Najə̄ kə́ Majə yā Jeju ń Luk ndang ní 9:32 - Bibəl ta Sar̄

³² Piyer nin̄ kə madə̄n gēé ɓīīn̄ kə́ oyn̄ mámák kɔ̄ɔ́. Banī nin̄-ndólə̄n̄ anī a̰a̰n̄ kɔsə gɔn yā Jeju ō, de kə́ jōó gə̄ ń ran̄ rɔ̄n tə́ ní ō.

Bible sar

³² Piyer nin̄ kə madə̄n gēé ɓīīn̄ kə́ oyn̄ mámák kɔ̄ɔ́. Banī nin̄-ndólə̄n̄ anī a̰a̰n̄ kɔsə gɔn yā Jeju ō, de kə́ jōó gə̄ ń ran̄ rɔ̄n tə́ ní ō.

Najə̄ kə́ Majə yā Jeju ń Luk ndang ní 9:32 Referans Kwoze

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

DANIEL 8:18

Dan ń a ɔr̄ najə̄ seḿ ní kumḿ i kə́ m̄-sébə nang tə́ kɔ̄ɔ́ ō, m̄-ɓīī ɓīī kógə̄ḿ kə́ m-óý mámák kɔ̄ɔ́ ō. Ni-ɔdəm̄ ba un udəm̄ dɔɔ́ gogə́.

DANIEL 10:9

Deē ní ɔr̄ najə̄ adə̄ m-ōō ndūn. Ba ndūn ní rāām̄ adə̄ m̄-teē m-ə̄sō m̄-sébə kumḿ nang tə́ m̄-ɓīī ɓē kógə̄ḿ kə́ m-óý mámák kɔ̄ɔ́ ō.

2 PIYER 1:16

Tɔdɔ̄ j-əndā tɔ́gə́jí i dɔ súū gə̄ kə́ de gə̄ ɔrə̄n̄ kə kum kedēé ngá̰ý tə́ n j-ɔjəńsí najə̄ reē kə́ kə tɔ́gɔ́ ngá̰ý yā Kɔ́ɔ̄ɓē yājí Jeju Kərist ní alé, banī jḭḭ kɔ́ gə̄ j-a̰a̰n kə kumjí dan ń ni-ndə́leń ngá̰ý tə́ ní.

JA̰A̰ 17:24

Bɔbə́ḿ, m̄-gḛy kadə̄ loo ń mā i tū tə́ ní, ngé gə̄ ń ḭ̄ ādə̄m̄ sedə́ ní nin̄ i tū tə́ seḿ ō, yā kadə̄ a̰ā̰n̄ kɔsə gɔn yāḿ ń ādə̄m̄ ní. Tɔdɔ̄ ḭ̄ ī-tárəm̄ kété pá tá kadə̄ ī-rāā dɔ rā̰ ō dɔ nang ō ɓáý.

IJAI 60:19

Ā ī-sāā i mbang yā ka̰a̰ń loo kadaá to̰ aĺ ō, i nāā yā ka̰a̰ń loo ndɔ̄ɔ́ to̰ aĺ ō. Mā Kɔ́ɔ̄ɓē Nə́ɓā yāí, m-ā m̄-tél loo kə́ unjə̄ kow kə́ ta tɔ̄l̄ tan gətóo tām̄ yāí tə́ ō, m-ā m̄-rāā kadə̄ á̰a̰ loo kə́ unjə̄ kow ń m-ūnjə̄ ní ō.

1 JA̰A̰ 3:2

Kó tár yāḿ gə̄, ngɔlaā ń toō jḭḭ̄ i ngáń Nə́ɓā, ba jī loo kətojí kə́ ndɔ̄ń tə́ ń j-a jə-toī ní, ɔjən̄ kə̄ ndágá aĺ ɓáý. Jə-gerī kadə̄ ré Kərist a ɔjə rɔ̄n kə̄ ndágá anī, j-a jə-toī tītə̄n. Tɔdɔ̄ j-a j-a̰a̰ī kadə̄ ni a to i kum gotən.

MARK 14:40

Ni-tél reē rɔ̄də́ tə́ ɓáý to̰, ba əngedə́ a ɓīīn̄ i mbée, tɔdɔ̄ kumdə́ i kə ɓīí likəti ngá̰ý, adə̄ gerə̄n̄ najə̄ kə́ yā kədan alé.