Najə̄ kə́ Majə yā Jeju ń Luk ndang ní 8:44 - Bibəl ta Sar̄

⁴⁴ Dəyá̰ ní reē gidə Jeju tə́ ngɔr ba ɔdə ta kūbə̄ yān, anī mósə́ ń a teē rɔ̄n tə́ ní dəba kə̄ ta jī tə́ noō.

Bible sar

⁴⁴ Dəyá̰ ní reē gidə Jeju tə́ ngɔr ba ɔdə ta kūbə̄ yān, anī mósə́ ń a teē rɔ̄n tə́ ní dəba kə̄ ta jī tə́ noō.

Najə̄ kə́ Majə yā Jeju ń Luk ndang ní 8:44 Referans Kwoze

NDŪ NAJƏ̄ 22:12

Kūbə̄ ń ā ə̄nī dɔí tə́ ní, ā ī-tə́nā kəro kəlā gə̄ dām̄ kílən kə́ sɔ́ gə̄ tə́.

KƏLA RĀĀ 19:12

Adə̄ de gə̄ unən̄ ta kūbə̄ kɔl̄ rɔ̄ yān, aláa kūbə̄ yān kə́ rang aw̄ ɔdən̄neé rɔ̄ ngé mo̰y gə̄ anī mo̰y əya̰də́ ō, ndíĺ kə́ majaĺ gə̄ teēn̄ kemdə́ tə́ kɔ̄ɔ́ ō.

JA̰A̰ 5:13

Ba nge ń Jeju rāā adə̄ rɔ̄n ngáā ní ger̄ deē nəkɔ́ ń rāā adə̄ rɔ̄n ngáā ní alé, tɔdɔ̄ kósə de gə̄ i ngá̰ý loo ní tə́, adə̄ Jeju sində̄ dandə́ tə́ kɔ̄ɔ́.

Najə̄ kə́ Majə yā Jeju ń Luk ndang ní 13:13

Ni-əndā jīn dɔn tə́. Anī kə̄ ta jī tə́ noō dəyá̰ ní ɔr̄ tan dɔɔ́ ba ɔsə gɔn Nə́ɓā.

Najə̄ kə́ Majə yā Jeju ń Luk ndang ní 7:38

Ni-reē ra gidə Jeju tə́ kə̄ nja tə́. Dəyá̰ ní ra i kə nōó kumən tə́, adə̄ man̄ kumən nɔ̄l̄ gidə nja Jeju. Gō tə́ anī ɔl̄ gidə nja Jeju ní kə nənga dɔneé ō, əhɔ njan ní kə̄ rɔ̄n tə́ ba rāā ítər tū tə́ ō.

MARK 6:56

Loo malang ń ni-ugə tū tə́ ní, ká i kem ngán ɓē gə̄ tə́, aké i kem ɓē bo gə̄ tə́, aké i kem ɓē ndɔr̄ gə̄ tə́ gə̄gē anī, de gə̄ ɓōkə́n̄ ngé mo̰y gə̄ ndágə looó, ba rāānən̄ ɓɔ́ kadə̄ əya̰də́ kadə̄ ɔdən̄ ta kūbə̄ yān ngóy. Ba de gə̄ malang ń ɔdən̄ ní rɔ̄də́ ngáā.

MATIYE 20:34

Kum Jeju o̰o̰n sedə́ adə̄ ni ɔdə kumdə́ kə jīneé. Anī kumdə́ a̰a̰ loo kə̄ ta jī gə̄ tə́ beē ō, nin̄-unən̄ gōn ō.

MATIYE 8:3

Jeju əla jīn ɔdənneé ba ədan na: m̄-ndigə, ādə̄ rɔ̄í i kə́ unjə̄ njáý njáý! Kə̄ ta jī tə́ beē bānjə̄ ur̄ rɔ̄n tə́ kɔ̄ɔ́.

Teē Ngán Israel gə̄ 15:26

Ni-ədadə́ na ré oōn̄ tan ni Kɔ́ɔ̄ɓē Nə́ɓā yādə́ rɔ̄kum, adə̄ rāān̄ yá̰á̰ ń n-a̰a̰ kadə̄ i yá̰á̰ kə́ gōtə́ ní ō, əndān̄ mbīdə́ oōn̄neé yá̰a̰ gə̄ ń ndang kadə̄ yā rāā ní ō, rāān̄ yá̰a̰ malang ń ndū najə̄ yān gə̄ ədan̄ ní ō anī, mo̰y kə́ dáńg dáńg gə̄ ń n-adə̄ rāā de kə́ Ejiptə gə̄ ní na a rāādə́ nin̄ alé, tɔdɔ̄ ni na i Kɔ́ɔ̄ɓē nge kajədə́ dɔ mo̰y tə́.

KƏLA RĀĀ 5:15

De gə̄ reēn̄ kə ngé mo̰y gēé ɓōkə́n̄də́ kum róbə kɔsə gə̄ tə́. Tə́nīn̄də́ i kem tə̄rá gə̄ tə́ ō, kem waá gə̄ tə́ ō, kadə̄ ré Piyer kə mān̄ anī, kadə̄ ndílən ngóy aw̄ dɔ nge kə́ kógə̄ḿ tə́ dandə́ tə́.

MATIYE 9:20

Ɓá anī dəyá̰ kógə̄ḿ kə́ mósə́ téēn ba dan gān̄g aĺ rāā ɓāl̄ kutə gidə i jōó dɔn tə́, ngḛy gidən tə́ ba ɔdə ta kūbə̄ yān,

Najə̄ kə́ Majə yā Jeju ń Luk ndang ní 8:43

Anī dəyá̰ kógə̄ḿ kə́ mósə téēn dan gān̄g aĺ ɓāl̄ kutə gidə i jōó i noó. Yá̰a̰ kənge yān udə gír doktór gə̄ tə́ malang ō, nge kógə̄ḿ sḛ́ý kə́ asə rāā seneé gətóo ō.

Najə̄ kə́ Majə yā Jeju ń Luk ndang ní 8:45

Jeju dəje na ké i náā n ɔdə rɔ̄n wa. Anī de gə̄ malang nējə̄n̄ kɔ̄ɔ́. Loo ń noō tə́ Piyer əda na: Ngoljí, kósə de gə̄ asən̄ naā beé dɔí tə́, a mbə́rēnī kə̄ yóō kə̄ laā anī ə́da na ké i náā n ɔdə rɔ̄í ní wa a?