Najə̄ kə́ Majə yā Jeju ń Luk ndang ní 9:12 - Bibəl ta Sar̄

¹² Banī loo a tíbə i mbée. Adə̄ ngé kə́ kutə gidə i jōó gə̄ reēn̄ rɔ̄n tə́ ba ədanən̄ na: Ə́dá kósə de gə̄ ādə̄ aw̄n̄ kə̄ kem ɓē bo gə̄ tə́ ō, kə̄ kem ngán ɓē gə̄ kə́ gidə tə́ gə̄ tə́ ō, kadə̄ əngen̄ yá̰a̰ tū tə́ əsan̄ ō, əngen̄ loo ton̄neé ō. Tɔdɔ̄ loo ń jə-ndiī tū tə́ toō i loo kə́ ɓē gətóo tū tə́.

Bible sar

¹² Banī loo a tíbə i mbée. Adə̄ ngé kə́ kutə gidə i jōó gə̄ reēn̄ rɔ̄n tə́ ba ədanən̄ na: Ə́dá kósə de gə̄ ādə̄ aw̄n̄ kə̄ kem ɓē bo gə̄ tə́ ō, kə̄ kem ngán ɓē gə̄ kə́ gidə tə́ gə̄ tə́ ō, kadə̄ əngen̄ yá̰a̰ tū tə́ əsan̄ ō, əngen̄ loo ton̄neé ō. Tɔdɔ̄ loo ń jə-ndiī tū tə́ toō i loo kə́ ɓē gətóo tū tə́.

Najə̄ kə́ Majə yā Jeju ń Luk ndang ní 9:12 Referans Kwoze

MATIYE 15:23

Banī Jeju tūr̄ ədan najə̄ kógə̄ḿ alé. Anī ngé ndóō yá̰a̰ yān gə̄ reēn̄ rɔ̄n tə́ ngɔr ba ədanən̄ na: Ādə̄n yá̰á̰ ń a sāā ní ādə̄ aw̄ kɔ̄ɔ́ na utə̄ mbījí ngá̰ý.

OJEE 13:5

Mā m̄-gerī i dəla loo tə́, dɔ nang kə́ loo tū tə́ i kə́ tutə tə́.

JA̰A̰ 6:1

Gō yá̰a̰ gə̄ ń toō tə́ anī, Jeju aw̄ gidə bā bo kə́ Galile tə́ ń rīn kə́ rang na i Tiberiadə ní.

MATIYE 15:32

Jeju ɓāŕ ngé ndóō yá̰a̰ yān gə̄ ba ədadə́ na: Kumḿ o̰o̰m̄ ngá̰ý kə kósə de gə̄ ń toō, tām̄ ndin̄ rɔ̄ḿ tə́ i ndɔ̄ mətá kɔ̄ɔ́ ō, yá̰a̰ kəsa yādə́ gətóo ō, adə̄ m̄-gḛy kəya̰də́ kadə̄ aw̄n̄ ɓēé kanjə̄ kəsa yá̰a̰ alé, na sōgə́ tɔ́gə́də́ gətóó róbó.

EJEKIEL 34:25

M-ā m-ə́hɔ madə̄ naā kem sɔl̄ kə ɓūtə̄ yá̰a̰ kul̄ yāḿ gēé ō, m-ā m̄-rāā kadə̄ dā̰ kə́ do̰ gə̄ a gətóon̄ kɔ̄ɔ́ kem ɓēé ō. Loo ń noō tə́ dā̰ yāḿ gə̄ a ran̄ dəla loo tə́ kanjə̄ sōl̄ yá̰á̰ kógə̄ḿ ō, nin̄ a ɓīīn̄ kə̄ kem túpə́ kámbə gə̄ tə́ ō.

MATIYE 14:13

Dan ń Jeju oō najə̄ ní anī, ɔtə al̄ kem toó yā kaw̄ loo kə́ ɓē gətóo tū tə́ tə́. Banī kósə de gə̄ oōn̄, adə̄ teēn̄ ɓē yādə́ gə̄ tə́ ba aw̄n̄ gōn tə́ kə njadə́. Nin̄-njə̄rān̄ i kə gō kadə bāá.

Najə̄ kə́ Majə yā Jeju ń Luk ndang ní 9:11

Kósə de gə̄ gerə̄n̄ gōdə́ adə̄ aw̄n̄ gōdə́ tə́. Ni-əhɔdə́ kə̄ rɔ̄n tə́ majə. Ɔr̄ najə̄ kə́ dɔ Ɓē ko̰o̰ yā Nə́ɓā tə́ sedə́ ō, rāā adə̄ rɔ̄ ngé mo̰y gə̄ ń gḛyn̄ i kadə̄ yā rāā sedə́ ní ngáā ō.

Najə̄ kə́ Majə yā Jeju ń Luk ndang ní 9:13

Banī ni-tél ədadə́ na: Sḭḭ̄ kɔ́ gə̄ ādīdə́ yá̰a̰ ādə̄ əsan̄. Anī nin̄-tél ədanən̄ na: Mápa yājí i mí beē ngóy ō, kānjə̄ yājí i jōó beē ngóy ō, ní ī-gḛy i kadə̄ j-aw̄ jə-mang yá̰a̰ kəsa tām̄ yā kósə de gə̄ ń toō tə́ a?

PILIPƏ 1:19

Tɔdɔ̄ m̄-ger̄ kadə̄ yá̰á̰ ń noō a teē i kajə tām̄ yāḿ tə́ kə ta kūl̄ ndɔ̄ȳ yāsí ō, kə ta kūl̄ rāā ń Ndíĺ Jeju Kərist a rāā kə deē ní ō.