Najə̄ kə́ Majə yā Jeju ń Luk ndang ní 9:28 - Bibəl ta Sar̄

²⁸ Asə ndɔ̄ sɔ́sɔ́ gō najə̄ gə̄ ń noō tə́ anī, Jeju un Piyer ō Ja̰a̰ ō Jakə ō aw̄ sedə́ dɔ mbalá yā ndɔ̄ȳ.

Bible sar

²⁸ Asə ndɔ̄ sɔ́sɔ́ gō najə̄ gə̄ ń noō tə́ anī, Jeju un Piyer ō Ja̰a̰ ō Jakə ō aw̄ sedə́ dɔ mbalá yā ndɔ̄ȳ.

Najə̄ kə́ Majə yā Jeju ń Luk ndang ní 9:28 Referans Kwoze

Najə̄ kə́ Majə yā Jeju ń Luk ndang ní 6:12

Dan ngeé ń noō tə́ ní Jeju aw̄ ndɔ̄yɔ̄ɔ́ dɔ mbalá. Ni ndɔ̄ȳ Nə́ɓā bátə́ loo tīī dɔn tə́.

PĀ GƏ̄ 109:4

Nin̄ əndān̄ najə̄ dɔḿ tə́ tām̄ rāā ń m̄-rāā tɔdɔ̄də́ ní, banī mā yāḿ i ndɔ̄ȳ Nə́ɓā.

Najə̄ kə́ Majə yā Jeju ń Luk ndang ní 9:18

Ndɔ̄ kógə̄ḿ tə́ Jeju a ndɔ̄ȳ Nə́ɓā kə kérneé, ba i ngé ndóō yá̰a̰ yān gə̄ ngóy n i seneé, anī ni-dəjedə́ na ké kósə de gə̄ ədan̄ na ni i náā wa.

Najə̄ kə́ Majə yā Jeju ń Luk ndang ní 8:51

Dan ń Jeju ugə̄ ɓē yā ngār kújə́ kán̄ naā tə́ anī, adə̄ de kə́ rang udə kújú seneé alé, banī i Piyer ō, Ja̰a̰ ō, Jakə ō, bɔbə̄ ngōn̄ ō, kó̰o̰ ngōn̄ ō tá ngóy.

MARK 6:46

Loo ń nin̄-aw̄n̄ tītə̄ ń ni ədańdə́ ní anī, ni al̄ dɔ mbalá yā ndɔ̄ȳ.

MARK 1:35

Dəloí ɓatə, kété tá kadə̄ loo gán̄g ní, Jeju ndól̄, ba teē ndágá aw̄ loo kə́ deē gətóo tū tə́ tə́ ndi a ndɔ̄ȳ loo ngeé ń noō tə́.

HEBƏRO 5:7

Dan ń Jeju ndi dɔ nang tə́ laā ní, Nə́ɓā ń asə kajən ta yo tə́ ní, ni-ndɔ̄ȳn ō, rāān ɓɔ́ ō, əga kɔŕ ngá̰ý ō, kə nōó kumən tə́ ō. Ba Nə́ɓā oōn i sɔɔ̄ń koō kə́ ni-oō tan.

2 KORḚNTƏ 13:1

I nja kə́ nge ko̰ mətá n m-ā m-āw̄ kə̄ loosí toō. Tītə̄ ń makətūbə̄ yā Nə́ɓā ədań ní, a gāngə̄n̄ sarya malang i kə gō najə̄ kɔr̄ de kə́ kum tə́ gə̄ jōó, aláa mətá.

Najə̄ kə́ Majə yā Jeju ń Luk ndang ní 3:21

Dan ń rāān̄ de gə̄ malang batém anī, rāān̄ Jeju batém ō. Dan ń Jeju ndi a ndɔ̄ȳ anī, ta dɔ rā̰ teē,

MATIYE 5:1

Dan ń Jeju a̰ā̰ kadə̄ kósə de gə̄ unən̄ gōn anī, aw̄ al̄ dɔ ngōn̄ mbal̄ kógə̄ḿ tə́ ba ndi nang tə́. Ngé ndóō yá̰a̰ yān gə̄ reēn̄ rɔ̄n tə́

MATIYE 14:23

Ba dan ń ni-əda de gə̄ adə̄ aw̄n̄ kɔ̄ɔ́ oy anī, ɔr̄ rɔ̄n aw̄ dɔ mbalá yā ndɔ̄ȳ. Loo tíbə dɔn tə́ loo ń noō tə́ kə kérneé.

Najə̄ kə́ Majə yā Jeju ń Luk ndang ní 5:16

Ba Jeju a ɔr̄ rɔ̄n i kə kérneé i kem loo gə̄ kə́ ɓē gətóo tū tə́ n a ndɔ̄ȳń ní.

JA̰A̰ 6:3

Jeju al̄ dɔ mbal̄ tə́, ba ndi tū tə́ noō kə ngé ndóō yá̰a̰ yān gēé.

2 PIYER 1:16

Tɔdɔ̄ j-əndā tɔ́gə́jí i dɔ súū gə̄ kə́ de gə̄ ɔrə̄n̄ kə kum kedēé ngá̰ý tə́ n j-ɔjəńsí najə̄ reē kə́ kə tɔ́gɔ́ ngá̰ý yā Kɔ́ɔ̄ɓē yājí Jeju Kərist ní alé, banī jḭḭ kɔ́ gə̄ j-a̰a̰n kə kumjí dan ń ni-ndə́leń ngá̰ý tə́ ní.