Najə̄ kə́ Majə yā Jeju ń Luk ndang ní 8:6 - Bibəl ta Sar̄

⁶ Kum kōō kə́rēý gə̄ tə́sōn̄ i dɔ ngonjə̄ tə́. Dan ń əɓan̄ anī tutən̄ kɔ̄ɔ́, tɔdɔ̄ man̄ gətóo loo ní tə́.

Bible sar

⁶ Kum kōō kə́rēý gə̄ tə́sōn̄ i dɔ ngonjə̄ tə́. Dan ń əɓan̄ anī tutən̄ kɔ̄ɔ́, tɔdɔ̄ man̄ gətóo loo ní tə́.

Najə̄ kə́ Majə yā Jeju ń Luk ndang ní 8:6 Referans Kwoze

Najə̄ kə́ Majə yā Jeju ń Luk ndang ní 8:13

Ngé gə̄ ń tə́sōn̄ dɔ ngonjə̄ tə́ ní, i ngé gə̄ ń oōn̄ najə̄ yā Nə́ɓā anī taān̄ kə rɔ̄nelēé banī əya̰n̄ najə̄ ní adə̄ əla ngəran kemdə́ tə́ aĺ ní. Nin̄-taān̄ kem i kum mbang kə́ sḛ́ý beē tə́ ngóy. Ba dan ń nge gól̄ loo gə̄ nāādə́ anī, lōōn̄ gír taā kem najə̄ ní tə́ kɔ̄ɔ́.

HEBƏRO 3:15

Tɔdɔ̄ ədan̄ na: Ɓōólaā ré ōōī ndū Nə́ɓā anī, ī-lōōī rāā dɔ ngan̄g tītə̄ kə́ ndɔ̄ kəsō wōn̄g tə́.

AMOS 6:12

Sə́nda gə̄ a a̰ȳn̄ ngɔ̄də̄ dɔ mbal̄ gə̄ tə́ a? Deē a ndɔr̄ dɔ mbal̄ gə̄ kə mangá a? Sḭḭ̄ ī-rāāī adə̄ yá̰á̰ kə́ súmūú tél yá̰á̰ kə́ yḛl deē ō, yá̰á̰ kə́ gōtə́ téĺ yá̰á̰ kə́ atə̄ kárárá ō. I tām̄ rí tə́?

EJEKIEL 36:26

M-ā m-ādə̄sí ngarā̰ kem kə́ kijə ō, m-ā m-ə́la ndíĺ kə́ kijə kemsí tə́ ō. M-ā m-ɔ̄r̄ ngarā̰ kem kə́ ngan̄g tītə̄ mbal̄ kemsí tə́ kɔ̄ɔ́ ba m-ā m-ādə̄sí kem kə́ ndigə yá̰á̰ ń Nə́ɓā gḛy ní.

JEREMI 5:3

Kɔ́ɔ̄ɓē, ā ī-ngóō i ra dɔ ndū tə́ yādə́ yā ka̰ā̰ kə kumií aĺ a? Ḭ̄ ə́ndádə́, banī tōr̄də́ aĺ bátə́. Ḭ̄ ī-tɔ̄l̄də́ ngá̰ý, banī nin̄ mbātə́n̄ ger̄ kum. Dɔdə́ ngan̄g tɔȳ mbal̄ ō, mbātə́n̄ tél reē rɔ̄í tə́ ō.

EJEKIEL 11:19

M-ādə̄sí dan wur kə́ kijə, m-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ ndigə yá̰á̰ ń Nə́ɓā gḛy ní.

Najə̄ kə́ Majə yā Jeju ń Luk ndang ní 8:5

Nge ndɔr̄ kógə̄ḿ teē aw̄ kənda kōō tə́. Dan ń ra a ənda kōō ní anī kum kōō kə́rēý gə̄ tə́sōn̄ kadə róbə́ tə́. Anī de gə̄ tə́ɓān̄ njadə́ tə́ ō, yel̄ kə́ dɔɔ́ gə̄ əsan̄ kɔ̄ɔ́ ō.

Najə̄ kə́ Majə yā Jeju ń Luk ndang ní 8:7

Kə́rēý gə̄ tə́sōn̄ i dan kōn̄ gə̄ tə́, ba kōn̄ gə̄ əɓan̄ naā tə́ sedə́ adə̄ taān̄ dɔdə́ kɔ̄ɔ́.