Najə̄ kə́ Majə yā Jeju ń Luk ndang ní 9:3 - Bibəl ta Sar̄

³ Ədadə́ na: Dan ń ā āwī anī, ī-lōōī kun yá̰a̰ mbā kə́ tītə̄ kāgə̄ tɔ́sə̄, aláa ngong mbā, aláa mápa yā rāā sádə̄ tə́, aláa nar. Sḭḭ̄ kógə̄ḿ kógə̄ḿ malang ní, ādī deē kógə̄ḿ o̰ō̰ kūbə̄ dɔ naā tə́ jōó alé.

Bible sar

³ Ədadə́ na: Dan ń ā āwī anī, ī-lōōī kun yá̰a̰ mbā kə́ tītə̄ kāgə̄ tɔ́sə̄, aláa ngong mbā, aláa mápa yā rāā sádə̄ tə́, aláa nar. Sḭḭ̄ kógə̄ḿ kógə̄ḿ malang ní, ādī deē kógə̄ḿ o̰ō̰ kūbə̄ dɔ naā tə́ jōó alé.

Najə̄ kə́ Majə yā Jeju ń Luk ndang ní 9:3 Referans Kwoze

Najə̄ kə́ Majə yā Jeju ń Luk ndang ní 22:35

Gō tə́ anī, ni-ədadə́ na: Dan ń m-ə́lásí kanjə̄ ngong nar, aláa sángá, aláa sākə̄rā njasí tə́ ní, ī-nalī yá̰á̰ kógə̄ḿ sḛ́ý a? Nin̄-tél ədan̄ na: Jə-nal̄ yá̰á̰ kógə̄ḿ yḛtə alé.

PĀ GƏ̄ 37:3

Ə̄ndā kemií dɔ Kɔ́ɔ̄ɓē tə́ ba ī-rāā yá̰á̰ kə́ majə, kadə̄ ī-ndiń dɔ nang ń Nə́ɓā adī tə́ ní ō, ə́sań yá̰a̰ ō, kanjə̄ sōl̄ yá̰á̰ kógə̄ḿ.

2 TIMOTE 2:4

Náā nəkɔ́ ń udə áskaraá á sāā rāā yá̰á̰ kə́ nel̄ deē ń unən áskaraá ní, a ɔr̄ kemən kɔ̄ɔ́ dɔ yá̰a̰ rāā de kə́ karī gə̄ tə́.

Najə̄ kə́ Majə yā Jeju ń Luk ndang ní 12:22

Gō tə́ anī Jeju əda ngé ndóō yá̰a̰ yān gə̄ na: I tām̄ najə̄ ń noō tə́ n m-ə́dásí na kə ī-lōōī sōl̄ najə̄ yā yá̰á̰ kə́ kadə̄ ə́saī tə́ tá kadə̄ ī-ndiīneé kə kumsí ō, najə̄ yā kūbə̄ kə́ yā kadə̄ ō̰ō̰ī tə́ ō ní.

Najə̄ kə́ Majə yā Jeju ń Luk ndang ní 3:11

Ni tūr̄ ədadə́ na: Deē ń kūbə̄ yān i jōó anī, ādə̄ adə̄ deē ń nal̄ ní kógə̄ḿ ō, deē ń i kə yá̰a̰ kəsaá ní ādə̄ rāā tītə̄ ń noō ō.

Najə̄ kə́ Majə yā Jeju ń Luk ndang ní 12:28

Sḭḭ̄ ngé taā kem mámák aĺ gə̄ ń toō, ré mu kə́ bembeé gə̄ ń ran̄ ɓōólaā ba bírí anī a ɓōkə́n̄də́ kɔ̄ɔ́ kum hor tə́ ní Nə́ɓā adə̄də́ kūbə̄ kə́ majə tītə̄ ń noō anī, a adə̄sí sḭḭ̄ kadə̄ tɔȳ loo ń noō aĺ a?

Najə̄ kə́ Majə yā Jeju ń Luk ndang ní 5:29

Gō tə́ anī Lebi mēr̄ rāā yá̰a̰ kəsa kə́ ngá̰ý adə̄ Jeju əsa ɓēé looneé. Ngé taā lambóo gə̄ ngá̰ý ō, de kə́ rang gə̄ ō, əsan̄ yá̰a̰ sedə́.

MARK 6:7

Jeju ɓār̄ ngé ndóō yá̰a̰ gə̄ ń nin̄ i deē kutə gidə i jōó ní kə̄ rɔ̄n tə́, ba əladə́ jōó jōó. Ni-adə̄də́ tɔ́gə dɔ ndíĺ kə́ yḛr gə̄ tə́.

Najə̄ kə́ Majə yā Jeju ń Luk ndang ní 9:4

Kújə́ kə́ rá nəkɔ́ ń ā údiī kemeé ní, ī-ndiī tū tə́ bátə́ kadə̄ ḭ́ḭīneé mbā.