndɔ́tə̄n̄ kə̄ rɔ̄ Nə́ɓā tə́ kə ta kūl̄neé ní, ni asə kajədə́ ngándáńg ní. Tɔdɔ̄ ni-ndi kə kumneé ngándáńg yā ndɔ̄ȳ Nə́ɓā tām̄ yādə́ tə́.

HEBƏRO 4:11

I beé ní, adə̄ j-əhɔī rɔ̄jí ba j-udiī tū kɔr̄ koō ngeé ń toō tə́. Jə-rāāī adə̄ deē kógə̄ḿ danjí tə́ mbātə́ najə̄ tītə̄ yā kaají gə̄ alé, na sōgə́ deē ní nal̄ ta róbə́ kə́ yā kudəń tū kɔr̄ koō ní tə́.

HEBƏRO 4:2

Tɔdɔ̄ jḭḭ̄ j-oōī Najə̄ kə́ Majə tītə̄ yā ngé kə́ kem dəla loo tə́ gə̄. Nin̄-oōn̄ najə̄, ba najə̄ ń oōn̄ ní rāā yá̰á̰ kógə̄ḿ tām̄ yādə́ tə́ alé. Tɔdɔ̄ dan ń nin̄-oōn̄ ní, taān̄ kem alé.

HEBƏRO 3:19

Ba j-a̰ā̰ī kadə̄ nin̄-asən̄ kugə̄ tū kɔr̄ koō ní tə́ alé, tɔdɔ̄ nin̄-taān̄ kem alé.

Makətūbə̄ ń Pol ndang adə̄ Rom gə̄ ní 2:4

Aké ī-kídə̄ i Nə́ɓā ń a rāā kem majə ngá̰ý ō, a tə́gā tan dɔ yá̰a̰ gə̄ tə́ ō, a əre wurən njam dɔ tə́ ō ní ḿ? Ī-ger̄ kadə̄ kem majə ń Nə́ɓā a rāā ní i kadə̄ ī-tūrəń hálí aĺ a?

KƏLA RĀĀ 13:18

Ni ətōdə́ kem dəla loo tə́ asə ɓāl̄ kutə sɔ́.

KƏLA RĀĀ 2:40

Piyer ɔr̄ najə̄ kə́ rang gə̄ ngá̰ý sedə́ loo de kə́ kum yá̰á̰ tə́ tə́ ɔjəńdə́ yá̰a̰ kadə̄ gerə̄n̄ ō, mēr̄də́ kəhɔ rɔ̄də́ tɔgə ō ədadə́ na: Ī-ndigiī yá̰á̰ ń i kajə ní ādə̄ ajən̄sí, loo ń noō tə́ ā ī-teēī kɔ̄ɔ́ dan gír de kə́ tadə́ tḭ̄ḭ̄ kɔ̄ɔ́ gə̄ ń toō tə́!

Najə̄ kə́ Majə yā Jeju ń Luk ndang ní 8:25

Gō tə́ anī Jeju əda ngé ndóō yá̰a̰ yān gə̄ na ké taā kem yādə́ n ké to rá wa. Banī ɓōĺ rāādə́ ō, ɔr kumdə́ ngá̰ý ō. Anī nin̄-ədan̄ naā dɔ dáńdə́ tə́ na ké deē nəkɔ́ ń toō i náā áké əndā dɔ néĺ tə́ ō, man̄ tə́ ō, adə̄ oōn̄ tan beé wa.

MATIYE 16:4

Gír de kə́ majaĺ gə̄ ō, kə́ ngé kəhɔ gō Nə́ɓā aĺ gə̄ ō, kə́ ngɔlaā gə̄ sāān̄ ka̰a̰ yá̰á̰ kə́ yáā, banī a rāān̄ yá̰á̰ kə́ yáā kə́ rang yā kadə̄də́ alé, i yā Jonas tá ngóy. Gō tə́ anī ni-əya̰də́, ba ɔtə aw̄.

MATIYE 12:39

Jeju tél ədadə́ na: De kə́ ngɔlaā gə̄ ń i de kə́ majaĺ gə̄ ō, i ngé kəhɔ gō Nə́ɓā aĺ gə̄ ō ní, dəjen̄ yá̰á̰ kə́ to kɔr kum a? A ɔjə̄n̄də́ yá̰á̰ kə́ to kɔr kum kə́ rang alé, ba i yā Jonas nge koō ta ngóy.

MATIYE 3:7

Dan ń Ja̰a̰ a̰a̰ Parijiyḛ gə̄ ngá̰ý ō, Sadusiyḛ gə̄ ngá̰ý ō, reēn̄ rɔ̄n tə́ kadə̄ n-rāādə́ batém anī ədadə́ na: Sḭḭ̄, gír kaa lī kakə́m gə̄, wōn̄g yā Nə́ɓā ń a reē ní, i náā n ɔjəsí loo ka̰ȳ ta tə́ kɔ̄ɔ́ ní?

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

PĀ GƏ̄ 78:8

Ɓáa nin̄ a ton̄ tītə̄ kaadə́ gə̄ alé. Kaadə́ gə̄ i ngé dɔ ngan̄g gə̄ ō, ngé mbātə́ najə̄ gə̄ ō, ngé kem jōó gə̄ ō, ngé ra dɔ ndūdə́ tə́ kə Nə́ɓāá aĺ gə̄ ō.

2 MBAN̄G 5:8

Dan ń Elije oō kadə̄ mban̄g kə́ Israel tə́ na rə̄yā̰ kūbə̄ kə́ rɔ̄n tə́ anī, əla əda mban̄g na: Ī-rə̄yā̰ kūbə̄ yāí i najə̄ rí tə́? Ādə̄ Naaman reē looḿ laā, na a ger̄ kadə̄ nge koō ta kógə̄ḿ ndi dɔ nang kə́ Israel tə́!

TƏ́DA 14:27

Ngán Israel gə̄ kə́ ngé ta majaĺ gə̄ ń toō a asədə́ tam̄ seḿ i rə́ngáý tə́?

TƏ́DA 14:11

Kɔ́ɔ̄ɓē əda Moijə na: I ndɔ̄ kə́ rá tə́ n a asə gír de gə̄ toō mbātə́m̄ ní? m̄-rāā yá̰á̰ kə́ yáā gə̄ malang kə́ ɔjən̄ tɔ́gə́ḿ kə̄ ndágá dɔ dáńdə́ tə́, ba i rə́ngáý tə́ n a ənīn̄ kemdə́ yā kadə̄m̄ ní?

Teē Ngán Israel gə̄ 16:28

Kɔ́ɔ̄ɓē əda Moijə na yá̰a̰ gə̄ ń n-əndā dɔdə́ tə́ kadə̄ rāān̄ ō, yá̰a̰ gə̄ ń ndū najə̄ yān gə̄ ədan̄ kadə̄ rāān̄ ō ní ké a mbātə́n̄ rāā i ta kaw̄ rə́ngáý tə́ wa.

Teē Ngán Israel gə̄ 10:3

Moijə nin̄ kə Aaro̰ aw̄ əngen̄ Parao̰ ədanən̄ na Kɔ́ɔ̄ɓē Nə́ɓā yā Hebəro gə̄ əda na ké i ndɔ̄ kə́ rá tə́ n ké dɔn a tetəń ní wa. Kə əya̰ gír deē yān gə̄ kadə̄ aw̄ rāān̄ kəla adə̄nən̄.

MARK 10:49

Anī Jeju dəba, ba əda na kə ɓāŕnən̄. Nin̄-ɓārə́n̄ nge kum tɔ̄ɔ̄ ní, ba ədanən̄ na kə əhɔ rɔ̄n tɔgə, kə ḭḭ dɔɔ́, na Jeju a ɓārə́n.

MARK 10:14

Dan ń Jeju a̰ā̰ anī, nelə̄n alé, adə̄ ni-ədadə́ na: Əya̰ī ngáń kə́ dūú gə̄ ādī reēn̄ kə̄ rɔ̄ḿ tə́, ba ī-lōōī kɔgə̄də́ reē, tɔdɔ̄ i de kə́ tītə̄də́ beē gə̄ n Ɓē ko̰o̰ yā Nə́ɓā i tām̄ yādə́ tə́ ní.

MATIYE 23:36

Ādə̄ m-ə́dásí najə̄ kə́ bo ngá̰ý, yá̰a̰ gə̄ ń noō malang a télən̄ yā kəsō dɔ de kə́ ngɔlaā gə̄ tə́.

MATIYE 12:45

Anī ɔtə aw̄ sāā ndíĺ kə́ majaĺ ngá̰ý tɔȳn gə̄ sīrí reē sedə́, adə̄ rāān̄ ɓē seneé kem kújə́ ní tə́. Loo ń noō tə́ dəngam ní ndi majaĺ ngá̰ý ta tɔ̄l̄ ta tə́ tɔȳ ndin kə́ kété.

MATIYE 11:28

Sḭḭ̄ gə̄ ń kɔr rāāsí tām̄ yá̰á̰ kə́ ɔȳ gə̄ ń ə̄tōī tə́ ní, ī-reēī kə̄ rɔ̄ḿ tə́ malang, anī m-ā m-ādə̄ ā ɔ̄rī koō.

Najə̄ kə́ Majə yā Jeju ń Luk ndang ní 9:40

m̄-rāā ngé ndóō yá̰a̰ yāí gə̄ ɓɔ́ kadə̄ tə̄ɓānən̄ banī dum̄də́ kɔ̄ɔ́.

Najə̄ kə́ Majə yā Jeju ń Luk ndang ní 9:42

Ngōn̄ a reē kə̄ rɔ̄n tə́ ɓáý anī ndíĺ kə́ yḛr ní un ənīn nang tə́ tul ō, rāān adə̄ dā̰n ndām̄ ngangan ō. Banī Jeju ndán̄g ndíĺ kə́ yḛr ní ba rāā adə̄ ngōn̄ ní adə̄ rɔ̄n ngan̄g ō, tél adə̄n kə bɔbə̄neé gogə́ ō.