Najə̄ kə́ Majə yā Jeju ń Luk ndang ní 9:38 - Bibəl ta Sar̄

³⁸ Anī deē kógə̄ḿ dan kósə de gə̄ tə́ un ndūn kə̄ dɔɔ́ ngá̰ý ɔrə̄ń najə̄ əda na: Ngoljí, m̄-rāāī ɓɔ́ ba ə̄nī kumií dɔ ngōnə̄ḿ tə́, tɔdɔ̄ ni i ngōnə̄ḿ kə́ kal kógə̄ḿ beē!

Bible sar

³⁸ Anī deē kógə̄ḿ dan kósə de gə̄ tə́ un ndūn kə̄ dɔɔ́ ngá̰ý ɔrə̄ń najə̄ əda na: Ngoljí, m̄-rāāī ɓɔ́ ba ə̄nī kumií dɔ ngōnə̄ḿ tə́, tɔdɔ̄ ni i ngōnə̄ḿ kə́ kal kógə̄ḿ beē!

Najə̄ kə́ Majə yā Jeju ń Luk ndang ní 9:38 Referans Kwoze

JA̰A̰ 4:47

Ni oō kadə̄ Jeju ḭḭ Jude ba ugə̄ Galile anī, aw̄ rɔ̄n tə́ ba rāān ɓɔ́ kə reē kə rāā kadə̄ rɔ̄ ngōnən ngáā, tɔdɔ̄ to na i kə̄ ta yo tə́.

Najə̄ kə́ Majə yā Jeju ń Luk ndang ní 7:12

Dan ń ni-ugə ngɔr kə̄ ta róbə kə́ yā kudəń kə̄ kem ɓēé tə́ anī, de gə̄ teēn̄ kem ɓēé kə nīń kógə̄ḿ yā kaw̄ dubə̄. Deē ń oy ní i ngōn̄ kə́ kal kógə̄ḿ beē kə́ jī dəyá̰ kə́ ngaan oy tə́. Adə̄ kósə de kə́ kem ɓēé gə̄ kə́ to ɓōĺ ngá̰ý gə̄ a dānə̄n̄ dəyá̰ ní.

JAKARI 12:10

M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.

MATIYE 15:22

Anī dəyá̰ Kanaan kógə̄ḿ kə́ ndi dām̄ loo ngeé ń noō tə́ reē rɔ̄n tə́, nōō rɔ̄n, ni-əga kɔŕ ədań na: Kɔ́ɔ̄ɓē, ngōn̄ kaa Dabid, á̰a̰ kum tō ndoō yāḿ tə́! Ndíĺ kə́ majaĺ kógə̄ḿ rāā kum ngōnə̄ḿ kə́ dəyá̰ ndoō tə́, adə̄ a̰a̰ woy woy ngá̰ý!

TA KƏLA 44:20

Anī jə-tél j-ədaī na ɓə́ga bɔbə̄jí na ndi noó ō, na ngōkó̰ó̰jí kə́ dūú kə́ bɔbə̄jí ojən dɔ ɓə́gan tə́ na ndi noó ō. Ngōkó̰ó̰jí ní tá na kem kó̰o̰ madə̄n na oy kɔ̄ɔ́, na̰y na i nəkɔ́ kə kérneé adə̄ bɔbə̄jí na tárən ngá̰ý.

Najə̄ kə́ Majə yā Jeju ń Luk ndang ní 9:37

Teē kə ndɔ̄ kə́ noō dan ń nin̄-risən̄ kɔ̄ɔ́ dɔ mbalá anī kósə de kə́ ngá̰ý gə̄ ɔjən̄ no Jeju.

Najə̄ kə́ Majə yā Jeju ń Luk ndang ní 9:39

Ni-ndi ɓáa ndíĺ kógə̄ḿ a ɔsə seneé, adə̄ ḭḭ rétə́ gēé ɓáa a tə́gā kɔŕ ō, ndíĺ ní rāān adə̄ dā̰n a ndām̄ ngangan ō, tan əɓa húūlú mbuk mbuk ō, kem ndíĺ ní ngəra loo teē tə́ kɔ̄ɔ́ kemən tə́ ō, ré əya̰n ɓáa ngōn̄ ní tél a to i ragəja kɔ̄ɔ́ ō.